ZKIZ Archives


【馮仁昭四圍超】趙哲妤吼高大北京男

1 : GS(14)@2016-08-19 06:55:54

趙哲妤(Uny)同許嘉浩(Karl)噚日到尖沙嘴碼頭為全能新星選拔賽招募,Karl透露已有102位女士參加,聽講九龍區女仔較豪放,噚日專登去九龍招募。Uny為選美擔任禮儀導師,佢話:「今次係友情價,Karl唔會虧待我嘅,唔會連食飯都唔夠錢。」
Uny稍後會到北京逗留半年讀戲劇,大把機會結識內地男友,佢話自己事業心好重,到時睇吓點,好鍾意北京男仔夠高大。撰文:馮仁昭




來源: http://hk.apple.nextmedia.com/entertainment/art/20160819/19741742
馮仁 仁昭 四圍 趙哲 哲妤 妤吼 高大 北京
PermaLink: https://articles.zkiz.com/?id=306532

趙哲妤搵仔情侶檔唱歌

1 : GS(14)@2016-09-06 22:51:06

趙哲妤(Uny)、麥皓兒、布偉傑前晚在中環蘭桂坊參與「NG Music星SING仲夏音樂會」,本身在青衣區任地區發展主任的Uny,投完票才到場,她說:「我盡咗公民責任,投票前後都要幫手。」Uny學唱歌近五年,但就首次參加音樂會,稍後更有機會出碟,她希望組織情侶拍檔唱情歌,但因身高問題難以找拍檔。她並透露將接拍新戲,但不會賣弄性感:「幾年前性感係可以搵多啲錢,但而家過咗呢個潮,只會偶爾露一露。」採訪、攝影:卓寶花




來源: http://hk.apple.nextmedia.com/entertainment/art/20160906/19761212
趙哲 哲妤 妤搵 搵仔 情侶 唱歌
PermaLink: https://articles.zkiz.com/?id=307846

【馮仁昭四圍超】趙哲妤有人夫追求

1 : GS(14)@2016-09-17 16:15:54

趙哲妤噚日去到長沙灣,搵司徒法基師傅幫手拜月老求姻緣,儀式最後師傅喺佢眉心同手背搽人緣香水,又送咗條加持過嘅月光石珠鏈畀佢,叫佢戴住唔好俾人掂,每逢初一、十五合十祈福。趙哲妤話:「想快啲搵到另一半,個人都開心啲,另外做娛樂圈人緣都需求好大,需要多啲人支持同認同。」單身半年,佢話而家有幾個追求者,當中有已婚男士㖭。撰文:馮仁昭




來源: http://hk.apple.nextmedia.com/entertainment/art/20160915/19770841
馮仁 仁昭 四圍 趙哲 哲妤 有人 追求
PermaLink: https://articles.zkiz.com/?id=309266

自稱單身 一講經手人即哽咽趙哲妤未婚懷孕6個月

1 : GS(14)@2016-09-27 07:14:45

■趙哲妤聲稱半年沒有來經,才發現自己大肚。



前中國小姐趙哲妤(Uny)、孫慧雪、仙樂都及筱靜等,昨日在尖沙嘴出席首飾品牌Reve開幕活動。早前自爆遭舊愛騙財6位數字,一度要變賣名牌手袋解財困的Uny,最近忽然發現已懷孕6個月,這個突如其來的消息,對她而言卻不知是喜是憂。
Uny現身時穿上高踭鞋,但明顯肚凸凸,她笑言:「我已經揀咗5條裙先揀到呢條。」問到是否要恭喜她?Uny即謂:「吓!我唔識答呀!其實都好耐冇女性唔方便日子,都有成半年。」


每月做檢查

她指現時的身體狀況良好,每個月都有做定期檢查,亦會繼續工作,但有很多事情不便公開談論。Uny多番欲言又止,只願透露經手人是圈外人,並沒有結婚計劃。她直言:「結婚生B離我好遠,同每一個人講都唔信,屋企人都唔信,阿妹仲話我瘦。」經手人是否不想負責任?她迴避的說:「冇講呢個問題,事發突然,我好遲先發現,我覺得個肚郁嘅時候,已經係半年嘅事。」



