ZKIZ Archives


花王麥包 非凡致勝學

1 : GS(14)@2011-01-15 18:33:21

2011-1-8 iM

「我是個花王。」跟麥長青(麥包)做訪問,這是他說得最多的一句話。

在娛圈這個大花園裏,由《閃電傳真機》的麥偵探和怪管家、逗4,000元人工開始,曾經悉心栽花無數,當中有《茶是故鄉濃》的阿牛,也有《西遊記》的沙僧……由花開到荼靡,惟有記取花開花落,繼續埋首苦幹。

一幹23年,突然間天時、地利、人和都齊備,萬花開遍園。難忘他以《巾幗梟雄之義海豪情》的「非凡」角色奪得「最佳男配角」,他踏上頒獎台捏緊獎座振臂一呼,同僚應聲站立狂歡拍掌,震撼人心。

「花王」一角,亦可用來比喻他的公關事業。2006年麥包創辦公司做市場推廣,客人幫襯一、兩次以為自己盡得真傳,去如黃鶴。化身「商場醫生」,他先後為鰂魚涌水族廣場和旺角東京銀座包裝升值,惜每次到關鍵時刻,總是黯淡離場。問他可曾感慨,他說:「花王只需種好盆花,賣得幾錢是花主的事。」

新一年,麥包的工作多得應接不暇,今年應是豐收年吧?他笑說無論演員、公關或花王,終歸是人生,有起有跌,有得有失。所以一年之始,他沒打算恭祝大家來年會更好,而是要用經歷告誡大家,「把得失放輕,今次唔得下次再試,呢樣唔得試第二樣,唔死得人嘅!」

大家都稱讚麥包在《巾幗梟雄之義海豪情》裏演活了奸角「非凡哥」:勾人妻子、迫害忠良又做漢奸,奸得連監製李添勝、記者家中的媽媽祖母、茶餐廳裏的侍應茶客也對他臭罵。麥包終於一劇爆紅!翻查紀錄,劇集播出至今,麥包一共做了28個專訪,講述自己如何由「平凡」變成「非凡」。

今日一見,發覺麥包其實是個忠得無可再忠的人,「非凡哥」的猙獰面目,純粹是赤子「Chok樣」,最佳例子見於剛過去的聖誕新年檔期,碰巧「非凡」效應,各大商場、外埠登台和宣傳活動都向他招手,甚至他的公關公司,生意也一湧而來。今個假期要還片債,即使知道飲水思源的代價是一個月內失掉六位數字的收入,但仍甘願推掉所有副業。如此率真自毛,難怪訪問中他說自己在商場上的經歷,往往是碰釘入收場。

副業做公關幫補生計

「演戲是我的理想,由入行第一日,我就決定成世人都拍戲。」正因這股蠻勁,無論生活上遇到幾多問題,他總有自己一套解決方法。1990年,麥包加入兒童節目《閃電傳真機》,當年包薪僅4,000,不夠養家,他遂托朋友找來搬運兼職,試過上門砌傢俬、教兒童畫畫、資料撰稿員、服裝推銷,也試過包起兩幢大廈做清潔,「我做演員大部分時間,都在想怎樣可以賺多些錢來補貼自己繼續拍戲。」

跑龍套將近十年,好籌不是沒抽過,《西遊記》的沙僧和《茶是故鄉濃》的阿牛,都曾獲一致好評。以為手握種得燦爛的花,成名指日可待,誰知花無百日紅,掌聲一迅即逝。最重要是當時他要養活一家七口,可包薪仍不到一萬,哪有辦法不扭盡六壬?

他自言平日「口多兼諗頭多」,最愛替生意人朋友度蹺,恰巧一位經營老牌藥油家族生意的朋友想搞宣傳,他便自薦當公關,由最簡單的工作做起,每年搞兩場宣傳活動;到老人中心派贈品及監督海報印刷等,都搞得有板有眼。消息傳開了,圈內外陸續有不少人找他統籌推廣活動、周年晚會甚至私人派對,又有人找他印宣傳品和單張,更有不少內地品牌找他擔任產品形象顧問。「大至幾萬元做個Year Plan,小至幾千幾百元印Catalog,只要有機會,我都不會放過。」

縱然麥包對每宗生意都甚為重視,但亦坦言有些「返頭客」接不得。「有些客人光顧了幾次就以為自己乜都識做,更甚者試過拿我的計劃給其他人quote價,回頭再壓我價。」可他一點都不氣憤,又來他的花王理論:「若果老細叻,我種靚盆花佢懂得澆水施肥,盆花可以繼續靚,我絕對不介意,但若果你懶叻種到盆花半生不死才回來找我,我會狠狠說:No Way!」

商場醫生大搞「明星街」

麥包在公關界有「商場醫生」之大名,代表作有地王鄧成波在鰂魚涌的水族廣場。2006年,他與另外3位拍檔將旺角金魚街的概念引入商場,將該處打造為魚類及水族用品集散地,以大魚缸砌成特色街,又以低價引進新品種,吸引了不少愛魚之人冒名而來,連特首曾蔭權也是遊客之一。而商場經包裝後,市值由3億升至7 億,但開幕後不久,他卻因與拍檔意見不合而離場。

同年,麥包轉戰旺角砵蘭街東京銀座商場。他一方面找來了一大堆有意經營小店的娛圈朋友撑場;另一方面成功游說業主給予一年免租期,兩家一拍即合,商場的「明星街」順利誕生且成了最大賣點,單是娛樂頭條也上過幾趟。不過,情況一如以前,在麥包搞妥了明星街後,老闆突然請了個有工商管理學位的年輕才俊回來座鎮,他覺得沒趣,頭也不回揚長而去。

好蹺被嫌棄已經睇化

語畢,麥包流露出一個很淺的苦笑,像在說「甚麼也不重要了」,但他認為自己始終是贏家:「商場在未有構思如何發展之前,間間銀行都不肯貸款,但當明星街出現後,銀行就主動聯絡業主說可借錢給他繼續發展。無論你點睇,我都覺得自己贏了,而且問心無愧。」

麥包說,類似的經歷,尚有一大堆,例如他當年獲繳參加一個舊商場的重新規劃,礙於地理所限,商場的油壓升降機無法改成子彈?,他提議打通商場中庭加設短樓梯,有一個孩子戲的太子爺反駁他說:「乜依家仲有人肯行路㗎咩?」他完全不賣帳:「行街唔行路咁點呀?」算了!

又例如他曾經在商場引入一個「零死位」的經營模式,但最終因為業主不肯投資增設一體化的收銀系統而作罷,那種經營模式最後被借去發展了現時尖沙咀的DNA「潮人」商場,和同區大大小小逐漸冒起的小Mall。除了苦笑,還能怎樣?

放眼今日,該水族廣場已打回原形;東京銀座的輝煌亦已成歷史,論成敗,麥包確實沒甚麼可說。但正如他所言,人生總有起跌得失,所以倒不如退一步,向他學習那股「今次唔得下次再試,呢樣唔得試第二樣」的毅力,懷着這種打不死的香港精神,在新一年再踏征途!

