【先達收風】Samsung Gear S3水貨殺到 膠帶版frontier平開$2,880
1 :
GS(14)@2016-12-09 00:04:18Samsung Gear S3智能手錶到貨！老實講，一直對Gear S系列冇乜好感，因為設計太前衞，冇乜手錶感覺，不過今次Gear S3真心感覺幾靚，而且功能亦見齊全。
未買錶先睇規格，1.3吋（360 x360）彩色顯示屏，而且仲使用Corning Gorilla Glass SR+特硬錶面，處理器行Exynos7270（雙核心1.0GHz），有768MB RAM配4GB ROM；操作感覺是爽利的，不過最重要係錶身設計外形，有點介乎運動型手錶及潛水錶之間，好多手錶玩家都讚今次設計，係歷代最平衡及討好的款色！大家最關心當然是價位問題，今次Gear S3分別有兩個不同版本，分別為使用黑色錶身配膠錶帶的Gear S3 frontier，及銀色錶肉配黑色皮帶的Gear S3 classic，兩者行貨價錢同為$3,398。韓國水貨哪邊都在行貨推出後，同步到貨，價錢會平上一點，只需$2,880，兩者差價為$518！不過暫知水貨只返了膠錶帶版的Gear S3 frontier，聞說原因為皮錶帶被一眾行家不大看好，說香港天氣熱，唔太多人喜歡皮帶款色云云；而且今次Gear S3 frontier的黑色錶帶亦做得特厚，所以質感唔錯，仲帶一點高格調潛水錶感覺，所以被一眾水貨舖看高一線。
Gear S3功能都幾全面，配合它的潛水錶造型，錶身還配置有IP68抗水、防塵功能，能於水深1.5米下使用長達30分鐘；其它功能還包括內置揚聲器接聽電話、接收即時訊息、手錶短訊回覆、內置GPS記錄運動足跡、氣壓與高度計、實時心率監測、健康數據追蹤、日程提示及藍牙播放音樂等。由於錶身受體積所限，只裝得下380mAh電池，不過配合Samsung的慳電配置，每次叉電可以用上3至4天，唔似一般智能手錶，日日要為叉電而煩惱；另外手錶內還有一個低電量模式（Power off Watch），會在電量少於百分之五時自動啟動，能供用家用多10小時，這亦是個頗貼心的設計。查詢：三禾電氣（旺角亞皆老街83號先達廣場1樓F33）記者：朱崇德
水貨只返了膠錶帶版的Gear S3 frontier，錢為$2,880。
跟錶會有無線叉電座一個，只要接上一般microUSB線就可以叉電。
原封包裝內，有兩條長短不同的原廠錶帶，方便配合大家不同的手腕粗度。
錶身具的IP68抗水、防塵功能，配合類似潛水錶的造形的確相當合襯。
錶底有心跳感測器，方便接收用家的健康數據資料。
來源:
http://hk.apple.nextmedia.com/su ... t/20161208/19858305
【三星踩入Baselworld】陀錶設計Gear S3概念智能手錶 齋睇無得賣
1 :
GS(14)@2017-03-25 10:35:01雖然唔知點解Samsung會參加現正在瑞士舉行的鐘錶界盛事Baselworld2017，不過既然要參加，就無理由兩手空空，所以Samsung都好識做地展出3款由著名瑞士鐘錶設計師Yvan Arpa操刀，並以旗下智能手錶Gear S3為藍本的概念智能手錶，無論款式、用料同工藝都正過原版Gear S3好多。除了有用上瑞士錶芯以及採用新外形及新錶框設計的兩款概念版本外，最搶鏡應是以陀錶設計的Gear S3概念版，糅合了傳統鐘錶的優雅及現今智能手錶的科技。不過話明是概念產品，以上幾款Gear S3概念智能手錶並不會公開發售，而且大家亦唔好追問陀錶設計點樣可以測量到心跳資料等實際應用問題，但至少講到畀大家知：智能手錶仍有好多可能性，只爭在你買唔買得起。
文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
這款概念版中跟原版Gear S3外觀大致相同，但採用了瑞士機芯，感覺即時高級得多。
採用了新設計錶框設計的概念版Gear S3，應是最有機會實物化的一款。
來源:
http://hk.apple.nextmedia.com/su ... t/20170325/19969127