ZKIZ Archives


變身男女chok chok chok江毅

2011-8-11  NM




據說,男人扮女人便會很搞笑,愈 爛笪笪愈唔似愈好。遺忘世間有樣東西叫藝術。江毅,可能是最後一個專業地雌雄同體的演員。一扇在手,紙扇師爺之扭計、葵扇大妗姐之八卦、羽扇諸葛亮之睿 智、孔雀扇貂蟬之風華絕代,一氣呵成。唯獨團扇,「太少女,扮不來了。」他說。手弄生綃白團扇,扇手一時似玉。—— 蘇東坡《賀新郎》攝影師慨嘆,江毅叔的十指竟比幾期前《豪語錄》拍過的吳彥祖更滑溜。「今年十月便八十啦。」男花旦遲暮,比真女人倍傷感,一邊把玩着化妝 小姐帶來的胭脂。「似就係嘅咩?」原名鄧兆怡的他始終拒絕「出櫃」:「依家開通啲啫,畢竟實無好結果。」同志後輩們失傳的,還有矜持。Billy

老戲骨復出,全賴《竊聽風雲2》。電影恍如《大時代》,當年江毅演陳萬年,在辦公室被捕執包袱一句:「交易所所有嘢都係我創辦嘅!執乜鬼?」影射哪條大鱷 呼之欲出。股票戲怎少得他?因為他就是。「六十年代我在會德豐旗下投資公司做,專炒美國股,兩台機器由大東電報局專人操作,成個account department最年輕我,就叫Billy仔吧,Billy the Kid。」記者想起黎智英初出道叫Jimmy。「六三年堅尼地總統(通譯甘迺迪)遇刺,孖展客冚家ling~~」發個ling音條脷曉震,他解釋:「粗口 唔出得街嘛,乜得你咁笨實——再說有個神父都輸到眼光光,見唔對路,上司又受刺激中風,那時我已很迷業餘話劇,不用開夜一收工便到澳門清平戲院演出。股票 咁危險,不如全職當演員。」人生無常,來到今次《竊聽風雲2》,年初四去寶福紀念館,未收劇本,先路過驚見胡楓的大相掛於其中一間靈堂,江毅說:「乜阿修 (胡楓原名胡繼修)咩咗?他與我同年,他一月我十月呀。」身旁的曾江茫然說:「原來你大我三歲……」後來才弄清楚首場拍拜祭戲。「演戲真好,如果生離死別 也是做完便算,多好。」

大票友

江毅成名作叫《花旦英》,卻未正式學過粵劇,世家子弟,自有老倌給你偷師。「二伯父是戲迷——家陣話天水圍南生圍,那時我家在中山就自己有一個圍,收租收 到手軟。拍《京華春夢》,王天林說江毅抽鴉片最似,梗係!我啲叔伯全部食,自細見慣。」抗戰避亂澳門,看大戲更多了,葡萄牙屬中立國,日軍沒染指,伶人都 躲到那處。江毅見識過紅線女如何由三幫花旦捱起,在美國樓飲咖啡目擊芳艷芬好友廣州總探長李彥良遭仇家槍殺……「任劍輝長霸平安戲院,除非她休息,第個無 得演,因為她先生是黃蘇,黃蘇好霸道。點解我知?因為黃蘇元配的女兒是我培正學校同學。有個鑼鼓師傅叫江湛——我藝名也為紀念他——那時鑼鼓好大權,有個 後來海中無魚蝦自大號稱名旦的,次次鑼鼓停了碎步還未完,師傅嬲起嚟,竹棍一扔,丟了聲就走人,你話個花旦幾渣,其人尚在生,死了告訴你。「我年紀大,看 戲早,記性好又直腸直肚,好多人多得我唔少。」記者想起江毅演過的柯鎮惡曰:古往今來的人物,有的流芳百世,有的遺臭萬年,豈能塞得了世人悠悠之口?—— 金庸《神鵰俠侶》

遙遠的她

那年頭二世祖,又變憤世嫉俗的,通常經歷過家道中落。「現在中山步行街,一列鋪是我鄧家嘅!市政府要拿出民國時的土地證,清朝光緒張契仲喺度呀!你們不是 推翻國民黨嗎?怎麼又要它的文件?駁到個官員無聲出——咁梗係攞唔番笪地啦……」在鄉下,江毅有個盧家大小姐,自幼竹門對竹門訂下婚約,共產黨清算,全家 鬥死。「老豆一早帶我們走難,事後聽堂伯娘說,連後花園都剷起,以為埋藏黃金。根本錢在錢莊,已被凍結,只掘出一把左輪,本來用以傍身的。」來到香港,無 錢成家。「識個女仔,她媽媽質問我:『戲行出得幾多個謝賢?』轉頭又話搵到個女婿有車的,原來揸噸半貨車,個女嫁咗都去大大公司做售貨員。」他也賣過國 貨,幼承庭訓識得分煙台繡、玻璃紗,咁又點。記者想起江毅演過的阿Q曰:我們先前比你闊的多啦!—— 魯迅《阿Q正傳》「最陰功有個,拍拖時就奇怪:點解撞一撞硬係唔散瘀的?到港中醫院一驗,血癌,無咗嘞。她父母說,她家姐未結婚,不如……我接受唔到,黐 線!」

