《巨額交易》拍檔抑鬱自殺阿澤別喬任梁「你一定很痛苦」
1 :
GS(14)@2016-09-18 10:51:50【1987-2016】■內地男星喬任梁因患上抑鬱症前晚在寓所自殺，同居女友發現時已返魂乏術。
網劇《小時代之摺紙時代》內地男星喬任梁前晚在上海寓所因抑鬱症自殺身亡，終年28歲。昨日喬任梁的經理人公司發聲明，證實他是因抑鬱症輕生。聲明中指喬任梁過去幾年受失眠困擾，但一直積極生活，直至去年遇上外界對他不實的報道和中傷後，患上了抑鬱症，「這一年，訪醫問藥，減少工作，度假散心，我們眼看他慢慢有了笑容，病情有所好轉。卻不料他用最決絕的方式擺脫不可承受之病痛，與世訣別。」
■28歲的喬任梁前晚在寓所自殺後，其遺體隨即被運離寓所。《新浪娛樂》圖片
■杜汶澤（右）回憶拍攝《巨額交易》時，與喬任梁（左）和藍正龍的難忘日子。劇照
■DaDa曾與喬任梁合拍電影《魔卡行動》，她也無法接受對方離世。
讚心地善良
喬任梁出生於上海，既是歌手，又是演員，07年因參加選秀節目《加油好男兒》而被觀眾熟知，後來和黃曉明及陳喬恩合演劇集《錦繡緣華麗冒險》而成為好友。對於喬任梁猝逝，圈中好友紛紛悼念，杜汶澤昨日在facebook留言：「我印象中你是個心地善良、謙虛有禮的年輕人。你選擇離開，一定是很痛苦。小喬，安息吧！」阿澤於2010年拍電影《巨額交易》而認識喬任梁，他說：「我同藍正龍當佢細佬咁，部戲講我哋三個去杜拜做生意，由於劇組安排非常差，所以我哋喺杜拜經歷咗一段難忘又辛苦嘅日子。希望佢安息，會為佢多念心經。」
■陳喬恩與喬任梁很死黨，黃曉明（右圖左）更視他好兄弟。
陳喬恩捱轟
陳靜（DaDa）去年與喬任梁合作電影《魔卡行動》，她昨日表示：「佢係一個好陽光好鍾意笑嘅人，喺意大利拍嘢時，佢好照顧我同我助手，我到呢一刻都唔係咁接受到佢嘅死訊。」何潤東留言：「嚇到了，不曉得甚麼狀況，怎麼會這樣，還這麼年輕。」陳喬恩與喬任梁關係一直親密，但她保持沉默沒有發悼文，被不少網民炮轟，不過也有紛絲為她辯護：「喬恩現在肯定崩潰了，他們是死黨啊！如果你的死黨自殺了，你還有心情發微博嗎？」採訪：楊定
來源:
http://hk.apple.nextmedia.com/entertainment/art/20160918/19773736
Jeana寸「識佢米奇老鼠」阿澤暗嘲袁嘉敏係「猿糞」
1 :
GS(14)@2016-09-25 10:28:19今年31歲嘅袁嘉敏(Candy)，參加2009年香港小姐，奪得最上鏡小姐後入行。當年Candy選港姐都叫做有後台o架，提名佢嘅就係影后級人馬吳君如，擁有34D上圍嘅Candy，仲俾君如姐叫做「大波Candy」o添！加入大台後，Candy嘅工作並唔多，主要做吓主持咁，拍劇並唔多，直至11年佢接拍《潛行狙擊》，戲入面做張國強嘅情婦，先開始被人認識。工作亦開始增加，是非亦開始多，好似12年佢就同o靚模許穎(Phoebe)齊為一套動畫電影《神秘之法》配音，兩女就各自話係套動畫嘅主角配音，仲喺旺角宣傳時鬥嘴，火藥味甚濃。之後Candy仲係微博度，暗寸Phoebe叫佢：「醒少少喇！」