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

商場變身記

Case 1 鰂魚涌水族廣場

構思:

不少愛魚之人會到旺角金魚街消費,但該處人多車多,日曬雨淋。於是麥包構思將鰂魚涌東匯廣場打造成一個「室內金魚街」,內裏60至70間小舖,集中招攬魚類及水族用品售賣商進駐,一來有集中效應,二來客人可在更舒適的環境下消費,商場後來易名為「水族廣場」。

變身:

1. 以商場名義向供應商集體訂貨,拿取較大折扣,一半回饋租戶,另一半撥入管理公司的營運基金,作為商場家期宣傳活動的使費。

2. 於商場設倉將大批貨物儲起,場內租戶即買即有。

3. 以類似方法大批購入不同魚類,讓租戶共享折扣,另方面可「買斷」部分稀有品種,讓商場租戶成為獨家零售點。

4. 自組保養團隊,為全港各大有擺放魚缸的企業機構、商場及屋苑作家期檢查、清潔及保養。以全港數十萬客源計,一組4至5人的團隊每月跟進100宗個案,扣除營運開支可淨賺5至6萬元(此預算尚未計更換零件的額外收費)。

5. 在商場內增設園藝街及寵物街,提升多元度,又設高達街吸引年輕消費群。

成效:

1.一向鍾愛錦鯉的特首曾蔭權亦點名前往參觀。

2. 商場原本市值3億,加入水族主題後,場內生意額及租金均有所上升,最高市值升過7億,業主藉商場套配投資獲利。

結果:

1.麥包在搞妥開幕典禮後,一心發展上述集體訂貨、宣傳活動及保養團隊,可惜後來與拍檔意見不合,無功離場。

2.廣場開幕後不久便打回原形,現只保留「水族廣場」的名稱,但內裏大部分店舖已跟水族無關。

...................

旺角東京銀座

構思:

將南華戲院改建為商場,細拆260多間由70至百多平方呎不等的蚊型店舖出租,以相對較便宜的租金(入場費介乎3,300至不過10,000元)出租。

變身:

1. 在商場內闢設「明星街」,吸引吳文忻、麥家琪及梁敏儀等十多位藝人進駐開店,以明星效應吸引人流。

2. 游說業主給予租戶一年免租期。

成效︰

1.商場「明星街」未開業已吸引傳媒爭相報道,數度成為娛樂版頭條。

2. 商場一樓140個單位,首日已租出七成舖位。

3. 最高峰期租戶Waiting List達60家。

4.商場發展初始估價不足,銀行不願貸款,但自首輪宣傳推出後,銀行主動聯絡業主「供水」。

結果:

1. 麥包在商場開業後4個月離場。

2.場經營數月後宣布出現財政問題,被中華電力截斷供電,商場隨即暫停運作,至今仍未有新發展。

...................

大角咀港灣豪庭

構思:

1.參考日本旅行團的經驗,在兩個景點之間設主題商場,遊客可於期間入內用膳及閒逛購物。

2. 當時內地開放自遊行,而麥包與內地遊行社又素有來往,客源不成問題。地理位置加上商場外有個可容納40架巴士的露天停車場作強大後盾,是中途站的最佳選擇。

變身:

1. 麥包有位朋友,在1997年後輸掉身家敗走內地,恰巧住處附近有座財神廟,朋友日夜許願:「若果你能讓我東山再起,我便帶你回港,讓多些人供奉。」結果,朋友衣錦還「港」,麥包靈機一觸,以故事作發展藍圖,於港灣豪庭商場內開設財神廟。

2. 在商場內興建廟宇,為本港首樁,概念夠「爆」,自然成為賣點。

3.營運概念是遊客上午遊過九龍後,中午到港灣豪庭用膳順道拜神及購買紀念品,下午遊迪士尼。

4. 場內美食廣場有10多間售賣不多國家地區食物的食肆,午餐售價最低廿多元,賣點是不需餐餐豪吃,最緊要選擇夠多。

5. 開幕時派米,新年時又打算一擲數萬元購買一萬注六合彩派給善信,寓意新年發大財。

成效:

1. 開幕時請來李香琴、方伊琪及朱咪咪擔任「神婆」嘉賓,深受遊客歡迎。

2. 向每位嘉賓贈送足金財神,成娛樂版新聞。

3. 商場租家在財神廟開幕後不斷升值,間接提升商場市值。

4. 景點深受內地遊客歡迎,並有網站及平面媒體介紹。

結果:

1. 麥包因與管理公司處事分歧,於財神廟開幕後不久離場。

2. 財神廟計劃的老闆在完成首張租約後,因租金大幅增加而決定不再續約,財神廟計劃亦因此告終。

3. 港灣豪庭昔日財神廟位置,現成了千色店。

----------------------------------

麥包:如果有一天……

1. 最睇好長者服務

問及麥包心目中有甚麼生意最想沾手,他謂本港人口持續老化,故認為未來的長者復康及支援服務應該大有可為。「若果我搞,我會先搞零售,創一個品牌或商號,引入更多先進及質素更好的長者用品,令人一要買就會想起該店。若果我更加有錢,就會毫不豫猶在新界賣塊地起老人院,要建低密度、門前有花園的那種。」

他謂,雖然現時內地的老人院「幾靚都有」,但他認為很多香港人付得起錢,寧願將父母留在香港,令彼此心裏都好過些。加上此類院舍愈來愈受到退休夫婦歡迎。

2. 念念不忘東京銀座

麥包說,離開東京銀座後,曾有業主希望他回巢收拾爛攤子,雖然最終沒成事,但他心目中早及畫定發展藍圖。「波鞋街重建是個好時機,因為我知道以前有很多人想入去做生意但入不了,東京銀座便是一個理想地方。」

「若果我搞,我就會將商場打造成體育城,波鞋波衫一定又多又齊,另外,但凡與運動有關的,就算幾冷門都可在裏面找到,例如球拍穿綫、毽子和搖搖等。這類主題商場香港總能養得起一個。」為了提高知名度,他又建議在商場外空地豎立多個體育巨星的銅像,成為旅遊景點。

3. 香港需要一個通宵場

外國很多旅遊點在酒店林立的地區總有一個24小時運作的商場,麥包認為銅鑼灣應有一個。「我諗過將謝菲道red mall改做通宵場,打通店舖做自助式商場,用中央收銀系統,到時只需請收銀和店員。」

「除了24小時商場外,如果我搞,我會將該處改成一個化粧城,引入日本、韓國及其他地區的中價品牌。同樣地,將店舖打通,將不同牌子不同貨種分門別類擺放。中庭就會擺化粧枱,每逢假日就請化粧學校的師生來做Show或者教客人化粧,幫她們選擇適合的化粧品,我認為有得做!」

