ZKIZ Archives


猷亨陳瀅甜蜜拖手揈揈下 P牌泊車勁輪盡

1 : GS(14)@2016-01-18 19:00:25

賭王嘅幾位公子最近都戀事多,何猷君同富女友Kimmy打得火熱,另一邊廂何猷亨亦情傾宅男女神陳瀅,更同傳媒直認係拍拖,相當重視女方。昨晚8點半左右,仲係P牌嘅猷亨,揸住架跑車載女友去到史丹利街附近一棟商廈食飯,猷亨明顯對架車唔係好熟,喺史丹利街連泊3個車位都唔成功,要搵代客泊車幫手俾指示,不過花咗成十分鐘都泊唔到嗰三個位,之後就去咗隔離街一個非車位泊車,搞咗一輪泊好車後,兩個人落車睇下架車有冇花。見到冇花,陳瀅就一馬當先行,猷亨拿拿臨鎖車,之後急急腳追上去拖實女友,佢哋上咗去商廈食飯,大約45分鐘後,猷亨同一位男性朋友落返去架車到,喺車尾廂拎咗啲嘢比個朋友睇,又可能此時襯女友唔喺身邊,猷亨就食返支煙先,可能女友唔鐘意喺佢面前食煙。去到10點半左右,猷亨就同女友手拖手閃人,兩人拖手時揈下揈下,真係甜到隔住個Mon都feel到,又一邊有講有笑咁上返跑車,猷亨好有風度咁車女友返九龍站上蓋嘅君臨天下寓所。





來源: http://hk.apple.nextmedia.com/entertainment/art/20160118/19456939
猷亨 亨陳 陳瀅 甜蜜 拖手 手揈 揈揈 揈下 泊車 勁輪 輪盡
PermaLink: https://articles.zkiz.com/?id=294489

帶師妹返公司賀年陳瀅深閨靠愛犬生財

1 : GS(14)@2016-02-11 10:21:31

■陳瀅抱愛犬Baymax返公司,
師妹 公司 賀年 陳瀅 深閨 愛犬 生財
PermaLink: https://articles.zkiz.com/?id=295827

陳瀅買卡搞驚喜 為猷亨炮製浪漫

1 : GS(14)@2016-02-15 18:03:44

【細心揀】■陳瀅前日下午到文具店費盡心思買情人節卡,明顯是送給男友何猷亨。








賭王何鴻燊與四太梁安琪的長子猷亨和孻仔猷君月前齊齊被爆有新戀情,其中猷亨跟「新一代宅男女神」陳瀅撻着,猷君則戀上西甲球會華倫西亞班主千金Kimmy Lim,昨日是猷亨及猷君與女友首個情人節。



猷亨女友陳瀅雖然日前聲稱情人節會捧老友何雁詩做騷,未肯向傳媒透露如何跟猷亨慶祝,但前日下午記者卻見她孖住劉佩玥到圓方買疑似整蛋糕材料及情人節卡,明顯預備昨日情人節冧男友!



【幫手攞】■陳瀅在超市購買製作蛋糕的用品,劉佩玥即代為放入自己背囊,真夠老友。

■陳瀅與猷亨早前曾到中環AIA嘉年華玩。資料圖片



前日下午4時許,陳瀅與劉佩玥在千両食完壽司後結伴逛超市,陳瀅站在陳列蛋糕材料位置挑選,付款時疑似買了整蛋糕材料和鮮奶,莫非準備親自整情人節蛋糕送給猷亨?劉佩玥之後陪陳瀅往文具店揀禮物盒、絲帶及情人卡,最終揀選了一張棗紅色情人卡離開,前後花上半小時,可謂精挑細選!記者昨日聯絡陳瀅,身在外地的她未有接聽電話,看來已離港跟猷亨享受浪漫情人節。



■何猷啟昨日買了一束價值800元的藍玫瑰,但未知送給那位情人。

何猷啟



猷啟800元買藍玫瑰

三房孻仔何猷啟早前被拍到夜蒲中環媾女,昨日下午1時許他先到跑馬地養和醫院探父親,逗留一小時後離開,並在附近花店買了價值800元的藍玫瑰後直返布力徑大宅,未知鮮花贈那位情人。其間有人送來有熊仔花束,未知送給是三房超雲還是超蓮?採訪、攝影:陳辰、唐如、吳耀輝





