ZKIZ Archives


錫錫可以減壓 低頭族要注意

1 : GS(14)@2014-12-31 15:04:26





都市人有壓力,並不是甚麼稀奇事,要舒緩壓力大家亦各有方法。普遍都市人都會跑步做運動、睡覺和找朋友聊天等。大家不妨參考以下的建議,因為有實證之餘,要做到也很簡單!



1.吃朱古力

每天吃40克黑朱古力,當中釋放出的安多酚,可助減壓;但當然要適可而止,吃多了變胖更多煩惱。



2.吃口香糖

研究顯示,吃口香糖可以降低皮質醇,不單可以減壓,做事也較專心。



3.親嘴

腎上腺指數或皮質醇偏高,代表壓力大。研究顯示,親嘴可分解化學物質,減低以上的分泌,幫助減壓。



4.養寵物

有研究指出,養寵物的人血壓較低,因為跟牠們玩,心情會較輕鬆。



5.少用手機查短訊

英國心理學會指出,瘋狂查短訊會令人緊張,隨時壓力爆煲,所以低頭族要小心喔!



有料放?想收料?入嚟【蘋果互動】啦!【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange





來源: http://hk.apple.nextmedia.com/news/art/20131229/18570880
錫錫 可以 減壓 低頭 族要 要註 註意
PermaLink: https://articles.zkiz.com/?id=286929

Victoria生日收子女獎座可愛哈七錫錫碧咸

1 : GS(14)@2015-04-19 23:51:40

■小哈七向老竇索吻,碧咸即露出一副甜到漏的冧樣。


英國萬人迷球星碧咸(David Beckham)一家,可算是全球最矚目家庭,前日碧咸與太太Victoria帶同四名子女在洛杉磯欣賞時裝騷,立即搶盡風頭,細女哈七Harper Seven咀老竇賣萌冧爆全球。原來他們一家聚集亦是為媽媽Victoria迎接41歲生日,她更獲子女送上最佳媽媽獎座。碧咸一向都是好男人人辦,多年來都展示出其愛錫妻兒的一面,更經常會帶着子女出席Victoria品牌的時裝騷,前日他們更難得與Victoria齊齊出席洛杉磯舉行的Burberry時裝騷。



■碧咸難得一家六口齊齊看時裝騷,立即成全場焦點。

■在時裝騷中,Brooklyn向眾名人明星集郵,更要媽媽幫忙拍照。


■Victoria上載年度媽媽獎座,更表示由子女送贈。

時裝騷搶風頭

雖然全場都是時裝界名人及著名影星,但碧咸一家六口坐在最前排,搶盡風頭。哈七身穿約值1,670港元的連身裙,人氣超越老竇的她,更不停賣萌,嘟起小嘴向老竇索吻,一向視哈七為金叵羅的碧咸,即露出一副甜到漏的冧樣,又忍不住錫錫囡囡的頭,溫馨到爆燈。至於Brooklyn就滿場飛集郵,與全場名人合照,更要媽媽為他做攝影師。而碧咸一家難得一同露面,還因為美國時間周五是Victoria的41歲牛一,每年碧咸都會在當日留言祝賀妻子生日快樂,今年當然不例外,碧咸在其Facebook上載一張起碼有十年前的晒肌親䁥照片,並寫上生日快樂來冧老婆。


■Brooklyn拍片祝賀媽媽41歲生日,碧咸卻百厭地在後面搞破壞。

搞亂阿仔短片

除了碧咸第一時間留言祝賀Victoria之外,二人的大仔Brooklyn,亦拍了短片放上Instagram,並稱要告訴他的100萬Instagram追隨者,賀媽媽41歲生日。不過,碧咸就十分百厭,在兒子拍短片的時候搞亂檔,Brooklyn一開始拍片時,碧咸即大聲說:「我們要出去了!」催促兒子出街,當Brooklyn表示要告訴100萬追隨者時,碧咸在囝囝背後伸頭出來說:「我有5,200萬!」表示自己的Facebook有5,200萬個追隨者,Brooklyn即露出冇癮的表情,十分搞笑。至於Victoria自己則在Instagram上載了一個類似奧斯卡獎座的照片,該獎座寫着「年度媽媽」,她表示是三名囝囝與哈七送給她的,表揚她是本年度最佳媽媽,似乎Victoria的四名子女都十分懂得氹媽媽開心。撰文:泉水


