金像獎餘波 林家棟揶揄獨立電影導演斥欠基本尊重
1 :
GS(14)@2015-04-22 01:20:09《點對點》導演黃浩然：張雪芹好歹有個提名，林家棟先生作為司儀，連她名字也說不出，又或者故意不說而叫她張咩咩，實在有欠基本尊重。
【本報訊】香港電影界年度盛事、第34屆金像獎頒獎典禮賽果塵埃落定，節目編排及司儀表現繼續引發爭議。通訊事務管理局昨就《金像獎》接獲4宗投訴，觀眾不滿該節目在表演途中中止直播、涉政治宣傳、節目名稱欠品味及沒創意。司儀林家棟暗諷獨立電影《點對點》只在小型戲院播映，又稱呼演員張雪芹為「張咩話」，遭導演黃浩然斥「有欠基本尊重」。記者：白琳
特首梁振英今年在施政報告提出注資電影發展基金等多項推動電影業的措施，前晚在無綫播放的《香港電影金像獎頒獎典禮》編排及內容卻飽受批評，司儀林家棟和陳小春更被指不專業。林家棟在介紹最佳新演員的候選人時，笑稱沒看過《點對點》，還揶揄該片在「歐洲」上映，暗諷電影只於屯門的小型戲院如巴黎倫敦紐約米蘭戲院上映，「10點半早場，我點會同你去睇啫，唔好癲啦」。《點》片監製、編劇及導演黃浩然昨於facebook發聲明反駁林的言論，指該戲未曾在上述戲院放映，「張雪芹好歹有個提名，林家棟先生作為司儀，連她名字也說不出，又或者故意不說而叫她張咩咩，實在有欠基本尊重」。
《點對點》電影海報
林家棟：我選擇唔回應
林家棟接本報查詢時稱，沒看過黃浩然的聲明。他聽過記者覆述聲明部份內容後指：「我會選擇唔回應，而家開緊會」。對於黃指其言論有多處資料錯誤，林則說：「港聞版更加唔需要喺娛樂事件上回應。」獨立電影導演盧鎮業稱，不知司儀講稿由誰人經手，但反映《金像獎》輕視獨立製作，「獨立電影玩唔到商業電影發行遊戲，佢就將呢種邊緣化攞嚟make jokes（開玩笑）」。當林家棟在節目指新晉導演應感謝創意香港及電影發展基金，盧聽畢「呆咗」；他指基金10萬元撥款對商業電影實在微不足道，「有鼓勵係好，但唔需要講到咁感恩」。盧鎮業明白《金像獎》節目風格素來如是，但司儀的玩笑只是視野狹窄的表現，未能提升香港電影文化高度，「企喺主流位置，就可以運用公共話語權，覺得獨立電影係值得攞嚟笑，值得唔被認識。」電影編劇陳詠燊也批林「不夠得體」，「學不懂搞笑，就不如裝優雅吧。至少看的、做的，都不會有現在那麼難受」。獨立電影導演陳果則認為司儀表現不過不失，難以憑片言隻語反映其對獨立電影的取態，「只係開玩笑，可能講者無意，聽者有心」。導演協會榮譽會長張同祖則形容《金像獎》是「一個家庭party」，「可以搞笑、自嘲、踩人、俾人踩」。《金像獎》收視高峯為王菀之奪最佳女配角一幕，達26點，平均收視僅23點，約149萬觀眾人次，較去年收視跌。
林家棟多次失言
「上到台，唔該你哋親口多謝創意香港同埋電影發展基金，因為佢有10萬蚊，係送畀你哋、鼓勵你哋將來拍啲好嘅電影，如果呢個新晉導演上到台，親口多謝佢哋呢，你條路就好行喇。」「能夠有首最佳嘅主題曲去傍住套電影呢，話畀你聽，呢套電影呢，差極都有譜既。」「仲有邊個呀？嗰個張咩，張咩話？（楊千嬅提示）哦，張雪芹喺邊度？」「（《點對點》）有上過喺歐洲，倫敦呀、巴黎呀、紐約呀…咪就係屯門囉，10點半早場，我點會同你去睇啫，唔好癲啦！」資料來源：第34屆香港電影金像獎頒獎典禮
識睇睇留言
關於林家棟
Freddie Chu：一個不尊重電影工作者的人，去主持電影業最重要的event！可悲！
Kai Sau Wong：林生，接受批評先會進步志強李：好小事姐，有人小氣（器）冇辦法……關於陳小春
Joanna Chung：小春唔係窒咁簡單，直情係冇用心，冇用耳仔聽partners的台詞去接，冇好好準備，態度輕率，馬虎求其，簡直失禮人！！！