----------------------------------

財政小男人 由太太管家

麥包談生意經談得頭頭是道,不過話題一轉到個人理財,他便顯得一臉茫然。「理財?我唔識㗎!」事實上,只要稍為鑑貌觀色,便可猜度出性格大男人,言行剛烈豪氣的麥包,該不是「細眉細眼」的理財專家,反而應是個「大花筒」。

麥包給記者說了個例子:「我當年出第一份糧,3,000元,一大班朋友說要跟我飲酒慶祝,就全用來幫朋友的酒局埋單。所有人走清光,我最後還欠200元才夠數,老闆揚揚手表示算數,還說我真夠義氣。結果,我口袋空空,由尖沙咀漆咸圍行返黃大仙屋企。」他自知此乃缺點,奈何本性難移:「一大班朋友食飽飯,伙計把帳單遞過來,不是嘛!七、八個大男人擔天望地,你話似咩?我真係做唔出……」

太太穩陣代投資基金

時至今日,麥包仍未學懂理財之道,但他打趣說:「無所謂,因為我已經好聰明地娶了個老婆回家,由她幫我管數。」現時,麥家大至換樓、買基金投資,小至交租、供車及水電煤雜費,全由麥太一腳踢。麥包見太座管理得宜,亦樂於在財政上做個小男人,由她每月份發「零用」。

據麥包指,太太一向是穩陣派,喜歡投資基金多於股票,平均投資額大約30萬。「但剛過去一年都以拍劇為主,收入頓減,惟有叫她拿基金去套現應急,到明年收入好些就再買,沒問題的。」為了滿足一對孩子「日日游水」的願望,兩人商量後決定賣掉了鰂魚涌舊居,並於同區購入一個近500萬的物業收租,一家四口則租住設有泳池會所的深井碧堤半島單位。

稍為認識麥包的人也知道,當年他經濟陷入拮据的主因,是其母及弟弟同時患上癌病,急需大筆醫藥費。如今一切事過境遷,麥包坦言對「保險」這回事有了更深刻體會:「好的醫療配套及環境,對病人的身心都好重要,正如我常說有些錢慳不得,寧願用不着都好過冇得用。不過,香港醫藥費又的確貴得驚人,所以才凸顯出保險的重要性。」他謂,現時每年一家四口的保險費,足足要10萬元。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

麥長青

別號︰麥包

年齡︰43歲

家庭︰已婚,與太太Allison育有一子一女,長女淳琳10歲,次子振瑋8歲

背景︰生於廣東順德,父親是鐘錶推銷員,母親是家庭主婦。為家中長子,有一弟一妹,12歲隨母親來港與父親團聚,一家五口住在七層徙置區多年後獲派上樓

演藝事業︰

˙2010年憑《巾幗梟雄之義海豪情》飾演奸角梁非凡,獲無綫萬千星輝頒獎典禮「最佳男配角」

˙由1989至2010年間,23年來曾參與64齣電視劇,由最初的跑龍套做起,多被派往擔任形象正派,但不太聰敏的角色

˙1999年在《茶是故鄉濃》中飾演鍾漢牛,將其粗野橫蠻的性格演得絲絲入扣,獲得外界一致好評

˙1996年飾演《西遊記》裏的沙僧嶄露頭角,傻氣角色受大眾喜愛

˙1990年加入兒童節目《閃電傳真機》當主持,經典主角包括大老鼠、麥偵探、戴家庭及怪管家

˙1987年參加無綫電視《超級新星大賽》,其他參賽者包括林文龍及邵仲衡,落敗後加入藝員訓練班,與郭富城為同屆同學
花王 麥包 非凡 致勝
PermaLink: https://articles.zkiz.com/?id=272590

麥包為退休營商

1 : GS(14)@2016-03-02 15:16:54

麥長青(麥包)、范振鋒、李思欣及吳國敬,聯同向展邦等友人總投資7位數字在大坑開西餐廳,昨日舉行開幕剪綵儀式,曾淑雅(Jumbo)都有出席到賀。近來致力轉型經商的麥包稱,積極為退休生活作準備,並向地產界提供發展商場的計劃書。問他會否也向無綫或亞視提出發展計劃?麥包坦言:「佢哋眼中嘅我只係演員,公司有好多人才,做好本份已好強大。」同場的范振鋒和老婆李思欣目前經營了3間餐廳及一間鑽石公司,問到會否趁有新電視台開業而增加幕前演出?李思欣說:「我係自由身,可以試吓唔同工作,今年我哋都有搞合拍片,仲計劃6月去瓦努阿圖拍戲。」採訪、攝影:王連連





來源: http://hk.apple.nextmedia.com/entertainment/art/20160302/19512206
麥包 包為 退休 營商
PermaLink: https://articles.zkiz.com/?id=296596

高層內鬥 成犧牲品 麥包遭封殺冇劇拍

1 : GS(14)@2016-08-22 02:59:33

2016-08-10 EW
無綫近年高層內鬥白熱化,隨着力捧「有線幫」、「亞視幫」,剷走不少台前幕後的「老臣子」,繼《東張西望》大換血,無得留低的○八年港姐亞軍陳倩揚,憤而留言「一朝天子一朝臣」。

整頓更擴大至戲劇組,在無綫廿九年的麥長青(麥包),今年初原先升正做新劇《親親我好媽》的男一,惜被視為是戲劇製作助理總經理曾勵珍的愛將,結果因權力鬥爭而被黃智賢補上,更傳出禁用麥包的封殺令,近半年也未有劇開。被投閒置散的他,只得全情投入自己的生意養活家人,天無絕人之路。

慘受牽連

無綫近年由台前幕後到高層都大洗牌,隨着副總經理杜之克及非戲劇製作助理總經理余詠珊極速上位後,兩位昔日由亞視到有線都拍住上,更帶契一眾「有線幫」及「亞視幫」過檔,拍劇集至綜藝節目乜都有份,曝光率奇高;相反無綫舊人則無得留低。如剛於上周約滿《東張》的主持陳倩揚,有傳得罪高層而遭封殺,不少劇集和綜藝節目監製均私下收到通知,不得錄用她,最後更被迫離巢。

權力鬥爭更擴散至戲劇組,本來一人獨大的戲劇製作助理總經理曾勵珍,因入主後的杜之克邀來其死敵舊將劉家豪及梅小青回巢,跟她平起平坐外,就連她旗下的新劇《親親我好媽》,原屬意由在無綫捱足近三十年的麥包擔正,但結果突然換角。

據知麥包因早前入組由曾勵珍揸旗的處境劇《愛?回家》擔正,又在新劇被力捧做男主角,即被劃分為「曾姐黨」,故成為打壓目標,現不但冇得做男一,而且拍完《愛》劇之後,眾監製私下收到指示不要錄用他,因此麥包一直沒有劇集接拍,無緣無故慘遭封殺。

親自打理

未有劇開的麥包,幸私下商機多多。自一○年憑《巾幗梟雄之義海豪情》中飾演賣國賊「梁飛凡」一角,勇奪無綫最佳男配角獎後,工作量大增,收入顯著增加。近年愈住愈豪,一家四口入住淺水灣豪宅外,去年底以近五百萬元掃入紅磡樓花,今年初又以八百萬購入荃灣工廈的全層天台,上月更榮升當澳門馬主,又搞飲食業,百足咁多爪。

