ZKIZ Archives


賤物鬥窮人 Jay

http://hk.myblog.yahoo.com/jay_cwc/article?mid=1542

對於投資者來說,股票市場係投資者對於未來經濟睇法的折現值,視乎資訊的前瞻性及股票市場的特性,折現期由三至六個月不等。

另外,科技發展加強了全球資產市場的同質及同向性,推翻了分散風險的所謂組合理論。資金自由流動加強了股市的投機特性,而原來的集資、強化資本運用功能郤慢慢淡化。

貨幣氾濫所造成的貶值潮,加上資訊及資金上的不對稱,貧富懸殊逐漸成為常態,所謂的二八定理變得更極端。少數人掌握大多數的財富,既得利益者利用本身優勢剝削、欺負普通市民,加上政府的密許,郤換來社會的不穩定。

在這種局面下,在下者努力上位,若他朝得志,極大機會變相剝削他人去填補受欺壓下的心理創傷;循環不斷發生,郤鮮有糾正錯誤。

股、滙、金、銀、農產品、油等資產同升同跌,代表世人對貨幣投下不信任票。各國匯戰間接剥削手持貨幣者,而本來應該獨立的央行變得政治化,政治、經濟及投資互相影響,繼而因果不分。

以美國為首的發達國,無責任地向市場投下天文數字但日益低價貨幣;同一時間,以BRIC為首的新興國郤受資金流入而泡沫處處,但為了應對如猛獸的通脹,任何加息舉動會造就資產泡沫的具大化,頗有廣場協議的影子。

小市民眼見購買力被蠶食下,可以做的是加入泡泡浴遊戲;誰知只不過是有心人所設下的圈套,正如警訊個案討論中,以些少甜頭去利誘更大的財富轉移。

作為全球領導者,內功心法上乘,並不需要刻意出招,已可引領全球投資市場翻天覆地;另一方面,市場折現了貨幣氾濫,要提防是領導者反手,利用泡沫填補金融體系創傷,留下爛攤子,既可鞏固固有權力,又可打擊對手,可樂而不為?

既要參與遊戲,又要提防使横手,身手、嗅覺非靈敏不可;正如黃國英所指,利用注碼控制風險,與其逆水行舟,倒不如順水推舟,當然,前題是「知自己做乜」。


賤物 物鬥 窮人 Jay
PermaLink: https://articles.zkiz.com/?id=18484

賤物「救」窮人 $13一盒飯

2015-06-18  NM


做香港人,生活真艱難。近日一幅「港鐵沿線物業呎價圖」,只得十二個港鐵站物業,呎價是低過一萬 元。香港人平均要十五年,才能儲夠錢買五百多呎中小型單位。生活壓迫,想旅行散心?唔使諗。慳到玩,亦慳唔到食。以下,才是真正的「窮人恩物」:葵涌廣場 小店賣$12一個魚蛋飯,做足十年,今年才加價一蚊;同場甜品、西瓜椰果,$4一杯。「牛下滷味」不單賣滷味,仲賣$20一個飯,平絕旺角;而明哥於深水 埗賣$16一個單餸飯,遭受全區行家圍插,明哥見招拆招。賣到咁平都生存到,自然而然,有他們的一套獨門生意經。$13超級平價魚蛋飯

位於葵涌廣場二樓的食店「回味無窮」,外觀與一般小食店無疑,記者望一望餐牌,即時O了嘴:有魚蛋飯、燒賣飯及芝士腸飯等。其中「招牌菜」魚蛋飯,顧名思 義,就是七粒咖喱魚蛋配一個白飯,還保證多汁,現售十三元一盒。另外亦有雞扒飯、豬柳漢堡飯等較飽肚飯類,也只是十五元。雖然騎呢,但中午時間鋪外已有一 條長長人龍,主要是學生哥及街坊,到晚上六點半打後,則見OL及一班師奶大叔。