■趙哲妤(中)早年參加中國小姐奪冠入行。資料圖片

■趙哲妤提到和男友分手問題即哽咽。

■多位僆模出席活動,正面看趙哲妤(右三)不似懷孕半年。


「屋企人唔信」

問到Uny要做未婚媽媽?她笑謂:「就算要結婚都要有S身形先着婚紗。」有關生育後的安排,以及是否會和BB的生父共同撫養等問題,Uny仍未有詳細考慮:「我都唔知,要問男方,我冇問過所有關事嘅人士,講唔講得,有關生命都要問過(經手人)先。」追問她是否和經手人已分手?Uny突然激動哽咽說:「唔知,但我而家單身,而家仲要諗去邊住,因為屋企要裝修,屋企人都唔理我,佢哋都唔信。」採訪、攝影:王連連




來源: http://hk.apple.nextmedia.com/entertainment/art/20160926/19781680
自稱 單身 一講 經手人 經手 哽咽 趙哲 哲妤 未婚 懷孕 個月
PermaLink: https://articles.zkiz.com/?id=310129

趙哲妤:BB爸爸會負責

1 : GS(14)@2016-10-16 08:20:05

■趙哲妤表示已約好私家醫院,又慶幸有奶粉贊助。



趙哲妤(Uny)昨日到深水埗探訪長者,懷孕近七個月的她手腳依然纖瘦:「仲有三日就七個月大,而家開始有胎動,自己都會做多啲胎教。」問是否陀女?她謂要保留驚喜,所以未照超聲波確定性別。至於與BB爸爸的關係?Uny說:「我哋有適當溝通,其實上次答得核突咗,搞到BB爸爸、屋企人同埋記者朋友都好擔心我,其實唔係報紙寫得咁肉酸,佢會負責。」早前她曾透露被有錢男友騙錢,問是否BB爸爸?她說:「由頭到尾我都係得呢個男朋友,之前因為嗌交,而家已經冇再欠我錢,件事都過咗去啦。」採訪、攝影:盧妹




來源: http://hk.apple.nextmedia.com/entertainment/art/20161016/19802000
趙哲 哲妤 BB 爸爸 負責
PermaLink: https://articles.zkiz.com/?id=312270

【馮仁昭四圍超】趙哲妤搵仙樂都陪產檢

1 : GS(14)@2016-10-17 08:09:35

趙哲妤(Uny右)同吳堯堯(仙樂都)噚日到東涌為保良局賣獎券籌款,Uny自爆差啲遲到:「大肚婆要瞓12個鐘,差啲起唔到身,好彩BB踢醒我。」BB改名未?佢話:「等BB出世,睇咗時辰八字同性別,先改中文名。」Uny又話BB爸爸冇陪做產檢:「嚟緊產檢筱靖、仙樂都會陪我。我都係正常人,想有人陪住經歷呢個階段,可能佢(BB爸爸)覺得產檢係女人嘅事,男人去好尷尬。」撰文:馮仁昭




來源: http://hk.apple.nextmedia.com/entertainment/art/20161017/19802948
馮仁 仁昭 四圍 趙哲 哲妤 妤搵 仙樂 都陪 陪產 產檢
PermaLink: https://articles.zkiz.com/?id=312459

趙哲妤學育嬰男友冇份

1 : GS(14)@2016-10-19 05:49:26

趙哲妤(Uny)、林雅詩(Grace)、吳堯堯(仙樂都)與邱美薇昨日出席尖沙嘴一個選美活動記招,懷有七個月身孕的Uny是評審之一,她於三號風球下,特意穿上平底鞋出席活動,分享選美心理質素,她希望盡量在產前接job,好讓BB出世後多些時間親子樂,問到會否跟BB爸爸上育嬰班?她說:「未知道,應該會約朋友上堂先,因為女仔朋友學咗會幫到手,男人學咗都未必有時間幫手。」首次擔任選美評判的Grace,透露挑選佳麗重點要談吐自然,樣貌可愛,問到跟丈夫家庭官司進展如何?她無奈說:「12月要再上庭,但好影響到小朋友,學校已經安排社工見囝囝。」她承認跟囝囝都擔心法庭判他們要分開。採訪、攝影:馬建華




來源: http://hk.apple.nextmedia.com/entertainment/art/20161019/19804977
趙哲 哲妤 妤學 育嬰 男友 冇份
PermaLink: https://articles.zkiz.com/?id=312707