來源: http://hk.apple.nextmedia.com/entertainment/art/20160215/19491056
陳瀅 瀅買 買卡 卡搞 驚喜 為猷 猷亨 炮製 浪漫
PermaLink: https://articles.zkiz.com/?id=296003

紅疹未癒免疫系統錯亂陳瀅疑抱污糟狗 惹蝨上身

1 : GS(14)@2016-02-28 16:39:23

■陳瀅身上紅疹仍未痊癒,昨日她穿上長boot和外套遮實雙腳和腋下的紅疹。


陳瀅早前因皮膚敏感,身上出現一撻撻紅疹,令她要看醫生和食藥。昨日她現身銅鑼灣出席活動,坦言身上的紅疹症仍未治癒,她更懷疑有可能是狗蝨所致。她說:「我由細到大身體都好健康,醫生就指我今次係因為免疫系統錯亂,但係就唔知原因嘅。不過我就懷疑係生蝨引起,因為我記得出疹之前曾經帶過兩隻狗去公園,但事後冇同佢哋沖涼。」曾表示過要將感情事低調處理的陳瀅,於活動上每當談起男友何猷亨時,均顯得甚為避忌。至於和女友言行一致的猷亨,昨晚現身保良局周年慈善餐舞會時,與現場人士影完合照後,即使記者再三叫他做訪問,但他都沒有停下腳步,急急走入會場。



■陳瀅懷疑自己身上的紅疹,是因為愛犬身上的狗蝨所致。互聯網圖片

■早前陳瀅出席活動,身上出現一撻撻紅疹,十分慘情。資料圖片



諸葛吸小鮮肉自薦

與猷亨同場的還有黃浩徐淑敏夫婦、黃百鳴和諸葛紫岐(Marie)等,其中諸葛穿上一條側面see through的粉紅公主裙,率領旗下藝人莊端兒和黎美言等現身活動。Marie早前表示公司所簽的藝人全部都是女生,故此希望將來會簽一些小鮮肉,達至陰陽協調。誰知報道一出,即吸引唔少壯丁自薦,她說:「好多90後send email自薦,搞到電郵信箱都爆,我睇過佢哋啲相,好多都唔差,或者有機會組隊男團甚至男女組合都得!」採訪:曹家誠攝影:仇志德



■猷亨(右)昨晚現身保良局活動,影完合照便匆匆走入會場。

■徐淑敏和老公黃浩昨晚撇甩3個寶貝女,現身舞會。

■已為人妻的諸葛紫岐(中)難得騷少少性感,但她就謙稱身材不及身旁谷胸的莊端兒(左二)。



來源: http://hk.apple.nextmedia.com/entertainment/art/20160228/19508442
紅疹 未癒 免疫 系統 錯亂 陳瀅 瀅疑 疑抱 抱汙 汙糟 糟狗 惹蝨 上身
PermaLink: https://articles.zkiz.com/?id=296334

陳瀅遭師兄踢歪鼻

1 : GS(14)@2016-03-16 14:28:20

陳瀅與C AllStar昨日在尖沙嘴出席復活節揭幕禮,穿短裙的陳瀅即席玩跳彈床,她說:「15、6歲第一次跳彈床,同幾個跆拳道師兄一齊做花式,點知有位師兄一腳踢中我塊面,痛到喊,第一次俾人打,我個鼻有少少歪可能因為佢。」陳瀅剛於溫哥華探望婆婆返港,問到有否帶男友何猷亨見婆婆?她說:「我自己一個返,叫佢(婆婆)睇雜誌。」最近有網民大讚陳瀅素顏樣靚,她開心地說:「我見到報道都好開心,其實素顏唔容易,我對呢件事好驕傲。」猷亨是否已見過素顏樣?她說:「所有屋企人、朋友都見過,我返到屋企會即刻落妝,同埋多飲水、瞓覺。」採訪:黃曉妍攝影:陳慧安





來源: http://hk.apple.nextmedia.com/entertainment/art/20160316/19530687
陳瀅 瀅遭 師兄 踢歪 歪鼻
PermaLink: https://articles.zkiz.com/?id=298169

人妻Kary騷纖腰 vs青春陳瀅Baby Fat

1 : GS(14)@2016-05-08 01:44:09

吳雨霏(kary)、陳瀅及王曼喜等日前現身出席Fendi活動,Kary身穿Fendi2016春夏系列的印花透視長裙,設計若隱若現,造型摩登時尚,又富女人味,腰間的cut out設計,騷出Kary條纖腰,性感有型,而且露得相當有技巧。同場有少少baby fat的陳瀅就冇騷腰,揀穿了同季的白色雪紡tube dress,騷腿再加靚膊頭,裙上飾有立體花花,與她的青春甜美形象好夾,充滿春夏氣息,不過髮型就略為顯得老成,如果換個乾淨清爽的髮型,效果應該更perfect。





