ZKIZ Archives


直擊恒基總部簽約作實 陳豪豪宅豪贈陳茵媺

2013-05-02  NM
 
 

 

拍拖已兩年的拖友陳豪陳茵媺,恩愛再升溫!早已鎖定對方為結婚對象的陳豪為盡快完成人生大事,近年密密搵儲彈藥,上週被本刊拍得他親身到位於中環IFC的恒基地產總部,扑槌簽約,以3368萬購入大埔比華利山4000呎獨立屋。未正式簽字結婚,但陳豪相當識做,樓契預咗加埋女友名,陳茵媺呢個「豪嫂」,走唔甩!

開聯名戶口

財經界普遍認為樓市在未來兩年向下調,但早想成家的陳豪卻不想夜長夢多,睇準時機,趁一手樓新例殺到前,以低出市價兩成,購入比華利山最後一幢別墅。單位位於屋苑內湖景道,建築面積4000呎,實用面積2461呎,共分四層連天台,飯廳客廳及主人套房外,還有三間客房及兩個車位,景觀飽覽吐露港全海景。與陳茵媺拍拖後,陳豪事事以女友行先。早前陳茵媺在大馬拍攝新劇《單戀雙城》,疑被臨時演員非禮,陳豪二話不說,即飛當地安撫。據了解,陳豪為給女友驚喜,今次的買樓大計,由搵樓、睇樓到扑槌,全盤親自策劃,更打算在樓契中加上女友名字,由二人共同持有。接受訪問時,他更透露稍後會開聯名戶口,有錢與女友齊齊使,進一步確認「豪嫂」地位。「Moses個人好穩重,Aimee就比較活潑鍾意玩,兩個性格一凹一凸,但又出奇夾,Moses同身邊啲朋友都講過,結婚係遲早嘅事,而家只係專心做好啲準備,儲多啲錢,plan好啲佢同Aimee嘅將來;又話遲啲同Aimee開個聯名戶口,反正佢哋而家啲錢都係共用,一齊開戶,反而可以更有計劃咁儲錢同投資。」陳豪身邊朋友說。

高人睇風水

近幾年開始信風水的陳豪,在麥包(麥長青)介紹下,由娛圈御用風水高人苗師傅睇風水;前年他與陳茵媺租住深井碧堤半島,今次買比華利山獨立屋,全部由高人教路。「Moses仲搵苗師傅夾過佢同Aimee嘅時辰八字,擺埋風水陣。跟苗師傅嗰批藝人,唔係住貝沙灣就係碧堤半島同比華利山,好似黎耀祥、麥長青、張兆輝、古天樂全部都係聽佢話,個個有名有利,Moses同Aimee搬咗入碧堤都真係好旺,Moses唔使講,最緊要帶旺埋Aimee,今年搵多咗好多。」

第二日扑槌

上週五(二十六日)中午十二點,一早約好地產經紀的陳豪,現身位於中環IFC的恒基地產總部,直上七十三樓的營業部,簽臨時買賣合約,只見他拎住其他樓盤樓書,詢問經紀意見,在內逗留接近兩個鐘,拎住公文袋的陳豪才與經紀離開。「比華利山呢個盤都有好多藝人住,之前徐濠縈同Eason都睇過樓,不過佢哋嫌大埔太遠,但Moses一睇就好啱心水,睇完樓第二日,就打俾經紀扑槌。」

密密買工廈

自稱穩陣派,鍾意買磚頭保值的陳豪,手上除了持有將軍澳都會駅單位及一間西貢村屋,原來早於○四年,便與家人聯名,以一百二十萬購入柴灣工業城一個寫字樓。今年二月,他與家人成立新公司「The Black Drop Limited」,準備再出擊。據了解,簽約當日,陳豪對恒地最新推出、位於黃竹坑的環匯廣場寫字樓單位,十分有興趣。「嗰日佢問經紀攞晒資料,Moses對中層嗰啲一千呎嘅單位最有興趣。其實佢一向有投資買寫字樓,全部都係同屋企人聯名持有,Moses眼光都幾準,賺唔少。」知情者說。

明星別墅

位於大埔三門仔半島的比華利山別墅,是區內最大型的別墅屋苑,屋苑分三期,共有535戶。雖然屋苑洋房建築密度高,私隱度不足,但飽覽吐露港海景,又擁有超豪會所,設施包括影院、網吧、宴會廳、泳池、緩跑徑等應有盡有,吸引大量明星客入住及投資。