Candy之後離開大台埋咗王晶堆，做咗「晶女郎」，Candy亦豁咗出去，接拍三級片《鴨王》，仲要全裸滿出，真係好搏架，唔知係咪搏得制。今次Candy又再同戲中嘅對手鬧不和！首先，佢就同Jeana(何佩瑜)，Jeana就以「識佢米奇老鼠」嚟寸爆Candy，之後Hazel(唐紫睿)就話佢成日黑面，咁Candy就即刻喺微博還話有人利用佢做新聞。三個女人都已經一個墟架喇，點知連男主角何浩文（Dominic）都要加埋入去圍攻Candy，令到Candy感到被孤立。Dominic就曾經喺fb到留言：「我真係冇興趣玩埋小學雞遊戲，自己唔知自己咩有問題就問下其他人發生咩事，點解自己被針對。」呢段留言，仲引咗曾經同Candy一齊拍《3D豪情》嘅杜汶澤加入戰團，阿澤留言話：「我懷疑你講緊一條八婆。」之後阿澤仲講到：「其他人同佢，就係佢哋之間嘅猿糞。」令人聯想到呢督「猿糞」就係袁嘉敏。
來源:
http://hk.apple.nextmedia.com/entertainment/art/20160925/19781188
屙嘔入院獲悉心照顧阿澤讚台醫療好
1 :
GS(14)@2017-02-05 10:48:27■杜汶澤早前到台灣，一落機即又屙又嘔。互聯網圖片
杜汶澤在新年期間前往台灣上佛學課，因為落機感不適，初四到當地公立醫院求醫，獲診斷患上潰瘍性腸胃炎，事後他在facebook大讚得到醫護人員悉心照料，更指診金只需500新台幣（約125港元）。
引網民迴響
本來小事一樁，但引來港台兩地網民回應，台灣網民慨嘆：「自費這價格也真的太便宜，醫療不應該是這價格，廉價只會造成浪費和血汗。」香港網民趁機鬧本地醫療制度：「有齊醫療保險，診金也要幾千港元。」
■阿澤大讚台醫院服務好，很快分流見到醫生。互聯網圖片
阿澤昨日向本報透露當日落機又屙又嘔，所以即時去公立醫院。他說：「我唔係本地人，唔可以插卡就掛到號，但佢哋醫療服務好好，好快分流，我等咗一陣就見到醫生。我估上咗年紀嘅醫生同姑娘都唔認得我，但都好細心。」對於事件引起港台兩地迴響，阿澤指大家不用太敏感：「我都係病啫，病都要睇醫生㗎，我只能夠話羨慕佢哋有咁好嘅醫療制度，希望香港有朝一日追得上，不過睇嚟都係冇希望。」更讚台灣是移民好地方，但他不會移民。採訪：李森、陳杰
來源:
http://hk.apple.nextmedia.com/entertainment/art/20170204/19917189
市民爭拍縱火案 阿澤籲反思華仔親筆為傷者打氣
1 :
GS(14)@2017-02-12 13:52:36■早前拍廣告受傷仍留院的劉德華，亦有留意港鐵縱火案。資料圖片
港鐵尖沙嘴站前晚7時多發生縱火案，是通車38年以來最嚴重的慘劇，釀成多人受傷，當時前英皇高層鄭燕玲（Kitty媽）坐出事列車，事後即在facebook報平安。仍在醫院卧床養病的劉德華，昨早在網頁貼了手書，寫上：「努力快好起來！！」表示心痛受傷的民眾，祈求傷者早日康復。
■華仔昨日親筆為縱火案傷者打氣。互聯網圖片
■杜汶澤指大家要反思拍片者不救火的背後原因。資料圖片
■尖沙嘴前晚的港鐵縱火案，大批市民留在現場拍攝。資料圖片
上載引關注
慘劇發生後，不少市民還留在現場拍攝放上網，被質疑危機意識薄弱，杜汶澤、吳業坤等圈中藝人亦有在fb表態。杜汶澤寫了一篇長文反思：「大家在facebook指摘拍片不救火的人，你們知道他們為甚麼拍片，因為要發facebook呀！當然我們可以指摘別人，這很正常，但同時，亦可以撫心自問，每天，我們到底又花了多少時間，腦子裏想想應該放甚麼在facebook上，可以引起關注。包括此post！」吳業坤亦有在fb提及：「火燭當然是拍片放上網緊要過逃生啦！」可能他知道其言論出事，事後火速刪走文章。
李丞責批中