來源: http://hk.apple.nextmedia.com/entertainment/art/20160506/19599970
人妻 Kary 騷纖 纖腰 vs 青春 陳瀅 Baby Fat
PermaLink: https://articles.zkiz.com/?id=299752

陳瀅母親節送禮氹四太

1 : GS(14)@2016-05-08 01:56:24

陳瀅、吳雨霏(Kary)及王曼喜昨在銅鑼灣出席Fendi活動,問到陳瀅會否送禮物給四太、即男友何猷亨媽咪賀母親節?她說:「會送畀婆婆,佢湊大我。」不過她指若有合適的禮物也會送給男友媽咪。提到早前她遇上交通意外,她說:「可能會上庭,大家各執一詞,上庭好過自己去拗。」此外,Kary透露正為母親節送禮而頭痛:「好多都送過晒,仲有奶奶,唔敢大細超。」曾經是地獄廚神的她,笑言考慮親自下廚給媽咪和奶奶:「我而家好叻㗎喇!試過煮8人份嘅西餐,大家評語梗係話好味。」採訪、攝影:黃曉妍





來源: http://hk.apple.nextmedia.com/entertainment/art/20160505/19598090
陳瀅 母親節 母親 送禮 氹四 四太
PermaLink: https://articles.zkiz.com/?id=299881

陳瀅恨外地行禮

1 : GS(14)@2016-06-06 03:17:40

男友何猷亨身在波士頓與家人慶祝胞弟猷君大學畢業,昨日陳瀅則與文青女神袁澧林在灣仔會展參與夏日婚紗展,二人演繹多套設計師婚紗,陳瀅分別穿上露背、谷胸及露肩等婚紗亮相。



陳瀅早前曾和何家齊齊現身活動,身份被肯定,今次則沒份參與,她說:「我要工作呀,私事唔講太多,之後會私訊恭喜對方。」陳瀅小時候曾幻想二十出頭就出嫁,婚禮就像迪士尼公主一樣,成長後則思想改變,她說:「我諗我第日婚禮會喺外地舉行,要朋友請假,自己買機票嚟參加,可以試驗到邊啲係真心朋友。」若和男友猷亨修成正果,定必成世紀婚禮?陳瀅煞有介事說:「點會,話明要自己請假、買機票飛去。我哋現時都以工作為主,冇刻意提過呢樣嘢,而且身邊朋友都係單身,冇壓力。」採訪:卓寶花攝影:沈健程



■文青女神袁澧林(左)孖住陳瀅齊齊穿上婚紗亮相。

■陳瀅與猷亨於今年1月甜蜜拖手,正式公告戀情。資料圖片



來源: http://hk.apple.nextmedia.com/entertainment/art/20160605/19641686
陳瀅 瀅恨 外地 行禮
PermaLink: https://articles.zkiz.com/?id=302048

傳逼婚不遂 張振朗獻殷勤陳瀅猷亨陷冷靜期

1 : GS(14)@2016-07-14 08:09:47

■陳瀅被指因為來自破碎家庭,所以想早日結婚組織家庭。資料圖片


賭王何鴻燊與四太梁安琪所生的長子何猷亨,去年戀上大台小花、「宅男女神」陳瀅,二人相戀半年多,起初熱戀甜蜜蜜,陳瀅得到四太開綠燈融入家中,更獲加持齊齊去睇麥當娜演唱會,有望做賭王新抱仔。不過近月已沒見二人糖黐豆拍拖,昨日有報道指猷亨兩個月前已主動跟陳瀅分手,女方力挽狂瀾想箍煲但不果。近日更有指她與大台藝人張振朗因拍劇合演夫婦而熟絡,張振朗雖已有女友,但知道陳瀅甩拖即獻殷勤,撐枱腳食早餐又送消夜。有指分手原因是26歲的陳瀅與細她3歲的猷亨拍了拖幾個月,已主動逼婚,又愛管男友,皆因她來自破碎家庭,她疼錫的外婆年紀大,故想早點結婚組織家庭生B。而猷亨忙於打理家族生意,經常澳門及香港周圍飛,故二人已確實進入冷靜期,而陳瀅亦努力箍煲中