方力申、鄧麗欣

拍拖八年的方力申和鄧麗欣,早年在西半山租住碧麗道洋房同居,去年以月租八萬進駐比華利山4,000呎別墅,有指二人睇中屋內有私人泳池。

黃浩、徐淑敏

11年,黃浩父親黃文霖病逝,為免觸景傷情,加上徐淑敏再誕下細女,於是舉家搬進比華利山銀地道的4,300呎別墅。

謝安琪、張繼聰

原本以4,000元租住大埔村屋,10年搬到月租28,000的比華利山翠樺道2,600呎連700呎花園洋房,租約期滿後,再搬到附近同樣呎數的單位。

舒淇

11年,舒淇以發展商超筍價1,830萬購入比華利山翠樺道2,600呎獨立屋,作投資用途。

雷頌德

09年以2,300萬購入比華利山湖景道單號屋,面積4,046呎,享有船灣海景,他更指屋苑的會所設施多,加上大埔空氣好,適合兒子居住。

信者得救

近年深受圈中人擁護的風水師苗師傅,行事低調不愛曝光,平日只能靠用傳真聯絡,追隨苗師傅的圈中藝人如黎耀祥、麥長青、古天樂、張家輝經他指點後,事業一帆風順。

張家輝

08年,搬入背山面海的貝沙灣後,轉投英皇電影,憑住電影《証人》,成為七料影帝。

何韻詩

11年,何韻詩聽取苗師傅意見搬入貝沙灣,並以綠色改運。其時何韻詩凡出席公開場合,都一身綠色打扮,國語碟也以《GREEN》命名,之後更出奇打入台灣極具分量的「金曲榜」女歌手五強。近年她主演的舞台劇《賈寶玉》叫好叫座,不時在內地巡迴公演,長做長有。

黎耀祥

早年開始跟隨苗師傅放生積福及布家居風水陣,搬住碧堤半島後,09年出現事業第一個高峰,憑住《巾幗梟雄》成為視帝,近年繼續當旺,分別在10年及12年再度奪視帝。

古天樂

02年,苗師傅建議古天樂買下京士柏山當旺屋,自此片約一部接一部。10年,古仔再依指示搬入貝沙灣,年拍七片的他賺過億,近年的《單身男女》、《竊聽風雲》等,票房大收,片酬颷升到千三萬人仔。

崑妝趕客

無綫四月劇集檔期先後推出兩套重頭劇,八點半時段,三料視帝黎耀祥主演的《神探高倫布》持續「柴九」式誇張演技,加上劇本唔掂,被網友圍插「悶到想爆電視」。九點半時段,以為久等九年的《金枝慾孽貳》可以補番數,一樣失望!花了六十萬拍攝的崑曲重頭戲,大戲妝下,平日稱得上「四正」的陳豪、關禮傑走晒樣,極之趕客;加上崑曲不為港人所熟悉,兩人表現吃力不討好,觀眾網友齊聲叫悶。《金枝貳》頭兩集十八個角色一齊出,人物關係加上對白,觀眾短時間內無法搞清;一班主要演員如鄧萃雯、蔡少芬、陳豪都算有演技之人,可惜配角不濟,葉翠翠「唸口簧」,苟姑姐廣東話唔鹹唔淡,就連主角之一的伍詠薇,都被批浮誇,講對白如「急口令」,節奏未能配合其他演員,劇集出街首週,同《神探高倫布》一樣,平均收視同得23點,比起八點播的處境劇《愛‧回家》有24點,還要低。

 

直擊 總部 簽約 作實 陳豪 豪宅 豪贈 贈陳 陳茵 茵媺
PermaLink: https://articles.zkiz.com/?id=55173

爽視彈:陳茵媺的背心熱褲 朱國亮

1 : GS(14)@2013-05-22 14:27:29

http://www.sharpdaily.hk/article ... %E7%86%B1%E8%A4%B2/

《情越海岸線》上周平均收視25點,已是無綫最高收視的節目,按過去的經驗,這應該被稱為低開劇,現在卻可以開香檳慶祝了,況且首播只是起步,往後收視應該仍會上升。《情》劇以長洲做背景,還要精心安排在飄色盛會時播映,戲裏戲外一齊搶包山,易於引起共鳴。不過《情》賣的不是長洲,而是美色,陳茵媺的背心熱褲,李綺雯的三點色,都是亮點。剛巧傳出陳茵媺懷孕消息,如果屬實,陳的豐胸美腿隨時是絕唱,宜珍惜機會,多看幾眼。要批評的是《情》跟姊妹作《情越雙白線》實在太似,黃浩然揸車換了揸船,前作撞車今次撞船,父子關係同樣惡劣,男女主角都是由鬥氣變成情侶,監製編劇太太太懶惰了。

