ZKIZ Archives


250天線及股壇怪傑(節錄) 麟記雜貨/隨笈

林sir 70年代的發明…

250天moving average是誰發明? 不是美國, 美國用200天同100天, 林sir70年代計moving average係用人手計的, 本來計200天, 但發覺香港每年的trading day係247-250日, 用250日可以反映一年的市, 目的唔係升破跌破, 係比較一年前的事 (崴崴: 曹sir話係佢發明的) (林sir: 哈哈哈…), 而家入埋教科書, 香港個個人都跟. 但其實作用在於比較, 唔係預測. 林sir同曹sir以前研究過發現越短的moving average越容易出錯, 用一年作比較有少少預測作用. 而家已經唔合用了.

香港股市未成熟, 波幅比成熟市場還大, 再加上有accumulator打荷包, 衍生工具, 又多投資銀行搵食, 香港有90000人有100萬美金, 又有3000人有3000萬美金, 個彩池咁大, 自然多人劏水魚. 有人想劏水魚, 自然要搵傳媒唱淡, 再配合美市差, 就可以達到目的, 正是狼市.

國企小非, 要國務院批才可以賣, A股現時正軟著陸, 跌到4000, 等業績追上, 仲好.

港股而家睇等埋匯豐有幾杰.

故事

70 年代有位股壇怪傑, 74年輸哂, 但用對沖基金形式炒港股, 空一隻揸一隻, 空藍燈籠, 當時會德豐正是, 揸長實, 通常個市炒到尾藍燈籠會升因為對沖基金賺哂其他股之後就會為空貨補倉, 該人做地產起家, 70年代炒地產股, 基礎分析方面, 叫原來做地產的手下幫他分析資料, 分析大地產公司的地盤賺幾多錢, 計NAV, 低過NAV就入貨, 技術分析方面佢自己畫圖, 當揸了一間公司10%之後就買貨突破阻力區, 經外資經紀買, 等人地以為大行掃貨, 呢頭買果頭沽, 枱面十幾個電話, 沽貨就要沽穿哂d平均線…

林森池問佢:喂,你咁多貨高位都出唔哂架,篤穿哂d支持位,你身家都會縮水架?股壇怪杰的答案是:唔篤穿d支持位,邊有人出貨俾我買返?以貨為本。最重要係貨的百份比多咗。

所以, 唔好信果d 什麼250天平均線呀…

繼續故事…

到了80年代, 股壇怪傑已經有幾十億身家, 揸了10%的新鴻基, 可是89年, 佢離開香港, 投資泰國, 97年亞洲金融風暴中輸了, 後來仲, 唉…

林sir回憶, 89年氣氛真係好差, 怡和遷冊, 匯豐搬去英國, 新機場融資問題, 但林sir當時以基礎分析, 睇到當年每年50公頃批地, 移民潮令30歲人士忽然上位帶動住屋需求, 地產必升, 所以投資地產, 教訓係要堅持基礎分析.
250 天線 及股 股壇 怪傑 節錄 麟記 雜貨 隨笈
PermaLink: https://articles.zkiz.com/?id=718

健康的樹會不斷長高(節錄) 隨笈

昨日聽 e 線,有幾十年投資經驗的徐老闆講了個很好的比喻。

在一棵樹的生命週期,總會遇上寒冬,樹葉會全部掉下。如果樹是健康的,寒冬過後必會長得更高、更大、更茂盛。

他說最重要是不要令樹被虫蛀。不要過度借貸、造孖展、買輪、甚至 I kill you later。沒有虫蛀、樹是健康的,那就不怕倒下。最重要是有捱得住的條件。

那麼,趁復活節去下旅行,安然渡過寒冬吧。

和林sir 一樣,徐老闆也經歷過1974年恒指跌到150點的市況,認為現在的跌市不值得怎樣大驚小怪。

或許有人不太喜歡我,經常問候我幾時會輸死。股市升升跌跌,原是平常。升就固然好,享受升值的樂趣;跌也是平常心,有錢就不斷慢慢增持。小弟沒有過度借貸,也不等錢開飯,其實想輸死也好困難。
健康 的樹 樹會 不斷 長高 節錄 隨笈
PermaLink: https://articles.zkiz.com/?id=719

