ZKIZ Archives


郭藹明甜賀青雲封帝「是否滿分不重要」

1 : GS(14)@2015-04-22 01:28:20

■青雲前晚拿了影帝獎,偕妻子郭藹明一起出席慶功宴。



【第34屆香港電影金像獎之溫馨時刻】第三十四屆香港電影金像獎頒獎禮前晚落幕,有人歡笑有人愁,終極大獎卻落在台下的郭藹明一人身上,因她獲出爐影帝老公劉青雲點名感激,感動全場。緣於92年劇集《大時代》的兩人,二十三年來恩愛如昔,感情猶如外太空,只有兩心知,就正如郭藹明所說,千世修來共枕眠,老公是否滿分已不重要。


劉青雲前晚於香港電影金像獎頒獎禮,憑《竊聽風雲3》第二度封帝,他在台上說得獎感言,不僅打動了台下的太太,還打動了觀看的每一位觀眾,他說:「最後要多謝我太太郭藹明,好重要,女性觀眾好鍾意聽呢part。每次我揸住太空船唔知去咗邊,你總會令我安全返到地球!多謝你。」此時台下郭藹明眼淚已奪眶,青雲也眼濕濕。


■郭藹明昨以短訊回覆說與青雲的夫妻情,是千世修來才可以同床共枕。

老婆穿綠特別旺

事後青雲兩夫婦到尖沙嘴出席《竊3》片慶功宴時,青雲被問到再拿影帝感受時,他說:「感受同第一次好唔同,因為攝影師高佬(陳國雄)出咗事(意外身亡),三集《竊聽》佢都有幫手。同埋睇到香港電影唔係唔好,好多人努力緊,大家唔使咁擔心。」說到太空船論感動到不少粉絲,但有網民不太明白,青雲說:「好坦白講,呢番說話唔會再解釋,覺得點樣就點樣,而家越來越覺得生活喺呢個環境,想多謝邊個就邊個。」談到太太郭藹明在他第一次拿香港金像獎影帝時也是穿綠色裙,是否綠色特別旺他?青雲就驚奇反問:「吓,係咩?係女仔先留意到。下月初我就去杭州演出陳木勝嘅動作片,其他演員仲有吳京、彭于晏,佢哋都應該知我唔打得,我都有20年冇拍過動作片啦!」


■青雲第二度封帝,台上的一番得獎感言,令太太十分感動。電視圖片

「千世修來共枕眠」

昨日郭藹明被問到前晚老公在香港金像獎的得獎感言是否令她好感動?她以短訊回覆:「沒想過他在台上會這樣說,但最感動的是,入會場前跟記者們做訪問的時候,大家都一致希望他成功,那一刻我在想,即使今次落敗但也雖敗猶榮,之後他能再拿獎,是真的很開心。『千世修來共枕眠』,是否滿分(青雲)已不重要了,雖然有時也想修修這艘太空船。」能將青雲從太空安全帶回到地球的郭藹明,二人戀情始於1992年拍攝無綫劇集《大時代》,不過拍攝時他們並未擦出愛火花,直至拍竣該劇,同劇的周慧敏邀請他們欣賞其演唱會後才交往。擁有碩士學位的郭藹明,與中五畢業的青雲距離頗遠,戀情開始時一直不被看好,但他們懶理外界的聲音,1998年結婚,婚後郭藹明淡出娛圈,專心做青雲的財政大臣。青雲在2007年首奪金像影帝時,曾表示希望生仔贈興,但多年來都未能成功,早年郭藹明接受訪問時表示二人決定不生了。


■當年青雲與郭藹明拍攝《大時代》時,已經對女方一見鍾情。劇照

鎮宇囝囝早貼中

此外,跟青雲份屬好友的吳鎮宇昨於微博留言,笑指囝囝費曼把青雲當奧巴馬總統的小趣事。「記得有一年劉青雲也是金像獎提名,我叫他說劉青雲贏,他死活不肯說,結果那年青雲沒得獎,但今年他自行不斷的說總統叔叔得獎,總統叔叔win,結果中了,大家一定很想知道他為何叫青雲做總統叔叔,話說費曼小時常指奧巴馬說是劉青雲,恭喜青雲總統叔叔再次得獎。」採訪:溫敏芝攝影:沈健程