Man Keung Lee：小春以前都做個（過）掌門人主持，表現可以再好D（啲），其實小春衰在個人「怯」左（咗），經驗唔夠係真既（嘅），當買一次教訓，下次學乖。
Soso PX：其實我覺得甘（咁）樣幾搞笑……到正正經經d（啲）人又會話悶……資料來源：《蘋果日報》網頁
來源:
http://hk.apple.nextmedia.com/news/art/20150421/19120113
金像獎主席向張雪芹致歉
1 :
GS(14)@2015-04-25 09:07:45今年香港電影金像獎的兩名司儀，陳小春及林家棟的表現備受批評，小春被指口齒不清，林家棟在介紹最佳新演員候選者、《點對點》的張雪芹時，笑稱對方是「張咩咩」，導演黃浩然公開斥林家棟有欠基本尊重，事後家棟解釋只是想像一個大家庭玩玩，希望張雪芹不要介意。昨日金像獎主席陳嘉上在微博貼文澄清：「為了讓現場氣氛輕鬆，我三番四次向各位司儀要求放棄正正板板的司儀方法，以一個聚會的心態去主持典禮……」陳嘉上更向張雪芹小姐及《點對點》同仁致歉，日後定當謹慎改善。撰文：張晴
來源:
http://hk.apple.nextmedia.com/entertainment/art/20150425/19124649
《洛奇》金像監製胰臟癌病逝
1 :
GS(14)@2015-06-12 08:56:34憑《洛奇》（Rocky）奪得奧斯卡金像獎最佳電影的荷李活監製Robert Chartoff，前日因胰臟癌於加州聖莫尼卡家中逝世，終年81歲。
■監製Robert（右）當年憑《洛奇》奪最佳電影，更令史泰龍（中）一炮而紅。
於紐約出世的Robert Chartoff生前炮製過不少膾炙人口的作品，除《狂牛》（Raging Bull）外還有當年令他得獎兼令史泰龍（Sylvester Stallone）一炮而紅的《洛奇》，更包辦全部《洛奇》系列監製，包括現已拍完進入後期製作的洛奇外傳《Creed》。當年跟Robert一起製作《洛奇》得獎的監製Irwin Winkler讚揚他說：「Robert的成就已說明一切，他還是個樂善好施的人，甚少人知道他為印度孤兒興建學校。」先後結過3次婚的Robert，跟現任太太Jenny Weyman共育有5位小朋友。撰文：盧葦
來源:
http://hk.apple.nextmedia.com/entertainment/art/20150612/19180942
我Q你答問會：人人問Sam哥 幾時攞金像影帝
1 :
GS(14)@2015-06-15 01:08:33■參加《我Q你答問會》的吳鎮宇答問題時表情多多。攝影：林德雄場地提供：L19 Harlan's（The ONE）
人稱「Sam哥」的吳鎮宇出道逾30年，自言作為後輩，獲邀為即將慶祝20年報慶的《蘋果日報》，特別來挑戰《我Q你答問會》。鎮宇發揮當年《鬚根Show》的棟篤笑功架，將來自中環及銅鑼灣的13名讀者的問題以抵死的方式回應，幽默而不失真實。他還透露在演技方面跟劉青雲及黃秋生都在伯仲之間，但論長氣秋生就必定勝人一籌。採訪：何永寧、魏嘉琳
■鎮宇○○年憑《鎗火》封台灣金馬影帝，至今仍未能坐上香港電影金像獎影帝寶座。
■對於是否再帶囝囝Feynman拍《爸爸去哪兒》，吳鎮宇稱因囝囝功課忙，要睇緣份。
■吳鎮宇在《衝上雲霄》中扮演「Sam哥」，成為他的經典角色之一。
1.鍾小姐：你覺得你幾時會攞金像獎影帝呀？
鎮宇：喺我心裏面我攞咗好耐嘞，姐姐。唔好理啲形式嘢啦，好冇。畀個位我行返落嚟啦，你抬到我咁高。有時拍戲唔係為呢樣嘢，呢樣係bonus冇問題，緣份到就可以攞。
2.郭小朋友：Sam哥哥呀，如果再畀你拍《爸爸去哪兒》，你有冇興趣繼續拍落去呀？