St. Vincent、Cara

Cara首帶同性新歡露面

著名品牌Burberry在洛杉磯舉行的這場活動星光熠熠,除碧咸一家赴會外,英國名模Cara Delevingne亦跟緋聞女友St. Vincent結伴到場睇騷。現年22歲的Cara曾與女星米雪洛迪古絲(Michelle Rodriguez)相戀,其後傳她被拗直,另一半換上英國男星Jack O'Connell。直至月前,Cara被發現與比她年長10年的女歌手St. Vincent過從甚密,經常私底下孖住出巡,觀乎這次二人大方亮相公開場合,似乎關係越見穩定。





來源: http://hk.apple.nextmedia.com/entertainment/art/20150419/19117307
Victoria 生日 子女 獎座 可愛 哈七 七錫 錫錫 碧鹹
PermaLink: https://articles.zkiz.com/?id=289677

接老竇棒搵銀 欣宜預告錫錫秋官

1 : GS(14)@2015-06-15 08:45:28

鄭欣宜接父親鄭少秋(秋官)棒,為保健食品擔任代言人,昨日更於清水灣片廠拍攝新一輯廣告。欣宜得悉成為該品牌代言人後,即時將消息告知父親:「因為廣告入面要跳舞,所以我將排舞片send咗佢睇,佢都話睇咗好多次。」問到可會想超越父親的舊廣告?欣宜笑謂:「冇諗過要超越,只係想年輕一代都接受呢啲保健食品。爸爸嗰個廣告old school啲,而我哋呢個就新潮啲,首歌會用番,但就會重新編過曲。」


■秋官當年的廣告歌,早已唱到街知巷聞。互聯網圖片

父親節同老竇拍拖

早前秋官表示希望父親節收到女兒的吻,欣宜笑謂:「錫面珠咋?錫面珠冇所謂,我哋見親都會咁做。」欣宜透露已定好日子跟秋官慶祝父親節,並稱二人像約會一樣食飯行街看電戲,已是最好的父親節禮物。此外,提到早前擔任側田個唱嘉賓,對方更有意邀她擔任往後巡唱嘉賓,欣宜說:「搵我啦!其實我開頭都有啲擔心,因為要同佢跳啲較親密嘅舞,都驚佢啲fans會謀殺我,但見而家反應咁好,都好開心。」採訪、攝影:譚倩宜





來源: http://hk.apple.nextmedia.com/entertainment/art/20150613/19182421
接老 老竇 竇棒 棒搵 搵銀 欣宜 預告 錫錫 秋官
PermaLink: https://articles.zkiz.com/?id=290982

老婆接機 錫錫打氣陳國邦拒回頭 「公開信當求職」

1 : GS(14)@2015-10-12 14:25:07

■陳國邦越講越感觸,羅敏莊一度想中止訪問。



陳國邦上周五一封「給無綫電視的公開信」,宣佈結束他與無綫15年賓主關係,也感動了無數電視迷的心。阿邦昨由台灣返港,指數年前已為前途問題考慮離巢,公開信其實是求職而絕非「勒索」,縱使無綫高層稱極力挽留,但阿邦以分手情侶來喻謂:「自己都唔想有彎轉!」身為太太的羅敏莊昨日接機,與阿邦咀嘴打氣,給予支持。