日前他現身觀塘工廈,到有份投資的二手汽車代理公司打點,場內所賣的都是大品牌二手名車。他跟同事開會後,又親自落場驗車,十分忙碌。中午休息時,他又走到隔兩個街舖,幫老闆監工睇裝修,還跟裝修師傅研究裝潢,更用手機拍下現場進度。

年底約滿

向來顧家的他,忙完工作,便趕去灣仔會合兒子到電腦廣場行街。十四歲的細仔麥振瑋比五呎九吋高的老竇還要高,兩父子全程有商有量,買了電腦和手機用品便離開。

事後記者致電麥包問及近況,他直認近日忙搞生意︰「啲朋友見我近來發展唔如意,冇劇拍,知我要養家搵食,所以叫我幫手搞生意關照吓我!」雖然生意搵到錢,不過將於今年底約滿無綫的他,前景未卜,他甚為感慨:「傾過吓,藝人都係等機會。機會係公司畀你,佢唔要你,你都控制唔到。」

在電視圈多年的他,屢經挫折,被問及遭封殺之事?他無奈說︰「我都唔知點解會咁!我一直都係做好自己本份,我真係好鍾意演戲,好想繼續拍。(但之前你做男一被換?)做男一係每個演員夢寐以求嘅機會,嗰刻好開心,縱使一套玩完,都想做一次男主角。」

撰文、採訪 娛樂組 攝影 梁比利 設計 吳俊彪
高層 內鬥 犧牲品 犧牲 麥包 包遭 封殺 冇劇 劇拍
PermaLink: https://articles.zkiz.com/?id=306793

麥包:純粹搞氣氛

1 : GS(14)@2016-12-07 08:01:00

■麥長青昨指《街市遊樂團》的拍檔在節目內外都是好朋友。互聯網圖片



顧紀筠囝囝陳浚霆(Andrew)在《街市遊樂團》被江美儀集集鬧,經常叫他「行開啦」、「你彈埋一邊」,不少網民戥他陰功。一齊做節目的麥長青(麥包)指四位主持在節目內外都是好朋友,可能是剪輯問題,他昨日在電話中說:「Andrew外國長大,真係連香蕉糕、光酥餅都唔識,佢係做下把位,有時美儀同阿滕(滕麗名)都會叫我『走啦,包!』純粹搞氣氛!」對於美儀在節目中說話疑踩低人,麥包說:「節目係想發揮香港人獅子山下精神,呢集我未睇,但我估計佢意思係畀佢就唔做嘞,但點解有人堅持做呢?所以我哋要感恩,因為每樣食材得嚟不易。」採訪:嵐山




來源: http://hk.apple.nextmedia.com/entertainment/art/20161207/19857170
麥包 純粹 氣氛
PermaLink: https://articles.zkiz.com/?id=318620

呻娘家冇嘢做麥包撇無綫

1 : GS(14)@2016-12-18 11:04:23

■麥包在2010年憑梁非凡一角奪「最佳男配角」,但事業停滯不前,年初擔正做男主角卻撻Q。資料圖片



麥長青(麥包)曾經憑《巾幗梟雄之義海豪情》的警官梁非凡一角摘下台慶「最佳男配角獎」,但一直未能更上一層。今年初,麥包有望做男主角,又傳因高層角力,令他成犧牲品。



■麥包(左)透露與無綫改合作形式,明年還會拍《街市遊樂團》。劇照

■麥包當年因為欠稅及為醫父親,無奈接拍三級片《極度獸性》。劇照


「唔鍾意等人施捨」

麥包過去亦非一帆風順,96年傳欠稅局四萬幾元,又要籌錢醫老父,但在無綫月薪僅得九千元,無奈接拍三級片《極度獸性》。最近麥包決定離開無間斷服務二十九年的無綫,前日他在電話中直認受換角一事影響,他說:「我諗有少少,但唔關人哋事,係我自己嘅問題。之後都冇嘢做,我懷疑係咪自己唔得,我唔係好鍾意去乞求、等人施捨,或者要人哋可憐畀啲工作,可能我細個經歷寄人籬下,所以由細到大都好唔鍾意呢個感覺,唔想屋企人同自己再有呢啲經歷,我一直同自己講,要靠雙手去努力做嘢,令屋企人同自己有番個尊嚴,唔需要人施捨,亦唔想睇人面色做人,所以今年我好唔舒服同唔開心。」曾有傳麥包得罪余詠珊,麥包自爆有直問對方,他說:「佢話冇,大家少啲誤會,溝通咗係好舒服。」麥包自言離開不是傳聞中不開心,只是與無綫轉另一個形式合作,稍後會拍網劇及自己做監製和導演,感激家人一直支持自己。採訪:唐琛悠、王連連攝影:沈健程




來源: http://hk.apple.nextmedia.com/entertainment/art/20161218/19868786
娘家 做麥 麥包 包撇 撇無
PermaLink: https://articles.zkiz.com/?id=319481

麥包何寶生曾傳基情搵埋對方做伴郎

1 : GS(14)@2016-12-18 11:04:23

出道29年嘅麥包(麥長青),多年來緋聞並唔多,但有啲緋聞你就真係估佢唔到。麥包喺96年,拍攝大台劇《西遊記》時,就同同劇嘅劉玉翠傳出緋聞,當時就話佢哋成日撐枱腳,單獨約會咁。之後佢同陳彥行合作《茶是故鄉濃》,又傳出緋聞,當然呢啲都係煲水新聞,佢哋嘅感情只不過係兄妹之情。但最令人估唔到嘅係,麥包竟然同何寶生傳過「基情」,咁呢個都當然唔係真㗎啦,何寶生o依家都已經退出幕前,仲已經皈依佛祖、法號道生。而呢三個曾經同麥包傳聞嘅「戀人」,喺麥包結婚嘅時候,分別做伴娘同伴郎,呢個組合真係破天荒。麥包嘅真正另一半叫林孜,佢哋喺1998年拍拖,相戀一年後,即99年7月就結婚,同太太嘅妹妹同日結婚。當時有傳麥包同林孜係奉子成婚,之後麥包就否認,但係麥包嘅大女麥淳琳,喺佢哋婚後五個月就出世;三年後,二人再添一子麥振瑋。




來源: http://hk.apple.nextmedia.com/entertainment/art/20161218/19868890
麥包 包何 寶生 曾傳 傳基 基情 情搵 搵埋 對方 伴郎
PermaLink: https://articles.zkiz.com/?id=319482