鎮宇：可以㗎，但係BB要返學呀，如果上一次唔參加就冇機會，因為佢讀小學一年級，好麻煩好多功課，下一年係二年級更多功課，睇緣份啦，多謝你支持。
3.薛小姐：如果內地開《媽媽去哪兒》，你會不會畀你老婆參加？
鎮宇：如果內地有《媽媽去哪兒》要由媽媽去決定，我好怕去替人決定一啲嘢，就係咁簡單。
4.Barry：你覺得自己、黃秋生同劉青雲邊個好戲啲？
鎮宇：其實我喺佢哋面前，我係偶像派嚟㗎。佢哋先係實力派，好唔好戲真係見仁見智，但長氣一定係黃秋生。
5.Olivia：如果畀你揀多次你會做飛機師定演員？
鎮宇：揀多次？揀做飛機師呢就淨係做飛機師啦，如果揀做演員可以做飛機師、又可以做殭屍又可以做喪屍，又可以做廚師，我諗做演員着數啲噃。
6.Abbie：我想聽Sam哥唱《歲月如歌》，可以唱兩句來聽聽嗎？
鎮宇：我可唔可以下一個問題。頭嗰幾句點唱《歲月如歌》？我問頭嗰幾句佢唱中間，咁唔關我事，「天氣不似如期……（下刪數十字）」
7.Melanie：你有冇幫你老婆做家務？
鎮宇：我唔係幫呀，幫，係佢做嘅嘢我幫佢完成，但家務係工人做嘅。其實我有煮飯，煮飯係比較拿手啲。其他嘅嘢如果新工人嚟，我哋會示範畀佢哋睇點樣處理成間屋嘅嘢。其實兩個（兩公婆）都有做啲嘢，家務share做。
8.Shermaine：Hello，你點解要改藝名，唔用番吳志強呢？
鎮宇：咁做藝人要有一個特別啲嘅藝名，阿妹係咪？同埋嗰陣時都興藝名咪改一個囉。我唔係唔鍾意我個名，個名係阿媽改，好有紀念價值。因為一個唔識字女人生第一胎個醫生問『師奶，個仔叫咩名呀？』就噏『志強』兩個字其實都幾感動，亦都覺得阿媽對我期望。撈呢行阿媽期望冇用㗎嘛，要導演同觀眾對我期望，所以就用咗『鎮宇』呢兩個字，到而家都OK。
■吳鎮宇曾與張達明（中）及黃子華（右）合體搞《鬚根Show》，大獲好評。
■「僆坤」是鎮宇（右）的另一經典角色。
9.區先生：Sam哥你好，當年《鬚根Show》咁爆，有冇諗住再開呀？
鎮宇：嘩！呢個真係捧場客，《鬚根Show》你都睇過，咁出嚟搵食梗係要講口齒，講咗最後一次《鬚根Show》。但係我哋計劃過仲有個題材，係舞台用彈弓、威吔做棟篤笑叫《論盡金庸》，希望我哋三個可以再次喺舞台同大家見面。
10.Crystal：鎮宇你覺得圈中邊個chok過你呀？
鎮宇：圈中邊個chok過我？大把人啦，出名chok嗰啲一定chok過我啦，乜我好chok咩？唔係啩？少少啫，OK。
11.View：你有冇睇過沈震軒扮嘅「僆坤」？你覺得佢做成點呀，可唔可以用「僆坤」聲答呀？
鎮宇：（僆坤聲）唉，我冇理江湖事咁耐嘞，嗰啲細嘅，佢哋話點就點啦，算嘞，唔好重蹈覆轍嘞，撈番正行啦，軒仔。
來源:
http://hk.apple.nextmedia.com/entertainment/art/20150612/19180977
金像獎甘做陪襯千嬅《哪一天》降呢逐女配
1 :
GS(14)@2016-01-18 14:45:29第35屆香港電影金像獎第一輪入圍電影投票已經開始，入圍名單將於今月底的金像獎記者會公佈。值得慶幸的是預視香港未來的電影《十年》剛好符合報名資格，但奇怪的是黃修平導演的電影《哪一天我們會飛》，當中兩位男、女主角林海峰與楊千嬅，竟然「降呢」報名角逐最佳男、女配角獎項，反而戲中兩位年輕演員蘇麗珊與游學修，則獲報名角逐最佳男、女主角獎。
■楊千嬅大豐收，憑另一部感人電影《五個小孩的校長》報名角逐女主角。劇照
■黃修平認為不分主角配角，統一選最佳演員亦很可取。資料圖片
開心票房口碑有回報