現年47歲的陳國邦,演技雖然出色,但卻一直苦無機會發揮,多年來屢被派演行行企企第三、四線角色。為免自己長此下去變成「一潭死水、發黑發臭」,阿邦上周五在網上貼出一封「給無綫電視的公開信」,宣佈不與無綫續約。這封公開信,大大感動了觀眾、網民甚至台前幕後,反應之熱烈,連他本人也始料不及。昨午阿邦與恩師鍾景輝在台灣演出完舞台劇《相約星期二》返港,太太羅敏莊專程往接機,也有市民認出阿邦,主動邀合照與他打氣。問阿邦發公開信後心情如何?他說:「冇乜點,封信唔係因衝動而決定。考慮咗幾年,點解而家先寫?真係時間惹的禍,因為喺加拿大演出(上月舞台劇巡迴)有好多時間,思考好多嘢,自己真係應承咗簽約,唔想傾約同事受責罰,希望高層唔好怪佢。呢個念頭孕育咗一段時間,諗吓應該幾時,定係等吓再抱希望呢?諗完之後就決定做呢件事。」



暗示高層官腔挽留

發公開信後無綫高層可有「打鑼」找他傾約?阿邦支吾以對,身旁的羅敏莊代答說:「冇打鑼,但有搵囉。」問是否無綫高層樂易玲時,阿邦只笑而不語。對於樂易玲謂會極力挽留,阿邦說:「無綫同演員有事發生,佢都會出嚟講說話,好似公司一個橋樑,唔通佢話陳國邦你應該走咩!」羅敏莊亦忍不住插嘴問阿邦:「你係咪覺得好官腔呀?」阿邦又笑而不答。是否與無綫沒彎轉餘地?阿邦說:「自己有同太太傾過,太太都話既然決定咗就咁啦,唔係有冇彎轉,自己都唔想有彎轉。好似一對情侶,我已經單方面講咗分手,對方一定做番相應嘅嘢挽留。」樂易玲表示會再與阿邦再傾,看看他有甚麼想做而未達到,對此阿邦說:「自己想做嘅嘢,喺封信嘅文字已經交代得好清楚,呢封唔係勒索信,唔係封信出咗之後,你講乜嘢條件就喺番埋一齊。唔係話留喺TVB就錯,走係啱。」



■陳國邦昨由台灣返港,多次強調公開信不是要脅無綫,其實是他的求職信。

■羅敏莊錫錫老公陳國邦打氣。



演舞台劇重拾熱誠

信中阿邦謂不想自己作品變作一潭死水及發黑發臭,莫非他見到現時有此情況?阿邦謂:「唔關人哋事,只係自己等咗咁耐、盼望咗咁耐,但隨住年月,心智會被磨滅,唔係公司或邊個令我變成咁。好在自己每年同老師演舞台劇,唔同地方演出,觀眾畀我嘅反應,維持咗演戲衝動同熱誠。」說話至此,阿邦顯得有點口窒窒相當感觸。之後阿邦說:「呢封唔係要脅信,係求職信,等外界知道我係自由身,可以嘗試好多唔同嘅嘢。」可有後着?阿邦說:「真係冇,可能試吓教學,做舞台劇同湊女。」問羅敏莊可擔心老公前景?她說:「冇㗎,佢演舞台劇之後冇乜大project,不過我又唔介意,我都有工作能力,如果人生唔開心,即使賺幾多錢都冇用,不如轉換環境。老公演舞台劇返嚟開心好多,我鼓勵佢喺舞台劇發展,雖然唔係搵好多錢,但都夠使啦。」訪問後,羅敏莊還與阿邦咀嘴打氣,給老公無限量支持。採訪:譚倩宜攝影:陳慧安



■陳國邦和鍾景輝日前在台灣演出舞台劇及出席座談會,反應熱烈。微博圖片

■陳國邦昨與恩師鍾景輝返港,對陳國邦決定,鍾景輝不欲多言。



來源: http://hk.apple.nextmedia.com/entertainment/art/20151012/19329416
老婆 接機 錫錫 打氣 陳國 國邦 邦拒 回頭 公開信 公開 求職
PermaLink: https://articles.zkiz.com/?id=293074

