ZKIZ Archives


Banker與我 人在中環

http://manincentral.blogspot.hk/2013/04/banker.html
早陣子因為《主場新聞》既關係,讓我跟蔡東豪先生有一次坐低食飯既機會。席間唔記得講緊乜嘢topic,提到有關ibanker既東西。我衝口而出地爆咗一句:「其實我好鬼討厭啲banker…」食完飯回到offiice,忽然諗起,蔡先生以前都好似係ibanker嚟㗎喎。oops,係咪口快快得罪咗人?

*****

酸葡萄

我對banker這一行有點不合理既偏見,這個我以前都有寫過了。當中最大既原因,可能係因為我冇能力做到。入ibank,either你老豆超級有錢,or你係精英中既精英。前者故然冇我份,但我更介意既應該係後者。我對呢一行其實從未試過提起興趣,但剛畢業既時候,膚淺既我卻對自己「冇資格」入行非常介意。一個年輕人要接受自己平庸,欣然接受自己唔係精英,其實難度是幾高的。所以今時今日每當我心裡面覺得好唔妥班banker既時候,我都懷疑,其實可能係自己心裡面既酸葡萄作祟。


Banker與我

我做卑微既小本生意,一班身光頸靚既banker跟我本來係距離十萬八千里。縱使大家同樣身處中環,但實際上係生存於兩個互不相干既世界之中。直至有一日,我那盤小本生意,引入了一個外來既投資者,banker們又忽然再出現響我既世界裡面。

當然,呢班banker服務既對象並唔係我,而係我果位新來既股東。對新股東黎講,我呢盤小本生意,係一次「有潛力」既投資。而佢身邊既呢班banker,則負責「確保」呢個投資,至低限度「有機會」合乎新股東所要求既回報。

問題嚟嘞。banker服務既對象係我果位新股東,原則上同我並冇直接既關係。但係由我負責管理既呢盤生意,卻又影響住佢地果位客人既投資回報。於是乎,banker跟我既關係就變得有點尷尬了。banker響工作上,係新股東既董事局代表。新股東同我既關係,「理論上」係生意夥伴。呢位股東營商經驗比我豐富百倍,自然明白跟「夥伴」關係不能搞得太差。股東跟我見面時總係嘻嘻哈哈,但講到利益既時候,總係需要有醜人的。那位banker,就正正成為最好既人選。


觀點與角度

也許係職責所在吧。banker對我生意上既指指點點,我其實理解的。然而一個創業既人,跟一個金融界既人,對一盤生意既分歧可以有幾大?

例如,成本控制。

對我黎講,我所投入既每一分每一毫,我認為都有其意義響度。當中既效益,並唔係單單用一個計算機能夠計算出黎。生意總有起落,有cycle。環境唔好既時候,我認為公司需要「捱」。捱得過,就能海闊天空。所以遇到逆境既時候,我認為重點係想辦法「捱過去」。banker跟我既分歧係,佢地唔認為應該捱過去,而係要「保持利潤」。假如無法開源,那就節流吧…你可以選擇減同事人工,又或者簡單啲,減同事既人數。我話咁樣會影響公司底子,長遠會好大鑊,佢地既回應係搬出一大堆數據同甚麼甚麼ratio,同我講我點樣唔夠人地efficient。好幾次,我幾乎想響meeting room裡面同佢地開拖。

又例如,所謂價值。

對一個經營者黎講,那盤生意既價值,就係佢本身所能帶俾股東既利潤。我靠呢盤生意養妻活兒,生意對我黎講,係bread and butter。banker時不時就向我要求,應該多做些甚麼甚麼業務,多跟甚麼甚麼建立甚麼甚麼聯盟諸如此類。我話:呢啲嘢,冇錢賺又唔會有咩前途㗎喎,仲要影響到同事們既日常工作…佢地話:係吖,呢個我理解。但係咁咁咁做,又可以增加盤生意既value。

「value?乜野value呀大佬?」我問。

「響下一個potential買家眼中既value。」

banker俾我既答案,我覺得係匪夷所思。一些我同佢都明白,實際上係冇value既嘢,卻又能增加公司響下一個買家眼中既value。咁即係想點?