月薪九千欠稅四萬麥包曾為醫老父拍三級片籌錢

1 : GS(14)@2016-12-18 11:04:24

「怪管家」、「矇查查」、「麥偵探」,都係90年代經典兒童節目《閃電傳真機》裏面嘅角色,呢啲角色都係由麥包扮演,鬼馬得意形象深入民心,之但係點解麥包哥哥當年要淪落到拍攝三級片呢!講出嚟你可能覺得好老土,但呢個又真係事實,咁究竟係咩原因呢?今年48歲嘅麥包,原名麥長青,87年參加無綫電視《超級新星大賽》,雖然落敗但都有加入大台,90年仲被安排到兒童節目《閃電傳真機》,同期嘅主持有譚玉瑛姐姐、黎芷珊姐姐同朱茵姐姐等。節目裏面,麥包經常要扮鬼扮馬,頗受小朋友歡迎。但96年,佢突然淪為三級片男星,接拍咗三級片《極度獸性》,戲中麥包仲要同女演員上演一幕火辣辣嘅床戲,認真該煨!事後麥包解釋:「唉!其實我欠政府啲稅,本來預咗筆錢㗎,點知老竇要入醫院做手術,咁咪唔夠錢囉。我已經分期付款還錢,不過我份人工都唔夠我每月還嘅數目。」據了解,當年麥包係欠稅局四萬幾蚊,以佢當時喺大台每月九千蚊嘅人工,咁有人開出咁有利嘅條件,話明佢唔使脫,所以咪接拍咗套戲囉!點知到拍攝時,電影公司就臨時加戲,咁麥包就無辜辜咁做咗三級片明星喇!




來源: http://hk.apple.nextmedia.com/entertainment/art/20161218/19868893
月薪 九千 欠稅 四萬 萬麥 麥包 包曾 曾為 為醫 老父 三級 片籌 籌錢
PermaLink: https://articles.zkiz.com/?id=319483

麥包後生似林峯非凡哥拎埋獎紅唔起

1 : GS(14)@2016-12-18 11:04:24

唔好睇麥包麥長青o依家咁大份,其實佢87年參加「超級新星大賽」時好靚仔,仲獲媽咪支拎咗過千買西裝(當時過千蚊可以係幾個月生活費!),呢個後生樣,仲成日俾人拎出嚟話似林峯!麥包同屆對手有林文龍、邵仲衡同梁珮玲咁,結果係超級新星做唔成,轉咗加入大台藝訓班,錯有錯着,結果同郭富城做咗同學。正式出道之後,麥包做咗幾年兒童節目,但收入唔多,仲要兼職搬家俬幫補家計,而睇劇嘅媽媽們,就要到96年佢演《西遊記》嘅沙憎先熟悉佢,再數落去,有印象嘅仲有《茶是故鄉濃》嘅阿牛,同埋喺《無頭》東宮入面鍾意陳妙瑛嘅馮樂人。麥包喺大台工作都有29年,拍過嘅劇最少都60套,當年博晒命,試過喺《為食大贏家》咬實活生生嘅田雞,過程核突嚇親唔少人,最後仲剪走埋冇得出街,作為回報,佢喺遊戲贏咗個價值兩萬三千蚊嘅金飯碗。而麥包最風光一刻,肯定就係由「麥包」變做「非凡哥」,喺《巾幗梟雄之義海豪情》同黎耀祥、鄧萃雯鬥氣兼鬥戲,仲拎埋10年嘅最佳男配角。不過原來拎獎,只係多咗份虛榮,佢喺12年接受《蘋果》訪問時話過,拎獎後工作冇增加,只係多咗個花名……真係多謝晒。




來源: http://hk.apple.nextmedia.com/entertainment/art/20161218/19868891
麥包 後生 似林 非凡 哥拎 拎埋 埋獎 獎紅 紅唔 唔起
PermaLink: https://articles.zkiz.com/?id=319484

入行29年 首嘗男主角撻Q麥包撇無綫 唔想做鹹魚

1 : GS(14)@2016-12-25 13:18:59

■麥包因擔正男一劇集被飛而離開無綫,日前對住真麥包時自嘲:「以後我真係食自己啦!」攝影:陳順禎



【《蘋果》專訪】做人如果冇夢想,同條鹹魚有乜分別?在無綫默默耕耘29年一直做下把位的麥長青(麥包),本月中決定離開娘家向外闖,導火線除年初無綫高層權鬥令他首次擔正男一撻Q外,坐足一年冷板凳的麥包更揚言:「我唔想寄人籬下睇人面色,想有番自己尊嚴。既然我冇咗價值,我更加想離開。」麥包更笑言若繼續留低,自己分分鐘變成一條鹹魚。



現年49歲的麥包,加盟無綫29年以來一直當綠葉,儘管6年前憑《巾幗梟雄之義海豪情》演梁非凡奪得台慶頒獎禮最佳男配角,但未有令他登上青雲路。原本麥包本年初有機會在新劇《親親我好媽》初嘗男主角滋味,但盛傳無綫高層曾勵珍與杜之克權鬥,令珍姐愛將麥包成犧牲品,由《閃電傳真機》舊拍檔黃智賢頂上。失落男一不特止,昔日劇接劇的麥包,今年更離奇地全部劇集工作被停,難怪他心灰意冷離開。



■6年前麥包憑《巾幗梟雄之義海豪情》奪得最佳男配角,但未能令他走上青雲路。資料圖片

■無綫高層樂易玲(右)曾力挽麥包,余詠珊亦曾表示希望再跟麥包合作。資料圖片

■本由麥包做男一的劇集《親親我好媽》,結果由黃智賢(左)頂上。微博圖片

■今日是聖誕節,麥包擺出當年《閃電傳真機》(上圖)的甫士祝大家聖誕快樂。

「想有番尊嚴」

前日麥包接受本報專訪,對於離巢原因,他說:「我做中廚,學晒啲嘢,想再學西廚,但呢邊冇教,所以我想去出面學,就係咁簡單。我享受演戲過程,唔鍾意有壓力,或者睇人面色做嘢。因為我細個寄人籬下,肚餓都唔敢去食飯,因為我唔想見到嗰啲面孔,情願匿喺被竇捱到夜晚阿爸阿媽返嚟……我有過一段咁嘅歷史,所以希望出嚟做嘢之後,可以憑我雙手去搵到錢,唔需要再睇人面色,我想有番尊嚴。」麥包續說:「我以前以為肯做就人哋一定有嘢畀你做,但今年好奇怪,好似我要等人畀嘢我做,係咪我冇咗呢個能力?我嘅演技已經到咗一個樽頸位,喺呢度尋求唔到突破,所以半年前我已經要求離開,TVB一路挽留我,但我想做嘅嘢同公司未必配合到,所以我情願離開,亦好多謝公司肯體諒。我年紀唔細,如果再留喺度,再過多幾年我冇能力冇團火嘅時候,我真係條鹹魚,想走都走唔到。」