關楚耀女友錫錫

1 : GS(14)@2016-03-13 02:40:31

【銅鑼灣】噚日係關楚耀嘅韓國女友Miu Kim生日,身為男友嘅關楚耀,梗係諗節目同女友慶祝喇!噚日見到佢哋兩個十指緊扣咁喺銅鑼灣禮頓道出現,話晒而家係熱戀中,一舉一動梗係sweet到爆喇,喺等過紅綠燈嗰陣,女方已經好熱情咁挨住男友嘅膊頭,仲見到佢喺男友耳邊喁喁細語,講講吓仲錫咗佢面珠一啖,關楚耀梗係好受落喇!之後佢哋兩個行咗去時代廣場嘅city'super,行咗冇耐佢哋分開咗,關楚耀即刻住家男上身,見佢專攻啲凍肉、刺身等等,睇嚟佢哋夜晚諗住喺屋企玩煮飯仔慶祝生日,隔咗15分鐘左右,女友會合關楚耀,最後佢哋發現記者,女友當然表現怕醜,仲匿埋喺男友後面,之後行返去利園二期拎車走人。採訪、攝影:朱志聰、羅德光





來源: http://hk.apple.nextmedia.com/entertainment/art/20160312/19526038
關楚 楚耀 女友 錫錫
PermaLink: https://articles.zkiz.com/?id=297741

徐子淇Gucci波鞋 錫錫老公

1 : GS(14)@2016-07-13 05:15:44

千億新抱徐子淇和老公李家誠,連生四個,組成一家六口大家庭。不過,她兩人不時會自行外遊拍拖仔,過下甜蜜二人世界。前日有讀者爆料爆相,發現她們上星期去了美國環球影城玩,兩人一杯凍啡兩分飲,子淇幫老公用手遮太陽,老公又攬住她咀嘴,非常sweet爆。子淇度假樂園look,相當簡單黑裙上陣,最搶眼要數腳上的白鞋,潮著白波鞋的她,揀了Gucci2016大熱的紅綠間白色sneakers。除了最basic款外,新季加了蜜蜂刺繡、閃電珠片、心心圖案等新元素,連鞋後的綠色也轉玩metallic green。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160713/19692502
徐子 子淇 Gucci 波鞋 錫錫 老公
PermaLink: https://articles.zkiz.com/?id=303543

妹妹肉緊錫錫洪欣大仔生日:好感動

1 : GS(14)@2016-08-17 08:01:30

昨日係洪欣大仔張鎬濂嘅16歲生日,於是佢同埋老公張丹峰兼2歲大嘅妹妹晞彤,齊齊同哥哥慶祝。越大越似媽咪嘅鎬濂,名符其實是小鮮肉。妹妹晞彤仲好肉緊攬住哥哥,又好肉緊咁作狀錫錫哥哥,感覺得意又兩兄妹相當有愛﹗鎬濂事後亦有貼圖同留言話:「祝自己生日快樂啦啦啦啦,謝謝大家預祝我的生日,哈哈,好感動好開心,妹妹好可愛。」跟住洪欣留言話:「祝我的寶貝兒子生日快樂,希望你每天都快樂和健康,媽咪就安心了。」張丹峰亦貼咗同仔仔鎬濂合照:「『小林靜』已經長得跟粑粑一樣高啦!最幸福的事,就是看著你一天天長大,希望你平安快樂,我永遠是你最堅實的臂膀,生日快樂!大寶貝張鎬濂Ashley。」身為媽咪好友嘅蔡少芬,亦都有轉發留言:「仔!生日快樂!真好,看到你帥氣十足,為你感恩!祝願你一生美好,開心有勇氣去面對一切挑戰!愛你啊!」




來源: http://hk.apple.nextmedia.com/entertainment/art/20160817/19739837
妹妹 肉緊 緊錫 錫錫 錫洪 洪欣 欣大 大仔 生日 好感
PermaLink: https://articles.zkiz.com/?id=306251