■何猷亨與陳瀅熱戀時,2月曾糖黐豆去嘉年華玩掟公仔。

■陳瀅曾跟四太一家去睇麥當娜演唱會,新抱仔地位獲肯定。資料圖片


■張振朗早前和陳瀅合演夫婦,被指拍劇後依然向女方大獻殷勤。資料圖片

屋企人最緊要

問到分手一事,身在加拿大的陳瀅昨日透過經理人以短訊回應:「我嘅感情事就唔係好像報道一樣咁講,只係想低調點,可能因為我少提到感情令大家有揣測,而現時我們都處於工作搏殺期,大家都是成年人有共識專注工作,我而家喺加拿大的婆婆身體都有少少好轉,我覺得現時最重要的係屋企人。」本報昨日曾致電猷亨,他表示忙開會,截稿前未有回覆。



讚拍檔有風度

另外,陳瀅表示與張振朗只是同事關係,大讚他gentleman及好拍檔,而張振朗亦否認追對方:「吓?唔係,唔好玩啦!」問他是否拍完劇依然以老公老婆相稱,他說:「我未睇新聞,睇咗先講啦!」採訪:唐心悠





來源: http://hk.apple.nextmedia.com/entertainment/art/20160714/19693472
逼婚 不遂 張振 振朗 朗獻 獻殷 殷勤 勤陳 陳瀅 瀅猷 猷亨 亨陷 冷靜
PermaLink: https://articles.zkiz.com/?id=303684

單挑賭王仔 張振朗攬錫陳瀅

1 : GS(14)@2016-08-03 02:19:38

2016-07-20 HJ
「宅男女神」陳瀅去年底大方承認與賭王何鴻燊四房公子何猷亨撻着,戀情一直備受看好,四太梁安琪更罕有地公開讚她靚女兼大開綠燈,嫁入豪門在望。

但近日前卻有傳兩人已分手兩個月,大台小生張振朗即乘拍劇之便攝位力追,日前他倆在中環拍攝一場貼身舞戲份,張振朗又攬又錫,擺明向賭王子挑戰。

成個反轉

陳瀅與何猷亨熱戀半年,灰姑娘童話令不少人為之羨慕,原以為「坐定粒六」做豪門少奶奶之際,卻傳出她因太黐身及逼婚,兩個月前已被猷亨狠撇,不過女神不愁寂寞,隨即獲新劇拍檔張振朗出招狂冧,不但三餐照顧周到,還人前人後都以「老婆」相稱。日前,兩人在中環碼頭為新劇《全職沒女》拍攝一場跳舞戲,隨着現場播的勁歌節奏,他倆自動波地胸貼胸共舞,大汗疊細汗都冇介意。

兩個跳到㷫烚烚,張振朗開始作高難度挑戰,突然雙手攬實陳瀅的纖腰奮力一拋,她即時離地彈起至三呎高,繼而又作「風火輪」般,將她垂直反轉再反轉。雖然動作驚險,但她對對方信心十足,整個人交由他任舞。事後見男方成頭大汗,陳瀅更貼心地為他抹乾,好不細心。

劃清界線

與張振朗玩到貼晒身,不過陳瀅強調冇過電,「我同張振朗喺劇入面係飾演情侶,所以有好多對手戲。佢份人好gentlemen,係個好拍檔。」至於跟何猷亨依然情未變,她更甜絲絲大讚男友:「我鍾意佢都係因為佢勤力」,還說:「我嘅感情事唔係報道咁講,係我想低調啲。??家我哋都處於工作搏殺期,大家都係成年人,有共識專注工作。」女神封路,張振朗也攞女友陳芷尤當擋箭牌,「我掹車邊都掹唔到啦,我哋只係同事關係,從來都無叫過佢做『老婆』,反而聽過佢叫何雁詩做『老公』。我亦無背住女朋友同佢發展,唔驚佢誤會。」始終今次對手太強,張振朗單挑失敗也合理。