6年前最低潮

究竟離巢導火線是否失落男一?麥包坦言:「呢個唔係主要,但亦都係一個point。一直唔畀我好地地,但突然間話畀個機會你做,正如話你聽你升職,但突然冇得升……咁我點先?你有冇諗過我感受呀?呢個唔關公司事,公司成日都有換角,唔拍A嗰套咪拍B嗰套,但我冇咗就冇下一套,因為我未正式喺呢個位企定咗。」可知道被換角原因?麥包笑說:「呢個世界好多嘢冇答案,我心胸唔需要嘥個地方擺呢啲嘢。」昔日劇接劇的麥包今年劇集全面被停,可想過是自己得罪人?他說:「我唔知,呢個係上面安排。」歷年在無綫最低潮時期,麥包直指是6年前。他說:「2010年真係樽頸,工作各方面中咗自己陰影,係咪我唔做得嘢呢?點解要淪落到廿集我得幾場?睇住個劇本,覺得呢場戲可以咁,我同導演講,但佢話:『得㗎啦,唔使㗎啦,你過鏡,你咁得㗎啦,你做啦。』係咪我已經玩完?人哋咁態度對你,係咪我做錯嘢?點解咁對我?咁即係我喺人心目中冇價值,咁冇價值我就走啦。」同年麥包奪得男配後決定留低,以為仍有機會開拓一片天,可惜最終仍是失望,偏偏洪永城等沒經驗及沒演技者加盟短短幾年已升做男一,問麥包可感到不忿氣時,他說:「我覺得冇問題,每一個朝代轉最重要公司利益行先,我自己冇怨過。」採訪:戴彩煥




來源: http://hk.apple.nextmedia.com/entertainment/art/20161225/19876321
入行 29 首嘗 嘗男 主角 麥包 包撇 撇無 唔想 想做 鹹魚
PermaLink: https://articles.zkiz.com/?id=320105

麥包教女發憤免被分級

1 : GS(14)@2016-12-25 13:18:59

■麥包一家感情好,女兒淳琳(左一)也心痛爸爸工作辛苦。資料圖片



麥包的長女淳琳現年17歲,三、四年前放暑假時曾陪麥包開工拍劇,親睹父親被欺壓。麥包說:「我個女試過喺公司停車場陪我瞓咗兩個禮拜,佢奇怪點解我要咁樣就人哋,譬如就人拍先,個女會問『點解唔係就你?』我話冇所謂,爸爸係小演員,咪就吓人哋。」



■麥包喜見囡囡陪他開工後有所得着,努力讀書。

麥包指囡囡曾問他可感不開心,他說:「我話冇辦法,搵食係咁,我講笑話如果你唔食飯唔讀書,咁咪可以簡單啲,你肯食粥唔食飯咪得囉。佢話『唔緊要爸爸,只要你開心,我食粥都得㗎。』佢唔想見到爸爸……未至於受氣,但分咗等級囉。」麥包叫女兒勤力讀書,免他日被人分等級,結果女兒之後發憤,學業成績由昔日中等變成頭十名,麥包說:「所以我反而多謝呢啲事件令佢明白。」




來源: http://hk.apple.nextmedia.com/entertainment/art/20161225/19876325
麥包 包教 教女 發憤 免被 分級
PermaLink: https://articles.zkiz.com/?id=320106

娥姐驚訝麥包離巢

1 : GS(14)@2016-12-28 08:12:23

商天娥昨日在工展會出席活動,為兩個代言的產品宣傳,母親和老公也有到場。最近麥長青(麥包)對無綫心灰離巢,娥姐感驚訝反問:「係咩?係咪轉部頭?佢係咪講吓,佢咁鍾意講嘢又鍾意做戲。」一直有指余詠珊當道,無綫一直力捧出身有線的演員,娥姐說:「親生仔女重要啲係要捧吓,我哋旁邊用得着就用。」對於原是親生仔女的演員現在變成孤兒,多年來一直效力無綫的娥姐說:「唔知,我大個出去行吓,有時照顧啲細嘅唔好忘記大嗰啲。」另外,近年沒有拍劇的娥姐,笑言不知觀眾會否忘記自己,待有適合的劇本會再考慮,她亦想製作舞台劇過戲癮。採訪:王連連攝影:葉君海




來源: http://hk.apple.nextmedia.com/entertainment/art/20161228/19878664
娥姐 驚訝 麥包 包離 離巢
PermaLink: https://articles.zkiz.com/?id=320353

江美儀撐麥包外闖

1 : GS(14)@2017-01-02 01:06:36

昨日麥長青(麥包、右)、江美儀與顧紀筠兒子陳浚霆於新城電台接受訪問,麥包將離開服務29年的無綫,他自言大家關係良好:「TVB係我母校,到?家能夠出去打仗嘅武器、賴以為生嘅都係靠TVB。中學畢業就入訓練班,如果TVB係大學,讀咗29年幾先畢業。」江美儀則表示不捨:「唔想你走,咁難得節目咁合拍,想延續落去,但都想佢有好發展,作為好朋友,希望佢出去搵吓錢。」採訪、攝影:羅慧敏




來源: http://hk.apple.nextmedia.com/entertainment/art/20170101/19883017
江美 美儀 儀撐 撐麥 麥包 包外 外闖
PermaLink: https://articles.zkiz.com/?id=320945

麥包收入僅夠餬口

1 : GS(14)@2017-01-18 08:04:30

麥長青(麥包)、盧海鵬、黃嘉樂及樊亦敏主演的網絡電影《香港風雲系列之「教父」》,昨日於尖沙嘴拍攝外景,劇情講述屬於黑社會家族的盧海鵬遭槍擊後,被送入附近診所,由飾演護士的樊亦敏為其急救,麥包及黃嘉樂則扮演鵬哥的兒子。今齣是麥包離開無綫後的第二部電影,麥包說:「我同鵬哥好耐冇做父子,今次有少少動作,會有武指同替身,過年前拍晒,初四會開另一部網劇。」他現時密密拍網劇,問是否密食當三番?麥包說:「拍網劇同大劇沒太大分別,只係網劇畀大家用手機睇,比較少遠鏡,至於收入僅餬到口。」採訪:張俊銘攝影:陳俊強




來源: http://hk.apple.nextmedia.com/entertainment/art/20170117/19898943
麥包 收入 僅夠 餬口
PermaLink: https://articles.zkiz.com/?id=322951

麥包顏子菲親熱怕醜

1 : GS(14)@2017-04-05 23:56:56

麥長青(麥包)和顏子菲最近在內地網劇《4度望遠鏡》合演夫婦,日前拍攝親熱戲,麥包形容為另類動作片,坦言感到尷尬。他笑說:「好尷尬,怕醜㗎!佢身材好好,睡衣又性感,今次真係要多謝團隊。」問麥包拍攝前可有跟太太備案?他即笑謂:「本來導演話好簡單,點知……惟有話嚟唔切備案啦,返到香港至算,都係點到即止,相信太太明白嘅!」採訪:小米




來源: http://hk.apple.nextmedia.com/entertainment/art/20170405/19979928
麥包 顏子 親熱 怕醜
PermaLink: https://articles.zkiz.com/?id=329295