每盒賺得一蚊

剛買完十五蚊雞扒飯的學生Leo說:「個飯分量都算多,男仔嚟講都算頂到肚嘅!」他說味道不錯,每次下課經過都會幫襯。這家「回味無窮」的老闆陳志榮,今 年只是三十多歲,平價飯已賣足六年。他說這些魚蛋飯,毛利其實極低:「每個飯扣除食物成本,其實只賺一蚊左右。雖然每日都有人龍排隊買,但好睇唔好食 囉!」這樣計算,每日排五百人買飯,陳老闆落袋的也只是五百多元。為此,陳老闆兼賣毛利較高的小食及糕點,如砵仔糕、芝麻糕及紅豆糕等,售十四元三件,這 令鋪頭同時有綽頭、又有錢賺。為控制成本,陳老闆於葵芳自設千多呎工場,一手包辦糕點和招牌咖喱汁的出品及運送。此外,小店兩餸飯所賣的扎肉,由相熟朋友 工場提供,來貨價較便宜。現時飯類及糕點,各佔生意額的一半。以每天生意額約一萬一千至二千元、及每月只開工二十天計算,每月生意額二十四萬元,當中食材 和日常開支佔了五成,再扣除租金,和三名員工的人工,可賺約三、兩萬元。

學生哥「教路」

「回味無窮」○五年已開業,○九年轉至現鋪,並開始賣飯。當初是賣九蚊一個飯盒!招牌的咖喱魚蛋飯源自學生哥,陳老闆笑說:「當年我哋有向買平價飯嘅顧 客,提供買小食優惠,例如加六蚊,可以加串魚蛋。點知整整吓有學生哥竟然話,咩都唔使要,就咁魚蛋加飯就夠啦!」於是他迎合口味加推咖喱魚蛋飯,更有不少 客人要求多咖喱汁用以配飯,漸漸成為熱門飯之一。五年前,「回味無窮」旁邊鋪位,有行家抄橋,同樣推出十多元平價飯,薄利多銷,希望分一杯羮。不過,這店 在今個月底便會結業,該店老闆感慨說:「我冇嘢可以講啦,做埋今個月就唔做啦!」相反,陳志榮的小食店,卻由原先只有五十呎的細鋪,擴展到現在一百二十 呎;經歷過沙士低潮到現在物價飛漲,租金亦加到七萬大元,但多年來小店只在個多月前加過價,亦是第一次:「唉,肉類價格上漲得太厲害。如腸仔由以往九元一 包加到十二元。租金亦貴,一三年那次就加多了兩萬元。」但每樣食物亦只是貴多一蚊,以往十三元的雞扒飯也只是加至十五元,肯定平過九巴多年加價。陳老闆由 朝早十點半,做到晚上十點半;平價飯除了帶來競爭,也帶來了同場行家不少爭議。陳老闆回應:「當然有人不滿又有人有意見,不過各有各做,賺多賺少,係自己 選擇嘅。」

$20真好味平絕旺角

陳老闆賣平飯是自己選擇,相反因拆邨而搬去旺角的牛頭角下邨滷味店「真好味」,賣平飯是「為世所逼」。去年「真好味」轉戰旺角,選址在旺角東鐵站附近,專 賣一串串的滷味墨魚、生腸等小食。就算要迎戰同場賣滷味的「肥姐小食」,亦無有怕。開鋪頭三個月,生意極好,老闆張國棟(貓仔)表示:「我賣開大串墨魚, 打到肥姐都要賣番大墨魚,唔再賣細墨魚呀!」可惜貓仔的運氣於三個月後玩完,鋪位的大廈翻新搭棚,人流大減,生意額跌了一半,貓仔唯有以平價飯招徠。雖然 二十蚊一個飯盒,平絕旺角,但製作絕不馬虎。這些平價飯每三日轉款一次,除了有雞翼煎蛋、番茄炒蛋餐肉等大路款式外,亦有蜜椒雞扒、滷水四寶飯及日式洋葱 燒肉飯等等,最過癮是可以透過WhatsApp「睇辦」及落單。高峰時期日賣三百個,每月收入達十八萬元,佔生意額大約四成,附近的上班族及低下階層為主 要客源:「啲人會特登過嚟買廿蚊飯,我希望順便吸引佢哋買一兩串滷味,幫補吓生意。」他透露,一盒飯成本大約十至十一元,利潤其實很少,主要還是靠招牌滷 味來賺錢。

