右眼貼大紗布王菲眼疾求醫
1 :
GS(14)@2016-11-10 07:39:48【變獨眼龍】■即使王菲低下頭，但仍可見她右眼貼了大紗布。DV圖片
【旺角】現年47歲的王菲前年與分手11年的謝霆鋒世紀復合，雖然與霆鋒各有各忙，但二人感情有增無減，霆鋒每有空檔都會飛往北京陪伴。向來行蹤飄忽的王菲，雖然大部份時間留在北京，就連早前為年底的上海演唱會舉行記者會，亦安排在北京舉行。不過，上月初她亦有應邀到巴黎出席時裝周，上月26日更被本報發現她秘密在港，素顏加便服現身旺角一間視力中心求診。
【鬧市落車】■王菲上月底突然現身旺角，為眼疾求醫。DV圖片
【鬼祟上樓】■王菲急步搭電梯上樓，怕被人認出。DV圖片
【急步離去】■王菲在視力中心求診一小時後離去。DV圖片
■經理人陳家瑛（左）指王菲去做近視手術。資料圖片
正值繁忙時間
當日約黃昏6時，本報發現王菲的七人車停泊在旺角鬧市，未幾便見素顏和頭戴cap帽、穿T恤襯淺灰色闊褲的王菲與助手一同下車。雖然當日是星期三，但正值放工時間，加上旺角人流長期多，故王菲下車後一直低着頭，明顯怕被途人認出，之後她與助手齊齊行入惠豐中心，再搭電梯直上9樓一間視力中心求診。由於診所應診時間至6時，故王菲抵達診所時已沒有其他人候診，不過王菲依然高度戒備，全程耷低頭坐，等了一會便入房見醫生。記者所見，該診所主要為病人做白內障、視網膜及黃斑點手術。據知，徐子珊前緋聞男友謝偉業亦是這間眼科中心的執業醫生，平時亦有不少藝人光顧。王菲大約在診所逗留了一小時，離開時乘電梯亦一直低頭，記者發現她右眼多了一塊大紗布。當她抵達地面層，即急急腳走上已停泊在大廈門口的七人車，直返位於深井皇璧的寓所。
「做近視手術」
對於王菲去旺角視力中心求診，其經理人陳家瑛昨短訊回覆本報：「王菲去做近視手術，冇乜大件事，謝謝大家關心。」採訪：楊浩賢、皓騫攝影：梁繼光、羅德光、陳辰
來源:
http://hk.apple.nextmedia.com/entertainment/art/20161109/19827245
【動畫●港男福音】娶韓妹的理由 貼大床仲包家電
1 :
GS(14)@2017-04-22 10:49:44Gary2000年去韓國打工，識到韓國太太。
【尋找首爾的香港】港女嫁Oppa做人妻聽得多，事關韓國傳統男主外女主內，人妻嫁去嘆世界，之但係，如果倒轉係港男做人夫捱世界呢？港男Gary早喺2000年離鄉別井到韓國打工，順理成章識到韓國女生，喺當地結婚生子組織小家庭。佢話當年孭住香港人嘅身份「好吃香」，「17年前，當我同韓國人講係自香港，佢哋就會話『哦~張國榮、周潤發...』，當年香港係幾出名㗎，所以識女仔都容易啲！」
Gary話17年前，韓國人好鍾意香港，作為香港人就易啲識到異性。
又話全羅道嘅韓女溫柔啲，而太太出身於慶尚道釜山，就強勢啲。
韓國傳統由女方畀禮金，男方負責層樓同日後一切生活開支，所以Gary結婚嗰陣，傢俬同電器都係岳母送贈。
好少人會用「溫柔」形容韓國女生，但Gary話其實韓國好大，唔同地區嘅女生性格都唔同。韓國主要分六大區域，包括京畿道、江原道、全羅道、慶尚道、忠清道，以及濟州島。Gary話全羅道嘅女生最溫柔，反而大佢兩年嘅太太，係典型慶尚道女生，出身自釜山廣域市，相比下強勢得多，「全羅道嘅女仔比較識講嘢，婉轉啲，但係慶尚道嘅女仔就相反，硬崩崩又直接！」
Gary舉咗個例，話當年太太仲係女朋友嘅時候，已經對佢好嚴苛，「嗰時買咗部兩門嘅韓國現代跑車，佢同我講，『唉...你都廿幾歲人啦，點解仲揸埋啲死飛仔車呢？』雖然畀佢話，但係我又覺得幾甜。」所以婚後，Gary換咗部四驅車，太太就讚佢，「o依部咪好囉！擺嘢又擺多啲！」
異地戀始終有文化差異，好似港奶奶煲燕窩畀韓新抱，新抱就畀咗Gary飲。
Gary話如果講擔起頭家，做香港人夫好啲，因為兩公婆一齊搵錢無咁大壓力。
不過凡事都有兩面，教好小朋友就係太太嘅壓力，Gary大讚太太教得好，大女兩年都考第一。
正所謂「聽老婆講會發達」，Gary結婚嗰陣都慳咗唔少，「結婚嘅時候，泡菜雪櫃、雪櫃、微波爐、電視機，甚至張床褥，都係我岳母買嘅，即係貼埋大床！」咪以為咁講好似好衰，其實只係跟返韓國傳統，由女方畀禮金，負責新居嘅傢俬電器。至於買樓，以及日後一切開支，都由男方獨力承擔！雖則韓國傳統係男主外女主內，但係對於家中嘅婆媳關係，Gary都唔能夠置身事外！Gary話媽媽只係一年嚟韓國探望一次，所以婆媳相處時間唔多，尚算和平。Gary話最好笑係太太會嘗試同奶奶講廣東話，講到好似4、5歲小朋友咁，「奶奶，慢慢死(食)，死(食)多啲呀奶奶」。
家陣Gary已經榮升餐廳老闆，事事親力親為。
Gary喺韓國渡過半生，但毋忘自己嘅根，叫老婆喺佢百年歸老嘅時候，要擺佢返香港！
不過，婆媳關係能夠和平，都因為Gary喺背後好識做。佢舉例，有次佢媽咪買咗萬幾蚊燕窩，拎去韓國煲畀新抱飲，「當時韓國人唔知燕窩呢樣嘢，我媽遞碗燕窩畀太太，太太就笑笑口接住，講『唔該，唔該』，但係我媽一行開，太太就遞畀我，話『快啲飲咗佢！快啲飲咗佢！』當時我嘅反應係全部飲晒，唔使令兩邊都難做吖嘛！」一轉眼，結婚已經十幾年，究竟做韓國人夫好，定係香港人夫呢？Gary話如果講到承擔一頭家，就梗係做香港男人好啲，「始終兩公婆一齊出去搵錢，唔會有種無形嘅壓力。」不過佢話凡事都有兩面睇，認為太太都有壓力，「佢要承擔照顧小朋友嘅壓力，教得好唔好，都係因為佢。託賴啦！大女連續兩年都考第一，要多謝太太！」
Gary由20歲o靚仔，到為人夫，為人父；由打工仔，到同朋友夾份開餐廳做老細，喺韓國渡過半生，但毋忘自己嘅根，「香港係我屋企，始終做人都係要有根，有時同老婆吹水都會話，等我百年歸老都要返香港，叫佢要擺我返香港！」記者：鄒倩婷（阿仙）攝影：李錦鏵、陳家文剪接：Roy
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997666