攬腰

張振朗出盡力把陳瀅整個人反轉,陳瀅頭面向地,四腳朝天時不慎露肉人前。

錫面

二人互攬胸貼胸,張振朗還親吻她的額頭。

陳瀅跟張振朗日前大跳貼身舞,男方出力攬實陳瀅的纖腰fing 來fing去,表現親暱。

陳瀅戀上何猷亨後,今年二月拍拖睇麥當娜演唱會,大方公開戀情,但半年不到竟傳出「分訊」。

有傳張振朗拍劇期間向陳瀅大獻殷勤,當日兩人手牽手甜蜜轉圈,不時眉來眼去。

陳瀅主動攬着張振朗,被胸壓的他一臉受落。

張振朗扶着陳瀅的腰,大力抬起,小心翼翼護着女方。

陳瀅細心地拿紙巾幫張振朗抹汗,他難掩笑意,甜到入心。

陳瀅與陳松伶、張兆輝等合照,冇份影的張振朗企在一旁實陳瀅。

張振朗返回座位開餐,陳瀅才安心進食。

陳瀅與張振朗連食飯都要黐埋一齊,小女孩在劇中是陳瀅的女兒,「一家三口」同枱,十分溫馨。

另一日在電視城開廠,放飯期間,張振朗被成班小演員圍到實,陳瀅則貼心地幫他霸定位。

撰文、採訪 娛樂組

攝影 梁比利

設計 林文俊
單挑 賭王 張振 振朗 朗攬 攬錫 錫陳 陳瀅
PermaLink: https://articles.zkiz.com/?id=304187

陳瀅猷亨各自搵食

1 : GS(14)@2016-08-07 01:48:24

■回復單身的陳瀅(右)有劉佩玥陪逛街。


陳瀅與賭王四房大仔何猷亨由拖友變朋友,二人分手後不愁寂寞,回復單身的陳瀅有閨蜜劉佩玥相伴,昨午5時多,二人現身圓方吃麵,邊吃邊傾偈,大約20分鐘後由陳瀅負責結賬離開。


■何猷亨前日見完朋友後,晚上陪媽咪吃飯。


猷亨分手後亦未有新目標,前日下午約5時,他獨自在中環出現,拿着環保袋的他後來會合了一位30多歲、揹着小朋友及帶着一位幾歲小朋友的女士,再做司機接送各人。本報聯絡過猷亨,他指對方是朋友,又叮囑不要刊登小朋友的相片。之後猷亨再約媽咪及兩位男士在歌賦街嘆西餐,不過就全程玩手機。採訪:羅德光、朱志聰攝影:梁繼光、黃曉程





來源: http://hk.apple.nextmedia.com/entertainment/art/20160804/19722001
陳瀅 瀅猷 猷亨 各自 搵食
PermaLink: https://articles.zkiz.com/?id=304490

入豪門夢碎 陳瀅打回原形

1 : GS(14)@2016-08-09 07:58:10

2916-08-03 EW

「宅男女神」陳瀅去年底撻着賭王何鴻燊與四太梁安琪的長子何猷亨,成功融入何家及進駐四太名下的億元獨立屋。

原以為坐定笠六嫁入豪門,惜有傳過份進取的她,衰太黐身及向男友逼婚,結果戀情快來快去。昔日她坐賭王車,有司機接送,又出入高級食府;甩拖後,生活打回原形,日前自駕部舊Audi返工,即使去街食飯,也只是街坊裝踢人字拖,回復平民打扮。

揸回舊車

自跟賭王仔何猷亨分手後,入豪門夢碎的陳瀅一度避走加拿大治情傷。回復單身的她,性感大解放,繼網上大晒泳衣照後,日前又身穿低胸裙,打出三吋事業線出席活動,席間直認「分」訊︰「適當時候就會識得放手,專一同唔放手係兩回事。(放低舊情了?)我唔aggressive,心態放輕鬆,少咗壓力。」

雖然講得輕鬆,但她分手後,生活質素明顯有變,昔日隨猷亨到名人愛光顧的高級食府Amigo開餐、出入坐賭王名下的房車及有司機管接送、還順利進駐四太名下巿值七億的香島道獨立屋。但今時今日回復「貼地」生活,當日活動後,她駕回繼父於數年前送給她的AudiTT開篷牛跑車;翌日一身街坊裝的她,踢住人字拖跟好姊妹劉佩玥到住所附近覓食,既懶得打扮,又食得求其,平民化得多。

四太慰問

飽受情傷的陳瀅,心情麻麻,沿途不斷向劉佩玥訴苦,直至見到記者拍照才強撐笑容,被問及失戀心情,她即以「講晒啦」帶過,繼而轉移話題︰「冇情傷。啱啱食完嘢散吓步,唔好影對腳,好sexy,屋企裝束, 家返屋企。」雖然她打回原狀,幸有好姊妹劉佩玥陪伴渡難關 ,不過她強調跟猷亨再見亦是朋友,至今仍保持聯絡。