如意算盤未打響

貓仔為控制成本,每日絞盡腦汁,想好二十蚊飯款式,確保毛利五成。原以為可以捱過大廈翻新,卻又遇上雨傘運動及「鳩嗚」,人流未試過回復正常:「以前單係 波鞋街,有好多售貨員嚟幫襯廿蚊飯,但最近都少咗。佢哋話遊客少咗,生意又差,所以都帶飯慳錢喎!」最令貓仔啼笑皆非的是:「試過有人買廿蚊飯,問:『包 唔包埋嘢飲?』咁我不如請埋你食飯啦好無。」目前鋪頭租金五萬元,佔營業額超過一成半,業主更準備加租至七萬元:「逆市加租,根本唔合理。我覺得政府應該 做多啲嘢,有咩理由香港會無夜市?你睇台灣幾多夜市,我覺得政府應該整條食街,淨係俾啲小商戶,或者有意創業的人發展,唔好俾啲大集團入嚟。」加租令貓仔 有點心灰意冷,準備北上廣州開鋪:「當地鋪租夠平,人工亦只係三千幾,而且廣州人鍾意香港小食。如果賺到錢,會返嚟香港開多幾間分店,因為我仲有好多牛下 失傳嘅小食秘方,想喺香港傳承落去!」

明哥$16飯抵抗圍攻

北河燒臘店老闆陳灼明(明哥),在深水埗開店十年,以派發待用餐券做慈善而被追訪。原來在北河燒臘店,食一個單餸飯亦只要十六元,兩餸飯亦只需二十二元, 而且選擇頗多,如蘿蔔牛腩、咖喱薯仔雞翼等,保證飽肚,甚有家常風味。 雖然十六蚊碟頭飯,毛利只得三蚊,利潤非常低,但明哥計過數後,認為仍有錢賺:「人哋一盒飯可能賺十元,我得三元,但我以量取勝,我可以賣多人哋三盒,咁 我賺嘅錢咪可以同人哋一樣多囉,只係要辛苦啲。」北河燒臘店鋪位,月租十萬元,並有二十位員工煮飯及派飯,每月固定支出至少五十萬元,其他成本唯有慳得就 慳,平時明哥會到百佳執貨:「佢賣唔走但未爛嘅菜,我哋會免費拎走。」

慈善益街坊

明哥坦言,在香港做餐廳、賺錢難,要做賺少啲嘅餐廳,更難。因為售價太便宜,引起附近同行不滿,認為頂爛市,明哥想出「慈善」方式解決:「我賣平飯,除咗 影響附近嘅餐廳,仲會影響菜檔生果檔。因為啲人食完平飯,或者用代用券食免費飯,就唔會買生果、唔會自己煮飯、又唔會買調味料,搞到連雜貨鋪都無生意。所 以我都諗咗好多方法,去平衡社區利益。」例如,明哥會將鋪頭盈餘,在附近鋪頭買生果,再送給老人院。他說:「我買完佢哋啲生果,令到佢哋有生意做,我又可 以做善事,一舉兩得。另外,派飯唔好喺鋪頭派,搵義工用車送出去派,咁咪唔會搶走附近餐廳嘅生意,又唔會有太多人嚟排隊。」就算物價飛升,明哥堅持不會加 價,並指想在各區開分店,或者以贊助形式開平價食堂,有點759阿信屋的影子。當初明哥賣平價飯,源於商業競爭。他指了指旁邊的餐廳,透露東主原本亦是北 河燒臘店的股東:「佢本來同我夾份,後來反面,之後佢喺旁邊開鋪,話要做死我哋。佢話自己大把錢,可以用幾百萬燒錢。」於是一場減價戰正式開始,不過五年 來,明哥的鋪頭一元也無加過價,靠街坊口碑取勝。相反對手要向現實低頭,目前一盒飯平均較明哥貴兩蚊。