尹蓁晞比趙哲妤更似大肚

1 : GS(14)@2016-10-20 08:05:38

趙哲妤(Uny)、尹蓁晞(Yumi)及林雅詩,前晚在中環為「綠魔」Karl慶祝生日,懷孕7個月的Uny上圍凸出,她說:「有咗多少都升啲,之後餵母乳會縮水,但唔想變形同下垂,所以而家都有搽嘢,驚影響之後工作同着衫冇咁靚。」會否叫男友幫手按摩?她說:「好誇張喎,完全冇呢啲嘢。」
Yumi穿上紅色谷胸晚裝大晒34E上圍,身形圓潤比Uny更似大肚婆,Yumi說:「呢排食多咗,加上最近病成日食西藥,所以水腫。我全身都肥咗,都想減下肥。」化妝師男友Gavin有否投訴?她說:「少少,話肥都OK,不過手臂最好瘦啲。」採訪:羅慧敏攝影:陳俊強




來源: http://hk.apple.nextmedia.com/entertainment/art/20161020/19806024
尹蓁 蓁晞 晞比 比趙 趙哲 哲妤 妤更 更似 大肚
PermaLink: https://articles.zkiz.com/?id=312893

趙哲妤搵筱靖剪臍帶

1 : GS(14)@2016-10-29 13:20:35

趙哲妤和袁潔儀等前晚撐好姊妹筱靖位於中環美酒佳餚節攤位,懷胎7個月的趙哲妤自爆腹中塊肉是B女:「本來個BB都好迷你,靠我自己飲食,令BB增長咗,而家都知BB係手長腳長、面尖尖,但係BB都仲係瘦咗少少。」筱靖表示會做BB女姨媽,又會幫BB剪臍帶,趙哲妤解釋:「輩份上,佢係BB女嘅『姨媽』,不過我都叫筱靖一定要幫BB剪臍帶先可以做『姨媽』。」採訪:卓寶花攝影:陳俊強




來源: http://hk.apple.nextmedia.com/entertainment/art/20161029/19815490
趙哲 哲妤 妤搵 搵筱 筱靖 靖剪 臍帶
PermaLink: https://articles.zkiz.com/?id=314006

【馮仁昭四圍超】趙哲妤孕婦唔怕凍

1 : GS(14)@2016-11-29 00:14:44

趙哲妤(Uny)噚日到梨木樹企喺街頭派發四百個素菜飯盒畀長者,已懷孕八個半月嘅佢,無懼寒風以低胸短裙出現,佢話:「喺屋企開晒暖氣,唔知出面咁凍,不過孕婦係冇咁怕凍。」預產期喺明年1月嘅Uny,等下月初拍完孕婦有關廣告,就會暫停手上工作專心待產,佢話要努力賺錢,希望幫BB儲存臍帶血。撰文:馮仁昭




來源: http://hk.apple.nextmedia.com/entertainment/art/20161128/19847461
馮仁 仁昭 四圍 趙哲 哲妤 孕婦 唔怕 怕凍
PermaLink: https://articles.zkiz.com/?id=317403

【馮仁昭四圍超】趙哲妤早產 誕4.3磅女

1 : GS(14)@2016-12-28 08:12:17

■趙哲妤喺馬來西亞突然早產,但佢仍為BB準備唔少用品。





趙哲妤未婚懷孕,早前臨盆在即,仍飛去馬來西亞工作,點知返港前一晚胎動被送去醫院,令本來預產期喺下月9日,提早喺今個月19日搶閘過聖誕。啱啱生咗B女,初為人母嘅趙哲妤噚日以短訊回覆:「BB出咗世啦!多謝聖誕老人送了份29年來最好的禮物給我,英文名改做Natalie,取其意聖誕出生的女孩。」唔知係咪早產關係,Natalie體重只有約4.3磅,趙哲妤話:「B女是個迷你B,醫生說除了新生B常見的黃疸外,一切很健康,3天就出咗院。我都成功順產,因為我懷孕時做了很多產前運動及瑜伽,雖是第一胎,生產過程亦歷經了10級陣痛,但很感恩,開度數很快,6小時就成功順產了,母女平安。」



■趙哲妤產前有運動,只用咗6小時就順產生咗囡囡。

■Karl(左)噚日出席活動,話同好友趙哲妤傾過電話,BB好乖。


會餵母乳

生完B第二日,趙哲妤已經可以落床,佢話:「現在基本上都係有女萬事足,不過比想像中忙好多、難好多,沒想像中易學。暫定全母乳媽媽為目標而進發,?家努力學餵奶掃風換片洗澡,希望能生手變熟手。」許嘉浩(Karl)噚日做網上直播節目提到好友趙哲妤,佢話:「佢作動嗰陣話想返香港生,不過趕唔切,?家租咗屋,至少要3、4個月先可以返嚟。」問到趙哲妤男友有冇去當地?Karl話暫時未。撰文:馮仁昭




