ZKIZ Archives


謝天華唔夠料無綫捧黎耀祥陳豪冧庄

2011-9-22  NM




距離無綫《萬千星輝頒獎典禮》不 足兩個半月時間,暫時被睇高一線做新科視帝、視后人選,只有鄭嘉穎、謝天華、陳法拉以及鍾嘉欣,相比兩屆盟主鄧萃雯、黎耀祥,差太遠。唔想頒獎禮失色,無 綫立即「做嘢」,於台慶月推出四套由一線花旦小生擔正的重頭劇,包括黎耀祥、張可頤主演的《法政先鋒III》,陳豪、林保怡、佘詩曼擔正的《天與地》,宣 萱、胡杏兒雙旦出擊的《萬凰之王》,以及由阿姐汪明荃同福祿壽合演的《荃加福祿壽探案》,製造視帝、視后爭崩頭話題。據了解,愛打穩陣章的無綫,為保持視 帝水準,大有機會再捧黎耀祥、陳豪做視帝,令大熱Laughing Sir謝天華空歡喜一場。變陣捧大熱

踏入九月份,無綫至今僅得《潛行狙擊》一劇成為視迷話題之作,即使《怒火街頭》和《點解阿Sir係阿Sir》有口碑,但收視點卻未能創歷史新高,導致視 帝、視后大熱人馬,是根本未坐穩一線的謝天華與曾經做過視帝的鄭嘉穎,以及鍾嘉欣、陳法拉之爭。「到現時為止,只係得Michael(謝天華)同嘉穎叫做 突出啲,但又未至於夠料做視帝,已經有高層開聲,話佢哋兩個攞獎唔夠noise。」一名無綫幕後人員透露。唔想頒獎禮暗淡無光,無綫內部急忙對策,決定在 台慶月前夕,陸續推出四部由正宗一線小生、花旦主演的劇集,務求在短時間內捧出視帝視后大熱。

最後衝刺

打頭陣有阿姐汪明荃和王祖藍、李思捷、阮兆祥領軍的《荃加福祿壽探案》,十月三日晚上八點半播出;至於被指有機會三度問鼎視帝的黎耀祥,同張可頤主演的 《法證先鋒III》,安排在十月十日緊接「Chok王」林峯的《不速之約》九點半檔上場。《荃加福祿壽探案》之後,就有《金枝慾孽》加《宮心計》混合版, 由宣萱、胡杏兒擔正的《萬凰之王》,十月三十一日播。至於原定今年五月出街,由陳豪、林保怡、佘詩曼主演,講人食人的《天與地》,最後變成台慶月壓軸劇, 於十一月二十一日緊接《法證先鋒III》檔期推出。

全 抄 宴

無綫劇集經常被指抄襲,近作有林峯的《不速之約》,被指明抄《死亡筆記》加《情約今生》。而即將播出的四套台慶劇,同樣欠新意,《法證》、《天與地》繼續 「老翻」西片,而《萬凰之王》、《荃加福祿壽探案》則翻炒無綫舊劇。

《法證先鋒Ⅲ》抄《CSI》演員:黎耀祥、張可頤《法證III》講述警方從科學角度破案,利用指紋、鞋印、血漬、毛髮等證據,作為破案關鍵。查案期間,又 加插男女主角愛情支線,內容橋段似足外國電視劇集《滅罪鑑證科》(CSI)。

《天與地》抄《天劫餘生》演員:佘詩曼、陳豪、林保怡、邵美琪以人食人具爭議性話題作賣點的《天與地》,擺明車馬抄西片《天劫餘生》。《天與地》講述四個 主角去旅行,在雪山遇險,最後為充飢,迫不得已人食人,後來地球暖化,雪山溶雪發現屍體,令人食人事件曝光。

《萬凰之王》《宮心計》mix《金枝慾孽》演員:宣萱、胡杏兒、陳山聰、陳錦鴻講述後宮妃嬪惡鬥的《宮心計》、《金枝慾孽》,女主角個個「奸到出汗」深受 觀眾歡迎,《萬凰之王》重抄舊橋,飾演皇后的胡杏兒,出陰招陷害宣萱,二人在宮內明爭暗鬥,完全是《宮心計》和《金枝》混合版。