至於舊愛何猷亨,留英學成回來後便接手母親的地產生意,又是保良局「最年輕總理」,有才又有財。雖然早前四太對他跟陳瀅拍拖也大開綠燈,更讓陳瀅加入何家飯局及一齊去睇麥當娜演唱會,惜仔大仔世界,戀情轉頭已降溫。無拖拍的猷亨,已收拾心情投入工作,日前西裝骨骨跟四太到中環邊歎茶邊講生意經,公事之餘,四太也向囝囝予以慰問。不過貴為城中鑽石筍盤的猷亨,只得廿三歲,現在是事業搏殺期,拍拖一啲都唔急。

撰文、採訪 娛樂組 攝影 娛樂突發組 設計 黎志堅
豪門 夢碎 陳瀅 瀅打 打回 原形
PermaLink: https://articles.zkiz.com/?id=305166

陳瀅懶理猷亨媾女

1 : GS(14)@2016-10-28 06:24:20

陳瀅、岑麗香、龔嘉欣、楊明、莊思明及高海寧等,昨日在中環出席邵氏兄弟控股有限公司記者會。賭王四房長子何猷亨跟陳瀅甩拖後,日前被拍到偕長髮索女到中環撐枱腳,陳瀅被問到舊愛猷亨有新歡,她即封嘴:「唔答。」陳瀅表示現在享受工作,無暇拍拖。同場的龔嘉欣被指介入楊明與莊思明戀情,三人昨日同場並不尷尬,龔嘉欣說:「佢係識十年好兄弟,新聞只係炒作,唔係事實。」高海寧則表示如真命天子出現會公開,對方可是創作人鄧智偉?她即說:「你哋畀啲空間我啦!適當時候會講。」撰文:楊定


■岑麗香昨穿上連身套裝露香肩。

■被指介入楊明及莊思明戀情的龔嘉欣(右圖),表示三人同場並不尷尬。





來源: http://hk.apple.nextmedia.com/entertainment/art/20161028/19814155
陳瀅 瀅懶 懶理 理猷 猷亨 亨媾 媾女
PermaLink: https://articles.zkiz.com/?id=313848

陳瀅拒談猷亨新歡

1 : GS(14)@2016-10-30 14:36:01

陳瀅昨日以「小丑女」造型到山頂出席萬聖節活動,提到舊愛何猷亨早排被拍到帶新歡外出,她說:「我冇睇報道,唔回應喇。」她又稱雖然甩拖但不覺得豪門夢碎:「我一向有自己工作,冇話一定要拍拖先過到生活,單身都好enjoy。」看陳瀅的身形好像比早前圓潤,但她就否認兼稱自己比以前更苗條:「我呢排keep住做運動同打跆拳,遲吓仲想考黑帶。」




來源: http://hk.apple.nextmedia.com/entertainment/art/20161030/19816557
陳瀅 瀅拒 拒談 談猷 猷亨 新歡
PermaLink: https://articles.zkiz.com/?id=314134

【馮仁昭四圍超】陳瀅怕變剩女

1 : GS(14)@2016-11-16 05:10:41

陳瀅噚日喺荔枝角出席聖誕活動,佢希望聖誕可以請假到外國旅行:「我鍾意過凍嘅聖誕,如果身邊有愛嘅人一齊過,感覺就會好warm。」今年要單身過聖誕?陳瀅笑話想參加speed dating:「唔係因為恨拍拖,想試吓個過程係點,不過香港我唔敢,但外國人可能又覺得我唔吸引。我向來都少人追,而家對自己都冇乜信心,圈子又細,得班朋友全部都係女仔。」撰文:馮仁昭




來源: http://hk.apple.nextmedia.com/entertainment/art/20161114/19832640
馮仁 仁昭 四圍 陳瀅 瀅怕 怕變 變剩 剩女
PermaLink: https://articles.zkiz.com/?id=315683

陳瀅甩拖聖誕再遊日

1 : GS(14)@2016-11-21 00:05:12

陳瀅(右)和「文青女神」袁澧林昨日在將軍澳出席聖誕活動,現時單身的陳瀅,表示今年與幾位加拿大朋友去日本過,還指去年也在當地過白色聖誕。當時是否跟舊愛何猷亨一起過?陳瀅尷尬地說:「係啩,你哋仲清楚過我。」不怕觸景傷情?她說:「每年聖誕都可以有新嘅回憶。」袁澧林表示每年聖誕節會相約好友去長洲,不怕圈外男友詐型。