來源: http://hk.apple.nextmedia.com/entertainment/art/20161228/19878631
馮仁 仁昭 四圍 趙哲 哲妤 早產 4.3 磅女
PermaLink: https://articles.zkiz.com/?id=320341

【馮仁昭四圍超】筱靖飛大馬陪趙哲妤

1 : GS(14)@2017-01-27 07:40:46

筱靖前晚喺九龍灣出席電影《NASA無名英雌》首映,着中門大開嘅紅裙到場,佢話:「呢排成日飛嚟飛去,連自己餐廳都唔記得簽支票出糧畀員工,足足遲咗成10日,好彩佢哋好體諒。」講到趙哲妤個女Natalie,筱靖話:「細細粒但好有性格,唔鍾意就喊到幾層樓都聽到,又鍾意影相。?家幫佢搞緊手續返香港,遲啲我會去馬來西亞陪佢返嚟。」撰文:馮仁昭




來源: http://hk.apple.nextmedia.com/entertainment/art/20170127/19909934
馮仁 仁昭 四圍 筱靖 靖飛 大馬 陪趙 趙哲 哲妤
PermaLink: https://articles.zkiz.com/?id=324446

【馮仁昭四圍超】趙哲妤坐月夜蒲冧拿督

1 : GS(14)@2017-02-02 02:34:12

趙哲妤未婚懷孕,噚日有報道指坐緊月嘅佢打扮性感喺大馬夜蒲,入酒吧唔夠十分鐘,睇中一個貌似莫少聰嘅猛男Daniel,對方係大馬拿督,經營地產生意,二人頭貼頭咬耳仔,趙哲妤仲飲咗唔少。趙哲妤噚日接受本報訪問,話個男仔係司徒法正師傅個生基度假村嘅同事,「師傅知我一個女仔喺度,叫佢照顧吓我。」至於B女嘅爹哋有冇去探B?佢就話係秘密。撰文:馮仁昭




來源: http://hk.apple.nextmedia.com/entertainment/art/20170201/19913869
馮仁 仁昭 四圍 趙哲 哲妤 妤坐 月夜 拿督
PermaLink: https://articles.zkiz.com/?id=324966

趙哲妤出埠牽掛囡囡

1 : GS(14)@2017-04-10 23:36:08

趙哲妤、趙頌茹與細女周愛希、楊思琦與女兒Krystal、張崇基一家及夏尉喻等昨日到九龍塘又一城出席動畫電影《波士BB》首映。囡囡Natalie已三個半月大的趙哲妤,剛從台灣登台返港:「仲餵緊人奶,所以帶埋囡囡去。點知今朝喺飛機最後嗰30分鐘,佢緊張到喊,佢?家真係我波士,有時出埠登台都心掛掛。」她表示早前已為女兒舉行百日宴,但女兒爸爸未有現身:「我信佛嘅,所以都冇所謂,好多人連做人嘅機會都冇,何況BB有好多人錫。」低胸現身的夏尉喻笑謂要迎接夏日,她說:「我都係青春少女啫,而且啲小朋友接受能力都好高。」採訪:盧妹攝影:陳慧安




來源: http://hk.apple.nextmedia.com/entertainment/art/20170410/19985187
趙哲 哲妤 妤出 出埠 牽掛 囡囡
PermaLink: https://articles.zkiz.com/?id=329976

筱靖讚趙哲妤囡囡乖

1 : GS(14)@2017-04-22 10:49:49

趙哲妤和筱靖早前應邀到台灣為廟會做表演嘉賓,此行還帶同趙哲妤的三個月大的女兒小魚一起去,契媽筱靖接受本報訪問說:「之前去咗吉林剪綵,離開咗香港5日,之後又要再去台灣5日,大會好好包咗工人姐姐機票,帶埋BB一齊去,順便玩吓囉!」筱靖覺得小魚十分乖巧,她說:「頭兩日做完嘢,之後去咗佛光山,去到好熱有成30度,都驚BB唔適應,今次嚟到正宗佛光山,佢真係好乖,有啲入到大殿係要好安靜,唔可以嘈,我哋都好驚佢入到去會喊,控制唔到,佢見到佛祖好冷靜。」趙哲妤不想離開女兒太長時間,她說:「母乳唔可以隔太多日唔餵,所以先帶埋BB去。」採訪:非非



