ZKIZ Archives


紀勤賣廣告叫散戶去股東會 李華華

2010-05-11 AD





 

滙控(005) 行政總裁紀勤噚日破天荒喺本地3份中文報章同兩份西報,署名刊登咗大半版廣告(左下圖),唔係,係致香港股東嘅公開信至真,內容除咗自詡首季業績誇啦啦, 當然唔會忘記喺舊年世紀供股一役,本港股民締造98%供股率嘅無量功德。

 

紀勤又話,今年2月「香港亦成為了我的家」,滙控 從來無忘本,集團嘅成就同實力與股東息息相關,尤其香港乃滙控成長嘅搖籃。感動完後,紀勤轉入直路,特別鼓勵佔全體滙控股東三分一嘅香港股東出席本屆股東 大會,就各項議案投票,咁紀勤何解發動呢個「普選」呢?

今年滙控股東會喺本月28日倫敦舉行,可以肯定,董事袍金呢一樣嘢,勢必成為唔少英 國小股東狙擊嘅議題,特別係世紀金融海嘯後,全球監管機構對銀行高層花紅啄到實,形勢咁凶險,難怪紀勤要賣廣告喇!

李華華
 



PermaLink: https://articles.zkiz.com/?id=15562

獅王換帥洩風聲件事好「陰毒」紀勤:有人製造事端 李華華


2010-9-29  AD 
 
 

 

滙豐控股(005)噚日照舊一連兩日喺上海召開董事會,雖然話選主席單嘢已經塵埃落定,但管理層換班引起嘅種種是非,傳媒都仲密切跟進緊,尤其係「誰是洩密者」,而紀勤做唔成真正「獅王」兼劈炮唔撈有咩感受,大家仲想知囉!

紀勤嘅心情睇落幾平靜,仲好大方咁同記者講佢唔知邊個係洩密者,但就加重語氣話:「有董事已經解釋得好清楚,呢件事係好陰毒(diabolical)嘅、係有人製造事端」。

換 句話講,紀勤覺得係俾人砌生豬肉、擺咗上台,咁點算好呢?紀勤話,對付呢啲傳言嘅最好做法,係「由得佢、置之不理」……俾人踩到咁盡、被迫遞信都可以一笑 置之,紀勤又唔似坊間講到咁火爆喎!咁o衣家董事會係咪要抽出內奸呀?紀勤話:「點樣做由主席葛霖決定,我唔係主持董事會嘅。」佢仲話:「我做行政總裁好 過做主席。」所以佢唔會因為無得做主席而失望喎!聽落似乎吃不到的葡萄,真係幾酸囉!

艾爾敦狠批董事會口疏

不過,紀勤應該都搵到點點慰藉嘅,事關滙控亞太區主席艾爾敦(David Eldon)都忍唔住喺網址撰文撐佢!老艾話,紀勤係強悍、粗豪,以完成工作為己任嘅強人,對於佢最終要喺咁嘅場景下離場感到難過,仲狠批滙控o依家嘅董事會口疏!

對於曾為大熱嘅約翰.桑頓,老艾似乎無咩好感,佢話除咗桑頓,外面仲有大量「中國通」,可以替代佢嘅位置云云……咁到底紀勤點解會輸嘅呢?

李華華

[email protected]

PermaLink: https://articles.zkiz.com/?id=18337

Next Page

ZKIZ Archives @ 2019