朱國亮
逢一、三、五
爽視 視彈 陳茵 茵媺 媺的 背心 熱褲 朱國 國亮
PermaLink: https://articles.zkiz.com/?id=282924

【猴B報到】陳茵媺3年抱3

1 : GS(14)@2016-01-06 14:26:55

陳茵媺


李蘊去年6月與羅章冠註冊結婚,前日於海南補擺酒,李蘊默認陀猴B,雙喜臨門。娛圈今年亦有多位猴年BB,將會陸續與大家見面。



陳茵媺 陳豪

去年2月才誕下次子浩鋒,10月陳茵媺再宣佈懷有猴B,實行3年抱3。



黃伊汶 陳國坤

二人兩年前結婚,去年黃伊汶宣佈成功懷孕,預產期為4月中。




蔣麗莎 陳浩民

多仔公陳浩民去年宣佈太太蔣麗莎懷有第4胎,預產期為今年夏天。



徐熙媛(大S) 汪小菲

大S去年10月被爆再度懷孕,她自稱只懷孕1個多月,直斥爆料者破壞懷孕未夠3個月不張揚的習俗。



Jessica C. 安志杰

去年10月宣佈造人成功後,其後男方更於馬爾代夫向女方求婚,JC現於美國待產。



張梓琳 聶磊

張梓琳13年嫁給內地銀行高層聶磊,上月宣佈懷孕喜訊。





來源: http://hk.apple.nextmedia.com/entertainment/art/20160105/19438798
報到 陳茵 茵媺 年抱
PermaLink: https://articles.zkiz.com/?id=294094

陳茵媺挽闊太必備Hermes袋 襯一身紅噹噹

1 : GS(14)@2016-02-11 10:21:34

正在為老公陳豪陀住第三胎陳茵媺(Aimee),日前亦在微博po相和大家拜年,穿了一身紅噹噹的造型,仲話自己係「I am lady in red」。
Aimee身穿紅色連身裙,成功遮巨肚,加上手腳看起來仍然非常纖瘦,睇落完全唔似佗B6個月。經常都使用唔同款Hermes手袋的Aimee,日前就手拎Hermes酒紅色Lindy手袋,配襯同樣來自Hermes的帽子及scarf,差唔多由頭紅到落腳,腳踩一對Chanel平底鞋,一身造型行頭十足,睇落亦似足一個闊太。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160211/19486850
陳茵 茵媺 媺挽 挽闊 闊太 必備 Hermes 一身 紅噹 噹噹
PermaLink: https://articles.zkiz.com/?id=295829

陳茵媺李施嬅做姊妹戚黛黛嫁副機師 古堡行禮

1 : GS(14)@2016-08-07 02:13:42

■戚黛黛與副機師男友Calvin,已定於下月13日在意大利古堡內結婚。


現年34歲的戚黛黛與比她年輕兩年的副機師男友Calvin拍拖3年多,今年5月男友在峇里沙灘上求婚,黛黛一口答應。黛黛前晚在電話中透露已定於下月13日在意大利一座古堡行禮,並邀請約80名親友出席。除意大利外,亦會在多倫多及香港擺酒,而其妹將擔任伴娘,姊妹團則有陳茵媺、曹敏莉、朱凱婷、張嘉兒、李施嬅及張紫櫻(車車)等。



■好姊妹陳茵媺、朱凱婷、李施嬅、張嘉兒等將做姊妹,陪黛黛出嫁。

■自言最怕熱的黛黛,大部份的結婚相都安排在室內拍攝。

■黛黛與未婚夫Calvin有共識,婚後過半年二人世界,之後便努力造人。



三地擺喜酒

黛黛回應婚禮安排時說:「嘉兒就快(下月)生BB,所以唔會飛去意大利,但我都有邀請佢做姊妹。因為未婚夫父母喺多倫多,遲啲仲會喺香港同多倫多補擺喜酒,同一時間搞三地wedding,行程都幾緊密。」問到心情是否很緊張?她說:「開始有啲,得番個幾月,因為未婚夫比較忙,通常我揀完ABC畀佢決定,冇鬧過交,大家磨合得好好。」