*****

由引入新投資者那一天開始,我就明白,遊戲規則從此就會不一樣。我冇要求,投資者會有跟我對公司同一樣既感情。然而終有一日,投資者會將佢手上既股份,賣俾下一任既買家(如果檔生意仲未瓜柴既話…)。

然而呢個過程當中,banker既責任,係幫投資者「湊大」我呢盤生意。假如呢盤生意係一個小孩子,banker同我就好似一對有完全不同理念既家長一樣。當然呢對家長,對呢個小朋友既成長同期望,有住截然不同既要求。

我明白這是偏頗,但我對banker既偏見,怕且還是會不受控地延續落去。
Banker 與我 人在 中環
PermaLink: https://articles.zkiz.com/?id=55059

Banker賣菜用套票綁住師奶

2013-08-29  NM
 
 

 

套票,見於影視店、美容院又或纖體公司,用套票賣菜,記者也是第一次聽。

年屆四十的陳宏展(Arnold),在銀行打工十多年,不欲再過拼搏生活,於去年在自住的置富花園樓下商場,開設「菩提樹」賣有機零食、乾貨等,只要賺份糧他便心滿意足。怎料,開業初期,幾乎一蚊都無得賺。

他惟有發揮從前在銀行打工時學到的「創意」,度出用「套票」形式賣有機菜,一班師奶、街坊竟趨之若鶩。這一招令店鋪起死回生,更找來前下屬入股做拍檔,下月更在何文田開分店。

一星期有幾天,Arnold和新拍檔阿鏗於早上六時多便起床,親自前往新界農場取菜,以確保有機菜新鮮。前週五,狂風暴雨,駕着客貨車,由置富花園經紅隧到八鄉,Arnold笑說:「行紅隧遠啲,但朝早好快,慳番幾十蚊隧道錢!」到埗後,由於進入農場的路太窄,他們把車泊在一旁,從車尾拿出手推車和幾個大型黑色膠箱,狼狽地一個擔遮,一個推車,徒步十分鐘。Arnold依照客人訂菜款式及數目,細心揀菜,去完一個農場,又到下一個。回程時塞車,遲了半小時才到達鋪頭。Arnold把一籮籮菜放在地上,即趕緊把瓜切好,店員則負責把菜分類。下午一時,再出發往海怡半島、深灣9號、貝沙灣等,把菜送上門。三時多,他們才有空吃午餐。

現在「菩提樹」忙過打仗,但回想一前年,只賣有機食油、零食、有機糖等乾貨,Arnold投放整副心機,「有啲貨我好想賣,但唔知喺邊度搵,走咗去City'super同ThreeSixty入貨。」這樣毛利自然極低,效果又差,鋪頭有時靜得全日只有三、四個客,他說:「入咗三、四百樣貨,但有一半貨品,擺咗幾個月,客人掂都無掂過。入咁多貨都無用,都唔中客人心水﹗」開業半年,收入僅夠交租,由於在鋪頭太得閒,他經常和街坊傾偈,「有人同我講,置富呢頭好難買靚嘅有機菜,叫我賣,咁我就試吓啦。」

轉型第一步揀農莊

Arnold行勻全港大小農墟,如天星碼頭、美孚、大埔、元朗等,有時更帶同女兒、老婆同行,當親子活動,他說:「好彩自己都鍾意行山,寓工作於娛樂,如果見到啲菜款特別同靚,就會問檔主拎卡片,再直接去佢哋嘅農場睇貨。」他指,香港有機農場不少,但品質參差,「真係有心機嘅農場唔多,試過見到有人就咁用黑色膠袋裝住啲菜俾我,見到都唔想買。」經過一個月時間資料搜集,Arnold找到五個農場,包括青協有機農莊、歐羅有機農場及蔬菜統營處等,「佢哋生產量夠大,貨源穩定,大部分貨佢哋都有。」但亦會幫襯一些小型農莊,「好似一間叫錦豐嘅,佢哋種嘅瓜係最靚,買燈籠椒一定幫襯佢。」Arnold入大路菜,亦賣冷門菜,如仙人掌葉、夜香花、白茄子或羅馬生菜等,現時可訂蔬果種類約五十多種,價格每斤三十至六十元不等,毛利二至三成。由於他親自去過不少農場,發現:「好嘅菜可能只有一籮,冇咁好嘅就有好多!」於是幾辛苦都好,決定每個星期親自入鄉拎菜,「你要同啲人熟咗,佢哋先會俾啲靚嘢你。」

