ZKIZ Archives


湯文亮:李顯龍比安倍有骨氣

1 : GS(14)@2016-09-02 05:20:28

【明報專訊】下一屆奧運將會在日本東京舉行,這是美國佬送給日本人的禮物,同時壓一壓中國人銳氣,在里奧閉幕當晚,日本首相安倍晉三以馬里奧(Mario)姿態出場,意思是一個市井人物亦可以做英雄。其實,安倍以馬里奧出場是有他的意思,因為根本是沒有馬里奧這個人物,他是由馬利亞Maria衍生出來,是一個衍生物,意即日本是美國的衍生物。

化身馬里奧 喻日為美國衍生物

不過,如果熟識天主教曆法,知道是真有馬里奧其人,以前叫約瑟,是耶穌掛名老竇,在天主教月歷裏充斥着被封聖的教士,有男有女,但並不是所有日子都有,會有一些日子是空白,有些日子只得男聖人或者女聖人。以前,天主教徒的孩子出世,都會以當日的聖人作名字,如果當日聖人只得男士,而孩子是女嬰,教徒就會將聖人名字「變性」,辦法是將最後一個字母變「o」,反之,將最後一個字母變「a」,就可以由男士變成女士,很簡單。

遇上沒有聖人的日子,男的叫約瑟,女的叫瑪利亞,後來,有人唔鍾意叫約瑟,索性將瑪利亞變成馬里奧,今次安倍晉三以馬里奧出場,表明有約瑟唔做,做美國佬衍生物,奧巴馬當然開心,收貨。

雖然安倍晉三自認是美國衍生物,但新加坡李顯龍就採取寧畀人知,莫畀人見態度,美國第七艦隊基地在新加坡,但新加坡人絕對不會提及,所以,很多人都不知道新加坡是美國馬仔,直到南海事件,美國要新加坡表態,世人才如夢初醒,但奧巴馬認為唔夠,趁李顯龍到美國國事訪問,早一晚送了一個五十年代煲呔給李將軍,叮囑在翌日見記者時一定要戴。

大家從電視所見,兩個廿一世紀人物,戴上五十年代,好似個碗咁大煲呔,實在有多少滑稽的樣子,但明白的人知道,奧巴馬是顯示實力,話畀全世界知道,新加坡是她的馬仔。不過,李將軍比安倍有骨氣,回國之後,在國慶演說時心絞痛入院,趁機話要交棒,向美國佬還以顏色,有種。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 9766&issue=20160902
湯文 文亮 李顯龍 比安 倍有 骨氣
PermaLink: https://articles.zkiz.com/?id=307096

【有骨氣靠自己】癱而不廢包山王照爬獅子山毋忘初衷

1 : GS(14)@2017-01-14 07:54:34

志偉嘅囝囝十足爸爸一樣咁活躍!



「呢一樣嘢可能好多daddy都做到,但係呢一樣嘢,到我個仔依家4歲幾喇,我都仲未做到。我係好想第一個動作就做到呢一樣野,抱住個仔企起身,轉幾個圈。」黎志偉,曾經係一名全職運動員;2008年更以10秒極速爬上長洲太平清醮嘅包山頂,成為「包山王」。自認係運動都啱嘅志偉,亦係首位奪得亞洲極限運動錦標賽冠軍嘅香港人。不過好不幸,一場交通意外,令佢從此連企都企唔到:「5年前喺屯門公路遇上咗一個交通意外,導致到我嗰個脊椎第11節第12節嘅神經線撕裂晒,斷開晒,完全一個半身癱瘓人士。」



爬獅子山當日,正正就係意外的5周年(受訪者提供圖片)

訪問當日,志偉即場示範只靠雙手去攀石

點解個天要咁玩我?發生不幸事,我哋最鍾意問個天;但係志偉冇諗過呢個問題,佢只係諗到當時懷住8個月新孕嘅太太同埋即將出世嘅小生命:「我有好頹,當其時真係好似一個廢人一樣。以前我成日爬得好高,睇嘅嘢基本上都係喺人地頭頂嘅,依家係坐住喺輪椅,甚至乎講嘢都抬高個頭同人哋講。正正當其時就係我太太都有左8個月嘅新孕,當其時唯一一個生存動力就係好想見到個仔。」一個小生命嘅來臨,令志偉決定唔再頹!佢開始做番運動,Boxing﹑劍撃﹑攀石……甚至只靠一雙手去爬上獅子山山頂。



志偉憑住堅持同鬥志,終於成功登上獅子山山頂!(受訪者提供圖片)

雖然下半身癱瘓,但志偉冇放棄運動,連boxing都玩埋(受訪者提供圖片)

「我爬獅子山就正正係交通意外5周年,成個過程係難處理o架,亦都有諗過不停問自己嘩咁辛苦做咩呢搞呢壇嘢?但又諗到起碼都有30幾40人去撐我,支持呢件事,咁就真係認認真真去做靚啲件事。」呢次壯舉,終於感動到外國廠商,願意出售機械腳,但經費最少要2﹑3百萬港幣。唔少熱心網民都好想幫助志偉企番起身,發起眾籌。不過志偉決定要繼續靠自己:「捐款或者眾籌,我都唔係第一個考慮。雖然係半身癱瘓啫..但係其實都仲有少少能力嘅,咁我就唔想就咁樣接受人哋啲捐款,幫我完成企番起身一個個人嘅心願。」靠自己講talk同出書,鼓勵到人又幫自己,或者呢種鬥志就係香港人。獅子山精神係咩?黎志偉話:「點解我要爬獅子山呢?想提提大家,乜嘢叫做獅子山精神。新獅子山精神係代表無論外在環境因素點樣影響都好,其實你都要毋忘初衷,排除萬難,做番自己做人嘅嘢,或者係活出你人生嘅態度。」採訪:植詠珊(Cathy)攝影:Kaman﹑Meng剪接:Roy編審:Kaman




來源: http://hk.apple.nextmedia.com/entertainment/art/20170113/19894818
骨氣 自己 癱而 而不 不廢 廢包 山王 照爬 獅子山 獅子 毋忘 初衷
PermaLink: https://articles.zkiz.com/?id=322524

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019