目前仍然在放大假的楊千嬅昨日透過經理人林珊珊，以WhatsApp回應有關金像獎報名，她說：「冇問題，好事嚟，其實共識咗千嬅會提名女配角。首先修平寫嘅故事同出發點，係從兩個後生版小朋友，一路去到佢哋成年嘅故事，所以着筆嘅時候實在兩個後生仔先係故事嘅大骨幹，接拍時千嬅都已經知道，而且報名喺電影公司負責。」林珊珊表示成件都是開心事，因為千嬅今年接拍到兩部有意義的電影，更開心是在票房跟口碑都有回報。除了《哪一天我們會飛》之外，千嬅憑另一部主演的電影《五個小孩的校長》報名金像獎最佳女主角獎。導演黃修平亦都在facebook回應，認為提名不應該有主角及配角之分，統一為最佳男、女演員，對所有演員都會較公平及少了爭拗。
■蘇麗珊跟游學修戲假情真，戲外亦成為情侶。劇照
另一方面，在《哪一天我們會飛》中演少女版楊千嬅的蘇麗珊表示，報名那一項提名，主動權在電影公司。對於昨日有報道指她牽涉四角戀，一面拖舊男友，另一方面又跟游學修拍拖，蘇麗珊否認有關報道，並強調：「係完咗一段感情，至開始呢一段感情。」採訪：李森
來源:
http://hk.apple.nextmedia.com/entertainment/art/20160116/19454077
金像男星George離世
1 :
GS(14)@2016-03-02 15:16:58美國老牌男星George Kennedy周日於美國愛達荷州博伊西離世，享年91歲。據George的孫Cory Schenke透露，自George的太太去年病逝後，其健康便每下愈況，上月開始已於醫院接受治療。
George曾參加過第二次世界大戰，加入美軍16年，直至50年代才開始在娛樂圈發展。George於60年代正式加入影壇，一生演出過多部劇集與電影，他憑住67年跟保羅紐曼（Paul Newman）合作電影《逃獄金剛》（Cool Hand Luke），奪得奧斯卡最佳男配角，為他帶來事業高峯。
■George（右）代表作包括《白頭神探勇救事頭婆》。
晚年George多數接拍搞笑角色，包括演出88年的《白頭神探勇救事頭婆》（The Naked Gun： From the Files of Police Squad！）。而他最後一部電影是於兩年前，客串麥克華堡（Mark Wahlberg）主演電影《The Gambler》。撰文：程芬
來源:
http://hk.apple.nextmedia.com/entertainment/art/20160302/19512037
睇好春夏白只贏金像新人蘇麗珊J.Arie自封敗將
1 :
GS(14)@2016-03-28 14:16:14■蘇麗珊和游學修戲假情真成一對，她感謝男友的支持。劇照
【第35屆香港電影金像獎新演員篇】影壇年度盛事《第35屆香港電影金像獎》頒獎典禮將於下周日舉行，本報將一連6日推出各獎項參選人的專題訪問。首先登場的是角逐最佳新人獎的蘇麗珊及雷琛瑜（J.Arie）。23歲的蘇麗珊憑處女電影《哪一天我們會飛》中的清新自然演繹爭最佳新演員，但她坦言自己未必能在金像獎成功突圍。看了四位對手的電影，蘇麗珊最愛《踏血尋梅》：「白只同春夏做得好好，我只係好彩入到圍。」問她看好誰獲獎？她說：「好難揀，我可能會揀春夏，自己一路睇戲會諗點做佢嘅角色，佢感覺捉得好精準。」
多謝游學修
蘇麗珊指若落敗，應該不會哭：「而家有心理準備，到時攞唔到唔會失望。」如果幸運獲獎，蘇麗珊要多謝黃修平、陳心遙和泰迪羅賓，當然還有男友游學修：「嗰陣我哋仲係friend，上年我去美國進修戲劇，好猶豫不斷問身邊人去唔去好？大部份人叫我唔好去，一來好嘥錢好貴，將來做唔做到演員都唔知，我直接打畀佢問意見，佢好支持、畀好大動力我。」
■J.Arie出身名校，想不到演粗口爛舌的港女讓她殺出一條新血路。攝影：沈健程
■J.Arie接拍《死開啲啦》，圓了兒時的演戲夢想。劇照
碩士扮爛口