林森池投資精句(基礎理論篇) 隨笈

From

http://chuicup.mysinablog.com/index.php?op=ViewArticle&articleId=958297

巴菲特的金句周街既書或者網上都有得睇。今次新鮮少少(或者已不再新鮮),隨笈把林森池的訪問以及著作的精要整理,希望可以溫故知新。



l 風險並不可怕,貪婪無知最致命。

l 理財愈早,生活愈好。

l 選擇股票的三部曲:一、必從宏觀角度考慮,經濟是否處於起飛階段的高增長期。二、公司是否擁有市場的經濟專利。三、用基礎分析技巧深入研究公司的過往業績、各項回報比例、現金流、未來的前景、管理層的作風及「內在價值」。

l 投資是一項嚴肅的工作。把血汗錢投資在一家上市公司,等同自己經營一盤生意,絕對有別於買「六合彩」般碰運氣。

l 普羅大眾的儲蓄及退休計劃是最大的市場資金來源,無論是透過強積金、公積金、互惠基金、或直接買賣股票,平民已成為最大的資本家。

l 資本家比企業家更優越。

l 資本家就好比鬥獸場中的觀眾,可以投注押在鬥獸場中最勇猛的一位鬥士身上,一旦發現這位勇士筋疲力盡,注碼可隨時轉移到另一位活力充沛的戰士身上。

l (林森池眼見不少超級投資機構的運作後)深明大魚的食物鏈是如何形成。圖表陷阱處處,單信奉圖表走勢,往往成為超級投資機構的點心。

l 如果債券利率只有 5% ,即使在通縮期也不考慮作為投資項目。

l 先選擇高增長地區,再物色優勝行業,在行業中挑選長勝戰士,最後便是抓緊不放,千萬不要貪圖小利而太早離場,用長綫的方法去享受公司的高速增長、高速派息,使自己的現金流更充實,待公司老化時或客觀環境有改變才落車。

l 「錢搵錢」,不等於東炒西炒,炒賣愈頻密,出錯機會愈高。每一次都是「贏粒糖」,一次出錯就「輸間廠」。

l 博而不專是失敗的主因。

l 任何市場只要有利可圖,一定會凝眾不少專才參與,以業餘身份,玩票性質加入投機,大多數只會鎩羽而歸。

l 多數人寧可錯失時機,也不肯承認自己的錯誤決定。

l 不要誤信貴金屬可以保值。

l 刀仔据大樹、槓桿最致命。

l 用質素來降低風險,不應用分散投資來降低風險。

l 衍生工具是投資銀行的暴利生意,可說是合法經營的賭業,最容易獵取小市民手上的儲蓄。

l 資本家首要工作是保住老本,穩中求高回報,爭取現金流的再投資,利用時間的神奇複息效應,為你累積財富。

l 上車本金多少不成問題,耐性最可貴。

l 做好功課,在零風險下重鎚出擊,才是致富之道。

l 表面上高息股好像帶來更多現金流,千萬不可將高息股當作美國政府債券。一間企業派高息或特別紅利,往往背後可能有負面因素。
林森 投資 精句 基礎 理論 隨笈
PermaLink: https://articles.zkiz.com/?id=721

加入股海 隨笈

From

http://hk.myblog.yahoo.com/Chui-Cup/article?mid=612

近期見到愈來愈多身邊既人加入股海,我亦有同事,由原本只是買股票放入枕頭底唔理既人,變成會買進賣出、又會主動睇投資的discussion group的活躍投資者。亦有好多朋友新接觸股票以及其他投資。

我有位朋友的太太,見周圍既人都炒股獲利,自己身痕又想玩。那位朋友的太太掌握100%的財政大權,我實在替他擔心,他問我點睇。咁我話,買股票都唔係壞事來既,只要有正確觀念,唔好亂炒一通,先認知,再投資,唔一定會出問題。我介紹咗幾本書俾佢太太:

一、《富足一生--十大投資心法》東尼

二、《證券分析實踐》林森池

三、《平民資本家》林森池

四、《解讀巴菲持》淳洋

等他太太基本上有d正確既觀念,唔好出事先,之後有興趣先再睇其他書。

誰知他的太太拒絕閱讀,說「睇書好悶」。咁我叫那位朋友,一係就勸掂老婆唔好玩股,一係呢就想辦法奪回財政大權。實在令人擔心,祝佢好運。

小弟投資咗一段日子,趁這個時候和大家分享下自己認為正確的想法:(其實好多觀念書都有講。大家若有什麼不同意見,好歡迎提出一齊討論,集思廣益。)

一、有人話投資未蝕過錢唔會學精,即係要交學費。我覺得未必。要避免失敗,就要向歷史吸取教訓(即係睇多d書,學多d嘢,睇前人既經驗),自己碰壁唔代表有長進。所以我一直主張讀多d書係絕對有用。

二、投資第一步,係先要唔好蝕錢先,無哂本金,就唔使講什麼東山再起。而虧損亦對將來投資的複利回報會造成巨大損害。投資虧損50%的話,將來要賺100%才可以回本。所以股神話1.不要虧損。2.要緊緊記住第一條。

三、絕對無人能夠預測將來既事。如果有條友來話你知隻股聽日或者呢個月必定會升或者跌,一係佢就昆你,一係佢就係白痴(連佢都俾人昆,唔係就自己呃自己)。(from曹仁超)有歷史統計,94%既人係估錯市,只有6%估啱,而果6%之中,幾乎全部係撞彩。

四、 買股票同係超市買嘢或者買電器一樣,你大拿拿俾舊錢出來買嘢,一定要知道買咗d乜,絕不可人云亦云。呢個世界真係好奇怪,尤其是係dC9,買條廁紙都要周 圍格檟,買部電視都要問長問短周圍睇,仲要諗一大輪先買,無法想象點解佢地可以諗都唔使點諗,就拋幾十萬出來買一間無人知道業務知乜既公司股票。

五、絕不能刀仔据大樹,抱投機心態,心想只係賺差價。本金少絕對唔係投機既藉口。投機即係賭。係股票市場,80%既人係輸錢,15%既人係微利,只有5%既人係發達。點解咁少人發達?因為大部分所謂「投資者」一係就無知,一係就其實係度投機,多數人係「贏粒糖、輸間廠」。

六、 絕對戒聽貼士、戒買三四線股。買股一定要買龍頭、買優質藍籌。一般投資者,總係成日想沙中掏金,係垃圾堆中尋寶。我認為係垃圾堆中搵到垃圾既機會,絕對遠 遠大過搵到寶藏既機會。龍頭股、優質藍籌點解係龍頭點解係藍籌?絕對有其原因。好既公司一定唔會多。咁係咪買親呢d股都無死呢?咁又唔係。不過,係呢d股 中搵到好嘢既機會,遠遠超過係垃圾堆中搵到既機會。

七、 買股發達多數係渣長線,渣優質股(千里馬),賺盡複利回報。買股票即係買入上市公 司的部份股權,唔係買公仔紙。所以買股能否獲利,係睇公司質素,而唔係望住個金魚缸睇住每日股價升跌。極少見過有投機者好成功,破產既就好多。股神巴菲特 既辦公室裏面,無電腦,無報價機,只係得公司年報同電話。佢渣既公司股權,最賺錢果d,都係你同我都聽過既,例如可口可樂、美國運通、吉列、華盛頓郵報、 喜詩糖果等等。

八、買股要基本分析,最好有睇公司年報,知道公司業務同資金既情況。講過,買嘢之前首先要知道自己買咗d乜。另外,買入之後 要知既嘢,唔係股價點波動,唔係望住個金魚缸;而係去留意公司新聞,留意公司既發展同經濟既情況令到你買入既公司有咩轉變。發覺有大問題,或者你當初買入 佢既原因已經唔存在,先至沽貨。股價既暴升暴跌,唔係買入沽出既指標。