超盈26歲生日 錫錫賭王

1 : GS(14)@2016-09-25 10:28:21

■超盈昨日生日,與父母及弟弟猷亨切蛋糕,賭王精神奕奕笑容滿面。互聯網圖片



賭王四房長女何超盈昨日26歲生日,之前四圍飛頻撲工作的她選擇留在香港與家人度過,與父母及弟弟猷亨簡簡單單切蛋糕。超盈之後有貼相到Instagram,相中賭王精神奕奕笑笑口,接受壽星女飛吻,還看到超盈身邊有一封利是,相信是她口中的「Boss Daddy」送贈。超盈留言過去一年忙於工作,還笑言成為失蹤人口組:「好多謝今年仲未遺棄我嘅朋友,我知道我消失咗差唔多一年!但係清楚我嘅朋友應該知道我從未試過過得一年咁開心、積極同埋滿足,喺事業上得到大家嘅肯定,相信你哋會明白同原諒我呢個失蹤人口組!」提到生日願望,她搞笑地表示:「希望下年會有多啲時間陪愛我嘅屋企人同朋友,可以日日自然醒,同埋唔使坐咁多飛機,可以留喺屋企煲劇。」



■超盈與四太及超欣之前在倫敦已搞了生日派對慶祝,當地貴族Ella Mountbatten及電視節目名人Spencer Matthews都是座上客。

■Angelababy(右圖)與Paris Hilton都拍片賀超盈生日。


Paris拍片祝賀

此外,超盈好友Angelababy及美國名媛Paris Hilton都有拍片祝賀她,而她早前在倫敦出席成人禮舞會後,搞了一個200人生日派對,除四太梁安琪及妹妹超欣出席外,還有當地貴族名人,包括Jardines老闆Sir Henry Keswick、Ella Mountbatten及王妃凱特妹妹Piper未婚夫James Matthews的弟弟、電視節目名人Spencer Matthews等,當地社交傳媒更以「風暴」形容超盈入侵英倫社交圈。撰文:唐如




來源: http://hk.apple.nextmedia.com/entertainment/art/20160925/19780870
超盈 26 生日 錫錫 賭王
PermaLink: https://articles.zkiz.com/?id=309990

吳若希獲男友錫錫放閃

1 : GS(14)@2016-11-23 07:53:24

24歲吳若希(Jinny)被爆與澳門闊少Alex Ho分手後又復合,而且為對方懷有B女,未婚懷孕3個多月的Jinny,於訪問中親證陀B喜訊,並在Instagram感謝同事、粉絲的支持,承諾會把自己照顧好。Jinny大方承認懷孕後,男友Alex前晚亦緊隨於Ig分享喜悅,並向Jinny和未出世的B女說愛。準爸爸Alex自言不是公眾人物,亦不是要交代甚麼事,只想和家人朋友一起分享這份喜悅,Alex留言:「在我們生命中,將會添加一位成員,而這位成員是女孩來的,我們會盡自己最大的努力去愛錫她和照顧她。I Love You Both!」撰文:葉綠悠




來源: http://hk.apple.nextmedia.com/entertainment/art/20161123/19842267
吳若 若希 希獲 男友 錫錫 錫放 放閃
PermaLink: https://articles.zkiz.com/?id=316678

Eason搞鬼扮錫錫軒仔「自首」:係我迫佢嘅

1 : GS(14)@2017-01-05 08:01:09

前晚叱咤頒獎禮,Eason(陳奕迅)的《四季》摘叱咤樂壇至尊歌曲大獎,佢出場領獎時,全場驚喜興奮尖叫。喺慶功宴上,Eason仲變成「郵王」,瘋狂被集郵。軒仔(張敬軒)就喺Instagram貼咗一張Eason扮錫錫佢嘅相:「真係唔恨得咁多!」打hashtag「神之吻」、「係我迫佢嘅」,二人表情相當搞鬼。




來源: http://hk.apple.nextmedia.com/entertainment/art/20170103/19885103
Eason 搞鬼 扮錫 錫錫 錫軒 軒仔 自首 係我 我迫 迫佢 佢嘅
PermaLink: https://articles.zkiz.com/?id=321248

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019