轉型第二步度套票

菜講求新鮮,保存期短,Arnold指賣剩就要掉。他擔心客人訂貨後,會不來取貨,「我哋唔同街市,街客唔多,你唔嚟買,未必可以賣俾另一個。」他左度右度,想到用「套票」形式賣菜,客人訂貨後,他就會把訂貨的金額從套票中扣除。客人可選擇親自前來拿貨,或由他送上門,但送貨只限南區。最初他擔心客人對套票有保留,故做定統計:「我用咗兩個月時間,問每一個入嚟鋪頭嘅熟客,如果我用套票賣菜,佢哋買唔買。」結果有二、三十人大表支持,亦成為了他的第一批客。事實上,開始送貨後,他的客源由當初只有置富花園,到現在連鄰近的豪宅貝沙灣、深灣9號等客人,都會瀏覽其網站,再打電話向他訂菜。為令客人放心,套票金額只定於一千五百及五百元,有效期六至九個月,用套票的客人可獲折扣優惠,最高八五折,他說:「雖然金額唔大,但係買菜都係一百幾十蚊,初頭都幾難說服啲客買套票,但後來愈來愈多特別嘅菜賣,客人都接受。」試過有客人搬屋,不能再幫襯他買菜,他讓客人一次過換取乾貨。一年以來,買套票的客人已增加至二百個,Arnold亦放下心頭大石說:「有時要送十幾戶,用套票仲可以慳番找贖嘅時間﹗」每星期都幫襯幾次的麥太說:「知道老闆為人正直,都唔驚佢為咗千幾蚊走咗去嘅!」她大多數訂一斤菜心、半斤青瓜或粟米等,「每次使一百蚊,一年來已買了三次套票,每次一千五百元。」

轉型第三步撰食譜教煮菜

Arnold的客源以街坊客為主,記者看見十個來客,Arnold能夠叫出名的起碼有七個。他為了令更多客人熟悉有機菜,試過自己撰寫食譜派街坊:「好似珊瑚草,俗稱海燕窩,煮之前就浸吓佢,可以煮糖水、煲湯,好易整,食法似雪耳,一樣有益,好過咁貴買燕窩。」Arnold為了跟街坊聯絡感情,亦搞過三次有機農場導賞團,他說:「我同啲街坊好friend,佢哋教我好多嘢,煮餸、養生咩都有。好似之前有個阿婆病咗,佢得自己一個人住,我都叫我老婆煲啲淮山粥拎俾佢食。」他更幫客人找有機貨品,「我真的有本簿寫低啲客想要啲咩,之後再幫佢哋搵,有次個客想搵啲有機食品俾佢隻貓食,都要幫佢搵o架,不過未搵到。」菩提樹本來無小米賣,「但個客聽過食咗可以防癌,咪幫佢買。」

何文田開分店

在銀行打滾十多年,Arnold做過貸款部,位至高級主任,負責借過幾千萬至過億貸款,亦賣過保險,但自四年前跟隨老婆信佛後,人生觀開始改變,不想再為錢過活。而且年屆四十,女兒亦已十七歲,Arnold指家庭負擔漸輕,故希望尋找第二事業,只是開始時計錯數,「諗番自己開始時咩都唔識亂咁嚟,都覺得好搞笑﹗」用了大半年時間,Arnold終於把以往的死貨,以成本價賣掉,現在乾貨只剩下好賣的品種,如因為嚴浩推介布緯食療,近年大熱的椰子油及亞麻籽油等,乾貨佔營業額超過五成,有機菜佔近五成。他覺得全靠有機菜,才令鋪頭起死回生:「有啲客幫我買菜,再買埋乾貨,鋪頭人流多咗,轉型後令總營業額上升八成。」投資開鋪的廿多萬已回本,他更找來前下屬阿鏗入股,走出金融界,在何文田開分店,齊齊返璞歸真賣菜。Arnold認為創業比打工更苦:「朝早六時起身做到夜麻麻,有時商場閂門,我仲要留低搞埋啲手尾,不過個人開心咗好多!」