九、續以上所講,我不認為技術分析對長線投資有什麼幫助。畢菲特批評技術分析 : 只會令你破產 , 而且可能不只一次。索羅斯批評 : 不可能在圖上畫幾條線 , 就可以知道股價升跌 , 兩者跟本没有羅輯關係。林森池:超級投資機構要在二手市場撿便宜貨,反而要利用圖表上的技術指標,作反走勢買賣。圖表陷阱處處,單信奉圖表走勢,往往成為超級投資機構的點心。

講住咁多先,第日有機會再分享過。

加入 股海 隨笈
PermaLink: https://articles.zkiz.com/?id=724

堅持投資 隨笈

From
http://chuicup.blogspot.com/2008/04/blog-post_15.html

聽E線,除了林森池外,我也很喜歡聽徐老闆的訪問:http://www.rthk.org.hk/rthk/pth/moneytalk/20080414.html;他教我們堅持的重要性。

持之以恒,一步一步踏實的投資,財務自由不是搖不可及的事。

要暴富的話,當然成功的投機會比慢慢的儲蓄更易達到。

投機每個人有不同的定義,Benjamin Graham 有他的定義,科斯托蘭尼也有他自己的定義。

借錢用槓桿的問題,一直就不斷有人討論。槓桿投資成功與否,不是心態的問題,是技術、眼光和財務實力的問題。這一點一定要好清楚。大家要諗一樣嘢,點解咁多人做生意會破產?因為做生意絕大部份都要用槓桿。

好多大師教我們投資是一件嚴肅的事,買入任何一支股票都要想得清楚透徹才行動。

我覺得這一點要做得到已是難得。好多時我們會受到各種的推薦和誘惑,草率把資金投入某一個項目和某一支股票。結果信心不足,就是提心吊膽,結果往往是賺少少就沽出,不能賺盡升幅或者就是虧損收場。

Jim Rogers 將2008年的中國股票比喻為1908年的美國股票。相信與否,見仁見智。不過,我始終認為,選好的股票,長線一步步踏實的堅持投資,才是王道。中間的起伏動盪,總會有的。



-------------------

另外,我找了一張2001 - 2003 年的思捷價圖。顯示了兩件事:一、熊市也有牛;二、即使在歐元區經濟放緩的情況下,思捷每的盈利也能強勁增長。




睇睇張圖,01年由10元,跌到低於5元,現在是多少錢?

另有關這部思捷牌印鈔機的簡短評論和數字的東西,會在下一期資本壹週約略講下。

堅持 投資 隨笈
PermaLink: https://articles.zkiz.com/?id=744

看太長和太短都有問題 隨笈

From

http://chuicup.blogspot.com/2008/04/blog-post_26.html

原本想等埋中人壽業績出先寫文,但遲遲都未出。

不少人對阿爺的救市措施有微言,其實這是不愔中共運作的表現。

中國經濟改革經歷這麼多年的發展,尤其是近年的躍進,顯示了中國政府掌管經濟那一班人的厲害。

個人想法:阿爺救市,唔係為咗拯救股民,唔關奧運事,係為咗拯救自己。認識中共歷史的話,會知道權力架構裏面的鬥爭非常激烈。市況跌得太爛而令到情勢動盪,或者令經濟運轉有阻力,當政者就會受到內部敵對者的壓力。

那 當然,股市要升得起,必定要有企業盈利所支持。大部份企業若然是爛的,經濟是差勁的,怎托也不會起。將目光多點注意基本分析吧。投資中國,考慮政治因素是 基本分析之一。若然對中國的「社會主義特式的市場經濟」不滿、深感困惑或者投不信任票,那麼,只好選擇其他市場投資。 我們做玩家的,是要睇遊戲規則來做人;抱怨遊戲的規則,只是多餘的舉動。想想下一步應怎樣做好過吧。