來源: http://hk.apple.nextmedia.com/entertainment/art/20150421/19119365
郭藹 藹明 明甜 甜賀 青雲 封帝 是否 滿分 重要
PermaLink: https://articles.zkiz.com/?id=289783

郭藹明笑老公送怪花

1 : GS(14)@2016-05-21 19:04:18

■郭藹明雖然取笑青雲送黑白花束,但臉上溢出無限愛意。


郭藹明(Amy)昨在旺角出席護膚品牌活動,在台上分享跟老公劉青雲相處的趣事說:「好耐之前嘅生日,佢特登訂咗紮花畀我,但係用黑色紙包住白色花,我覺得好奇怪,哈哈。」Amy越講笑得越甜:「佢好認真咁揀,見我冇乜反應,問我係咪有問題。我就問佢送呢個顏色係咪有乜嘢意思?哈哈,仲要我生日送,之後我同佢講呢朵花留番遲啲先送畀我啦,以後佢都送五顏六色嘅花畀我啦。」同樣是高學歷的Amy,對港姐師妹麥明詩探訪母校劍橋的「離地」之旅說:「可能返去讀書地方好開心,咁返鄉下都會成日提鄉下啦,呢個好自然,我哋換個方法睇,世界就更加美麗。」採訪:盧妹攝影:仇志德





來源: http://hk.apple.nextmedia.com/entertainment/art/20160521/19621165
郭藹 藹明 明笑 老公 送怪 怪花
PermaLink: https://articles.zkiz.com/?id=300977

48歲郭藹明着可愛印花裙好青春

1 : GS(14)@2016-05-22 12:16:13

久別幕前的幸福人妻郭藹明,近年變得比較活躍,除了陪老公劉青雲出席頒獎禮之外,時不時都會現身出席品牌活動。雖然Amy今年已經48歲,不過無論身形、樣貌同皮膚都保持得超。前日出席活動時,Amy穿了一條來自 Paul and Joe Sister的連身裙,裙上的印花圖案藍藍黃黃,有泳池又有狗仔,搶眼之餘又夠可愛,仲好有夏日風情。Amy搭配印花高踭鞋,加上一頭清爽短髮,造型非常青春,真係點睇都唔似48歲。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160522/19622717
48 歲郭 郭藹 藹明 明著 可愛 印花 裙好 青春
PermaLink: https://articles.zkiz.com/?id=301096

撩店員吹水 郭藹明素顏玩貓咪

1 : GS(14)@2016-07-17 15:41:34

■郭藹明今年雖然48歲,但依然保養得宜。








【西貢】要數圈中最得民心的夫妻,劉青雲與郭藹明(Amy)一定是其中一對。現年48歲的Amy,91年奪港姐冠軍後拍過不少劇集,但跟劉青雲結婚18年,已鮮有出現幕前,樂於當老公背後女人的她,只偶爾陪青雲出席頒獎禮,去年亦試過一齊拍廣告。劉氏伉儷結婚多年感情依然保鮮,難怪青雲去年獲封香港電影金像獎影帝,要在台上發表火星論冧老婆。



【雞啄唔斷】■買貓糧時,郭藹明和店員有講有笑。DV圖片

【小貓八卦】■小貓(箭嘴示)從紙箱探頭出來,郭藹明和小貓玩了一會。

【上車返歸】■郭藹明戴上護腕,未知是否扭傷。



急步入寵物店

前日《蘋果》在西貢巧遇素顏、腳踢鮮黃色Crocs膠鞋襯風褸牛仔褲的Amy,保養得宜的她,即使零化妝站在陽光下依然索靚正,十分吸睛。當日下午5時左右,Amy由司機駕駛房車到西貢市中心,落車後即一個箭步走入一間寵物店,原來她趕着為愛貓買糧。


■郭藹明和劉青雲是圈中出名的恩愛夫婦。資料圖片

閃身避踩小貓

明顯是熟客仔的Amy,入店後全程與店員有講有笑,其間Amy更被店內一隻小貓吸引着,事關小貓忽然從紙箱探頭出來,又在她腳邊經過。她為免踩到小貓,即快動作閃身避開,之後又跟小貓玩了一會。離開時,Amy發現記者正在影相,見慣大場面的她依然淡定,繼續保持招牌甜美笑容望鏡頭,而記者就發現她左手的手腕戴了一個黑色護腕,未知是做運動還是做家務時不慎扭傷。採訪、攝影:畢紹基、徐錦池