開業資料(02/12)

租勯金:$44,000 ^入勯貨:$100,000裝勯修:$60,000雜勯費:$50,000總投資:$254,000^三按一上

營業資料(07/13)

營業額:$110,000入勯貨:$65,000租勯金:$11,000人勯工:$10,000雜勯費:$2,000盈勯利:$22,000

一點意見

◆有機食物店「點點綠」老闆◆黃家和1.外判送貨:用套票賣菜是好,而且套票金額合理,惟送貨太花時間及成本,開分店可考慮外判送貨。2.賣特色乾貨:食用乾貨毛利較低,可考慮賣非食用的有機產品,如洗頭水、護膚品,有特色之餘,毛利亦高。3.港島開分店:置富位置優越,選擇正確。要再開分店的話,單是香港仔仍有空間,同區開店會較易管理。

 
Banker 賣菜 菜用 套票 綁住 住師 師奶
PermaLink: https://articles.zkiz.com/?id=74527

Lunch with the FC:我是一個 Accidental Banker

1 : GS(14)@2012-01-27 23:42:24

http://www1.hk.apple.nextmedia.c ... 307&art_id=16018580
Lunch with the FC 我是 一個 Accidental Banker
PermaLink: https://articles.zkiz.com/?id=277436

Banker棄高薪 建社區資訊平台  街坊版fb 幫小店搵生意

1 : GS(14)@2014-08-16 21:12:57

http://hk.apple.nextmedia.com/financeestate/art/20140815/18832640

                                【創業Startup】
於地產霸權下,街坊小店想出頭難上加難。兩名前投行Banker,決定脫離炒賣生活,轉行為各區街坊服務,開發社交資訊平台,冀借「街坊版facebook」,展開創業之路。
記者:倪敏慧

                譚俊傑(Matthew)及黃景龍(Antony),留意到香港鄰里間昔日情懷不再,街坊小商戶要搵生意,目前仍然只靠口碑及傳單,於科網時代,香港正正欠缺社區交流網上平台。有見及此,兩年前Matthew甘心放棄德銀副總裁一職,Antony亦決意離開工作五年的摩通,齊齊「劈炮」,自己掏荷包再向其他投行朋友籌集資金,首輪投入百餘萬元,開發專為街坊而設的社交網站myflat.hk。
網站營運分兩個層面,其一是希望借提供社區資訊,吸引各屋苑居民登記;另一方面連繫各區商戶,利用平台向街坊作推廣。網站自去年12月開始運作,由其中五名老闆及聘請兩名負責電腦程式的員工組成團隊,目前只推出測試版本,暫未有收入及盈利。Antony透露,至今已有為數不少的小商戶上門提出合作,包括深水埗士多、街市檔主等。「香港租金好貴,小商戶街舖做唔住,但街坊唔知道,原來好多舖只係被逼搬上樓。」

將與九龍城小店合作

                網站將於8月中,供九龍城街坊商戶率先免費登記「商戶版」,九龍城街市多個店主亦已成合作夥伴。他表示希望借互聯網力量,為香港保留街坊小店。當網站達至一定規模後,網站會逐步商業化,並以收取廣告費用作主要收入來源。
過去香江鄰舍關係密切,與今日「連隔籬屋姓乜都唔知」的境況截然不同。Matthew強調,網站最終願景是,港人可重新建立鄰里間守望相助的精神,未來可利用myflat.hk,隨時搵到街坊幫手煮飯、湊仔、整電器等。他表示,最近他的街坊於平台上表示,快將外遊,希望有人願意暫時代為照顧盆栽,最後就由Matthew出手負責淋水。Antony認為今日工作,比過去投行工作更具意義,「呢件事係對全港市民都有意義,唔係只係好似以前做投行咁,只係幫客操盤,睇下賺幾多個『0』。」
與一般社交網站不同,用戶於myflat.hk進行登記後,只能進入住所所屬區域群組。如想加入屋苑群組,必須經地址核實程序,登記密碼會郵寄至住戶實體信箱。網站至今有約2,000名登記用戶,當中三成經過電子核實程序。                                                        
2 : GS(14)@2014-08-16 21:13:09

