內地買家50億向蔡志明洽購九龍城廣場勢染紅
1 :
GS(14)@2017-06-10 13:24:51■九龍城廣場獲內地買家洽購至尾聲，作價逾50億元。 王子俊攝
【本報訊】中資搶地，商場也成內地客囊中物。「玩具大王」蔡志明2008年買入的九龍城廣場（KCP）獲內地買家洽購至尾聲，作價逾50億元，若成功沽出，九年賺逾35億元，亦屬今年最大宗單一成交物業。新買家有意購入後經營超市。記者：陳家雄
蔡志明上月以約19.6億元購入澳洲悉尼交易中心全幢商廈，又以2.3億元買入本港元朗凹頭一幅地皮後，但就將2008年僅以近15億元買入的九龍城廣場出售。
■蔡志明
新買家在內地經營超市
蔡志明接受訪問表示，透過朋友介紹，一名內地買家有意購入這個廣場。他稱：「有位朋友喺大陸做超市，有一日同佢喺九龍城廣場食飯，佢話賣（九龍城廣場）畀佢，我話咁都好喎！」遂邀請他委聘測量師行估價，結果商場估值約50億元。「賣出機會好大，因為佢好想買，我又諗住，如果朋友要，都好啦！我都搞咗十年八年。」他續稱：「佢（準買家）喺國內好多超市，專做超市嘅，以前喺中山同佢食過飯，現時等佢落定。（接近成功？）差唔多，我哋香港好多物業，賣一嚿都唔怕啦！呢個價錢，我覺得合理，佢都好，以目前租金計，有3厘左右回報，應該下個禮拜就會搞掂。」被問新買家是否本港或內地上市公司？他回應：「唔知，淨係成日叫佢肥佬！佢除咗做超市，仲有地產，又起樓，佢間超市都搞到好鬼大。佢話會做得更好，會喺國內有好多特別產品攞出來賣。啟德地皮都投到超過1.3萬元，現時商場呎價1萬蚊都唔使。」
蔡志明持貨9年賺35億
九龍城廣場總樓面約64萬方呎，若以50億元計，呎價近8,000元，蔡志明持貨九年，料勁賺35億元。根據商場網站，現有租戶包括莎莎、喜運佳、豐澤及多間食肆連鎖店，料每月收租超過1,200萬元。對於本港多項物業均染紅，蔡志明認為，中資希望在國外插旗，尤其是香港，方便對外經商，「好想喺香港買番座嘢喺度做大本營！」他補充，若商場成功沽出，套現後，初步未有計劃，但會繼續投資。九龍城廣場由百利保於1989年以2.86億元投得，2004年由大摩連同百利保廣場以約20億元一併購入，曾先後斥資逾兩億元翻新，期間曾向城規會申請重建為3幢住宅大廈，提供396個單位，惟物業設高限，且遭地區人士反對，重建住宅計劃無疾而終。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170609/20049694