📖 ZKIZ Archives

樓民講場：想買屯門樓　原來都咁難

1 : GS(14)@2012-02-11 11:10:23

http://hk.apple.nextmedia.com/te ... 307&art_id=16060665
好多住喺外區的人都話唔會喺屯門買樓，我就唔係咁睇。我喺屯門土生土長三十年，三年前做咗老竇，現在一家三口同阿媽一齊住在六百幾呎的公屋單位，其實個仔滿月時，已經想過買樓，好讓屋企人有更多空間。我已經不算貪心，一直心儀屋企對面的兆麟苑，不過是百多萬貨仔。可是一場金融海嘯，原本保守的我，原以為藍籌股唔死得人，都把我預備作為首期的積蓄陰乾到剩餘十多萬元，即使勉強上車，也不足以做個簡約的裝修。
兩年後的今日，做經紀仔的我，死跑爛跑，算是跑番股票蝕去的廿多萬元，叫做賺夠三成首期去上車，加上老婆見到個仔的玩具越來越多，覺得長此下去不是辦法，成日催我買樓、要上車，於是過去半年，我不停去睇樓，當然點睇都只是睇兆麟苑。
鍾意兆麟苑，原因好簡單，因為近阿媽，他日兩公婆去遊埠，都可以叫阿媽過來睇住阿仔，平時又可以返去睇阿媽，兼且食飯。
好可惜，睇了不知多少個單位，一直也沒有我理想中的高層向海戶，你可以話我揀擇，但希望擁有相關單位的街坊，假若你們飛黃騰達，請以合理價出讓，以圓小弟多年的心願。屯門黃仔
2 : calvinx(8907)@2012-02-11 11:21:34

無睇全文, 不過個標題好有問題, 吾係買樓難, 係買屯門海景樓難.
3 : Wilbur(1931)@2012-02-11 18:15:33

我係業主睇完篇野知道自己件貨咁有市場即刻封盤嗌高D啦

屯門黃仔... smiley
4 : 龍生(798)@2012-02-16 15:39:15

呢的文章, 信一成都死

分分鐘佢係業主....
5 : GS(14)@2012-02-16 20:56:01

4樓提及
呢的文章, 信一成都死

分分鐘佢係業主....


我都覺得有機會是
PermaLink: https://articles.zkiz.com/?id=277674

飲啖水都咁難？大象遭凶鱷噬鼻

1 : GS(14)@2015-02-08 18:00:55





喝一口水幾乎致命！南非一隻大象到河邊喝水，怎料遭一條鱷魚伏擊，被對方咬著象鼻。美國密歇根州31歲男子劉易斯（Ashley Lewis）目擊整個過程。一頭大象在河邊飲水時，被一條匿藏的四米長鱷魚襲擊，鱷魚咬著大象鼻。大象竭力想擺脫鱷魚，不停揮舞象鼻，但始終無法甩開，牠隨即用膝頭壓下去撞擊鱷魚，並以象牙猛刺，鱷魚受到連番攻擊，終於鬆口。大象脫身立即逃跑，速度之快劉易斯形容為意料之外。英國《每日鏡報》





來源: http://hk.apple.nextmedia.com/international/art/20150208/19034130
PermaLink: https://articles.zkiz.com/?id=287668

蘇麗珊男友有料到　游學修幕前幕後都咁勁

1 : GS(14)@2016-09-24 23:30:48

蘇麗珊喺《哪一天我們會飛》演出之後，立即就成為大家嘅女神，可能做咗女神一陣，就爆出佢同游學修拍拖，仲好大方咁認愛，當時蘇麗珊就話鍾意游學修有才華同埋可以0氹佢開心。其實游學修真係好有才華，喺2014年嘅時候，喺YouTube以「學舌鳥 Mocking Jer」為名拍片多咗人認識，去到14年9月，接拍咗《哪一天我們會飛》，就令到更多人認識，仲因為呢套戲同咗蘇麗珊一齊，之後仲拍咗《十年》其中一套《自焚者》。除咗電影上嘅發展，佢都有拍ViuTV嘅《瑪嘉烈與大衛系列綠豆》同o依家播緊嘅《三一如三》。除咗喺幕前嘅演出，游學修作為一個創作人，都非常之出色，現時佢係網絡頻道CapTV嘅合伙人，唔少嘅片佢都有份創作，最為人熟識嘅就係《港產誠實預告系列》。仲有就係由游學修自編自導自演嘅《Jer人現身》，將蝙蝠俠加入雨傘運動為主題，仲搵埋導演黃修平、柳俊江參演。又有一次，游學修同華人置業主席兼行政總裁、青年事務委員會主席劉鳴煒一齊上港台節目《我係乜乜乜》，搵咗一班香港女士去揀佢哋兩個，首先就唔畀啲香港女士睇佢哋個樣，又唔講佢哋嘅背景，當時14個香港女士有11個揀游學修，但當公開咗佢哋個樣同背景之後，就只剩番6個女士揀游學修，所以話，其實游學修好有內涵。




來源: http://hk.apple.nextmedia.com/entertainment/art/20160924/19780491
PermaLink: https://articles.zkiz.com/?id=309860

【《蘋果》專訪】「娜姐巨胸翠如身材都咁好」阿旦享受60歲禮物

1 : GS(14)@2017-01-26 07:44:04

由鄭丹瑞（阿旦）監製、導演兼擔正的賀歲片《小男人週記3之吾家有喜》，賣點是找來身材逼爆的周秀娜與「巨胸翠如」鄧月平（Larine）做女角，戲中娜姐內衣上陣勁騷魔鬼身材，大戰阿旦女兒Larine的半裸嬉水。早前三人接受本報專訪，談到兩位女神，阿旦說：「身材係一個賣點，小男人一定有當代女神，咁娜姐真係當仁不讓，Larine就係up coming嘅。」被阿旦讚女神，娜姐說：「其實我都驚㗎，《小男人週記》係好經典，睇過一同二好多女神，真係好正，搵我去做旦哥嘅情人，嘩，可以將自己同自己好鍾意嘅鍾楚紅、李美鳳做類似嘅位置，梗係即刻去做。」