另外，有網民指李丞責雞年運程書「預測」今年東南方會有麻煩事發生，當中提及容易有火燒列車、易有精神病患者做出異常行為，傷人無數等細節與縱火案巧合，李丞責受訪時表示：「今年丁酉年，屬火，舊年丙申年都係火年，連續兩年旺火。天干十年一個循環，67年、77年、87年同97年都多火，加上流年嘅五黃星，會有同火有關災害。」採訪：陳杰
來源:
http://hk.apple.nextmedia.com/entertainment/art/20170212/19925424
阿澤遇機位超賣：究竟係乜可以咁保障航空公司？
1 :
GS(14)@2017-04-13 00:24:02相信昨日大家都有留意美國聯合航空機位超賣呢單新聞，搞到有四位乘客被要求落機，而其中一位華裔乘客拒絕就範，結果遭強行拖走，同機乘客為他感到不值，事件亦引起全球網民憤怒。向來不平則鳴嘅杜汶澤，原來都試過有類似經歷，佢昨日就喺facebook上寫咗一大段令你仿如置身其景嘅對話﹕「你唔係唔知，航空公司有超賣機位夏話？」今日見到UA單新聞，真係好心噏。其實大家又知唔知，你俾咗錢訂咗機位，都唔代表你100%上到機。我同助手尾寶，就試過咁嘅經?。話說有一次去某個國家拍戲，果度出曬名無啖好食，所以一般人如果唔係為咗錢，絕對唔會去。Any皮，果朝早我地去到機場check in。個地勤人員（利申唔是UA）話：杜先生，唔好意思，班機爆咗。我：哦......咁好生意？咁恭喜你喎。地：......你無位喎。我：吓？哦。尾寶！咁尾寶咪比張 e ticket比佢囉。地：係，你係訂咗位，不過我地爆左喇，所以你上唔到機喇！我同尾寶異口同聲大叫：係咪真o架？一諗到唔使再去某國，兩個即時跳起 yeah啦！之後我就同個地勤講：咁麻煩你同個製片講有件咁嘅事，今日拍唔到嘞，你話你肯賠，咁就 ok啦！咁我就返去瞓嘞吓！寶：好呀！多謝你呀小姐，我其實好眼瞓呀！出咗名成日肚餓同眼瞓嘅尾寶當然好開心。即刻打俾製片，然後將個電話交比地勤人員。我隱若聽到電話裡面傳來鏗鏘響亮嘅粗口聲，從地勤個樣睇嚟，件事其實未完。地勤收綫之後，打咗個電話，跟住又有一兩個人過嚟，又㩒下部電腦。之後佢好似好X驚喜咁吊高把聲話：綺！杜先生！我搵到個位比你呀！我：「搵到」個位比我？我訂咗o架！之後我地拖住兩個hand carry同兩條半睡嘅身軀上機。寶：「搵到」個位喎，九成九搵到第二個好蝦d嘅乘客就真啦！我：咁梗係啦。其實我都仲係好好奇，究竟咩政權，可以咁樣保障生意佬呢？點解因為飛行成本高，就可以一千個位賣千幾張機票呢？點解比咗錢都唔等於飛到呢？究竟係咩logic乜嘢法律可以咁保障航空公司呢？係咪全世界都咁呢？當然大富豪會答你，係呀！細佬，所以我自己有飛機囉，你唔鍾意搭的士你都買車啦！有錢佬，當然會咁答。但係有時呢個世界上唔公平嘅事，就未必有人答到我。」唔知各位又有冇類似經歷呢？！
來源:
http://hk.apple.nextmedia.com/entertainment/art/20170412/19988270
邵音音撐阿澤鬧得起
1 :
GS(14)@2017-04-15 23:27:57邵音音、衛詩雅及麥子樂前晚在尖沙嘴出席《狂野時速8》首映，前輩邵音音被問到杜汶澤網上鬧曾志偉寸姜皓文，有不少人指阿澤反骨，她說：「我又唔覺得佢反骨喎！今時今日佢乜人都鬧得起，其實呢個圈鬧係一個改進，我哋呢一行啲人嘅性格都係有偏激，其實做得公眾人物，觀眾可以鬧吓我哋，同事又可以鬧我哋，我哋又會鬧工作人員，唔係啲咁緊要嘅事。」同場的衛詩雅指自己喜歡揸車，現在搬回家住，路途遙遠想買新車，她說：「趁後生我想買一架跑車，上年係咁拍戲，今年係收成期，希望可以買到車，預6位數字，手車OK，但係唔識泊車。」採訪、攝影：馬建華