另外,經常遇到十年後股票表現怎樣的問題,又或者時常有人幻想十年後自己的股票怎樣。

其實能夠睇得通某支股票兩三年的發展已很不錯,看得太遠和看得太近一樣會出問題。

投資股票有好多時候是摸著石頭過河的過程,要靠不斷吸收新的資料作基礎分析和監察,不斷引證自己當初的想法,進而作出行動。預測長遠的經濟方向或許都有人能辦到,但是有誰人能夠肯定告訴你某支股票十年後會怎樣?正如十年前持有花旗銀行的人,可否預計到現在的表現和回報?
看太 太長 長和 和太 太短 短都 都有 問題 隨笈
PermaLink: https://articles.zkiz.com/?id=801

一些觀點 隨笈

以下是一些好主觀的個人觀點,或者投資理念,不喜勿插:

熊他老味的觀點仍然維持。
Buy-and-hold 和捕捉波幅最大的分別,在於即使能夠高沽,好多人未能夠將全部投資再次進入市場(低買),以致長遠回報較差。此論調在西格爾教授 (J. Siegel) 的 "Stock For The Long Run" 有所提及。
認為 simple mind 和樂觀的人較易獲利。
有些人喜歡在二三線股裏找「滄海遺珠」,並大手買入,是一件危險的事。其實一般大路好股是人所共知,只要有良好的EQ和心態、買入的時機不太差、長期持之以恒的投資,達到良好的回報不會太難。
適當投資大藍籌也能賺取豐厚回報,而風險通常較低。
適當地分散投資是必需要,在某些時候甚至能救你一命。不要自視過高,以為有能力將所有雞蛋放在一個籃子,而可以保證它不會出事。
雖然話分散投資,但也不要太散,我認為5-8隻股票對散戶來講是差不多。10隻股票以上一定無可能睇得哂。
月供和借錢買股票絕對是兩回事。
我反對一般散戶做孖展或者好loose 咁借錢買股,雖然我不排除某些勁人可以藉此發達。聽聞大瘤在 I kill you later 一役慘被斬倉(未經證實消息)。
物業投資涉及大支槓桿,資本並不厚而現金流弱者絕不宜投入太多。自住買物業是鼓勵的。
當個個都考慮炒樓,市面上炒樓成為熱門話題,關於物業的投資書愈來愈多的時候,要非常小心。
現在棄股買一些二線區、樓齡大的一兩房小單位,我認為是不智的行為,事關水位不多,而股票很多還是不貴,甚至便宜。
港人的收入,其實在高通漲的情況下,正在萎縮中。所謂的需求上升,一部份是投資意欲所帶動。
今年香港的零售業,在舖租大幅上升之下,面對很大挑戰。
新地找一個完全不是董事會成員,又沒有official 職務的郭老太做主席,證明它還未走出家族生意的影子。
一些 觀點 隨笈
PermaLink: https://articles.zkiz.com/?id=1017

Dr. Tsang: Esprit Fry 1 Round?? 隨笈

From

http://chuicup.blogspot.com/2008/06/prof-tsang-esprit-fry-1-round.html

…..
這和我之前話六月底才有嘢睇的斷估吻合。

可是,我之前亦都講過,短期的升跌是無法估計的,估中是運氣。

1. 長線持有優質股票才是投資王道
2. 短炒係愚蠢的行為

引用幾句 Peter Lynch 的名句(隨笈按:由朝到晚都巴菲特點點點,巴菲特物物物。。。。。。好歌聽幾百萬次都悶死人了;而且太多人對巴菲特的東西斷章取義):

