ZKIZ Archives


Suki囡囡搞淑女生日會

1 : GS(14)@2016-03-15 15:10:05

徐淑敏(Suki)和黃浩的長女黃心瑤(Vianna)今日6歲生日,前日在大埔家中舉行了派對,以英式下午茶為主題,Suki將壽星女打扮成小淑女,並邀請好朋友來high tea,Suki除細心佈置餐桌外,還給每位受邀請的小女孩準備了特色帽子,讓她們戴上嘆下午茶,Suki更化身禮儀導師,教小朋友餐桌禮儀。Vianna契媽沈卓盈、宋熙年和未婚夫陳智燊等都有到賀。
Suki表示為了Vianna的生日,籌備了近一個月,她昨日在電話中說:「我訂蛋糕、茶點、帽子同餐具,派對前一小時,我親手set枱,同Vianna扮靚,佢之前同妹妹講過,話派對要做最靚嗰個,叫妹妹唔好搶佢鏡,好好笑。」採訪:陳杰





來源: http://hk.apple.nextmedia.com/entertainment/art/20160315/19529475
PermaLink: https://articles.zkiz.com/?id=297958

Suki細女蚊赧滿腳

1 : GS(14)@2016-05-08 14:54:05

香港近日天氣潮濕令蚊患滋生,黃浩和林盛斌(Bob)同是三女之父,兩位爹哋昨日不約而同在facebook大呻囡囡身體慘成餵蚊大餐!





家住大埔豪宅的黃浩昨於facebook勞氣留言:「食環署無能!全家被蚊蟲咬,小朋友真慘,我仲被咬到要入醫院。」他昨在電話中續說:「蚊患係同食環署有關,我投訴佢哋又冇跟進,老婆Suki(徐淑敏)咬到手腳都痕,全家中晒招。」家住加多利山的Bob就指三女在戶外嬉戲時也被咬,Bob老婆擅長自然療法,並調製精油給囡囡止癢。採訪:劉敏





來源: http://hk.apple.nextmedia.com/entertainment/art/20160508/19602411
PermaLink: https://articles.zkiz.com/?id=300090

Suki宋熙年鬥水着

1 : GS(14)@2016-06-06 02:54:38

■Suki背着老公晒三點式。


人妻徐淑敏(Suki)和即將當人妻的宋熙年結伴到越南峴港度假,人妻大解放,狂影三點式寫真,前晚不約而同在社交網貼出水着相。Suki昨凌晨貼相到facebook後留言:「Eat, sleep, spa」老公黃浩即回覆:「嘩,示威呀?」昔日的咪神上圍有縮水之嫌,她昨在電話中說:「個身形係選美弗啲,面形係而家弗啲。」


■宋熙年希望在海灘舉行婚前單身派對。


至於宋熙年在當地變身美人魚,以三點式放閃,宋熙年受訪時說:「大家睇到張靚相,係角度問題,我之前太瘦,呢排增咗磅,仲跟咗導師做gym,一星期一次。」她表示希望年底可以舉行婚前最後一個陽光與海灘單身派對,更歡迎閨蜜報名。採訪:陳杰





來源: http://hk.apple.nextmedia.com/entertainment/art/20160603/19638656
PermaLink: https://articles.zkiz.com/?id=301789

【樓盤我至靚】Gfable索模Suki同灣仔尚翹峰襯到絕

1 : GS(14)@2016-07-17 16:00:11

模特兒:Suki模特兒公司:M Square身高:168厘米拍攝地點:灣仔尚翹峰





來源: http://hk.apple.nextmedia.com/financeestate/art/20160717/19698555
PermaLink: https://articles.zkiz.com/?id=304024

沈卓盈遊日本孖人妻Suki扮Twins

1 : GS(14)@2016-08-13 14:59:41

沈卓盈(沈大師)之前俾《蘋果》發現同四眼男食雪條,跟住就俾周刊報道話兩人喺紅磡同居,佢前日回覆《蘋果》就例牌否認,不過就開綠燈,話遇啱都想組織家庭,做個賢妻良母。雖然沈大師唔認同居,不過就一定係同徐淑敏同遊日本!日前沈大師喺Instagram貼咗張同徐淑敏喺機艙自拍相,之後仲一齊貼超勁人氣嘅CREMIA雪糕相。玩咗兩日睇嚟佢兩個未玩夠,前日佢哋去過竹林,昨日就繼續漫遊日本,沈大師啱啱更新Instagram,貼咗張兩人側面照,仲以Twins嘅飲歌《風箏與風》留言,唔通佢哋覺得自己似Twins?




來源: http://hk.apple.nextmedia.com/entertainment/art/20160813/19734425
PermaLink: https://articles.zkiz.com/?id=305671

Suki陪宋熙年辦嫁妝

1 : GS(14)@2016-08-14 14:29:25

今年12月將與陳智燊拉埋天窗的宋熙年(右),昨日下午與老友徐淑敏(Suki)到銅鑼灣濕平,未知此行是否辦嫁妝。
Suki和宋熙年先到名店Chanel揀耳環,徐淑敏不時照鏡左拼右拼之餘,更為宋熙年幫眼,拼上好友身上研究一番。惟其後二人發現記者影相,雖然都有揮手,但其後轉到另一門口離開。之後二人到另一店舖睇手袋,再次見到記者時都有揮手打招呼,心情不錯。




來源: http://hk.apple.nextmedia.com/entertainment/art/20160814/19735259
PermaLink: https://articles.zkiz.com/?id=305806