《荃加福祿壽探案》演員:汪明荃、陳茵媺、王祖藍、阮兆祥、李思捷《荃加福祿壽探案》以60年代做背景,講述開偵探社的阿姐,聘請了福祿壽三人扮鬼扮馬合 力查案。無論故事背景、手法都同98年由羅嘉良、張可頤合演的《難兄難弟之神探李奇》相似,兩套劇亦同樣加入扮嘢元素。

法拉中空寶

無綫變陣迎接十二月的《萬千星輝頒獎典禮》,有視帝黎耀祥坐鎮,又有戀情帶旺人氣的陳豪,謝天華、鄭嘉穎隨時由大熱變大冷。至於視后,有指陳志雲歸位,會 恩賜迷雲黨成員陳法拉上位做視后,但據知在陳志雲涉貪污案期間,陳法拉一度變節暗投樂易玲,令封后機會存在變數。「法拉係醒目女,唔會好似 Bernice(廖碧兒)咁擺明車馬同陳總劃清界線,其實陳總出事無耐,法拉已經過檔樂易玲馬房,每次樂小姐吹雞搞飯局,都會俾面出席,好多時仲會帶埋男 朋友去添!」一名幕後人員透露。

黑馬胡杏兒

陳法拉的忠誠度,陳總心裡有數,憑Madam Jo一角爭視后的她,攞獎機會大打折扣。至於《點解阿Sir係阿Sir》的鍾嘉欣,雖然跪喊羅Sir陳豪一幕感動唔少觀眾,但有指無綫高層嫌她未夠火候, 非視后最佳人選,勝算大減。相反,被指演技一般,冏樣纏身的胡杏兒,卻被讚在尚未出街的《萬凰之王》中有脫胎換骨表現,大有可能以黑馬姿態跑出。「有份拍 過《萬凰之王》嘅導演同幕後,都話胡杏兒今次收埋晒冏樣,演技好似變咗另一個人,不過佢唔算好有觀眾緣,都要睇套劇出咗街嘅反應同高層口味,先知有冇機 會。」幕後人員說。

預測視帝視后五甲

每年的台慶頒獎禮,無綫一眾小生花旦為視帝、視后爭崩頭。今年暫以演「Law霸」的鄭嘉穎及「Laughing Sir」謝天華,被捧為大熱人選,至於視后,做「Madam Jo」的陳法拉和「Miss Cool」鍾嘉欣,同樣被看高一線,但仲有四套「台慶劇」未出街,預計十二月頒獎禮,以下十位人選,最有牙力角逐視帝、視后寶座。


謝天 華唔 唔夠 夠料 料無 捧黎 黎耀 耀祥 祥陳 陳豪
PermaLink: https://articles.zkiz.com/?id=27875

同無綫搶人曾志偉挖走阿佘謝天華


2013-05-23 NM  
 

 

近日無綫多年來的慣性收視神話破滅,有三屆視帝黎耀祥坐鎮的《神探高倫布》,以及神劇《金枝慾孽貳》收視低見二字頭,後者更錄得十八點新低。觀眾唾棄,無綫內部同樣出現動盪,據知無綫經理人部門抽佣出名食水深,藝人工作量與收入唔成正比,小生花旦要靠北上拍劇賺多啲。搵錢要緊,繼陳法拉離巢,據知謝天華、陳豪及楊怡等亦打算滿約後走人。與無綫新主殼王陳國強關係千絲萬縷的曾志偉,竟在人心惶惶之際倒戈相向,成立經理人公司,專向無綫一哥一姐埋手挖角,據知謝天華及原本打算簽回無綫大陸分支公司的佘詩曼,已答允過檔,小生花旦逃亡潮將陸續有來。專制刻薄

福祿壽譚詠麟、阿叻及曾志偉與無綫新揸弗人陳國強乃莫逆之交,無論做生意抑或吃喝玩樂,都會預埋對方。不過曾志偉最近密謀自組經理人公司,一方面出面碌爆人情咭找葉玉卿及梁家輝返無綫拍劇救亡,另一邊廂卻計劃向無綫旗下藝人挖角。校啱時間近日無綫兩套重頭劇《神探高倫布》及《金枝慾孽貳》慘遭滑鐵盧,收視跌破新低,令志偉的挖角行動,更加手到拿來。以往恃住有慣性收視、一台獨大的無綫,愛全面操控藝人工作,拍劇人工奀、工時長,接搵錢jobs食水深,但做藝人卻敢怒不敢言,既然慣性收視神話破滅,北上人工又高,同無綫萬零蚊一集相比,多出十幾倍,不少一哥一姐也心郁郁,唔想再留响無綫,據知今個月滿約的陳法拉已表明不會續約,而八月滿約的吳卓羲,有感近年發展未如理想,打算日後主力拍內地劇也決定離巢。