西瓜椰果$4一杯

葵涌廣場除了有平價飯,同場三樓,也有「平價汁」。當樓下便利店一盒二百五十毫升的檸檬茶,定價要七元五毫時,三樓「冰冰果汁」的西瓜汁加椰果,只賣四 元,價錢便宜得足以令人發出震撼性聲音!老闆陳太表示,西瓜椰果和單西瓜汁一樣只售四元,這兩款在開店十五年來,也從沒加過價。記者試過味,雖然椰果不 多,但食得出有西瓜肉,算得上是真材實料。問及四元一杯的價格能賺多少,陳太立即表示:「四蚊咁平點會賺到,夠回本o架咋!」她堅持招牌飲品不加價,並以 其他飲料拉上補下增加毛利。男顧客阿希指,定價四元的果汁,在同區來說實在很抵買,因此在中學時期就開始光顧,到現在畢業後,每一至兩個月也會回來一次, 以懷念一番。記者訪問這些平價餐廳,老闆都同街坊打成一片。錢是賺少了,但賺多了一份人情味。

$22兩餸飯素食中環

位於中環鐵行里的「福祿壽健康素食」,二十二蚊有兩餸飯,例如梅子汁素鴨、麵豉腩肉炒雜菜等,一樣平絕中環。雖然是素食店,但午飯時間店內逼滿客人,有男 有女。店面運作採半開放式,客人找了位置後可以自行盛飯和湯,要幾大碗都得,保證飽肚。鋪頭於下午三時半就關門,問到是否賺夠,老闆娘李太激動回應:「唔 係,只係夜晚寫字樓放晒工,仲邊有客啫。」對比同區,李太承認定價算低,但就無受附近食店非議,「始終賣素食,同其他食店性質不同。我哋做咗十五年,無聽 過人批評!」


賤物 窮人 13 盒飯
PermaLink: https://articles.zkiz.com/?id=150544

李純恩:賤物救世界

1 : GS(14)@2011-12-15 23:15:52

http://m.sharpdaily.hk/detail.ph ... 8065&category=daily
星期天跟朋友通電話,她說一會兒去百貨公司,因為聽說這天有許多東西大減價。
我便笑她,你變窮人了。她問為甚麼?
賤物鬥窮人嘛!我說。
都說經濟不好,美國人歐洲人都說要勒緊褲頭過日子,但是一個聖誕「瘋狂大減價」,勒緊褲頭的「窮人」全都瘋狂撲了出去。買甚麼?甚麼都買!有用的買,沒用的也買。
人就是這樣,甚麼都捱得住,就是捱不住引誘。
「瘋狂大減價」就是引誘,沒有人會理智得把所有的東西都留到大減價時才買,大減價的時候,除了買需要的東西,許多「唔等使」的東西也會順手買下,因為「抵」。「抵唔抵」,都是心理,心裏覺得「抵」就「抵」了。覺得「抵」了,就買,結果也搞不清究竟是減價瘋狂,還是自己瘋狂。
無論如何,大減價是調動購物慾的最佳方法,它令人覺得不買就吃虧,結果不想買的人也買了。大減價也證明了這個世界的經濟,光靠富人是不夠的,必須貧富一齊發力,一齊花錢,社會經濟才真正發達。人人肯花錢了,經濟危機也就過去了。這簡直就是一場心理戰,賤物,不是鬥窮人,而是救世界。
十二月賤物特別多,大家都來為挽救世界經濟出一分力吧!

電郵:mcwriter@sharpdaily.com.hk

李純恩
李純 純恩 賤物 物救 世界
PermaLink: https://articles.zkiz.com/?id=276948

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019