莫痴心

是否由此轉了性不得而知,「反正全香港入咗你數啦江毅叔?」我問。「難道以前的男花旦冚棒冷都係?點解戲班中以男花旦武功最強?防身呀!梅蘭芳都領過嘢, 啲軍閥要你妝也不卸便陪消夜,無兩三下散手怎自保?那套《佛山贊先生》我演梁二娣,梁二娣正是詠春祖師。」追問:「聽說陳百強和張國榮好尊重你?」江毅 說:「他們梗係尊重我,我話你哋好自為之。你又要叻過我,我又要叻過你,佛學來說,地獄裡面叫修羅界,很痛苦的。兩個不咬弦,鬥得好犀利。「Danny十 九歲我就識佢,因為他爸爸愛唱粵曲,有隊私人樂隊。Leslie出咗名啦,我話:『我唔會同你哋玩到癲,依家開通啲啫, 始終香港人未接受, 你又夠膽公開。』「即使異性戀,離異離婚也分分鐘;而男仔個心最野,結果好難o架。Leslie走到加拿大最隱蔽地方個私竇都俾人摷出嚟,有眼睇,千祈唔 好痴心,放感情落去實死。」記者想起江毅演過的東方不敗——應該算武功最強的同志——曰:倘若我生為女兒身,那就好了。—— 金庸《笑傲江湖》

花旦是我

如果一味扮女人,江毅的藝術不值得大書特書。七二年加入無綫,他演過阿Q、《逼上梁山》的宋江、《龍虎豹》(別心邪)律師何守信是龍、記者石修是虎、小販 江毅是豹,七十年代版《怒火街頭》。那個百花齊放good old day,性格演員也能擔正。往後,江毅自嘲愈撈愈霉,到九五年,拍枱走的——「江毅你唔夠show喎?」「你無嘢俾我做,實唔夠o架。」「唓你去得邊?」 於是攞長期服務金,計七四年正式入職。「咁都扣我兩年,一年只俾多一個月吧。」江毅珍藏一張劇照,《戲班小子》,他全副武裝穆桂英,劉德華站身後扮士兵。 「華仔求我曬一張給他,我死不肯說:『花旦是我,你係兵啫。』」

讓 雀 仔 飛

絳紗弟子音塵絕,鸞鏡佳人舊會稀。今日致身歌舞地,木棉花暖鷓鴣飛。——李商隱《李衞公》江毅視如子弟後輩的Danny和Leslie都不在了,老去知音 較昔日難。據說,獨養鸚鵡千萬莫照鏡,否則牠想起自己是失群孤鳥會憂鬱而死。臨老去蒲吧嗎?「那裡沒有真感情。」張國榮豈不說過是無腳雀仔?江毅家住天 后,養有七鳥,閒時關上門窗,會飛來飛去邀憐繞肩,或者一天,應該讓牠們更自由。


PermaLink: https://articles.zkiz.com/?id=26970

哈七單手彈琴孖二哥扮阿媽Chok甫

1 : GS(14)@2016-07-14 08:09:50

英國萬人迷碧咸(David Beckham)嘅寶貝千金哈七(Harper Seven)日前慶祝5歲生日,仲輪流錫爸爸媽媽,令父母個心甜到漏。越嚟越少女味濃嘅哈七最近同二哥Romeo一齊整古做怪,穿上粉紅色裙嘅哈七坐喺部鋼琴前單手彈琴,而Romeo就坐喺琴頂上扮唱歌,呢個畫面擺明係扮阿媽Victoria早前上載嘅Instagram照片,相當鬼馬!





來源: http://hk.apple.nextmedia.com/entertainment/art/20160714/19693739
PermaLink: https://articles.zkiz.com/?id=303692

樓價勁Chok準買家嘆錯失入市機會

1 : GS(14)@2016-08-13 14:55:59

【拆 局】過去一年樓民坐上了一部極速過山車,樓市快速反彈來不及判斷,樓價便重拾升軌,如天水圍嘉湖山莊五個月便反彈了逾兩成,網民更指原本6月心儀的新界樓盤,目前樓價貴了數十萬元,自嘆錯失了一次入市機會。這位網民在討論區留言,指留意到新界一個屋苑單位當時賣約360萬元左右,諗住等多樓市跌多啲才入市,但樓市反彈後,卻發現同類型單位已回升至400萬至420萬元,並指自己下次會學精一點,到價就買。部份網民回應指「跌嗰時你又唔買」!「公屋難上樓、私樓難上車」。面對樓市極短時間止跌回升,主因市場消除了兩個陰影和一個刺激。美國加息幅度放緩令樓價壓力同樣紓緩;另一個陰影便是英國脫歐公投後資金外流,而亞太區便是其中一個受惠地區,香港政府穩定和物業有價,促使脫歐對香港陰霾暫時解除;另外一個刺激是歐日續加強印銀錢,令買磚頭文化再次抬頭。這種正面因素促使羊群心理再次發酵,由細價樓開始先起步,其實細價樓購買力一直存在,只因過份擔心經濟前景,龐大購買力隱藏,見勢色不對便釋放出來。記者:劉兆昌