來源: http://hk.apple.nextmedia.com/entertainment/art/20160716/19696829
店員 吹水 郭藹 藹明 明素 素顏 顏玩 貓咪
PermaLink: https://articles.zkiz.com/?id=303951

年近50仲keep到 郭藹明3招養膚

1 : GS(14)@2016-07-17 15:41:35

郭藹明同老公劉青雲結婚18年,婚後佢就專做人妻,甚少現身幕前,最多都係同老公出幕頒獎禮。低調開嘅郭藹明前日就去咗西貢市中心,48歲嘅佢索顏配身,仲keep到白滑嘅皮膚,真係恨死唔少人,其實佢曾經接受過訪問分享3招護膚心得。第一招 中醫調理郭藹明話當年踏入三字頭身體已feel到分別,佢仲話去到四字頭就覺得體能差咗,每次捱夜之後,就算瞓番三日都補唔番。咁又點解救呢?郭藹明就話要多啲注重自己身體,佢仲話間唔中都會睇中醫調理下身子o添!第二招 按季節轉護膚品要keep住皮膚好,護理肌膚係好重要,郭藹明就話畀大家知按唔明季節揀啱自己用嘅膚質護膚品係非常重要,好似夏天咁,就要用清爽同埋防曬度高嘅護膚品,而秋冬天氣乾燥,就要換可以滋潤皮膚嘅產品。」第三招 多飲湯水做得人妻梗係要識得煮幾味,而郭藹明身材非常之咁slim,睇嚟佢好有心得咁噃!不過郭藹明就話自己唔會節食,乜都會食,不過如果食得太heavy,第二日就會食得清淡啲調節吓。佢仲介紹話夏天佢最鍾意食冬瓜同鴨,秋天就食木瓜,去到冬天呢就會煮南瓜或黃耳湯。除此之外,佢仲話keep住有做運動嘅習慣都好緊要!





來源: http://hk.apple.nextmedia.com/entertainment/art/20160716/19697633
年近 50 keep 郭藹 藹明 招養 養膚
PermaLink: https://articles.zkiz.com/?id=303952

【爆相爆片】索爆人妻生活貼地郭藹明茶記吹水

1 : GS(14)@2016-08-08 00:17:09

■郭藹明日前與女友人在上海街一間舊式茶餐廳午膳,被本報讀者捕獲。讀者提供圖片


人妻郭藹明(Amy)似足老公劉青雲愛低調,喜歡過「貼地」生活的Amy專心過幸福少奶奶生活後,除了陪青雲出席活動,其餘時間就是忙於打理家中一切大小事務,讀者Grace前日透過本報「爆相爆片」,分享她在上海街見到Amy與友人在茶餐廳食午飯的照片。現年48歲的Amy素顏依然索爆,讀者Grace表示,當日約下午一時多,在位於太子上海街一間叫鴻運冰廳餅店的舊式茶餐廳發現Amy與一位女友人食午飯,雖然當時是午膳時間,但似乎未有太多人發現其蹤影,加上Amy又坐於閣樓最入位置,所以見她都吃得好自在。



■今年48歲的郭藹明保養得宜,皮膚白滑,不比一眾年輕女士遜色。讀者提供圖片

■劉青雲夫婦前年於西貢購入豪華別墅自住,估計年底可入伙。資料圖片



傾裝修事宜

Grace說:「佢都食得好清淡,見佢係食米線同飲凍檸水,隱約聽到佢哋係傾裝修嘅嘢。」其實,早前亦有報道指青雲夫婦前年於西貢買入豪華別墅,雖然該屋比較殘舊,但因為無敵大海景是Amy至愛,錫老婆的青雲便決定多花點時間慢慢裝修,變成安樂窩,據知裝修已接近完成階段,或許月底前便可以竣工,Amy一向喜歡親力親為,相信她這天到上海街,應該是到附近建材店。採訪:張曦彤





來源: http://hk.apple.nextmedia.com/entertainment/art/20160807/19725972
爆相 相爆 爆片 索爆 爆人 人妻 生活 貼地 地郭 郭藹 藹明 明茶 茶記 記吹 吹水
PermaLink: https://articles.zkiz.com/?id=304825

