|
||||||
|
香港年輕一代成日投訴話無能力置業，的確，o依家樓價唔係普通人能夠負擔得嚟。不過，唔講大家可能唔知，原來連證監會主席方正都唔係一出嚟做嘢就有能力買樓。 公 務同私務同樣繁忙嘅方正，噚日得閒同一班傳媒午宴聚會，華華同佢傾開香港樓價極高嘅問題，方正就分享佢首次置業嘅事。家底甚豐厚嘅佢話，自己當年喺外國返 嚟，都要做幾年嘢，儲咗嚿錢先至喺30歲過後買人生第一層樓，屈指一算，已經係七幾年嘅事，location係薄扶林，但方正已經唔記得當年呎價係幾多， 只係話個單位都係得幾百呎，之後先細屋換大屋喎。 撞正近日「財政預算」熱，華華順帶問吓佢點使6000蚊，跑慣江湖嘅佢睇嚟早有準備，並冇「失守」講漏口，只係答o依家連錢點派都未公佈，所以答唔到華華佢會唔會要錢，更何況打算點樣用呢。 |
||||||