【私樓控必睇．1】新界東北「隱世秘境」臨海公屋走丹麥風
1 :
GS(14)@2017-05-14 10:44:53如果閣下終日尋尋覓覓，尋找隱世IG拉絲打卡秘景，蘋果財經幫到你！是日介紹位於新界東北、深圳河以南的「隱世公屋」－－沙頭角禁區迎海樓。前臨180度無敵海景，沙頭角海壯麗景色一覽無遺，粉色油漆的外牆，油出一陣充滿少女味的丹麥小屋風格，你沒有看錯，的確，迎海樓是一座房協公屋。當市區樓怪則、屏風、1梯34伙橫行無忌之時；迎海樓安然地望著海，施施然劃成140個單位，樓高5層，極低密度。當市區業主為間百多呎劏房單位，捱生捱死做樓奴時；迎海樓的租戶，最細單位都有220呎，大單位約360呎。沒有「極邪惡」發水窗台，租戶仍然活得鬆動。沙頭角區民沈先生，原本租住位於香港保存最完整的民初建築群，有「民初街」之稱的新樓街單位。月租雖只需約2000元，但稱得上「民初街」，樓齡都有百年歷史。由入紙上樓至今，共花了15年時間的等待，終於抽到迎海樓大單位，「開心呀，要裝修到好靚，油油油咗十幾次。最少都十幾萬啦，好多自己做。」覺得自己幸運嗎？「好多人都好好彩，我係其中一個。」旁人看來，沈先生的確非常幸運，幸運在當距迎海樓3分鐘腳程的新盤「尚澄」，呎價逾萬元，最貴更達16212元時；沈先生的單位，享同一個海景景緻，月租只要1988至3253元，假設住30年，租金不用120萬元。不過，要做幸運的公屋居民，首先，你要是沙頭角禁區居民；即是首先，要願意住山旯旮沙頭角；然後又首先，你接受到出入市區最少一小時車程；首先再首先，你又要接受一系列限制……想知更多，且看下一則新聞。旁白：黎少凡、倪敏慧記者：倪敏慧攝影：馮鋒、陳家文編導、剪接：陳家文
來源:
http://hk.apple.nextmedia.com/financeestate/art/20170514/20020952
【私樓控必睇．2】走入沙頭角禁地！居民：呢度天怒人怨
1 :
GS(14)@2017-05-14 10:44:54「嗌交嗌到拍枱拍凳，同啲幫辦嗌。」「好似我哋讀書學過一句說話，朝令夕改」。於禁區經營茶餐廳的黃先生，他家族幾代人，都以沙頭角禁區為家，提到「禁區紙」問題，他談得激動。他表示，沙頭角禁區，沒錯是景色怡人，環境一流，但一張「禁區紙」卻為生活增添不少麻煩。他指，警方不時更改「禁區條例」，以「居民住戶證」可擔保禁區訪客數目為例，就時有改變，「我試過咁樣俾幫辦問，點解你啲朋友要入嚟沙頭角，我唔識答佢啊，點解呀？因為我啲朋友要上嚟探我囉！」他表示，「你試吓喺上水禁區紙辦事處嗰度坐兩、三日，一定大把Argue。」他反問，「我哋禁區居民，都係香港人，點解對我哋限制越來越多。」自從2012年起，港府分三階段開放禁區，禁區範圍越縮越細，只剩沙頭角村、沙頭角墟及鄰近的中英街一帶，令禁區內店舖生意越來越差，黃先生慨嘆，「依家生意，唔係話賺錢，三幾千蚊生意維持得到嘅，當係生活一部分。我原本兩間舖頭嘅，做做吓依家做剩一間。」被問到有否考慮過買入新盤尚澄，他表示本來考慮買，但開價太貴，「供唔到，依家講緊嘅係200幾萬買200幾呎喎，係一個唔正常嘅單位喎。」他又指，尚澄每呎樓面地價只是1,104元，但開價逾萬元一呎實在不合理。生於斯、長於斯，黃先生繼續留在沙頭角，是因為這裡始終是他的家，「呢度簡單，人情味重啲，來來去去都係呢一班人，好似你哋嚟到我哋都好開心架，有多幾個人望下，開心架。」被問到會否建議區外人搬入，他表示，「退休啦，環境係好架。」旁白：黎少凡、倪敏慧記者：倪敏慧攝影：馮鋒、陳家文編導、剪接：陳家文
來源:
http://hk.apple.nextmedia.com/financeestate/art/20170514/20020953
Next Page