ZKIZ Archives


緋聞情侶賀導演生日朴信惠李鍾碩 飯局糖黐豆

1 : GS(14)@2016-01-13 08:36:46

韓劇《愛上Pinocchio》男女主角李鍾碩和朴信惠,去年被傳因在劇中連環咀嘴而撻出愛火,雖然二人當時澄清只屬好友,但緋聞依然未停。近日劇組搞飯局,李鍾碩和朴信惠攞正牌見面,而且毫不避嫌地坐在一起,合拍地齊齊舉V影大合照,令二人的緋聞再次成為焦點。



■李鍾碩和朴信惠攞正牌見面,參與劇組飯局,並對鏡玩自拍。

■朴信惠早前為代言的手袋品牌拍攝新相。



金鐘國冧尹恩惠


《Pinocchio》已播完近一年,李鍾碩和朴信惠固然好感情,但原來跟台前幕後一樣有保持聯絡。昨日,於劇中飾演警員「安燦秀」的李柱勝在Instagram公開一張劇組聚首一堂的大合照,據知當日是為了慶祝導演生日。除了緋聞男女朴信惠和李鍾碩外,其他演員金英光、金光奎等也有出席,氣氛融洽。從相片可見,朴信惠興奮地拿出手機對鏡拍照,身旁的李鍾碩立即擺甫士配合,親密關係不言而喻。李柱勝留言:「哪怕是很短暫,回到了安燦秀,《Pinocchio》家人們2016年也要幸福滿滿。」此外,朴信惠向來深受廣告客戶的歡迎,昨日就有她替珠寶和手袋品牌拍攝的靚靚廣告相曝光。至於韓國綜藝節目《Running Man》成員金鐘國,近日亮相節目《Happy Together3》做嘉賓,當被問及理想型時,他竟然有別於以往的怕醜行為,親口回答是跟他傳足逾10年緋聞的尹恩惠,說:「如果外貌的話,正是尹恩惠那類型。」39歲的他又自爆對上一次拍拖已是一年前,坦言很想早日結婚。有網民大讚金鐘國是義氣仔女,知道尹恩惠因為涉嫌抄衫而形象插水,於是刻意在節目中提起她,亦有人笑言金鐘國應鼓起勇氣追求尹恩惠,不過金鐘國在節目中卻透露尹恩惠似乎已換了手機號碼。撰文:江瑚



■朴信惠跟李鍾碩去年因合作《愛上Pinocchio》而被指咀出真感情。

■金鐘國不再怕醜,在節目中直指理想型是尹恩惠。



來源: http://hk.apple.nextmedia.com/entertainment/art/20160109/19444587
緋聞 情侶 導演 生日 樸信 信惠 惠李 李鍾 鍾碩 飯局 糖黐 黐豆
PermaLink: https://articles.zkiz.com/?id=294139

一家三口糖黐豆勁溫馨張頴康父愛滿瀉嘉年華

1 : GS(14)@2016-12-31 01:06:38

「三寶」張頴康入咗行16年,今年憑住《一屋老友記》終於上位,連續喺大馬同月初嘅大台頒獎禮拎咗「飛躍進步男藝員」,喺台上除咗多謝太太支持,仲話要多謝劉德華鼓勵入行參加訓練班。趁住呢幾日凍咗,多咗冬日氣氛,張頴康前晚一家三口就去咗中環嘅友邦嘉年華,捉住聖誕嘅尾巴。張頴康同太太麥雅緻拖住兩歲幾嘅囡囡,三人齊齊着晒羽絨包到實咁現身嘉年華,期間就遇到李志剛等嘅港台DJ朋友,企喺度吹咗一陣水,之後8個人仲一齊玩攤位遊戲。廿四孝嘅張頴康陪住囡囡玩兒童機動遊戲,無論係迷你火車定小型划艇,都望到囡囡實一實,眼入面好似得番阿女咁。而每逢喺攤位遊戲贏到啲獎品,第一時間就遞俾囡囡,o氹到囡囡勁開心,拎住啲公仔周圍走。咁有父愛嘅爸爸,囡囡就梗係興奮啦,全程嗲實又要拖又要抱,而張頴康亦就晒乖女,唔係拖住囡囡就係抱起佢行,完全話到俾人聽咩叫做父愛!張頴康亦都把握機會,不時拎部相機出嚟影下囡囡。有途人見到張頴康都上前集郵,而張頴康都逐一答應,冇托手踭。




來源: http://hk.apple.nextmedia.com/entertainment/art/20161230/19881537
一家 三口 糖黐 黐豆 豆勁 溫馨 父愛 滿瀉 嘉年華 嘉年
PermaLink: https://articles.zkiz.com/?id=320680

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019