http://hk.apple.nextmedia.com/financeestate/art/20140815/18832642
  

【安排培訓】
香港創業氣氛漸濃,越來越多機構主動建立創業家網絡,培育香港創業家,包括科網巨企Google。
「其實香港要搵科技專才好難,好在今次Google嘅計劃,畀到機會我哋識到兩個加入我哋嘅團隊。」Matthew所指的是Google與中文大學合辦之「EYE年輕創業家計劃」,計劃旨在為香港有志創業人士,提供一連串培訓,安排交流活動。參加計劃人士將組隊「度橋」,具潛質之隊伍將獲安排導師培訓,當中最優秀的團隊,更可遠赴美國山景城Google總部觀摩學習。
由Google為myflat.hk安排之導師鄭思行,綜合自己創業經驗,為團隊提供意見,更影響團隊改變策略。他表示,自己以往見盡不少創業人士,很快就因遇上不同障礙而熱情減退,他寄語Matthew等人創業經驗寶貴,「就算將來唔得,最多咪番去打工。就算再打工,你都會比人叻,因為你試過經營一間公司,視野一定比人闊。」
3 : LHC(34894)@2014-08-16 23:07:03

good idea,但唔會起得到smiley
4 : hw(51880)@2014-08-20 13:35:37

Idea 係好, 但係純粹公益? 無一個 business model 點維皮?

Facebook 上面已經有類似既 group.  好似我住個區有個FB group, 都好多資訊架, 又會評下區內食肆, 交通, 街坊之間又八下. 區議員又可以借果道黎服務下.
5 : greatsoup38(830)@2014-08-20 16:42:29

其實我都考慮緊整一個
Banker 高薪 社區 資訊 平臺 街坊 fb 小店 生意
PermaLink: https://articles.zkiz.com/?id=285076

金管局前高層 星展香港前一姐葉約德經營基金 開心過做banker

1 : GS(14)@2014-09-16 00:26:53

■葉約德直言,創辦聚焦亞洲的精品基金公司,可尋回正能量的快樂。 李潤芳攝



【專訪】金融風暴後,國際監管氣候像鐘擺回到上世紀30年代,環球市場爆煲後全天候收緊規管,風險零容忍下,曾經是百業之母的銀行界,頭號任務變成合規避險而非營運生意。從金管局旗下外滙基金「女掌櫃」到星展(香港)一姐,四年前退下火線重投基金經理行列,夥拍表弟阮清旗創辦聚焦亞洲的精品基金公司RAYS Capital Partners,葉約德直言「現在一定開心好多」。記者:劉美儀



葉約德說基金業亦要合規監控,關鍵是現尋回正能量的快樂,「唔單係因為邊個行業、辛唔辛苦」。看到旗下資產穩步增長,成就感亦油然而生。「而家睇住自己生意,滿足感高好多」。她說,做人同職場專業道理一樣,「環境畀你positive feedback(正面回應),人靚啲,自然充滿信心」。


發掘平價高增值公司

銀行業本是經濟基石,可惜當下市場生態,「睇到仲做緊銀行嘅朋友(banker),生活真係苦悶啲……係花好多時間,確保同事唔好做錯」。雷曼倒閉,亦引發各國對傳統智慧「大即是美」的反思,金融機構「大致不能倒下」所產生的系統性風險,成為國際監管加固防險的頭號目標,歐美亞量寬緩急不同,地緣政治催化世界「立立亂」,亦令環球市場走勢分崩離析。葉約德說,不靠追蹤指數「市上跟住上」、反而重投七、八十年代Bill Miller等大師所奉行傳統價值投資法,發掘平價但被忽略的高增值公司,坐鎮亞洲又熟悉內地網絡的精品型基金公司,「可以話時勢造英雄」,造就冒起空間,「小巧是靈活」。
RAYS Capital踏入3年里程碑,擁有25年投資及對沖基金管理經驗的RAYS Capital合夥人阮清旗透露,目前公司管理的資產總值,從起步時已滾存的5億元(美元.下同)增至8億元,期內平均資產年增長率(連新投入資產)達25%。