股市下跌正是撿便宜的好時機,這些便宜貨是那些驚慌中逃離風暴圈的投資人所丟出來的。
假如股票下跌,但基本面仍看好,就不該賣掉,甚至要加碼買進。
股市要求堅定的信心,沒有信心者必將滅亡。除非你在拋空,或故作憂鬱狀想釣個富家女,否則悲觀是賺不到錢的。
在股票上漲時賣出,是一種自我欺騙的策略,這就好像把花園裡的花拔掉,而去灌溉野草一樣;股市就像玩撲克牌,只要手中的牌顯示有勝算的可能,就要緊握在手裡。(背景: Peter Lynch 強調緊抱好股票以獲得大利的重要性。)
你的股市虧損之路,開始於一份經濟展望報告。 天曉得利率、經濟景氣或股市未來會怎樣,不如把精力放在上市公司,仔細研究你投資的企業的近況如何。
假如你是那種會在慌亂中拋售一切的人,你就該遠離股票市場。(背景:Peter Lynch 強調有個性缺陷的人,不適合投資股票。)
我的競爭對手大多不去找買進的原因,而專找不買的原因,這就是我的優勢所在(背景: Peter Lynch 在New Money Masters一書中談到一般法人機構投資者的盲點。)
專家的意見及看法,絕不能帶給散戶任何優勢 [隨笈按:甚至會被人利用],你的投資利器就在你自己身上,投資你瞭解的產業和企業,才能發揮自身的優勢。
在短期內,或許幾個月,甚至幾年的時間內,上市公司經營得成功,股價不一定就會有所反應,但長期而言,企業成功與否,和股價會不會漲,絕對有百分之百的關係,而利多不漲,正是賺錢的好機會,要買好公司的股票,還要有耐心。
Dr Tsang Esprit Fry Round 隨笈
PermaLink: https://articles.zkiz.com/?id=1242

曾博士,回購=事倍功半的托價?? 隨笈

From

http://chuicup.blogspot.com/2008/07/blog-post_16.html

曾博士:思 捷 回 購 支 持 股 價

思 捷 ( 330 ) 真 大 手 筆 , 出 資 億 元 回 購 股 份 , 使 到 昨 日 思 捷 成 為 唯 一 一 隻 逆 市 而 升 的 藍 籌 股 。 逆 市 支 持 股 價 , 並 不 容 易 , 是 事 倍 功 半 , 特 別 是 以 公 司 的 錢 來 支 持 股 價 , 更 加 不 容 易 。 如 果 是 大 股 東 出 錢 支 持 股 價 , 投 資 者 會 認 為 該 股 股 價 已 經 跌 到 連 大 股 東 也 覺 得 便 宜 了 , 因 此 , 會 有 一 些 長 期 投 資 者 跟 隨 大 股 東 入 市 買 股 票 。 但 是 , 以 公 司 的 錢 支 持 股 價 , 投 資 者 只 會 趁 這 個 機 會 將 手 上 的 股 票 以 高 一 點 的 價 錢 脫 手 , 投 資 者 會 擔 心 一 旦 公 司 停 止 支 持 股 價 , 股 價 會 再 大 幅 下 跌 。

思 捷 動 用 大 量 現 金 支 持 股 價 , 可 見 現 金 非 常 充 足 , 可 惜 卻 無 法 為 現 金 找 到 出 路 , 只 好 用 來 支 持 股 價 , 解 救 股 民 。

--------------------

這篇文章可謂亂來。公司回購股票的問題我記得已講過幾次,堂堂某大學的MBA課程主任,竟發表這等平庸老散目光思想的文章,實在令人失望。

一、思捷手持五十多億現金,拿億幾兩億出來回購,有幾大手筆?

二、 公司回購股票,並不是為了「托股價」也不是為了「解救股民」。而是它將回購的股票注銷,令每股的權益加大,每股的盈利加大,股票的價值是得到直接提升。好 的公司管理層抓住股價不合理地低殘的機會,以少量現金回購股份,令股東直接得益,提升回報,比亂用資金在其他方面或者收購一些低效率的公司對股東更有利。

三、大股東購買自家公司股票有好多目的,可以是為了維持自己的持股比例,或者覺得自己公司抵買想加大投資等等。但那是沒有實質提升股票價值的作用。而且亦有不少財技佬大股東,時常又增持又減持,將股票又收又派,那些大股東的增持行為,能對小股東(股民)有什麼代表性?

四、思捷的管理層之前已表明,會將幾十億閒置現金盡量以股息派發。現在出資回購,明顯是覺得回購自家公司價錢低賤的股票,比派現金更加對股東有利,才會有此舉動。
博士 回購 事倍 倍功 功半 半的 的托 托價 隨笈
PermaLink: https://articles.zkiz.com/?id=1353

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019