2009-06-29 AppleDaily
| ||||||
| 今 日起接力招股嘅浙江民營天然氣發電商琥珀能源（090），聽落好似冇乜名堂，但大股東原來係38歲嘅內地企業家魯偉鼎，佢係民生人壽嘅副董事長，兼浙商銀 行監事會主席，金融界經驗豐富，喺04年揼錢創立琥珀，但從未參與實際營運，呢項私人投資全靠總裁柴偉打理。魯總咁有米，皆因佢係內地超級民企萬向集團董 事長，08年家族財富超過185億人民幣，喺「胡潤百富榜」排名14。 內地o依家流行嘅「山寨文化」，魯總阿爸魯冠球肯定係老行尊，事關佢69年喺杭州小 鎮寧圍成立萬向集團，將一間生產農業機械嘅小作坊，改成製造汽車零件嘅大廠房，以「錢潮牌」起朵，後期仲成為美國通用汽車配件嘅中國首家供應商。家陣萬向 擴充到房地產同金融服務，喺深圳亦有上市，認真威威。 | ||||||