「逼娜姐收少啲」

今次阿旦選擇拍第三集，原來是要送給自己的生日禮物，他說：「呢個係我送畀自己嘅60歲生日禮物，我覺得應該做一樣嘢畀自己，曾經有人叫我拍電視劇，但我想拍戲，想享受拍港產片嘅感覺，時間好少、好趕，但係一條心嘅精神，初初係想自己投資，逼娜姐收少啲，了一個心願，誰不知遇到蕭定一，佢話畀佢搞，我唯一條件係要港產片，我好享受。」



■鄭丹瑞拍小男人第三集，最想享受拍港產片的感覺。

■周秀娜在片中飾鄭丹瑞女友，二人有不少親熱戲份。劇照

片中主線是父女情，阿旦說：「經歷過兩個女出世，離開我去讀書，牽腸掛肚，初期返嚟嗰種陌生感覺，從呢啲感覺攞到靈感，13年冇見嘅女，點去handle，仲要身材咁好，個情人又身材咁好，咁點呀？」可有想過找回第一、二集的女神演出？阿旦說：「曾經有過遐想，當然第一個想搵紅姑，李美鳳都有打過招呼，但係佢哋個個幸福快樂嘅時候，都無謂打搞佢哋，永遠存喺我哋記憶入面。」採訪：羅慧敏




來源: http://hk.apple.nextmedia.com/entertainment/art/20170124/19906425
PermaLink: https://articles.zkiz.com/?id=324011

凱蒂跑住都咁靚揀着環保羽絨褸

1 : GS(14)@2017-02-08 22:31:43

凱蒂王妃時刻都保持儀態萬千、優雅高貴，想不到她連跑起步來都能夠零死角地漂亮！英國時間星期日，凱蒂王妃、威廉王子與哈里王子一起於倫敦出席慈善活動，三位皇室成員更身體力行在田徑場上參與賽跑，威廉在起步前還作狀要擋住凱蒂，場面惹笑。雖然凱蒂跑步時落後，但身穿紅色羽絨實在搶眼，而且跑起來保持招牌笑容，完全沒有半分走樣，王妃的形象真的無懈可擊。凱蒂身上的紅色羽絨是法國品牌Perfect Moment的出品，品牌專攻專業滑雪裝，同時重視環保，選用的羽絨都有歐盟學術、工業、環保及消費者組織共同訂定的Bluesign認證，確保用料是合乎人道、環保、健康與安全的原則。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20170208/19921684
PermaLink: https://articles.zkiz.com/?id=326013

【美圖晒晒】萌系台模　古裝民初look都咁煞食

1 : GS(14)@2017-04-29 23:41:20

台灣模特兒簡欣汝（欣欣），青春無敵，除了是一名拍攝平面照的可愛模特兒外，還上過電視做過綜藝節目的助理主持，有一定知名度，屬於萌系甜心正妹，無論時裝、民初裝或古裝都十分吸引，最合宅男口味。
Facebook




來源: http://hk.apple.nextmedia.com/international/art/20170429/20005782
PermaLink: https://articles.zkiz.com/?id=331922

點執都咁亂？有小朋友嘅屋企都可以好整齊

1 : GS(14)@2017-10-09 03:25:16

【特約報道】相信家中有小朋友的人都明白，家裏無論怎樣收拾，總是越弄越多雜物。為了讓小朋友的玩具﹑書本﹑各類雜物可以整齊擺放，設計師為這個鑽石形的單位造了一個貼牆的裝飾櫃，讓小朋友可以放上玩具當作擺設，易於收拾又整齊。



客廳的電視機背牆特別漆上綠色，增添大自然的感覺，對眼睛的健康比較好。電視機沒有邊框﹑機身比較薄，掛上牆能緊貼牆身，可以拉遠和梳化的距離。而電視機的安裝亦相當簡單，只需接駁兩條線，一條透明線，另外一條光纖線連接一個盒子，盒子可以一次過連上各種遊戲機和電視盒，令電視機周圍更加整潔﹑井井有條。小朋友喜歡在牆身畫畫令很多家長很頭痛，所以睡房的貼牆衣櫃特別用了黑板作為門身，讓小朋友可以利用粉筆任意在門身畫畫，不會影響和破壞外觀。設計單位檔案物業：鰂魚涌康怡花園實用面積：568呎家庭人數：4人設計師：Jacky設計及裝修：
T& K Design And Contracting Co網址：https://goo.gl/s2Uhvr電視機贊助及資訊：
Samsung網址：https://goo.gl/qM1XBd床褥贊助及資訊：雅蘭床褥網址：https://goo.gl/vkZ2XA


貼牆飾櫃可以擺放小朋友玩具當作裝飾。


電視機背牆特別漆上綠色，增添大自然的感覺。


Samsung QLED電視機沒有邊框，機身極薄，完美融入家居。


Samsung QLED電視機的的掛牆架與牆身之間幾乎「無距」，拉遠與梳化的距離。


利用盒子連上各種遊戲機和電視盒，Samsung QLED電視機能令周圍更加整潔。


睡房的衣櫃以黑板作為門身，讓小朋友可以利用粉筆隨意畫畫。




來源: http://hk.apple.nextmedia.com/su ... t/20170930/20168367
PermaLink: https://articles.zkiz.com/?id=342195
Next Page
ZKIZ Archives @ 2019