來源: http://hk.apple.nextmedia.com/financeestate/art/20160813/19734503
PermaLink: https://articles.zkiz.com/?id=305607

【今日笑一笑】驚都未驚過狗狗chok住遊單車河

1 : GS(14)@2016-11-16 05:47:10

原來不只人喜歡坐車兜風,連狗狗也非常享受「遊車河」。影片中的哥基犬坐在單車籃內,和主人一起遊單車河。沒想到牠一點也不害怕,似乎還想主人踩快一點。牠還面向前方,迎著風「chok」樣,非常招積。
Facebook




來源: http://hk.apple.nextmedia.com/international/art/20161116/19835816
PermaLink: https://articles.zkiz.com/?id=315806

Model海邊chok甫士一個大浪係咁先

1 : GS(14)@2016-11-25 07:36:39

不少女孩都想當模特兒,不過要吃這行飯也不容易。澳洲一位模特兒在海邊搔首弄姿擺甫士,怎料一個大浪突然捲襲,她走避不及,全身濕透,十分狼狽。多德(Kaitlen Dodd)近日在一個模特兒比賽勝出,她與團隊在海邊拍攝,性感撩人。突然一個大浪捲來,令她全身濕透,蓬鬆的髮型亦扁塌下來。影片字幕亦顯示「時裝界不如外人以為多姿多彩」。片段由澳洲全國原住民電視台(National Indigenous Television)上載facebook;有網民說笑:「永不要背向海洋。」英國《每日郵報》




來源: http://hk.apple.nextmedia.com/international/art/20161125/19845319
PermaLink: https://articles.zkiz.com/?id=316953

【馮仁昭四圍超】京都景點 JM Chok拖男友

1 : GS(14)@2017-06-10 12:22:58

■JM同男友喺外地少咗戒心,喺伏見稻荷大社手拖手拍拖。讀者提供圖片





【爆相爆片】文詠珊(Janice Man)上月中受到時裝品牌LV邀請去日本京都睇時裝騷,完騷後佢都有貼相上社交平台,原來JM此行寓工作於娛樂,仲唔係單人赴會,本報讀者蘇小姐就透過《蘋果》爆相爆片,喺時裝騷前兩日,目擊JM同有米男友吳啟楠(Carl Wu)去咗當地著名景點伏見稻荷大社,JM身穿白tee襯牛仔褸同緊身牛仔褲,而Carl就着紅色polo tee襯牛仔褲,一對戀人輕裝去拍拖。相中所見,JM揸住手機幫男友影相,而佢亦有扮chok甫士畀男友影,蘇小姐回憶當時情況:「當時大約係日本時間5點幾,初初見到個女仔好熟面口,望真啲原來係Janice Man同佢男友。JM心情好好咁,不停咁自拍又周圍影相,有同男友拖手,好開心、好sweet咁,見到佢嘅時候,JM都差唔多離開喇!」



■JM同Carl並肩而行,佢仲邊行邊用手機Selfie。讀者提供圖片

■JM畢竟係?模出身,擺出擰轉膊Chok甫士畀男友影相。讀者提供圖片


「順便當休息」

馮仁昭就搵過JM,問佢係咪放假同男友去旅行,佢話今次去京都係做嘢,睇LV時裝騷:「因為之前都喺內地做嘢,男友趁假期飛去日本玩幾日,最近都要拍戲,要做到大概年底,所以今次工作嚟到京都,我哋順便當休息一下。」撰文:馮仁昭




來源: http://hk.apple.nextmedia.com/entertainment/art/20170605/20044508
PermaLink: https://articles.zkiz.com/?id=334599

【唔使Chok】杜汶澤秘製豬扒飯 音音姐大讚︰最好食!

1 : GS(14)@2017-07-02 14:52:27

最近他在飲食節目《杜汶澤食住上》中教煮餸,還一邊煮一邊爆金句。



「這真是我吃過所有焗豬排飯中,最好吃的豬排!」連音音姐都大讚的豬扒飯,原來是出自阿澤之手。想不到杜汶澤Sell豬排飯和做豬排飯一樣掂,最近他在飲食節目《杜汶澤食住上》中教煮餸,還一邊煮一邊爆金句。前幾集做過慢煮牛肋骨和蘿蔔糕都難不到他,最新一集就做他的招牌焗豬排飯,剁豬排、炒飯都有板有眼,連網民都讚他的手勢純熟流暢,又不花巧,跟謝霆鋒的華而不實正正相反。快睇片學嘢喇!



每集都會邀請不同嘉賓上來試試他的手勢。

奇妙電視《杜汶澤食住上》-焗豬扒飯播出日期:2017年6月24日(星期六)播出時間:晚上9時正播映頻道:奇妙電視粵語頻道77台記者:黎婉婷2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170702/20075689
PermaLink: https://articles.zkiz.com/?id=337721

Next Page

ZKIZ Archives @ 2019