開製作公司取名「小飛船」貪順口郭藹明撒嬌

1 : GS(14)@2016-10-14 06:52:19

■劉青雲夫婦結婚多年一直保持甜蜜蜜,難怪郭藹明由心笑出來。



劉青雲及郭藹明(Amy)前晚應首飾品牌邀請,以夫妻檔現身中環活動,同場還有鄭欣宜、黃偉文、余安安及利嘉兒夫婦等。Amy更將品牌提供的322萬鑽飾戴上身,單是手上戒指已3.2卡,價值192萬。問青雲一身打扮是否由老婆配襯?他即笑說:「套衫我都有份揀嘅,同老婆兩個一齊揀,我本身都好有眼光㗎。」問到Amy青雲是否常有驚喜冧她?她笑說:「OK啦!」身旁的青雲即刻插嘴說:「家家有本難唸的經。」青雲平時有沒有送小禮物?Amy即刻嬌俏地揈手指嗲青雲:「老公,小禮物呀。」示意叫青雲識做。身邊的青雲即面紅說:「你哋睇吓我幾有生活壓力呢!」



■余安安前晚悉心打扮,單拖到場。

■黃偉文與欣宜前晚手拖手出席活動。

■青雲剛剛開了製作公司「小飛船」,持有人除了他還有太太郭藹明。

「佢冇地方住」

有指青雲去年花3千多萬在西貢購入dream house冧老婆,他繼續笑笑口說:「香港每日都有人買屋㗎啦,好平常嘅事,我自己又要住,咁啱佢又冇地方住。」又表示間屋是兩人一齊揀。去年,青雲憑《竊聽風雲3》奪影帝,領獎時在台上發表「太空船論」,指他每次揸太空船飛到宇宙,Amy總有辦法令他安全返回地球,最近青雲開設製作公司「小飛船」。問青雲是否用來氹老婆?他表示:「其實個名都係順口講㗎啫,大家開心就最好喇!」問Amy會否參與製作公司?Amy則說暫時未有特別工作。


冇計劃執導

問到青雲會否開戲給老婆拍?他即說:「唔會囉,呢個係工作嘅平台。」自己做導演?他亦表示:「暫時未有咁嘅計劃,都係一個平台。」至於今次投資了多少錢?青雲指:「(公司)只係方便自己工作,啱啱開始嘅一個計劃。」採訪:張俊銘攝影:林德雄




來源: http://hk.apple.nextmedia.com/entertainment/art/20161014/19799912
製作 公司 取名 飛船 順口 郭藹 藹明 撒嬌
PermaLink: https://articles.zkiz.com/?id=312011

《天地豪情》頭三集劇情重溫羅嘉良郭藹明鬥到七彩

1 : GS(14)@2017-07-09 03:39:10

無綫喺15年4月喺深夜播映神劇《大時代》,掀起一輪煲劇熱潮,搞到嗰段時間嘅收視上升,自此之後無綫安排咗唔少經典劇喺呢個時段播出,一連播映三輯嘅《妙手仁心》喺日前播映完大結局後,現時重播嘅係1998年嘅《天地豪情》。呢套劇當年搵咗黃日華、羅嘉良、張家輝同蔡少芬等主演,羅嘉良喺出場嗰陣,講佢係一個終日遊手好閒嘅賭仔,唔單止輸咗姑媽留俾低加拿大間餐館,甚至連飾演佢女友Apple嘅姚瑩瑩老竇嗰間餐館輸埋,於是撈家返香港問老竇胡楓借錢。郭藹明受胡楓所托去咗機場接機,撈家一落機即刻問郭藹明借錢賭馬,輸咗八嚿水,當然有借冇回頭。之後,當然唔少得講郭藹明同羅嘉良從冤家變情侶嘅劇情。查實呢套劇曾經喺03年2月同10年5月喺無綫重播,連埋今次在內,已經第三次重播。




來源: http://hk.apple.nextmedia.com/entertainment/art/20170708/20082904
天地 豪情 頭三 三集 劇情 重溫 嘉良 郭藹 藹明 明鬥 鬥到 七彩
PermaLink: https://articles.zkiz.com/?id=338493

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019