走得就走

無綫不明文規定,只有簽約公司經理人部門的藝人才會被力捧,不少一線小生花旦被長約綁死,加簽又加簽,拍劇辛苦賺錢少,接搵錢job公司抽佣又多,雖然賺到人氣,但荷包唔成正比,未來幾年將滿約的小生花旦,大部分都打算離巢外闖。

2013

陳法拉:已滿約,自組公司捧自己。吳卓羲:8月滿約,近年在無綫只做第二男主角,多到內地拍劇,自稱會簽大陸公司。陳豪:有意離巢,TVB加薪挽留中。楊怡:公司急安排傾續約,但她條件頗多,要有更多發展機會及休息時間,又要公司放她北上拍大陸劇。謝天華:話明會走,前年以Laughing走紅後,曾不滿公司未有完善計劃助他保持聲勢,一一年失落「視帝」更令他無意再留低。

2014

林峯:去年失落「視帝」,公開表示想退出及推劇,公司主動傾續約,林峯卻無意多談,又有指他將會過檔「英皇」,離意甚大。胡杏兒:一直受無綫力捧,暫時未有表態。

2015

黃宗澤:曾多次被公司要求加簽合約,但有指他打算過檔東亞的紅館經理人,想同無綫改簽部頭合約。鄭嘉穎:在內地身價暴漲,打算肥水不流別人田,自組製作公司,開拍劇集,續約機會極微。

甜頭引佘

逃亡潮開始逐步浮現,志偉睇準時機揀卒挖角,首個目標,是已約滿王維基有份的「創藝娛樂」,正與無綫大陸分支新公司「TVB China」傾合約、只欠動筆的佘詩曼。據知志偉向阿佘提出的過檔條件非常吸引,除力谷她發展內地市場,接拍更多大陸劇,同時會安排她開拓電影市場,跳入大銀幕拍戲,影視雙棲之餘,隨時可以返娘家無綫拍劇,繼續做劇界一姐。自由度已經夠吸引,志偉仲講到明,明年一月力邀梁家輝返無綫拍攝的大製作劇集,預了阿佘做女主角,並會遷就她的檔期開拍。條件優厚,加上阿佘與志偉稔熟,順理成章一拍即合,至於今年滿約的謝天華,曾為當年Laughing熱潮後勁不繼而埋怨公司,滿約後同樣打算離巢跟志偉搵食。

無綫照捧

擺明搶人,志偉與殼王關係仍然友好,殼王更特別恩准簽約志偉公司的藝人,可以部頭形式,自由身返無綫接拍電視劇,情況類似殼王與阿叻合股的「SNAZZ」,旗下藝人狄易達、Carol楊焉一樣,非無綫自己人也有特別優待。至於抽佣方面,據知志偉開價合理,變相令藝人可以賺得更多,加上可隨時返無綫受到力捧,過檔百利而無一害。因此,不少無綫小生花旦也為之心動,想跟志偉走人。流失觀眾及鎮台小生花旦,無綫幾十年來打落的江山,岌岌可危。

 

同無 搶人 人曾 曾誌 誌偉 挖走 阿佘 謝天
PermaLink: https://articles.zkiz.com/?id=55901

結婚8年終造人成功謝天華榮升爸爸

1 : GS(14)@2014-09-18 13:50:40

■謝天華昨在電話承認太太Tina已懷孕十幾周,但似乎怕BB「小器」,不欲多談。資料圖片



現年47歲的謝天華(Michael)和老婆Tina結婚8年,據知兩夫婦終於成功造人,BB將於明年春天出世,昨日記者致電Michael求證,他初時支吾說:「唔……」其後禁不住喜悅親口承認:「係,有咗十幾周,都唔講住啦,你見我都好低調,因為屋企老人家話唔好咁高調住。」


避談太太人工受孕

之前有報道指Tina因輸卵管閉塞,令懷孕機會較微,有指Tina曾兩次接受人工受孕,可惜都失敗!問今次是否人工受孕成功?Michael沒好氣說:「唔好聽雜誌講,總之邊度都唔講住,屋企人意思等BB再大多少少先,因為而家十幾周唔係太穩定,遲啲再穩定啲同大家講,你見我連微博都未post,最緊要等小朋友陀穩啲先。」問到太太情況?Michael說:「作嘔作悶實有,但唔係好犀利。」是否停工照顧老婆?他笑說:「梗唔係,要賺多啲奶粉錢,自己一直有做家務,而家更加要,佢粗身大勢唔好爬高爬低,我哋仔女都鍾意,冇所謂。」