來源: http://hk.apple.nextmedia.com/entertainment/art/20161120/19839372
陳瀅 瀅甩 甩拖 聖誕 再遊 遊日
PermaLink: https://articles.zkiz.com/?id=316398

失婚拖友不斷酷晒紋身陳瀅新歡 女伴如雲

1 : GS(14)@2016-12-07 08:01:02

■陳瀅與賭王之子何猷亨分手後,最近傳出與富二代William拍拖。資料圖片



現年27歲的宅男女神陳瀅,跟賭王四房大公子何猷亨分手半年,曾表示再拍拖會選擇低調,日前被影到與身家過億、衣架大王劉璜之子劉德俊(William)卿卿我我,情侶關係盡在不言中。當日,陳瀅與好姊妹劉佩玥去九肚山獨立屋會新歡,陳瀅與William又攬腰又搓面,儼如熱戀小情人。《蘋果》昨日聯絡陳瀅,欲問她新戀情浮面一事,但她透過公司表示暫時不回應,待下周出席活動時才一次過講。



■離婚後的William,不時在網上貼被女圍的相片。

■William在九肚山寓所泳池,除衫晒紋身。微博圖片

■William(右)是衣架大王劉璜(左)之子,早年與模特兒胡希文結婚兼生了個女。資料圖片


育有一女

不過,陳瀅要「mark」實William定要花點心思,事關身家豐厚、外形不錯的他異性緣極旺,除了09年與擔任美女廚神的胡希文(Fiona)結婚,二人育有一女。離婚後,亦試過與僆模鍾蕙芝(Lavina)傳緋聞,又與鄧穎芝(Vangie)拍過幾個月拖,Vangie日前接受訪問,提到這位前度更讚不絕口,再見亦是朋友。而William接受傳媒訪問,雖透露目前會把工作及女兒放首位,但其個人微博幾乎每日都會更新一次,包括他剝衫晒紋身,又有不少他被大班女人圍着影相的親暱照。據知,William從小便到加拿大升學,畢業後返港除打理家族生意,還試過自資百萬開HK entertainment製作公司,舉辦活動及協辦演唱會,故他與不少圈中人均熟稔。而興趣則與不少富二代相同,喜歡駕駛跑車,亦經常在微博貼他的法拉利跑車相。採訪:李察




來源: http://hk.apple.nextmedia.com/entertainment/art/20161207/19857148
失婚 婚拖 拖友 不斷 酷曬 紋身 陳瀅 新歡 女伴 如雲
PermaLink: https://articles.zkiz.com/?id=318626

陳瀅新歡嘆一言難盡

1 : GS(14)@2016-12-09 00:03:49

陳瀅跟何猷亨分手後,搭上身家過億的富二代、衣架大王劉璜兒子劉德俊(William),William旋即被踢爆跟模特兒胡希文離婚,二人育有一女,他亦先後跟大乳嫰模鍾蕙芝和歌手鄧穎芝拍拖。



陳瀅。資料圖片

陳瀅被揭戀富二代後,只推說隨後的活動會交代,相信她在未清楚和處理感情關係之前,不欲亂講說話。William被爆有個囡囡,喜歡結識女藝人後,又不停貼女兒相扮慈父,在其facebook個人資料的感情狀況寫上「一言難盡」,難道跟陳瀅的關係就是這樣。採訪:非非




來源: http://hk.apple.nextmedia.com/entertainment/art/20161208/19858121
陳瀅 新歡 嘆一 一言 言難 難盡
PermaLink: https://articles.zkiz.com/?id=318782

陳瀅熟朋友會攬一攬

1 : GS(14)@2016-12-18 11:04:30

陳瀅、少女標本、雨僑及郭思琳昨日在科學園出席「全民螢火夜跑」活動,陳瀅回應和衣架大王劉璜兒子劉德俊(William)傳緋聞:「嗰日係佢生日,到一到打個招呼。見到熟朋友都會攬一攬,我識咗佢超過5年,知道佢結過婚有小朋友。」她強調雙方沒發展可能。而少女標本成員袁紫僑(Coco)則表示,會為男友何猷君準備聖誕禮物。




來源: http://hk.apple.nextmedia.com/entertainment/art/20161218/19868950
陳瀅 瀅熟 朋友 會攬 攬一 一攬
PermaLink: https://articles.zkiz.com/?id=319501

