ZKIZ Archives


中環在線 兩會期間上演fashion show女電王日日名牌衫 李華華

2008-03-09  AppleDaily






 

正所謂「女為悅己者容」,試問又有邊個女人唔貪靚?一向打扮入時,身兼全國政協婦聯界別委員嘅中國女電王、中國電力(2380)董事長李小琳應該都唔例外,華華見佢每次出席公開場合都會悉心打扮,點只衣着光鮮,直頭一身珠光寶氣,輕易成為全場焦點。

據聞李小琳每次出席活動前都有專人負責幫佢執形象。

LV圍巾今季春夏貨

華華噚日同兩位做名店嘅朋友傾開偈,佢哋同華華講,李小琳3月3號喺北京出席兩會政協開幕時,頸上圍住嗰條粉紅色Louis Vuitton圍巾,係08年尾推出嘅春夏款式,條圍巾出咗粉紅色同黑色,價值2850元。o依家只係得番粉紅色,有買趁手!

仲有,佢3月5日着嘅淡綠色收腰外套,上面有幾朵山茶花胸針裝飾,同一向以山茶花作靈感嘅Chanel相似,名店朋友講,齋睇相唔可以百分百肯定件外套係咪Chanel嘅出品。

胸針貴過打工仔月薪

不過名店朋友話,佢哋朵絹面胸針可以單買,唔少客買嚟自己襯衫,每個大約2000元左右,視乎款色同大小而定。如果一件衫有3、4個胸針,咪差唔多內地打工仔幾個月嘅月薪?李華華LiWaWa@AppleDaily.com