ZKIZ Archives


七月十四 細路咪亂講 2015年08月13日

1 : GS(14)@2015-08-16 13:47:32

http://www.am730.com.hk/article-277110


每逢農曆七月十四,大家都會格外慎言,特別喺郊外真係唔敢亂講嘢,有咩風吹草動,一般同朋友打個眼色,心照唔再提,之但係童言無忌,點揞得住細路仔把口?趁龍婆又嚟之前,幫大家熱一熱身,以下都係一啲父母親友喺網絡分享細路仔講過嘅恐怖說話,係唔係佢哋幻想力太豐富?留番俾大家諗。
文:77合作社


我想幫你剝皮
有日我仲瞓緊覺,俾我4歲嘅女搞醒咗,佢用一個好誠懇嘅眼神望住我話「我想幫你剝皮。」其實我上星期曬傷咗,呢一兩日個身開始甩皮,唔知係咪咁呢?不過,當刻聽到都覺得好恐怖,可能係我半夢半醒,都唔知係唔係真……


有個血浪湧埋嚟
有次我個姨甥坐喺梳化,個表情好古怪,佢媽咪問佢做咩?佢話:「我幻想緊有個血浪湧埋嚟。」後來先至知,佢哋之前去咗科學館參觀實驗展覽,入面有好多裝住紅色液體嘅巨型玻璃瓶,我諗我姨甥太深刻。


見到海賊王路飛?
有日我喺個女面前換衫,點知佢望住我笑,我問佢笑咩?佢話「個男人好搞笑」,我問咩男人,佢指住我身後嘅衣櫃話「個男人有條長到好似蛇嘅頸。」我轉身望根本乜都無,我唔敢去翻查間屋嘅歷史,怕有咩發生過,不過好彩囡囡唔驚。


見到海賊王路飛?
有日我喺個女面前換衫,點知佢望住我笑,我問佢笑咩?佢話「個男人好搞笑」,我問咩男人,佢指住我身後嘅衣櫃話「個男人有條長到好似蛇嘅頸。」我轉身望根本乜都無,我唔敢去翻查間屋嘅歷史,怕有咩發生過,不過好彩囡囡唔驚。


再見,爹哋
有一晚我幫我2歲嘅囝囝冚被,佢話:「再見,爹哋。」我話唔係,應該話早抖,佢話:「我知,不過今晚係再見。」自此,我經常去睇佢瞓覺,確保佢安好。


畫個十字
我個女以前會同我講,每晚都有個男人入佢間房,喺佢額頭上面畫個十字,我一直以為佢發夢,點知有日奶奶寄咗幾張家庭照俾我哋,阿女突然指住相入面已經過身16年前嘅老爺話:「佢咪係每晚嚟我房嗰個人囉。」同老公傾開先至知,原來佢細個時,老爺都係會喺佢額頭畫個十字。


Sister
我個女嘅學校有百年歷史,健體室下面有個地牢,有次見到個女仔望住下面叫:「掟上嚟俾我吖!」我問佢同邊個講嘢,佢話:「下面嗰個男人囉。」我望落去根本無人,之後我問其他細路有無見過呢個男人,啲細路話:「有,不過sister話唔好同佢講嘢。」佢哋講嘅sister係修女,但係呢間學校40年都無修女喺度任職過……


媽咪唔使擔心
有次我個仔攬住我,用一把好甜、好溫柔嘅聲音同我講:「媽咪,你唔好擔心,我永遠都唔會謀殺你。」


恐怖嘅男人
個仔3歲嘅時候,會同我講爺爺嫲嫲間房有一個恐怖嘅男人,有一日,我唔知黐起邊條筋,竟然問起佢個男人係咩樣,結果我個仔好平淡咁答:「噢,佢無面㗎噃。」


魔鬼
我個女2、3歲時幻想有一對朋友叫「豆豆」同「迪迪」,仲會成日分享佢哋嘅事俾我聽,有一日,阿女玩緊玩具電話,佢突然收線,木無表情咁用一個冷漠嘅語氣同我講:「魔鬼要嚟喇。」我俾佢嚇親,好彩後來發現嗰個叫「魔鬼」嘅虛構朋友好似幾好,只係個名改得唔好聽啫。
七月 十四 細路 路咪 咪亂 亂講 2015 08 13
PermaLink: https://articles.zkiz.com/?id=292010

彭麗媛愛用頸巾鄧達智教路咪亂用:風一吹就亂晒籠!

1 : GS(14)@2017-04-08 20:44:33

美國總統特朗普本港時間星期五凌晨於佛州的私人度假村,會晤中國國家主席習近平,彭麗媛就穿上深藍色刺繡長衫,令54歲的她更添老氣,本報訪問香港著名時裝設計師鄧達智(William)時,他就建議可考慮天氣因素,佛羅里達州天氣比較熱,應揀選簡單pattern和顏色較淺色裝束。彭麗媛抵步時穿白色套裝落機時披頸巾,William留意到彭麗媛喜歡用圍巾,但原來頸巾不可以戴,還要看場合,他說:「呢個造型畀人乾淨整潔嘅感覺,不過頸巾有時都唔可以亂用,因為風一吹就會吹到亂晒籠,可以好危險,其實可以簡簡單單,知道風大就唔好戴頸巾。」更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170408/19983946
彭麗媛 愛用 頸巾 巾鄧 達智 教路 路咪 咪亂 亂用 風一 一吹 吹就 就亂 亂曬 曬籠
PermaLink: https://articles.zkiz.com/?id=329703

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019