ZKIZ Archives


吸血裝修豪搞錄音室陳奐仁被當水魚

2013-02-21  NM
 
 

 

來港發展一度由幕後走到幕前拍劇的音樂人陳奐仁(Hanjin),今年決定走回頭路,重張旗鼓,落重本裝修開錄音室;豈料裝修公司開天索價二百六十萬,普通木門也要七千;面懵心精的他見唔對路,搵地產界朋友幫手格價,結果埋單差一半價錢有多,險被當羊牯生劏的陳奐仁,慳番唔少。業主逼遷

年前陳奐仁因為業主賣樓,被迫壯士斷臂,放棄原有的錄音室,無地方做音樂,去年他索性轉攻幕前,拍劇、拍電影、做舞台劇再開演唱會,搵得到之餘,仲攞埋金像獎最佳新演員。不過,音樂始終排第一!陳奐仁對重搞錄音室一直未死心,早前他終於在黃竹坑找到合適地方,並第一時間搵裝修公司報價,重張旗鼓。「我見到張報價單嚇咗一跳,成二百六十萬,普通一道實心門都收七千,我同對方講唔使實心門,都要收五千。」陳奐仁說。

唔敢加價

被當水魚的陳奐仁,新加坡國立大學經濟系畢業,當然識計數,見裝修公司開天索價,於是向地產界朋友求救,轉公司再親自落區格價,結果埋單計數只需百零萬,慳足一半有多。「朋友話可能對方見我係藝人,所以先開價咁高;之後我同BB(陳奐仁太太暱稱)都有親自跟實啲工程,免得再節外生枝,阻慢進度。」

除了掟過百萬裝修,錄音室在器材設備方面亦有加碼,不過陳奐仁強調自己無將成本加諸客戶身上,依然五萬一首歌,收舊價!「依家唱片公司投資做碟好謹慎,好少會成張大碟咁做,多數都係EP或者Single,但我有番自己嘅錄音室,就可以做定多點歌,等人有得揀。」陳奐仁說。泊黃栢高碼頭加盟太陽娛樂後,陳奐仁不但成為公司御用音樂人,今年還有機會返內地拍戲,跟內地導演李欣合作,由於他戲中角色是個土生土長上海人,稍後陳奐仁會跟老師上課,學好上海話,開創新天地!

市差唔易做

出碟唔賣錢,唱片公司縮皮,陳奐仁投資開錄音室,花費百萬裝修,還要提供一條龍服務,作曲、作詞、編曲全包。張敬軒有契媽投資六千萬於廣州開錄音室,佔地三萬呎,頂級錄音器材,足以應付音響樂團高規格要求,設備齊全到連住宿都有,但開業以來,本地歌手預算有限,甚少幫襯。陳奐仁靠自己,錄音室要做到收支平衡,更不容易。

吸血 裝修 豪搞 錄音室 錄音 陳奐 奐仁 仁被 被當 水魚
PermaLink: https://articles.zkiz.com/?id=44309

陳奐仁開騷不求人

1 : GS(14)@2016-10-10 00:43:58

陳奐仁(Hanjin)昨日到銅鑼灣宣傳本月27日舉行的音樂會,Hanjin透露到時會有不求人樂隊助陣,他說:「不求人樂隊其實係我把聲加一支結他,同埋一個音效器做到十個人嘅效果。」他稱不求人名字來自徐小鳳:「之前幫小鳳姐做演唱會嘉賓同唱片監製,佢聽完我有呢個計劃後,就話呢個係不求人,於是我就用咗呢個名。」




來源: http://hk.apple.nextmedia.com/entertainment/art/20161008/19794319
陳奐 奐仁 仁開 開騷 騷不 求人
PermaLink: https://articles.zkiz.com/?id=311202

陳奐仁巡唱不求人

1 : GS(14)@2016-10-29 13:20:36

陳奐仁前晚在銅鑼灣hmv舉行音樂會,他說:「好多時做音樂,有自己音樂班底,但係我嘅班底,就係陳奕迅同容祖兒班底,有時你想同人合作,人哋做緊tour,你好難叫人哋放棄,於是自己諗一樣嘢就係自己搞一個音樂,喺一年前就開始構思呢隻碟,就係不求人大樂隊。」當陳奐仁發覺自己喜歡表演,便給予自己五年時間,目標是做一個不求人的巡迴演唱會。採訪、攝影:卓寶花




來源: http://hk.apple.nextmedia.com/entertainment/art/20161029/19815497
陳奐 奐仁 仁巡 巡唱 唱不 求人
PermaLink: https://articles.zkiz.com/?id=314009


ZKIZ Archives @ 2019