ZKIZ Archives


兌換恒隆系認股權轉頭即沽中環在線:吳士元變億萬富翁 李華華


2010-06-11  AD





 

恒隆地產 (101)執行董事吳士元,唔聲唔聲變成億萬富翁。港交所(388)早排已經披露吳士元喺上月底兌換咗部份恒隆地產與恒隆集團(010)嘅認股權。點知, 佢轉頭沽埋,全部套現1.4億元,扣減成本價後,賺過1億元,認真和味。

根據港交所資料,吳士元上月底以每股9.2元換咗323.9萬股恒 隆地產,本月4至8日三個交易日分批沽清,每股平均價介乎28.2至28.4元,賬面賺6193萬元。喺同一時間,吳士元以5.87元換咗125萬股恒隆 集團,亦都係分三日沽清,平均價介乎38.3至38.5元,賬面賺4066萬元。

就係咁樣,吳士元喺兩個星期裏面變成億萬富翁(華華唔排除 佢本身已經係有過億身家嘅打工皇帝)。

尚持認股權市值6.8億

華華最初睇見吳士元沽貨,仲以為佢打算唔做,但再睇清楚港交所 資料,吳士元仲有2380萬股恒隆地產認股權,行使價介乎17.14至26.46元,成批股份市值6.8億元,大部份今年8月以後先可以分階段分批行使。 恒隆集團佢都仲有308.8萬股期權。照咁睇,吳士元都未必急住走啦,冇理由同錢作對啫。

恒隆主席陳啟宗請人出手闊綽就街知巷聞o架啦,佢 早前就以年薪2100萬元請咗國泰(293)「生招牌」陳南祿過檔。陳南祿下個月先返工,就有520萬元花紅落袋,兼有1000萬股恒隆地產認股權呢!

李 華華



兌換 隆系 認股權 轉頭 即沽 中環 在線 吳士 士元 元變 億萬 富翁 華華
PermaLink: https://articles.zkiz.com/?id=16045

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019