心急想造人

黛黛直言心急造人,問是否奉子成婚?她笑住否認:「有都係肚腩,我同未婚夫商量過,原本都諗住想快啲生,因為我年紀都差唔多嘞,但唔係話有就即刻可以生,所以諗諗吓又想過一陣二人世界先,頭半年至一年盡量過二人世界,之後就順其自然。」一對準新人早前影婚紗相,除有黛黛至愛的cupcake背景外,還有去國泰城影飛機,以配合Calvin副機師的型仔look,但主景仍在影樓內拍韓風婚照,她解釋:「好耐之前已經想影韓國style婚紗相,但我哋又唔想出埠影,咁啱搵到個贊助有韓風studio,我份人最怕熱,如果出街影我諗一定會癲咗同黑面。」結果黛黛合共影了8個不同造型,在攝影師半推半就下,只有一套衫出戶外拍攝。問有否刻意減肥?她笑說:「都唔係只係影婚紗相嘞,結婚都要減肥,呢個行動keep住做緊,都OK弗咗啦!」採訪:嵐山





來源: http://hk.apple.nextmedia.com/entertainment/art/20160806/19724591
陳茵 茵媺 媺李 李施 施嬅 嬅做 姊妹 戚黛 黛黛 黛嫁 嫁副 機師 古堡 行禮
PermaLink: https://articles.zkiz.com/?id=304687

陳茵媺幫陳豪硬銷咖啡

1 : GS(14)@2016-08-08 00:17:13

政府上月公佈加強管制違地契工廈,包括荃灣順豐工業中心,而陳豪(阿Mo)經營的「Blooms Roastery& Craft Tea」咖啡實驗室正位於該工廈。不過,陳豪上月出席活動時,強調申請時依足規矩及取得相應牌照,不存在違規,加上不做零售生意,只是咖啡店供應商,所以沒有影響。雖然陳豪不做零售生意,但就有招待老友試飲,日前他就以8小時沖泡的冰咖啡招待老友李丞責和劉倩婷。劉倩婷昨日將大合照放上微博,大讚說:「精湛的烘焙方法。」陳茵媺亦在微博上載冧爆嘆咖啡照片說:「享受緊用8小時沖泡的冰咖啡!」撰文:魯吉





來源: http://hk.apple.nextmedia.com/entertainment/art/20160807/19725956
陳茵 茵媺 媺幫 幫陳 陳豪 豪硬 硬銷 咖啡
PermaLink: https://articles.zkiz.com/?id=304840

陳豪陳茵媺初次帶細女現身

1 : GS(14)@2016-10-16 08:20:00

張嘉兒喺9月就生咗B女Leora,正式做咗人母,而喺張嘉兒喺圈中人緣一向好好,所以呢段期間,好多圈中好友都有去到探佢同BB,昨日佢就喺微博貼咗張相,好似有湯洛雯、蔣家旻、戚黛黛、朱凱婷、岑杏賢、張美妮、楊卓娜同陳豪兩公婆,仲留言話:「Leora is one lucky, extremely blessed baby!寶寶多謝咁多位哥哥姐姐來探佢和送給她的禮物。」而陳豪同陳茵媺兩公婆,抱住個B女,就係細女Camilla,見到BB好多頭髮好可愛,陳豪抱住前世情人,兩父女真係好sweet。《蘋果》問到陳豪係唔係帶埋B女去探張嘉兒,佢就回覆咗一個有心嘅鍚鍚表情符號喇。




來源: http://hk.apple.nextmedia.com/entertainment/art/20161016/19802493
陳豪 豪陳 陳茵 茵媺 初次 帶細 細女 現身
PermaLink: https://articles.zkiz.com/?id=312258

同陳豪遊威尼斯陳茵媺萬元Moncler羽絨保暖

1 : GS(14)@2016-10-27 06:02:43

陳豪與陳茵媺暫時撇低三個子女,飛往威尼斯過二人世界,陳茵媺日前在微博狂po靚景相外,還貼幸福合照,以男朋友稱呼老公,大讚他安排周到,看來陳氏夫婦婚後依然如熱戀的情侶般甜蜜。威尼斯現時氣溫頗冷,最低氣溫只有11度,陳豪冷衫加頸巾,瀟灑出遊,陳茵媺就貴價Moncler羽絨不離身。皮膚白滑的她,穿上飾毛毛邊的雪白羽絨褸,並戴白色絨布小圓帽,白上加白。
Moncler有羽絨王之稱,一件羽絨褸動輒萬元,另外Moncler Grenoble以及由Giambattista Valli主理的Moncler Gamme Rouge更貴。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161027/19813383
同陳 陳豪 豪遊 威尼斯 威尼 陳茵 茵媺 媺萬 萬元 Moncler 羽絨 保暖
PermaLink: https://articles.zkiz.com/?id=313695

