📖 ZKIZ Archives

劉玉翠曾暗戀黃日華

1 : GS(14)@2014-12-24 02:04:52





港視以紀錄片形式製作的《飄》原定有二十集，但播出四集後前晚突然停播，由劉玉翠、黃冠斌和古天祥擔任主持的《爆Talk》頂上，有網友投訴沒有事先通知。港視發言人鄭靜雯昨日在電話中否認收視差：「《飄》帶觀眾走訪阿富汗等地方，性質較沉重，希望喺聖誕、新年呢啲開心日子，畀多啲歡樂大家。」前晚被封「火爆華」的黃日華做《爆Talk》首集嘉賓，自爆當年紅得快，被幕後假戲真做拍打片；劉玉翠又暗戀他，阿翠更拿出當年由華哥親自摺的心形銀紙，華哥笑言：「好彩當年冇揀你。」哄堂大笑。而預告片其中一集是元華做嘉賓，他爆料說﹕「洪金寶份人比較大方，成龍就吝嗇啲。」採訪：嵐山





來源: http://hk.apple.nextmedia.com/entertainment/art/20141223/18977990
PermaLink: https://articles.zkiz.com/?id=286864

劉玉翠轉戰內地搵人仔

1 : GS(14)@2015-05-10 23:43:53

劉玉翠、狄易達等昨日到樂富出席港台舉辦的「2015年選民登記運動」，劉玉翠表示會親身投票，履行巿民義務權益。約滿港視後，笑言做西貢師奶，又簽了內地經理人搵人仔。狄易達則有盡公民責任做選民，他預告母親節會給媽媽驚喜，令人揣測是帶女友吳亞馨見家長，他說：「冇呀，只係好多朋友話我而女仔叻，我會喺食飯時會同爸爸一齊氹媽咪開心。」採訪、攝影：卓寶花





來源: http://hk.apple.nextmedia.com/entertainment/art/20150510/19142026
PermaLink: https://articles.zkiz.com/?id=290244

劉玉翠諗過轉行

1 : GS(14)@2015-05-14 08:20:59

劉玉翠昨日在大埔接受陳圖安主持的節目訪問，二人相識25年，陳圖安指玉翠多年來，無論健康，事業都屹立不倒，值得一讚，玉翠即眼淺，忍不住落淚。玉翠表示以前在無綫有穩定收入，但自己想有突破，才決意離開，她說：「好彩自己好慳儉，所以冇乜壓力，不過期間都有諗過轉行，但又諗唔到做乜嘢。」一向很少提感情事的劉玉翠，表示圈外男友做藝術工作，二人拍拖多年，她說：「佢而家北上發展，大家會就時間見面，好多朋友都想我有個歸宿，但唔會喇，開心就得，結咗婚唔代表唔會嗌交，我又唔在意名份，後生我諗過生12個仔女㖭，而家唔好玩喇。」採訪、攝影：溫敏芝





來源: http://hk.apple.nextmedia.com/entertainment/art/20150513/19145122
PermaLink: https://articles.zkiz.com/?id=290292

劉玉翠再經歷生死課題

1 : GS(14)@2016-11-18 17:56:39

曾獲香港電影金像獎最佳女配角的劉玉翠，最近與今屆金像獎最佳電影《十年》其中一個單元《冬蟬》的導演黃飛鵬，合作拍攝以腦退化為題材的微電影《蚪尾》。故事講述飾演雪兒的劉玉翠要照顧患有腦退化症的母親長達8年，張崇德飾演醫生，在雪兒母親臨終急救前，為她作最終抉擇，阿翠說：「我同崇德喺2001年去過北京拍旅遊特輯，15年後再合作，佢本身係基督徒，又係神學博士，人品好，醫生角色好啱佢。」劇中阿翠要面對生死課題，當然少不了爆喊場面，阿翠說：「我都經歷過類似情況，當時有親人病危時需要選擇係咪繼續急救，當時嘅我完全唔識處理，感到無能為力，而家知道可選『預設臨終照顧計劃』，畀病人抉擇。」撰文：嵐山




來源: http://hk.apple.nextmedia.com/entertainment/art/20161118/19837128
PermaLink: https://articles.zkiz.com/?id=316139

劉玉翠認命再做鳳姐

1 : GS(14)@2017-01-18 08:04:30

劉玉翠和杜琪峯昨日在中環出席「第十一屆鮮浪潮國際短片節」記者會，鮮浪潮發起人杜琪峯宣佈鮮浪潮成為慈善團體獨立運作。劉玉翠透露最近與新導演合作拍戲：「覺得劇本吸引，我演一個冇咗左手掌嘅一樓一鳳，做番老本行，真係要認命，對手係個傷殘男士。同新導演合作，同以往嘅交貨模式好唔同，令我有反思，發掘自己潛能，感覺好似變咗個新人咁。」劉玉翠自言並非全力支持低成本製作，之前便推了一個血腥斬人的劇本，但遇到好劇本可以收專業價：「演員喺香港唔好pay，但我又犯賤，遇到好劇本會想試，過程滿足感大於金錢。」採訪、攝影：卓寶花




來源: http://hk.apple.nextmedia.com/entertainment/art/20170117/19898941
PermaLink: https://articles.zkiz.com/?id=322950

「阿珂」梁小冰捧劉玉翠場廿年前《鹿鼎記》絕密照曝光

1 : GS(14)@2017-02-06 07:28:02

陳少霞98年喺陳小春主演嗰套大台劇《鹿鼎記》演「雙兒」，呢一班韋小寶老婆仔老友鬼鬼，月前佢哋相約敍舊，日前「建寧公主」劉玉翠仲為朱咪咪紅館個唱擔任表演嘉賓，而陳少霞都有約埋「阿珂」梁小冰同「神龍教教主夫人」馮曉文捧場，小冰就將啲相放上facebook，三個人完騷後仲入後台搵阿翠大合照同送花，認真老友。小冰前日透過WhatsApp回應《蘋果》，話之前一晚由秘道入場，小冰仲俾咗幾張《鹿鼎記》嘅相《蘋果》，佢仲喺短訊話：「《鹿鼎記》20年前絕秘照片第一次大公開，那是1997年11月拍攝的40集金庸小說改編電視劇。當年大家20出頭，未埋位的時候就打架！轉個頭又攬頭攬頸親親熱熱，友情就係由打打鬧鬧培育番嚟嘅。唔信？有圖為證！」呢班姊妹有幾情深，小冰繼續話：「你睇『建寧公主』劉玉翠真係刁蠻任性㗎！『阿珂』都欺負！『蘇荃』馮曉文真係好美艷，而『方怡』徐濠縈就成日織長長的冷頸巾俾……」雖然小冰唔講落去，但都應該估到係當年同阿徐拍緊拖嘅陳奕迅啦。




來源: http://hk.apple.nextmedia.com/entertainment/art/20170206/19919512
PermaLink: https://articles.zkiz.com/?id=325660
Next Page
ZKIZ Archives @ 2019