麥包血壓高女兒逼戒酒

1 : GS(14)@2017-06-10 12:55:58

麥長青(麥包)昨日到商台接受訪問,原來麥包患上血壓高要服藥,他說:「早排喺香港拍網劇,試過連踩四日,覺得面好滾有啲血衝上嚟,自己年紀大都驚中風,即刻去睇醫生,報告未出就返咗內地工作,後來阿女留言畀我,要我戒酒、唔好食肥膩嘢、同埋要減肥,我盡量少飲啦!」麥包笑說:「阿女一見到就鬧,話我有事死咗點算,仲惡過我老婆,太太反而冇出聲,個女仲同我講『你?家老啦!我話事。』好兇狠。」為健康着想,他找了營養師,目標由210幾磅減至180磅,麥包說:「要搣甩30幾磅,好有難度,因為我成日要應酬。」採訪、攝影:卓寶花




來源: http://hk.apple.nextmedia.com/entertainment/art/20170607/20046652
麥包 血壓 女兒 戒酒
PermaLink: https://articles.zkiz.com/?id=334862

麥包拍劇受氣 女兒心痛

1 : GS(14)@2017-06-18 22:07:10

■麥淳琳眼見爸爸麥包遭劇組欺負而感到心痛。攝影:陳慧安



麥長青(麥包)有一子一女,17歲大女麥淳琳於4年前暑假擔任其助手,親睹爸爸工作辛酸。琳琳日前與麥包接受訪問時說:「打工仔原來好受氣,有次拍劇,明明06外景,中午12點返廠後,拍多半個鐘就收工,點知導演話今晚10點幾先再拍,我話『吓?中間時間做乜呀?』爸爸唔出聲,我又唔敢出聲,原來要就一個人。」



■麥包與太太育有一子一女,一家四口樂也融融。資料圖片

麥包指當時都有開解囡囡,他說:「因為某演員唔滿意,飯後又派rundown。阿女問『點解要妥協?係咪因為你唔夠紅、唔係主角?』呢個係其中一個原因。現實世界就係咁,應承咗就要做落去。」琳琳望住爸爸說:「食粥食飯,我都冇所謂,你開心就得。」麥包指那年暑期令囡囡成長,更加畀心機讀書,令麥包大感欣慰。採訪:嵐山場地提供:深燒酒(銅鑼灣)




來源: http://hk.apple.nextmedia.com/entertainment/art/20170617/20058684
麥包 包拍 拍劇 受氣 女兒 心痛
PermaLink: https://articles.zkiz.com/?id=336000

慈父麥包脾氣差 下令40歲先俾拍拖

1 : GS(14)@2017-06-18 22:07:10

成日都話囡囡係爸爸前世情人,無論阿女做乜,阿爸都會咁緊張。去年麥長青(麥包)大女淳琳第一次同三個女仔去日本旅行,麥包話同老婆開咗幾次家庭會議先批准。提到子女感情事,琳琳笑住爆料:「阿爸以前話18歲可以拍拖,之後推到23歲,再推到25歲,之後應該會加到無限期囉,咁簡單啲40歲先俾。」麥包搶住解釋:「你誤會喇,我會睇你成熟期去到幾多。其實父母一定走先過你,無論幾錫,終有一日都要送出去,最希望你可以搵到個可以包容、愛護你嘅人。」麥包與囡囡經常鬥嘴,但看得出父女感情好到似朋友一樣,麥包:「太朋友喇,冇咗父親嘅威嚴,好嬲!」琳琳:「一直friend開,突然好惡,會嬲囉。反而媽咪永遠都係啱,係我哋屋企嘅神。」琳琳直言爸爸最差就係脾氣,試過發惡掟碗,琳琳:「佢嘅脾氣超差,但我都會諗,或者爸爸外面受完氣,呢啲係親人先頂得住。」麥包亦有即時檢討:「其實做完《關你家事》後,都發現自己做得未夠,有時我係火爆易着,o依家改緊。」而琳琳最開心,係父母俾佢同弟弟好大自由度,讀書永遠唔求A,反而要B,令佢哋可以快樂成長,琳琳:「我以前係讀傳統名校,考包尾,但見身邊同學,有啲一星期七日都係要上興趣班或補習,真係好叻考第一,但一啲都唔開心。」明年琳琳就要考中六DSE,然後準備大學選科,目標係被喻為好難搵食嘅科目,琳琳:「我鍾意電影,但同爸爸完全冇關。係後來升中學,我開始喜歡睇戲,雖然身邊人都話讀電影搵唔到錢,但我覺得興趣最重要,加上讀完都未必做嗰行,起碼讀一科同我夢想嘅科目。」問到父親節最想做乜?麥包要求好簡單:「希望同父母子女一齊吃飯就足夠喇,禮物唔去諗先有驚喜。」




來源: http://hk.apple.nextmedia.com/entertainment/art/20170617/20058823
慈父 麥包 脾氣 下令 40 歲先 先俾 拍拖
PermaLink: https://articles.zkiz.com/?id=336001

關佢家事解開40年父子心結麥包七歲寄人籬下被打捱肚餓

1 : GS(14)@2017-06-26 03:23:45

2017-06-22 NM
麥長青跟江美儀合作主持的節目《關你家事》,個案惹來網民抨擊,成為城中熱話。十五集的節目早已經拍完,身為主持的麥包,原來也有屬於自己的感人故事,在清遠出生的他,被指剋父,嫲嫲要將他送走,多年來父子關係疏離,七歲時寄人籬下被堂叔欺壓捱肚餓。家庭鬱結,最終由老豆入深切治療,昏迷五日後清醒而一筆勾銷。被指剋父

麥包十二歲,父親才由廣州申請他來香港,跟父親一向不親近。事緣他出世時,嫲嫲指他剋父,要將他送走:「阿嫲唔要我,話我會剋死老豆,我老豆到而家都未死,條命不知幾硬。為咗呢件事,佢哋傾咗好耐,俾阿媽打工嘅契娘知道,佢覺得阿媽咁淒涼咁辛苦,將我契俾佢,然後再交番俾阿媽湊大我。我到大個先知呢件事,阿媽好叻,一直冇話我知,如果唔係我會好嬲阿嫲。大個咗,理性強過感性,況且阿嫲都走咗。」麥包說。

昏迷五日醒番

小時候父親在外工作,每月只有十多日留在鄉下的家,有年患病要在廣州留院,母親不放心他獨自留下,安排寄住堂叔家。「食餐飯啫,揸筷子俾人鬧,俾人趕,我咪扮瞓覺,大被冚過頭,連肚餓都忍住,瑟縮喺被竇,又俾人話瞓到黃朝百晏唔起身。試過阿叔一腳踢我,我都唔敢同老豆講,佢到而家都唔知。當時隻腳爛晒生瘡,而家都有疤痕。我有嬲老豆,佢一個月返嚟十幾日,我有一段時間都唔去廣州見佢,不過呢啲係?仔諗法。佢返廣州,多數都係同細佬傾偈,根本唔知細佬點對自己個仔。有時我特登出廣州見老豆,佢都會趕我出去。我記得有一幕,佢落咗閘,我隔住鐵絲網望住佢同阿叔傾偈。佢覺得細佬先係最親。」麥包記得清楚。幾十年後父子關係終於有轉機,麥包竟然用「好好笑」來形容,他說:「有次老豆入咗深切治療五日,一直昏迷不醒,以前拍戲,我會覺得咁樣好老套,點會捉住老豆隻手講一段廢話,我就做咗呢樣嘢,都唔知邊度嚟嘅思考,同佢講『老豆你醒番,我應承唔再嬲阿叔,請佢嚟香港,請佢飲茶。』佢醒番,竟然記得叫我請阿叔飲茶。我輸咗。不過,原來已經釋懷。」他說。