送上門入九肚山豪宅 陳瀅新歡曝光

1 : GS(14)@2017-01-02 17:06:19

2016-12-07 EW

宅男女神陳瀅跟賭王四房長子何猷亨拍拖半年,有傳因她太黐身兼逼婚,今年七月分手收場。回復單身的她,保持作戰狀態,繼自爆出遊美加時有艷遇外,又有意參加極速約會(speed dating),積極重投市場。

靚女自然多人追,甩拖約半年的陳瀅,原來已有着落。日前她帶埋好姊妹劉佩玥上九肚山豪宅會新歡,有「翻版方力申」之稱的「衣架大王」兒子劉德俊,二人一見面即不避嫌互攬,陳瀅更肉緊得狂掃男方面珠,剛萌起的戀情特別纏綿。

溫馨摸臉

現年廿七歲的陳瀅,先後拍過四次拖,對上跟賭王仔何猷亨的戀情見光死,拍拖半年便告終,事後她汲取教訓,自言「再拍拖會低調」。

上周三(三十日)她打扮靚靚出席手機活動,席間表示聖誕會回溫哥華跟家人度過,但問及有冇人追?她有所保留說︰「唔知,去玩都係有男有女。」話口未完,當晚七時許,她駕車到尖沙咀接好姊妹劉佩玥,便直奔上九肚山的獨立屋。她一抵埗即心急趕入屋苑,忘記自己腳踏四吋高踭鞋,行了幾步感不便,又上車換回波鞋,才跟劉佩玥到大門等候。

其後身穿運動衫的「翻版方力申」出來迎接,見到劉佩玥態度冷淡,但經陳瀅介紹後才揮手打招呼;而陳瀅對「翻版方力申」表現熱情,主動伸手搭男方肩膀,男方一臉受落,兩個勾腰搭背,含情脈脈對視。情到濃時,陳瀅更肉緊地捽男方面珠,好不親熱。

屋內換衫

陳瀅和「翻版方力申」當住電燈膽劉佩玥面前煙韌,劉似見怪不怪,事實上劉早前也表示昔日陳瀅跟何猷亨拍拖時,也會三人行。在大門擾攘近三分鐘,陳瀅如女主人般,帶領劉佩玥跟隨新歡入屋,期間曾傳出生日歌和熱鬧的派對聲。據知新歡正是「衣架大王」劉璜的兒子劉德俊,早年與模特兒胡希文結婚及育有一女,婚前也曾跟 模鍾蕙芝傳緋聞。

在屋內逗留約一小時,她們離開時,記者發現陳瀅由長裙換了吊帶白背心配長褲,造型輕鬆得多;未知是否保護新戀情,當記者問及陳瀅此行是否為朋友慶生日?她支吾以對︰「唔係。」不過轉頭劉佩玥卻透露在屋內吃蛋糕慶祝,似乎兩姊妹未夾好口供。

陳瀅有新戀情,另一好姊妹何雁詩也趕來新城市廣場開餐慶祝,三人大快朵頤,心情大靚的陳瀅臨走時春光乍洩,不慎露出肩上的bra帶,還風騷向守候的記者自爆行蹤︰「我哋走啦!返屋企啦!」

搬去新竇

昔日陳瀅跟何猷亨拍拖,二人不時在女方香閨樓下的圓方行街睇戲,隨着戀情告終,為免觸景傷情,陳瀅由九龍站搬到大埔的新竇。而去年蜜遊北海道過白色聖誕,今年則轉到東京旅行,一切重新開始。

幸福要自己爭取,她也不諱言「第一個男友係我主動出擊追番嚟」。愛得進取的她,甩拖後未有自暴自棄,keep住做運動和打跆拳操弗,準備隨時迎接新戀情。對於擇偶條件,她表示︰「我唯一要求係,唔可以瘦過我,因為我怕冇安全感。我好鍾意食嘢,比較鍾意為食啲嘅男仔,因為約會食飯,我可以叫好多嘢,每樣食少少,佢就幫手食晒,因為我好怕浪費食物。」看來陳瀅的新歡「翻版方力申」,應是相當食得之人。

撰文、採訪☆娛樂組 攝影☆娛樂突發組 設計☆黎志堅
上門 入九 九肚 肚山 豪宅 陳瀅 新歡 曝光
PermaLink: https://articles.zkiz.com/?id=321110

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019