陳茵媺又拎Hermes新袋出巡同老公拍拖睇戲

1 : GS(14)@2017-02-18 09:51:49

陳豪和太太陳茵媺( Aimee)婚後三年抱三,Aimee就停工專心湊囝囝梓燁、浩鋒和細女凱婷,而陳豪就努力工作搵奶粉錢養家,工作再忙,兩公婆都會抽時間過二人世界,日前就趁情人節,現身九龍圓方拍拖睇戲。
Aimee婚後已甚少出席公開場合,不過每次出巡都是她用的包包都闊太最愛的Hermès,今次睇戲亦不例外,今次用了入門版的Garden Party粉紅色皮革手袋,之前都未見過她用這個顏色,未知是否愛妻號陳豪送她的情人節禮物?更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170218/19932411
陳茵 茵媺 媺又 又拎 Hermes 新袋 出巡 老公 拍拖 睇戲
PermaLink: https://articles.zkiz.com/?id=326893

陳豪湊3子女助復出陳茵媺大讚︰佢係超人

1 : GS(14)@2017-03-03 00:59:51

陳茵媺(Aimee)前晚喺尖沙嘴出席活動,穿上淺藍色tube dress加白色外套嘅佢,但仍輕露事業線同露美腿。在場記者讚佢身材好好,Aimee即開心話:「Thank you!so happy!好耐冇見大家喇!俾個機會我扮靚!」前晚係Aimee產後首次復工,問佢係咪收得好貴?佢冇正面回答,只笑住話:「我覺得係緣份,同埋時間嘅配合,因為我嘅另一半今日唔使開工,可以幫我睇住小朋友。」問陳豪係咪可以一個人照顧三位小朋友?Aimee即大讚老公話:「of course,he is superman!」問老公係咪錫晒囡囡?佢就話唔會,大家好公平。前晚活動係Towngas搞嘅,Aimee話好啱佢出席,o依家學整中國菜,新年整咗豉油雞、盆菜同鮑魚,聖誕就整咗火雞同埋糖醋骨。老公俾幾多分?佢話:「冇俾分,但食晒啲嘢,每次都整30幾人份量。」幾時真正復出?今日都算,有啲劇集都傾緊,自己好鍾意做嘢,家庭都重要,但現代女性都應有自己事業。」另外,二仔啱啱過咗2歲生日,當日整咗大恐龍生日會。Aimee就話兩個哥哥都好錫妹妹,初初都擔心佢哋會呷醋。問佢有冇人搵一家五口拍廣告?佢話:「都有,但要睇性質。」




來源: http://hk.apple.nextmedia.com/entertainment/art/20170302/19945057
陳豪 豪湊 子女 復出 陳茵 茵媺 媺大 大讚 佢係 超人
PermaLink: https://articles.zkiz.com/?id=327462

陳茵媺年底復出

1 : GS(14)@2017-05-21 00:59:11

■陳豪一家五口從新加坡度假返港,與推着行李的外傭步行到停車場取車。



陳豪一家五口日前被本報獨家拍到從新加坡度假回港,當晚約11時半,陳茵媺(Aimee)揹着細女步出機場,陳豪推着孖B車,外傭則推着一座山的行李。戴着黑框眼鏡的Aimee化了淡妝,陳豪面露疲態,二人安頓小朋友上車後,便駕車回家。



■陳茵媺孭着細女先行步出,陳豪就推着兩個囝囝跟在後面。

日前Aimee接受本報訪問時說:「我暫時都會focus on照顧三個小朋友,因為佢哋都係3歲、2歲、1歲,如果短暫啲嘅event,我都會出席。我太鍾意演戲喇,所以我絕對唔會放棄,我覺得現代女性都需要有事業同屋企。」她續說:「不過我好鍾意自己take care啲小朋友,對我嚟講放手都太難,變咗我要搵個平衡,希望呢個年尾或者下年,我先真係會考慮去拍嘢,不過要睇工作性質同時間,太長一定唔得。」採訪、攝影:羅德光、梁繼光