【馮仁昭四圍超】Suki千萬轉讓自家品牌

1 : GS(14)@2016-09-29 08:05:59

靚靚人妻徐淑敏(Suki),四年前獲老公黃浩(Kenny)打本300多萬元做自家護膚品牌SÈVE生意,生意早已上晒軌道,但SÈVE噚日喺facebook宣佈業務轉讓:「SÈVE即將邁向新一頁,要與各位暫別了。SÈVE正式宣佈獲亞洲一化妝品集團收購,將於2016年10月1日遷址至新加坡。香港業務將會全面暫停。」SÈVE老闆Suki轉貼品牌轉讓通知,據知Suki今次以八位數字高價賣出,四年賬面賺咗八倍。撰文:馮仁昭




來源: http://hk.apple.nextmedia.com/entertainment/art/20160929/19784768
PermaLink: https://articles.zkiz.com/?id=310602

Suki心郁郁日本買樓

1 : GS(14)@2016-10-19 05:49:27

徐淑敏(Suki)為了改進廚藝,最近到東京報讀法國藍帶烹飪課程,她撇下三女和老公黃浩(Kenny),當然心掛掛,Kenny日前帶岳母、胞姊、長女Vianna和孻女Isabella到東京探妻。
Isabella更在當地學習,日前全家三代同堂到公園旅行野餐,親親大自然。Kenny其後還帶大家到一間可以釣魚餐廳,又玩又食。Vianna先後釣到大魚和龍蝦。Suki昨日在電話中說:「今次學廚,雖然喺廚房日日好似打仗咁,但好開心放學返嚟有屋企人陪住我,大女返咗香港返學,過幾日輪到二女放假過嚟探我。」Suki非常享受這次日本學習生活,她還心思思想在當地置業。採訪:楊定




來源: http://hk.apple.nextmedia.com/entertainment/art/20161019/19805004
PermaLink: https://articles.zkiz.com/?id=312711

Hermès餐具配 Suki親手拿手菜 最豪聖誕P

1 : GS(14)@2016-12-24 10:55:33

徐淑敏(Suki)有個識食老公黃浩(Kenny),偏偏Kenny又熱愛下廚,Suki婚後一直做幸福人妻,十指不沾陽春水,不過今年9月,佢的起心肝到東京學藍帶法國菜,學藝3個月,本月中先返到港,撞正聖誕節,佢前晚就喺屋企提早開party,Suki大顯身手,一共煮咗5道菜,除咗屋企人,「沈大師」沈卓盈、陳智燊(Jason)同老婆宋熙年都有口福,搶先試到Suki嘅手勢。
Suki精心設計嘅聖誕餐,有雞肉開心果鵝肝、馬賽魚湯、龍蝦、炖牛肉同法式燉梨伴雲呢拿雪糕,佢由劏龍蝦到雪糕都親自炮製,所以佢花咗兩日時間準備,無論味道到伴碟都好有功架,甚有高級餐廳水準。Suki甚除咗好緊張食物質素,佢連餐桌布置都好有要求,佢親自擺位,仲用Hermès餐具同Swarovski水晶杯招呼賓客,非常高貴。
Suki每上一道菜,佢匆匆吃完又去廚房打點下一道菜,Kenny雖技癢,但都全晚忍手,將廚房交畀Suki,沈大師、Jason同宋熙年邊食邊讚好味道。佢哋食完仲玩交換禮物,沈大師抽到米奇老鼠餅機,佢搞笑話拎住當2017最潮手袋,宋熙年抽到潤手霜,佢話好啱用。Suki三個囡囡Vianna、Renee同Isabella就大豐收,收禮物收到手軟,佢哋即收即拆。靚仔Jason果然有異性相吸能力,Suki三個囡囡係咁黐住佢,宋熙年笑言唔怕老公畀女圍。Jason同宋熙年新婚,佢哋都鍾意小朋友,但先享受二人世界先考慮生B。問宋熙年係咪要學Suki生三個?佢話:「兩個夠晒數,三個湊唔掂。」沈大師話聖誕未有人約,派對尾聲,大家再同Kenny媽咪切蛋糕,慶祝佢日前74歲生日。
Suki話東京學藝,學咗至少150道菜,佢大把殺手鐧整畀屋企人同友人享用,佢話:「呢次我學第一次宴客,我未係好滿意,只畀自己70分啦,下次可以再好啲。」Suki同Kenny噚晚開P狂歡到凌晨,噚日佢哋一家7口,三代同堂出發去杜拜過熱辣辣聖誕,玩到跨年先返嚟。




來源: http://hk.apple.nextmedia.com/entertainment/art/20161224/19875763
PermaLink: https://articles.zkiz.com/?id=319983

Suki豪花百萬唔用腦

1 : GS(14)@2017-01-12 08:03:22

徐淑敏(Suki)自從嫁黃浩後誕下3女,過着少奶奶生活,昨日她於尖沙嘴出席烹飪學校活動,一身和服打扮現身的她大晒幸福,談到早前豪花百萬遊杜拜,她笑說:「又唔使我畀錢,我冇乜參與過程,我唔用腦,次次旅行都係老公計劃,佢好享受。」問到有沒有趁機造人?她說:「冇呀,咁多小朋友喺度,遲啲啦,17年好多學習計劃,排到年尾,18年先。」原來Suki將於4月到日本學整壽司,還計劃到其他地方完成藍帶烹飪課程,有半年時間不在港,問老公會否不捨?她說:「佢叫我去㗎!原本去個半月,我都想早啲返,佢就叫我讀多個半月,因為佢夢想去日本留學同學煮嘢食,我做咗佢想做嘅,佢成日飛嚟陪我。」採訪:羅慧敏攝影:陳慧安




來源: http://hk.apple.nextmedia.com/entertainment/art/20170111/19892735
PermaLink: https://articles.zkiz.com/?id=322180

Next Page

ZKIZ Archives @ 2019