📖 ZKIZ Archives

【關仁隱事】白白豬引姊妹入室

1 : GS(14)@2016-11-06 15:49:12

關仁早排去咗一個圈中人嘅生日會，見到白白豬都有出席，一對星二代姊妹都喺現場，當佢哋見到白白豬就好主動積極，所有人都睇得出兩姊妹擦白白豬鞋擦到立立令，大家聽到啲說話都覺得肉麻。不過又俾佢哋擦啱鞋，因為白白豬後來都有請佢哋出席party，點知兩姊妹一見白白豬老竇就發咗癲，走埋去自我介紹，係咁黐住人哋老竇，仲問佢有冇微信，但白白豬老竇日理萬機，邊得閒理呢啲小妹妹，笑一笑就同其他朋友傾偈。撰文：關仁




來源: http://hk.apple.nextmedia.com/entertainment/art/20161106/19824126
PermaLink: https://articles.zkiz.com/?id=314260

【關仁隱事】「藝術家」改劇本得罪「朱朱」

1 : GS(14)@2016-11-13 11:32:41

朱朱同藝術家兩個出咗名喺片場多意見，好多導演都怕咗佢哋，避免搵佢哋合作，之不過最近有個新導演就搵朱朱同藝術家開戲，聽聞新導演拍到幾乎有抑鬱症！今次朱朱好克制，唔多聲氣，當朱朱喺現場，藝術家都會收斂，但朱朱唔在場，藝術家就喺現場改劇本，要個導演聽佢講點拍，後來有人將呢啲事話番畀朱朱知，搞到朱朱對藝術家好反感，喺現場除咗講對白演對手戲外，平時都唔願同佢講多兩嘴。撰文：關仁




來源: http://hk.apple.nextmedia.com/entertainment/art/20161113/19831739
PermaLink: https://articles.zkiz.com/?id=315350

【關仁隱事】港女出埠晒騎呢英文

1 : GS(14)@2016-11-21 00:05:07

港女久唔久都有啲是非，加上而家發展得唔錯，近期佢又被翻舊賬。其實港女嘅笑話唔止喺鏡頭前，話說有次佢去外國做嘢，公餘時間成班人加埋啲客戶咁，齊齊去happy hour，飲吓紅酒聽吓歌，而港女唔知口渴定點啦，一坐低就叫杯嘢飲。即係咁，嗰度係外國，講英文是常識吧，呢方面港女都好清楚，所以佢就同個侍應哥哥講：「Hello！I want a cup of wine！」為免尷尬，坐喺佢身邊嘅人都惟有扮聽唔到，但大家心裏面都諗緊同一樣嘢，就係聞名不如見面！撰文：關仁




來源: http://hk.apple.nextmedia.com/entertainment/art/20161120/19839370
PermaLink: https://articles.zkiz.com/?id=316383

【關仁隱事】「的的色」亂認大鳥女友

1 : GS(14)@2016-11-27 14:27:44

大台花旦「的的色」外表睇嚟好清純，但事實上係個好工心計嘅女人！話說佢出道冇幾耐，為咗提高自己知名度，竟然四處放風話自己同當時上緊位嘅「大鳥」拍拖。不過，佢唔係用自己把口去講，而係將一個朋友嘅電話號碼，加入做大鳥嘅頭像，當有來電嘅時候，就顯示大鳥個樣，試過好多次啲人見到大鳥個樣嘅來電打畀的的色，都追問的的色係咪同大鳥拍拖！的的色就扮支吾以對，整到好曖昧咁，等啲人傳出去。放料方法相當高明！撰文：關仁




來源: http://hk.apple.nextmedia.com/entertainment/art/20161127/19846598
PermaLink: https://articles.zkiz.com/?id=317226

【關仁隱事】「港女」被飛周圍辣火頭

1 : GS(14)@2016-12-04 17:34:18

「人夫」選擇同女朋友「港女」分手，主要係因為發現港女做做埋埋好多事，令到佢好反感，因為有一次港女嘅行為，仲得罪埋人夫其中一位老友「忠哥」！話說有一次，港女竟然私下打電話畀忠哥，叫佢唔好多管佢同人夫嘅事，忠哥本身都唔係人咁品，聽佢咁講完，即刻火起，仲繼而用三字經粗口連珠炮發，係咁鬧港女唔知醜。忠哥仲鬧得港女好甘，事後嬲到要打埋畀人夫投訴，搞到人夫都要同忠哥講sorry！撰文：關仁




來源: http://hk.apple.nextmedia.com/entertainment/art/20161204/19854152
PermaLink: https://articles.zkiz.com/?id=318228