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997485
筱靖 靖讚 讚趙 趙哲 哲妤 囡囡
PermaLink: https://articles.zkiz.com/?id=331336

【馮仁昭四圍超】趙哲妤學控制情緒

1 : GS(14)@2017-06-10 13:30:46

趙哲妤(Uny)同綠魔許嘉浩噚日到荔枝角為手製保鮮花活動宣傳,Uny喺半年前未婚產女,?家母兼父職,佢話照顧囡囡時,女傭姐姐有時會疏忽大意,自己就會有脾氣,佢話:「自己會盡量控制情緒,做個好榜樣。」
Uny話嚟緊父親節會同公公爺爺慶祝,但佢同囡囡生父已經冇聯絡,對於將來女兒問到爸爸嘅事,佢話:「將來會溫和一啲同佢講。」撰文:馮仁昭




來源: http://hk.apple.nextmedia.com/entertainment/art/20170609/20049227
馮仁 仁昭 四圍 趙哲 哲妤 妤學 控制 情緒
PermaLink: https://articles.zkiz.com/?id=335121

趙哲妤為女節衣縮食

1 : GS(14)@2017-06-10 13:46:54

趙哲妤(Uny)與吳堯堯(YoYo)昨日於觀塘為「以禮助人協會」做義工,派發奶粉幫助單親家庭,Uny身穿露腰裝配熱褲,身形弗爆,她說:「BB?家5個月,一半人奶一半奶粉,餵人奶好快瘦,加上生完即刻做孕婦運動同束腹內衣,?家已經回復以前23吋腰。」
Uny表示節衣縮食都要將最好的給予囡囡,連奶粉亦是飲500多元一罐的有機奶,她說:「?家面對好多問題,就算返playgroup都諗定上完係咪升得到幼稚園,都有壓力,?家搵好多資料,努力計劃未來。」YoYo剛過了生日,Uny特地將親手做的十字繡送給她,祝她早日找到另一半。採訪:羅慧敏攝影:陳慧安




來源: http://hk.apple.nextmedia.com/entertainment/art/20170610/20050670
趙哲 哲妤 妤為 為女 女節 節衣 衣縮 縮食
PermaLink: https://articles.zkiz.com/?id=335227

趙哲妤讚阿媽識投資

1 : GS(14)@2017-06-25 09:31:28

■趙哲妤(右)指母親向來愛磚頭,更豪送樓予她們三姊妹。



趙哲妤(Uny)母親李渠興被爆炒劏舖中伏,越跌越撈底,她昨日回覆《蘋果》時指母親向來愛投資磚頭,三個女兒大學畢業時均送樓揸手,相信劏舖事件對母親沒影響。Uny說:「以我所知嗰啲舖,應該係畀細妹學習打理自己小店。」她強調母親經常灌輸營商之道:「佢係實業家,飾品出口做咗好多年,外國知名潮流品牌Moa jewelry France、Miss Selfridge都有佢嘅貨,呢幾年投資餐廳,九龍城分店都4,000幾呎,仲講明要宣傳素食第一,唔只為賺錢,兩間估計過千萬。為咗BB又全屋裝修咗幾百萬,我叫揀平啲佢都唔騷我。」採訪:陳杰




來源: http://hk.apple.nextmedia.com/entertainment/art/20170624/20066559
趙哲 哲妤 妤讚 阿媽 投資
PermaLink: https://articles.zkiz.com/?id=336782

【馮仁昭四圍超】趙哲妤驚手毛拮親B女

1 : GS(14)@2017-07-29 03:23:59

趙哲妤噚日喺火炭拍攝脫毛廣告,佢話?家成日要抱囡囡,擔心如果用剃刀剃手毛會拮親佢,所以選擇激光脫毛。趙哲妤話嚟緊仲會出歌,佢話:「首歌係講啲兵追左自己好耐,但係自己又習慣咗一個人,不過又擔心會唔會永遠都係咁孤獨。」佢話好似現實中嘅自己,仲大讚香港男仔好有愛心:「即使我唔接受佢哋,佢哋都會叫我加油。」撰文:馮仁昭




來源: http://hk.apple.nextmedia.com/entertainment/art/20170727/20102376
馮仁 仁昭 四圍 趙哲 哲妤 妤驚 驚手 手毛 毛拮 拮親
PermaLink: https://articles.zkiz.com/?id=338937


ZKIZ Archives @ 2019