學友感冒不敢嗌歌
1 :
GS(14)@2015-02-10 01:08:05
張學友昨晚現身台灣出席「第10屆KKBOX數位風雲榜」頒獎禮，香港目前流感嚴重，原來學友都中招，他在台上用充滿鼻音的聲音說：「香港流感很厲害，原本連能不能來都不知道。原本要唱《我醒著做夢》，但擔心喊破喉嚨所以臨時改唱另一首《時間有淚》。」學友昨晚堅持抱病演出，更加碼清唱江蕙經典台語歌《家後》，他受訪時說：「已感冒兩周，吃了兩次抗生素都沒效，身體太爛，真得需要休息一下。」蔡依林成為「年度十大風雲歌手」八連霸，跟同台的莫文蔚、A-Lin、梁文音和丁噹等較量。
■蔡依林昨晚在KKBOX頒獎禮上蟬聯年度十大風雲歌手。
至於跟楊丞琳傳緋聞的內地歌手李榮浩，不避嫌選唱楊丞琳的金曲《曖昧》，問是否隔空傳情？他解釋：「從出道以來，詢問度最高的三位歌手，我希望在舞台上唱給大家聽。」撰文：皓騫
來源:
http://hk.apple.nextmedia.com/entertainment/art/20150209/19034327
【我主場】儍女不再嗌歌陳慧嫻50淡然
1 :
GS(14)@2015-11-23 14:19:15唱片難做，新歌新碟銷量冇保證，入行三十二年的陳慧嫻都要向現實低頭，推出HiFi碟配合市場需要，重新演繹自己的經典金曲。眼看唱片業由高山走到低谷，慧嫻明白現在只有兩種人買唱片，一批是死忠粉絲，一批是HiFi發燒友，現年50歲的慧嫻日前接受本報專訪時慨嘆：「去到我呢種年紀歌手，變咗都要顧及市場，面對現實問題！」撰文：余燕儀
繼去年推出翻唱別人的歌之大碟《By Heart》後，陳慧嫻今次就重新演繹自己的十首金曲推出《Evolve》，日前她在中環接受本報專訪時說：「今次呢隻HiFi碟係翻唱自己嘅歌，重新編曲以唔同方法演繹，唱自己嘅歌更加難。上次我同監製葉廣權係第一次做HiFi碟，大家都係新丁摸索，之後佢幫盧冠廷做嘅HiFi碟好成功，我聽過好鍾意呢隻碟，更加有信心。」
慨嘆冇人買唱片
面對唱片步入夕陽工業，HiFi碟比新碟更有市場，慧嫻慨嘆：「而家只有兩批人買唱片，一批係死忠粉絲，去到我哋呢種年紀歌手，同我哋一齊長大聽歌嘅人，佢哋已經唔會買碟，忙於生活忙於湊仔；另一批係HiFi發燒友，變咗都要顧及市場，今時今日唱片公司冇乜錢賺，因為真係冇乜人買唱片，我哋做歌手都要明白，要面對呢個現實問題。」
■陳慧嫻在八、九十年代唱過多首經典金曲，其中《儍女》早前被李逸朗愁唱而翻hit。資料圖片
■陳慧嫻自嘲冇胸，她認為平平坦坦演繹件衫先靚。
雖然向現實低頭，但慧嫻都有個人堅持：「但我哋唔可能吓吓出發燒碟，今次我肯出，編曲同唱法一定要同以前唔同，覺得首歌有變化先做，唱自己歌嘅難度比唱人哋歌難，因為自己歌唱咗咁多年，再去突破自己係難嘅，所以同監製講編曲一定要畀我新感覺，令我重新愛上呢首歌，我先會識得去唱。」問再唱《儍女》有甚麼新感覺？她說：「唔係以前咁好歇斯底里、好慘喺度嗌晒，今次係好淡然去處理呢段逝去感情，配合番而家年紀同心態唱慘情歌，因為而家嘅我就算有乜事，都唔會大喊大叫。」
■去年陳慧嫻在紅館開了紀念出道三十周年的個唱。資料圖片
讚欣宜唱得跳得
十首歌哪首給她最大感覺？慧嫻說：「《歸來吧》，呢隻同原裝最唔同，用山歌方法嗌到我儍，有啲妖有啲神秘。」不是鄧紫棋（G.E.M.）式的嗌法？她說：「唔係嗰啲，係薩頂頂嗰啲，我覺得G.E.M.嘅唱法冇嘢吖，佢啲歌係咁唱，老實講，歌唱比賽點表現唱功先，一定要大肺好嗌得，人哋先覺得你有功力，淡然唱法喺歌唱比賽可能好蝕底。」問到認為後輩歌手誰唱得好？慧嫻說：「鄭欣宜，我幾鍾意佢，覺得佢好努力，好有音樂細胞，跳舞又跳得好，佢咁嘅size，每個動作都好出，所以我覺得佢真係得。」慧嫻羨慕現在的欣宜不減肥，但她自己仍要為瘦身努力：「冇辦法，我呢個年紀，如果我肥真係會變咗師奶，細路女仲係肥可以接受，得意嘛，我而家肥，人哋唔會講我得意，我屬於要瘦先至靚，睇起上嚟個樣young啲。」減肥是否很辛苦？慧嫻說：「如果辛苦，呢個世界好多嘢辛苦，藝人企上台要好睇，我惟有一定要瘦，希望最好97磅，我好恨手臂瘦可以着冇袖衫，好在肥極有胸骨，着deep V有着數，有鎖骨睇落會瘦，因為我冇胸，事業線好多人有，胸骨睇到唔係人人有，有胸着衫唔係咁好睇，平平坦坦演繹件衫先靚，我唔鍾意大胸大籮。」化妝：Marsha Ma of Kong Chung Ping Makeup School髮型：Tim Lee of Hair Culture服裝：Margarin Fingers of D-mop
來源:
http://hk.apple.nextmedia.com/entertainment/art/20151121/19381514