環球基金業走向兩極化

旗下兩隻亞太(除日本以外)股票基金「AESOP」(覆蓋大中華中小企)及「AOF」(覆蓋地區性企業),2005年至今每年平均投資回報率,分別為22%及17%,AESOP年初至今更達28.84%,跑贏同期投資基準,兩基金組合投放的公司,未來12至24個月前瞻性盈利增長逾兩成,優於市場平均一成多水平。他認為,環球基金業正走向兩極化發展,一是傳統大型基金旗艦如富達等,受惠於經營規模及市場資金流通性續見優勢;另一極是RAYS Capital等區內精品型公司,以決策快及反應靈活冒起,客群以中型機構及私人家族富戶為主,新資產停留組合內時間較長(平均5至10年),基金可讓已「揀選」的平價優質公司,有空間累進增長回報。葉約德希望該公司資產管理總值未來6至12個月內增至10億元,然後按階段倍增。稍後計劃到歐美推廣,重整募集旗下定息工具基金「Acquarius」,冀兩三年內規模增至5,000萬至1億元。長遠看,精品型基金公司的「sweet spot(優化點)應在20至30億美元規模」,一過40、50億元,又重複過大欠靈活性弊端。




來源: http://hk.apple.nextmedia.com/financeestate/art/20140915/18866493
2 : GS(14)@2014-09-16 00:27:36

http://hk.apple.nextmedia.com/financeestate/art/20140915/18866495


【息率預測】



美國會否提早加息,市場憂慮時明時暗,何時加息及長息會否回升,確實主宰股樓動向。
曾任金管局助理總裁(儲備管理)九年的葉約德,有其一套「睇息」心得。
她認為眾多經濟數據中,聯儲局「最緊要係housing(樓價指數)」走勢,因為直接影響經濟命脈,「每次一話睇息上,housing即係冧」,證明美國樓市「仲未進入平穩路徑」。
上周市場受到聯儲局報告,謂美息升幅被低估影響,加息憂慮重燃。但葉約德覺得只是短暫「雜音」,短期內即使美國短息或上升,「長息上嘅機會唔大」。
猶記得去年中,聯儲局前主席伯南克突發表退市路線圖,震散市場,10年長息從5月底的1.6厘水平升穿兩厘,直撲2.5厘,市場揣測年底或今年初長息升穿3厘大關。
歐量寬 歐美債息不對稱

她又指,睇息不能單以美債息率曲線高低作唯一座標。近日歐洲減息量寬,德國10年期債息已低見1厘,歐美債息一比之下,便產生不對稱結果。
葉約德笑說,經常「醫生睇血壓」,比喻央行當下貨幣政策,高血壓(高通脹)可以對付,「落藥(加息)㩒低佢」,但「血壓低(經濟通縮)冇話乜嘢藥一定推得番高(復蘇),你點推得高通脹」?
無論美息是否明年次季提升,葉約德相信,暫時息率曲線似乎保持拉平(傳統上等於經濟放緩),但世界「立立亂」,哲學會否基因突變,亦難斷言。
3 : GS(14)@2014-09-16 00:27:45