來源: http://hk.apple.nextmedia.com/entertainment/art/20170520/20026958
陳茵 茵媺 年底 復出
PermaLink: https://articles.zkiz.com/?id=333774

陳茵媺同老公旅行家庭樂 Goyard、BV手袋打孖用

1 : GS(14)@2017-05-21 00:59:12

陳茵媺(Aimee)平日現身多用闊太最愛的Hermès,不過去旅行照顧小朋友,自然多隨身物品,所以日前去新加坡就用了來自法國老牌的黃色Goyard tote bag,容量特大,絕對適合做奶粉袋,這個手袋Aimee在兩年前已經用過,夠環保。去旅行,用斜揹小袋就最方便,所以Aimee手袋打孖上,另外用了Bottega Veneta的Messenger Bag。




來源: http://hk.apple.nextmedia.com/entertainment/art/20170520/20027397
陳茵 茵媺 媺同 老公 旅行 家庭 Goyard BV 手袋 打孖 孖用
PermaLink: https://articles.zkiz.com/?id=333776

陳豪留港拍劇搵書簿費陳茵媺一湊三 驚險返多倫多

1 : GS(14)@2017-07-09 03:39:09

■陳茵媺不靠老公,一拖三帶仔女返加拿大。互聯網圖片



陳茵媺和陳豪於13年結婚,至今已生了兩子一女,分別在13年誕下大仔梓燁,15年初誕二仔浩鋒,去年4月則成功追女,誕下女兒凱婷,生產力相當強勁。而陳豪雖然工作忙碌,但亦經常抽時間陪老婆仔女,又變身湊仔公,經常全家出動享受家庭樂。早前有報道指,陳豪夫婦經過篩選之後,決定將已屆入學年齡的大仔梓燁,安排入讀香港猶太教國際學校。雖然學校比較冷門,但二人希望培育小朋友數學及精算方面,陳氏伉儷更不惜山長水遠,由大埔比華利山別墅送囝囝去半山返學。



■陳茵媺帶三個小孩返娘家,十分享受陪仔女玩的時光。互聯網圖片

互聯網圖片

■陳茵媺、陳豪婚後三年抱三,恩愛非常。資料圖片

16小時長途機

由於陳豪忙於拍攝重頭劇《誇世代》,陳茵媺便趁暑假,獨自一人帶三個小朋友返多倫多娘家,一拖三的確十分犀利,昨日她在微博貼了幾張跟兩個囝囝及囡囡在多倫多的相片,其中一張相是她抵達加拿大後,推着一架孖B車及將女兒孭在心口相片,陳茵媺還留言:「願望終於達成,獨個兒帶三個3歲以下小朋友回到home sweet home多倫多,第一次帶小朋友坐長途16小時飛機,非常刺激,非常擔心,但亦十分享受。畢竟作為一個母親,實在不容易!10 months of planning wasn't wasted!」此外,陳茵媺還貼了幾張在當地跟子女玩水及去草地玩的照片,雖然爸爸不在身邊,但見兩個囝囝都玩得開好開心。撰文:小米




來源: http://hk.apple.nextmedia.com/entertainment/art/20170708/20082350
陳豪 豪留 留港 港拍 拍劇 劇搵 搵書 書簿 簿費 費陳 陳茵 茵媺 媺一 一湊 湊三 驚險 多倫
PermaLink: https://articles.zkiz.com/?id=338490

陳茵媺讀劇本復出

1 : GS(14)@2017-08-02 05:59:37

■陳茵媺多謝祖父母幫忙,讓她可專心讀劇本。微博圖片



陳茵媺嫁給陳豪後,火速三年抱三,之後專心湊三子女,做一個全職媽媽,所以,陳茵媺已經有一段時間沒在螢幕出現。她亦曾講過,一直都好鍾意做戲,所以是絕對不會放棄拍戲,她認為現代女性需要有事業和家庭,最新消息指,她準備今年底或明年復出拍戲。昨日凌晨時分,正在加拿大跟三個寶貝仔女放暑假的陳茵媺,在微博貼了一張正在讀劇本的相,並留言道:「安靜落嚟,溫習緊新劇本!」及表示多謝祖父母幫助她照顧了子女們幾個鐘,讓她可集中精神。撰文:非非




來源: http://hk.apple.nextmedia.com/entertainment/art/20170802/20108613
陳茵 茵媺 媺讀 劇本 復出
PermaLink: https://articles.zkiz.com/?id=339254

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019