無對與錯

這些年,父子關係修好,麥包會帶老人家去旅行,據麥包形容,老人家依舊盟塞,亦會發老婆脾氣,明知道不妥當但又改唔到,他說:「老人家固執,佢改唔到,如果我又係咁?佢,咪又係固執變埋老人家。」事過境遷,今年四十九歲的麥包,已經是一對仔女的父親,同樣是兒子和父親角色。他說:「做完《關你家事》,發覺冇邊個啱定錯,老豆、阿媽、老婆、仔女都有自己嘅角度,一家人最緊要係互相包容、妥協、接納、支持同鼓勵。試過我對老豆囉唆,啲仔女就會出聲,叫我唔好,如果唔係就唔睬我。佢哋好錫阿爺同長輩,我自細教佢哋要識尊卑有序。有時個女會出口勸阿爺唔好咁,幫我講埋一份。」

撰文、攝影、攝錄:娛樂組場地提供:百德新街El Born
關佢 家事 解開 40 父子 心結 麥包 包七 七歲 歲寄 寄人 籬下 被打 打捱 捱肚 肚餓
PermaLink: https://articles.zkiz.com/?id=337059

關佢家事解開40年父子心結麥包七歲寄人籬下被打捱肚餓

1 : GS(14)@2017-06-26 03:23:45

2017-06-22 NM
麥長青跟江美儀合作主持的節目《關你家事》,個案惹來網民抨擊,成為城中熱話。十五集的節目早已經拍完,身為主持的麥包,原來也有屬於自己的感人故事,在清遠出生的他,被指剋父,嫲嫲要將他送走,多年來父子關係疏離,七歲時寄人籬下被堂叔欺壓捱肚餓。家庭鬱結,最終由老豆入深切治療,昏迷五日後清醒而一筆勾銷。被指剋父

麥包十二歲,父親才由廣州申請他來香港,跟父親一向不親近。事緣他出世時,嫲嫲指他剋父,要將他送走:「阿嫲唔要我,話我會剋死老豆,我老豆到而家都未死,條命不知幾硬。為咗呢件事,佢哋傾咗好耐,俾阿媽打工嘅契娘知道,佢覺得阿媽咁淒涼咁辛苦,將我契俾佢,然後再交番俾阿媽湊大我。我到大個先知呢件事,阿媽好叻,一直冇話我知,如果唔係我會好嬲阿嫲。大個咗,理性強過感性,況且阿嫲都走咗。」麥包說。

昏迷五日醒番

小時候父親在外工作,每月只有十多日留在鄉下的家,有年患病要在廣州留院,母親不放心他獨自留下,安排寄住堂叔家。「食餐飯啫,揸筷子俾人鬧,俾人趕,我咪扮瞓覺,大被冚過頭,連肚餓都忍住,瑟縮喺被竇,又俾人話瞓到黃朝百晏唔起身。試過阿叔一腳踢我,我都唔敢同老豆講,佢到而家都唔知。當時隻腳爛晒生瘡,而家都有疤痕。我有嬲老豆,佢一個月返嚟十幾日,我有一段時間都唔去廣州見佢,不過呢啲係?仔諗法。佢返廣州,多數都係同細佬傾偈,根本唔知細佬點對自己個仔。有時我特登出廣州見老豆,佢都會趕我出去。我記得有一幕,佢落咗閘,我隔住鐵絲網望住佢同阿叔傾偈。佢覺得細佬先係最親。」麥包記得清楚。幾十年後父子關係終於有轉機,麥包竟然用「好好笑」來形容,他說:「有次老豆入咗深切治療五日,一直昏迷不醒,以前拍戲,我會覺得咁樣好老套,點會捉住老豆隻手講一段廢話,我就做咗呢樣嘢,都唔知邊度嚟嘅思考,同佢講『老豆你醒番,我應承唔再嬲阿叔,請佢嚟香港,請佢飲茶。』佢醒番,竟然記得叫我請阿叔飲茶。我輸咗。不過,原來已經釋懷。」他說。

無對與錯

這些年,父子關係修好,麥包會帶老人家去旅行,據麥包形容,老人家依舊盟塞,亦會發老婆脾氣,明知道不妥當但又改唔到,他說:「老人家固執,佢改唔到,如果我又係咁?佢,咪又係固執變埋老人家。」事過境遷,今年四十九歲的麥包,已經是一對仔女的父親,同樣是兒子和父親角色。他說:「做完《關你家事》,發覺冇邊個啱定錯,老豆、阿媽、老婆、仔女都有自己嘅角度,一家人最緊要係互相包容、妥協、接納、支持同鼓勵。試過我對老豆囉唆,啲仔女就會出聲,叫我唔好,如果唔係就唔睬我。佢哋好錫阿爺同長輩,我自細教佢哋要識尊卑有序。有時個女會出口勸阿爺唔好咁,幫我講埋一份。」

撰文、攝影、攝錄:娛樂組場地提供:百德新街El Born
關佢 家事 解開 40 父子 心結 麥包 包七 七歲 歲寄 寄人 籬下 被打 打捱 捱肚 肚餓
PermaLink: https://articles.zkiz.com/?id=337060

麥包搞飲食拓財路

1 : GS(14)@2017-07-05 03:49:44

麥包、曹永廉等昨日在尖沙嘴出席莫家淦與友人合資的手錶專門店開幕,莫家淦透露今次投資6位數字,並指頭一、兩個月已有盈利,會否怕跟拍檔在金錢上出現問題﹖他說:「唔怕,我唔怕,我嘅功能對佢哋嚟講都好有用,佢哋都需要我嘅人際網絡。」與無綫仍有合作關係的麥包,他透露自己有搞製作,又正籌備飲食生意,他說:「呢瓣(幕前)搵唔到食吖嘛,香港市場細,冇乜出路,最重要係捱到,我入行嘅時候,都有做搬運傢私,做小販,喺香港有手有腳係唔會餓死。」他又指大女明年要考DSE,怕她要應付考試,所以決定今個月尾一家人去旅行。採訪:黃曉妍攝影:沈健程




來源: http://hk.apple.nextmedia.com/entertainment/art/20170703/20076743
麥包 包搞 飲食 財路
PermaLink: https://articles.zkiz.com/?id=338038

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019