來源:
http://hk.apple.nextmedia.com/entertainment/art/20170415/19990444
阿澤鄭中基食牛歡喜谷奇妙開台
1 :
GS(14)@2017-05-13 05:34:07【奇妙駕到之群星撐場】奇妙電視明天開台，為帶給觀眾新鮮感，該台炮製了不少綜藝節目搶收視，重頭戲是由杜汶澤主持的《杜汶澤食住上》。該節目將於本月20日起，逢周六晚9時播出，一共12集，首集嘉賓有鄧麗欣，另外還有鄭中基和「神奇小子」拳王曹星如等。
自爆最冧陳嘉容
阿澤邀請「暴龍哥」鄭中基做嘉賓，兩人當然要試吃合演電影《低俗喜劇》中的「牛歡喜」。工作人員由元朗一間食肆買來牛三寶：牛鞭、牛歡喜和牛波子（即牛睾丸）。阿澤大膽試勻，但鄭中基淆底拒吃牛波子，卻嗜牛鞭。到底牛歡喜是甚麼味道？阿澤昨日接受本報訪問時說：「好難解釋你知，牛歡喜呢啲咁私人部位，可以講得上係每隻牛都唔同味，睇你食着邊隻。我比較好運，一生人食過嘅，都令我好歡喜。」問可會考慮用牛歡喜做食材？他說：「咁高興嘅嘢，應該唔會帶返屋企。」阿澤大讚眾嘉賓夠義氣到場力撐，他說：「最受幕後同事歡迎應該係拳王（曹星如），收工個個爭住合照。」阿澤與曹星如在節目中一齊燒雞翼，而他每集都會示範撚手菜，包括叉燒、麵包布甸和海南雞飯，嘉賓們均吃到舔舔脷，惟獨曾於《美女廚房》做評判的周中唱反調，彈阿澤的慢煮牛仔骨，阿澤說：「係佢一個話淡，我唔會介意。」他又自爆最冧陳嘉容：「始終係女神，暈晒大浪。」
■阿澤指曹星如（右）受歡迎，被幕後同事爭相集郵。
【《帶阿媽去旅行2017》】■李司棋與女兒葉子青破冰後結伴旅行。
李司棋母女遊日
至於以溫馨做賣點的《帶阿媽去旅行2017》，星級母女結伴出埠，其中李司棋與女兒葉子青獲邀去日本福岡，她們早年曾決裂，後來才破冰，這次母女結伴出遊等足40多年，旅程中拉近彼此距離。採訪：陳杰
【話你知】奇妙5.14開台對無綫威脅有幾大?
http://bit.ly/2q884TB
來源:
http://hk.apple.nextmedia.com/entertainment/art/20170513/20019556
【馮仁昭四圍超】阿澤頭炮得罪Stephy 譏嫁唔出
1 :
GS(14)@2017-05-19 05:28:03杜汶澤幫奇妙電視主持嘅《杜汶澤食住上》烹飪節目喺後日首播，頭炮首集邀請咗鄧麗欣（Stephy）做嘉賓，仲請對方到佢屋企下廚煮燒雞。口不擇言嘅阿澤自嘲朋友唔多，若然請同佢交惡嘅人上節目，就多到要主持過百集先應付到。
■Stephy趁機追問阿澤當年一腳踏幾船嘅經驗。
冇俾葉念琛追
喺節目入面，阿澤就笑Stephy成日同葉念琛合作拍戲，咬定對方想追Stephy，Stephy就即刻澄清話：「佢邊敢媾我？講笑啫！呢啲係世人偏見，可能佢覺得我好好拍，真係冇追過我，我哋喺拍攝現場甚至好少傾偈。」阿澤乘機問Stephy同男朋友同居嘅話題，Stephy好認真話：「我未試過同男朋友同居，未結婚都未叫認定嗰個人，唔會同佢住。」阿澤即大感詫異：「你呢個諗法好怪！我以前拍親拖都一定會同居，有啲同咗居先拍拖，所以我結過兩次婚，你就仲未嫁。」Stephy隨即狂問阿澤以前一腳踏幾船嘅感受，阿澤笑住話：「忙囉！」撰文：馮仁昭
來源:
http://hk.apple.nextmedia.com/entertainment/art/20170518/20024653
Next Page