http://hk.apple.nextmedia.com/financeestate/art/20140915/18866498


【投資策略】
受加息陰影籠罩,及滬港通即將開車等正反因素影響下,區內股市投資前景又點睇?
未來數年內地股市吸引

奉行傳統價值投資法、而非追蹤指數計算資產比例分佈的RAYS Capital合夥人阮清旗,認為亞洲市場相較美國的效率滲透,仍有差距(inefficient),內地市場更甚,故此這裏仍可發掘到被忽略的低價值高增值優質公司。
他說只要相信環球復蘇大調已啟動,市場流通性及價值保持,中國當局堅決落實經濟調控及金融改革,「我想未來數年,區內市場特別是股市表現,依然會有支持及投資吸引力」。該公司旗下兩個基金,目前投放大中華區資產佔比約五成,但本港約1,700間上市公司,東南亞約四、五千間公司,絕大部份僅得1名或以下基金公司分析員覆蓋,反映滄海遺珠,可能片地皆是。
《三中》後內地加大推進市場化改革力度,很多板塊展現巨大潛力。他透露其組合中,持有不少韓國零售公司,每年平均逾半收入來自內地旅客消費,顯示中國經濟轉型邁向輸出消費、產業鏈高端化所釋放的商機。
外界預測,內地在人口老化、城填化及中產階級崛起等發展下,十年後40至60歲居於城市人口,將從現時約1億人增至4億,相等於美國人口的兩倍,「他們不再專注買彩電,而是嚮往出國旅遊,關注醫療保健、環保清新技術」,故此保健藥業、環保技術及電動車等領域,肯定是基金經理未來尋寶的焦點。
4 : GS(14)@2014-09-16 00:28:03

http://hk.apple.nextmedia.com/financeestate/art/20140915/18866500
【保健心得】
四年前從星展(香港)退下火線的葉約德,每次見面都更加利落有神,笑容可掬。多年來在金融市場打拼,操盤「睇市」,從摩根信託(後與摩根大通合併)、金管局入市打鱷、星展(香港)到今日RAYS Capital,伊人有何保健心得?
她笑說沒有特別秘訣,但無論做甚麼崗位如何繁忙,「一定要搵時間做運動」,即使到星展後期遇上迷債風波,每周都「keep住做3、4次,每次一小時」。
九十年代,她亦曾習氣功,每次半小時至四十分鐘,但後期發現「打唔到氣功」,因為腦中雜念太多,不能安心定神,於是轉為帶戴耳機或邊看電視,「改行treadmill(跑步機)」。
她指,休息,必須放下繁瑣,讓腦袋呼吸新鮮空氣,進入澄明,不能平息思緒,就不能達致真正安寧。
金管局 高層 星展 香港 前一 一姐 姐葉 葉約 約德 經營 基金 開心 過做 banker
PermaLink: https://articles.zkiz.com/?id=285573

Banker食堂——華僑銀行錢乃驥:豉油西餐有深度大半生外資行工作 仍抱中國式思維

1 : GS(14)@2016-04-18 12:04:15

以瑞士汁食譜揚名的太平館,是富本土特色的「豉油西餐」老店,對偏愛濃油赤醬的華僑銀行集團行政總裁錢乃驥來說,「有色有味」的西餐中食,絕非山寨,反而是更具「深度」的廚藝折射。從事銀行業近40年,大半生在彼邦外資行工作,踞扒隨時多過食飯,但他認為自己「一直係一個東方人,唔係鬼佬,諗嘢思維都係中國式,心底裏面係東方」。記者:劉美儀


自2007年加盟獅城第二大行華僑銀行後,錢乃驥已淡出本港銀行界,前年藉全購永亨(現稱華僑永亨),這位星洲賓架大班才重現香江。將來退休,落葉歸根,他亦肯定情歸華人社群,不會以歐美為家。「你唔覺得中國歌曲,比外國歌深度多好多咩?聽吓《風雨同路》、《無奈》、《沉默是金》幾有深度……我可以接受成日食麵包、沙律,但出trip幾日,總會想食番啲中國飯麵」。望着枱上4款熱辣辣非一般下午茶「小食」——焗豬扒意粉、肉醬意粉、葡汁牛肉飯、切成丁方的西多士,他邊吃邊着記者:「呢個真係好好食,一定要試,呢個好香,快啲食下……」



