老樓日記：好難撲熄高樓價團火
1 :
GS(14)@2012-08-17 10:32:28http://www.sharpdaily.hk/article ... 9%E5%9C%98%E7%81%AB
樓價勢如破竹，連同高價賣地，觸動了政府高層神經，連特首梁振英也發聲指短期出招抑壓樓價。
其實上任以來，樓價問題不是呢一刻發生，最大轉捩點乃CY未諮詢房委會，便推出首批5000個白表免補價買居屋的時候，迫出市場需求，連帶私樓也連番破頂。
解鈴還需繫鈴人，CY呢一次真係惹到一身蟻，當特首不可以單方面只講不做，又沒有評估後果，難怪山頂大屋僭建風波搞到自己誠信破產。
佢呢一刻即使後知後覺都好難做得幾多嘢，首先是買家已經覺得呢個政府難以解決樓市泡沫問題；第二是現成土地難救熄這團熱火，估計即使再收緊銀行按揭，或再增加短期炒賣額外稅項，樓價抗藥性發揮，作用唔大。
早排已經有房委會成員提出為白表設立禁售期，繼而再有人發表置安心計劃成效低於夾屋，向政府建議重新興建夾屋，將青衣置安心單位變作出售單位等等，反映特區政府那種無遠見及就地取材的政治手段。港人捱貴樓的事實好難改變，正如引述足球著名評述員所講，「一係買、一係唔買。」
劉兆昌