至於憑《死開啲啦》中的粗口爛舌港女角色角逐新演員獎，26歲的J.Arie，畢業於傳統名校，大學讀法律，卻因在面試時同監製林家棟「爆粗」而獲此機會：「第二次見家棟時問我識唔識講粗口，我話會同相熟嘅音樂人講，跟住就用粗口對答，佢話『你啲粗口都master級喎』。」從小就想演戲的J.Arie今次圓夢，但她沒想過獲獎，她認為今次的對手白只和春夏都實力強橫，但她指若真的能捧獎，會感謝師傅家棟，因為從未諗過演戲係咁豁出去。」採訪：余燕儀、何永寧
蘇麗珊場地：Habitat（皇室堡） 服裝：MOUSSY
J.Arie化妝：Frances Ho of Jessicachan make-up髮型：Kenki of Queen's Private I
【最佳新演員提名名單】
雷琛瑜《死開啲啦》蔡思貝《陀地驅魔人》蘇麗珊《哪一天我們會飛》
白只《踏血尋梅》
春夏《踏血尋梅》
來源:
http://hk.apple.nextmedia.com/entertainment/art/20160328/19546968
金像女星柏蒂杜琪病逝
1 :
GS(14)@2016-03-31 14:49:05美國老牌女星柏蒂杜琪（Patty Duke）於周二在美國愛達荷州病逝，終年69歲。柏蒂的發言人指她因為腸道破裂而引致的敗血病去世。柏蒂的兒子、《魔戒》電影系列男星辛艾斯甸（Sean Astin）表示家人為她的死感到悲傷，但又如釋重負，因為柏蒂死前受盡病魔折磨。
■柏蒂憑《苦海奇人》獲奧斯卡最佳女配角獎。
童星出身的柏蒂，於1962年主演電影《苦海奇人》（The Miracle Worker）而成名，當年只有16歲的她憑扮演盲聾少女獲得奧斯卡最佳女配角。柏蒂其後主演個人電影節目《The Patty Duke Show》，一人分飾兩角，被譽為電視史上最偉大的明星之一。柏蒂於1982年患上躁鬱症，自此她積極參與提倡精神病關注活動。撰文：泰米
來源:
http://hk.apple.nextmedia.com/entertainment/art/20160331/19550914
黃百鳴撐金像獎改機制
1 :
GS(14)@2016-07-17 16:01:44黃百鳴與袁潔瑩昨日在上環為世霸潛能的分店開幕剪綵，被問到香港電影金像獎改制，黃百鳴表示：「我會贊成，今年金像獎最佳電影咁多爭議，就需要檢討睇吓係咪要改機制。嚟緊會開會討論，希望有最公平、最公開、最公正、最透明嘅方法就好。」《十年》得最佳電影，引起眾多電影公司老闆不滿，是否受政治因素影響？他說：「從來冇諗過政治因素，只要有清晰機制，合情合理嘅話就唔會有人有意見。」袁潔瑩則透露有人找她年底開戲：「好似係大陸同香港合拍嘅，我怕自己唔update，乜都冇問，但係要考慮吓先，我都驚自己唔適應。」採訪：盧妹攝影：陳慧安
來源:
http://hk.apple.nextmedia.com/entertainment/art/20160717/19698046
廖啟智撐金像獎毋須改制
1 :
GS(14)@2016-08-09 07:10:52廖啟智（智叔）和林耀聲等昨日在荃灣為本土電影《點五步》宣傳，樂隊Supper Moment獻唱電影主題曲《沙燕之歌》。智叔指該電影讓人緬懷年輕時、屋邨情懷的感覺，故此會好吸引。對於電影《十年》獲頒金像獎最佳電影，惹來香港電影商協會與香港影業協會提出更改金像獎投票機制，但後來遭否決，有份參與《十年》其中一個單元《本地蛋》的智叔，認為如有健全制度是無可厚非，有適當改革是合理，但他說：「如果係革命性，全部徹底改變，我覺得唔需要，其實已經30幾屆，發展過程中係需要合理變動。」採訪、攝影：黃曉妍
來源:
http://hk.apple.nextmedia.com/entertainment/art/20160808/19726813
Next Page