【關仁隱事】高分貝拆解有味笑話

1 : GS(14)@2016-12-11 14:12:50

美貌唔止可以同智慧並重，仲可以同好多嘢共存嘅。近日「高分貝」未拍電視劇已經接拍電影，憑嘅係高學歷同埋靚樣，咪以為學歷高嘅女仔就好離地，高分貝都好關心時下年輕人，而且同記者嘅關係都好好。話說有次高分貝同班記者吹水，原本講到假期長短，有記者忽然講邪嘢，問高分貝「要幾長先夠？」係人都知位記者講衰嘢玩啦，點知高分貝只係笑一下，語帶雙關咁話：「長短唔緊要，夠用就得喇！」唔知佢同時係咪暗示自己個男友都夠用呢？撰文：關仁




來源: http://hk.apple.nextmedia.com/entertainment/art/20161211/19861512
PermaLink: https://articles.zkiz.com/?id=319207

【關仁隱事】宅男當甜姐兒新歡透明

1 : GS(14)@2016-12-18 11:04:25

「甜姐兒」雖然以前有個賤男舊愛，好在而家搵到白馬王子「遠仔」，而且仲係瘦田冇人耕，耕開有人爭，同公司嘅「宅男」又對甜姐兒起啖，可惜人哋已經名花有主，所以搞到兩男成日面左左，仲要一次又一次冤家路窄。話說有次三人喺飯堂撞到正，遠仔攬實女友又錫又咬耳仔，兩人公開晒恩愛，宅男冇眼睇，坐開一枱做孤獨精；另一次兩男又喺飯堂各自同工作人員開飯，遠仔醫完肚後，到宅男嗰枱打招呼講拜拜，點知宅男眼尾都唔望佢，完全冇面畀。撰文：關仁




來源: http://hk.apple.nextmedia.com/entertainment/art/20161218/19868970
PermaLink: https://articles.zkiz.com/?id=319489

【關仁隱事】健康飲品甩拖失魂

1 : GS(14)@2016-12-25 13:18:57

憑住陽光氣息同靚靚樣嘅「健康飲品」，拍完勵志劇「穿梭機」之後，成為新一代女神。事實上健康飲品唔算高大，但憑住甜美嘅外表、親切嘅笑容，吸引到唔少人注意，而且小記都鍾意同健康飲品做訪問，貪佢夠真同乜嘢都肯講。不過，健康飲品自從甩拖後，做訪問就經常答非所問，好似問佢「食咗飯未？」佢會答「今天天氣哈哈哈」，試多幾次之後，佢而家出活動，成班記者都只係齋影唔問，費事問完都唔知點寫，唔通情傷嘅影響真係咁大？撰文：關仁




來源: http://hk.apple.nextmedia.com/entertainment/art/20161225/19876101
PermaLink: https://articles.zkiz.com/?id=320099

【關仁隱事】晴晴老公遭歡欣姐拖糧

1 : GS(14)@2017-01-02 01:05:48

「晴晴」同老公「高富帥」都係圈中五、六線嘅藝人，但成日喺網上見到佢哋周圍去旅行，認真疏乎。早前就聽到高富帥身邊朋友講，原來佢都好慘。本身係專業人士，由外國回流返港後加入娛樂圈，但又紅唔起，跟住入咗「歡欣姐」同佢老公開嗰間公司做嘢，估唔到成日拖糧。高富帥唔想得罪歡欣姐，又想考多個專業牌，但條件係要喺同一間公司做滿某個年資，所以高富帥不停請假，希望拖到夠期走人。撰文：關仁




來源: http://hk.apple.nextmedia.com/entertainment/art/20170101/19882928
PermaLink: https://articles.zkiz.com/?id=320937

【關仁隱事】親生仔笑娘家收視差

1 : GS(14)@2017-01-08 19:02:50

大台近年嘅收視一路向下，除咗劇本問題，識演戲嘅都走剩無幾，都咪話唔頭痕，最重要嘅係連自己人都唔睇好，呢樣先弊囉。好似約滿走咗嘅「親生仔」，唔單止臨走前連個「花樽」都攞走埋，走咗仲狂數大台。好似某日親生仔同朋友去飲茶，講起大台嘅收視唔多掂，就狂踩話劇本派膠，唔掂係正常，好似嗰部動物劇咁，仲彈「土地」演得好浮誇，唔知佢返屋企望到攞走嗰個花樽，會唔會覺得好諷刺呢？撰文：關仁




來源: http://hk.apple.nextmedia.com/entertainment/art/20170108/19889856
PermaLink: https://articles.zkiz.com/?id=321885
Next Page
ZKIZ Archives @ 2019