睇好業界 現在「更濃味」

愛上太平館,他說是小時候家住尖沙嘴,作風洋化的父母帶領光顧開始,「當時嚟講,係好吸引我嘅地方」!求學至畢業後首份工作均在美國,長期食「真.西餐」的錢乃驥,絕不看扁豉油西餐,反認為肉類經中式調味醃制後烹煮,較西式煎焗後才撒上鹽或胡椒,更合口胃。轉戰華僑銀行後,每月回港總不忘「嚟中環店一次」,歎杯濃奶茶、食個意粉或牛肉飯。金融風暴後,很多人認為銀行業光環不再,做CEO更是食之無味的重擔。但一貫積極樂觀的錢乃驥,仍覺銀行業其樂無窮,「好比濃味嘅食物,以深度計現在係更濃味!今日你要理解銀行業,要更深層次去掌握」。




平衡利害 滿足感倍增

銀行要照顧的持份者,由以往「股東、客戶及員工」,多了監管機構、媒體及公眾,「3個變6個,個個都唔可以忽視,挑戰性喺大咗」。但能夠在規管約束中平衡利害又開拓業務,他覺得滿足感倍增;故他仍鼓勵年輕人加入這行業,能一覽眾山,一鳥在手勝過百鳥在林。近40年銀行家生涯,錢乃驥最難忘經歷及最大滿足感,都與香港結緣。92年美銀派他及另一主管短暫回港,放售總行收購太平洋銀行後、不欲保留的太平洋亞洲銀行業務(包括港台澳門等)。當時已委任投行展開入標程序,但他們深入研究後,發現其生意獨特,盈利可觀,買家出價1年便可賺回,於是倒轉棋局,向總行反建議保留經營,最終獲董事會同意,太平洋亞洲易名美國銀行(亞洲),他回美不成反留港擔任舵手,一留便12年。今日銀行業只講去槓桿、削人手,不拆骨放盤還要營運,誰會支持?錢乃驥認為,任何時候都有人「話銀行業無人情味」,但他堅信提出非主流意見,關鍵是本身有理有據,「人很多時失敗,係因為自己都模棱兩可,騎牆無信心,或心中有私利」。從美銀亞洲過渡建銀亞洲,再轉投華僑,他感恩職場生涯這一站,是核心價值與自己東方理念相近、紮根亞洲的機構——重視人及客戶長遠關係,而非短利。正如他偏愛西餐中食,「肉醃耐啲味道更濃更香」,吃後齒頰流芳,回味無窮!





來源: http://hk.apple.nextmedia.com/financeestate/art/20160418/19575646
Banker 食堂 華僑 銀行 錢乃 乃驥 豉油 西餐 深度 大半生 大半 外資 工作 仍抱 中國式 中國 思維
PermaLink: https://articles.zkiz.com/?id=299434

Banker捧周六福場 認錯記者係老闆

1 : GS(14)@2016-11-11 08:02:50

【明報專訊】PR主動搵記者換卡片就見得多,banker主動搵記者真係第一次見!噚日內地珠寶品牌周六福位於旺角嘅首間旗艦店正式開幕,公司請嚟影星劉嘉玲做剪綵嘉賓,吸引唔少途人湧入舖頭搵嘉玲合照,場面混亂。除咗嘉玲姐fans,噚日竟然有銀行派人嚟拜會董事長,估計都係想睇吓日後有無貸款需要咁。

見係記者即時掉頭走

可能人太多嘅關係,來自一間大馬銀行嘅banker就搵咗位職員帶佢見管理層,點知職員竟然帶咗位banker埋記者堆中,話希望同我哋交換卡片喎。

小琴瞄一瞄,見banker竟然主動搵記者「換片」,梗係拿拿臨拎卡片出嚟啦!嗰位banker好有禮,半鞠躬兼雙手奉上卡片,小琴心諗,咁有禮嘅banker真係好少見!點知佢話:「恭喜晒你哋今日開張!」哦!明晒!原來係點錯相,小琴同一班記者即刻表露身分,誰知banker哥哥竟然瞬間變臉,收番張卡片掉頭走。真係一張卡片,見盡人情冷暖。

email: piano@mingpao.com

[小琴密語]


來源: http://www.mpfinance.com/fin/dai ... 1328&issue=20161111
Banker 捧周 周六 六福 福場 認錯 記者 老闆
PermaLink: https://articles.zkiz.com/?id=314967

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019