■呂慧儀前日在微博大晒小蟹籽坐BB車的相,笑言BB跟老公黃文迪上街一定型爆。



■GiGi現正安心養胎,老公Sergio經常陪伴在側。資料圖片

GiGi明日親身報喜

另外,同樣初次懷孕的梁詠琪(GiGi)被影到大肚look,估計有孕4個月,日前她和西班牙籍老公Sergio拍拖到數碼港放狗,老公全程小心翼翼拖着她,現年38歲的GiGi推掉三部片約安胎,明日將出席活動親身報喜。至於初為人母的長腳蟹呂慧儀,連日在微博晒小蟹籽坐BB車相,留言:「男人鍾意車,小蟹籽都好喜歡呢隻醒神的顏色,同爸爸去街街都型仔!佢影嗰陣唔肯瞓平,係要坐起身先鬼咁精靈,驚我影唔到佢個樣咁,試完車就瞓番。」採訪:皓騫




來源: http://hk.apple.nextmedia.com/entertainment/art/20140918/18869575
結婚 年終 造人 成功 謝天 榮升 爸爸
PermaLink: https://articles.zkiz.com/?id=285629

謝天華囝囝Chok爆出院

1 : GS(14)@2015-02-09 08:59:30





■天華昨接囝囝及太太出院,囝囝更高舉右手擺甫。


謝天華太太Tina日前誕下囝囝謝浩飛(Theo),天華昨午現身養和醫院,逗留近四十五分鐘與太太及囝囝Theo出院,院方更借出手推車,內裏裝滿尿片、禮物及日用品等。幾日大的Theo已遺傳爸爸天華的Chok功,睡在BB籃裏舉起右手擺甫士。天華指獎勵太太是必須的:「不過唔使急,朋友未探,醫院流感勁,慢慢嚟屋企探。」有否向好友陳小春請教湊仔經?他坦言囝囝未出世已有偷師。天華自爆抱B手勢有待改善,暫時不敢幫囝囝沖涼,他笑說:「邊學邊做啦。薑醋有陪月搞,唔使我自己落手落腳,淨係知最近啲薑好貴。」採訪、攝影:盧妹





來源: http://hk.apple.nextmedia.com/entertainment/art/20150209/19034398
謝天 華囝 囝囝 Chok 爆出
PermaLink: https://articles.zkiz.com/?id=287692

謝天華、飛仔溫馨對望

1 : GS(14)@2015-03-12 19:21:34





上月三日升呢做人父的謝天華有子萬事足,昨日他在微博晒寶貝仔謝浩飛(乳名天天)滿月後的新相,兩父子溫馨對望表情萌爆,戴黑超的天華笑晒口俯身逗囝囝,相反天天就一臉嚴肅望住爸爸,天華留言:「天天滿月了!第一次跟爸爸飲茶逛街看風景。」網友都讚他好有父愛,與囝囝互望時溫柔到骨子裏。


■袁彩雲(小圖)的囡囡睩大眼仔,十分可愛!

袁彩雲囡囡萌爆

至於婚後移居加拿大相夫教女的袁彩雲,近日帶女兒Alycia返港度假,並相約昔日圈中好友利嘉兒、黃宇詩飯敍,利嘉兒昨在微博貼袁彩雲囡囡相,眼大大的Alycia表情古靈精怪,一時睩大眼一時擘大口,利嘉兒留言大讚:「Alycia妹妹實在太可愛。」撰文:皓騫





來源: http://hk.apple.nextmedia.com/entertainment/art/20150312/19072490
謝天 華、 、飛 飛仔 溫馨 對望
PermaLink: https://articles.zkiz.com/?id=288424

謝天華榮升尿片部部長

1 : GS(14)@2015-03-15 21:30:43





鄭伊健、謝天華、錢嘉樂及林曉峰昨日與草蜢三子,在屯門出席「歲月友情 x BE THREE」簽唱會,他們分別獻唱又和粉絲玩遊戲。「歲月友情」五子獨缺陳小春,一班兄弟笑指小春忙於搵奶粉錢,而謝天華依然沉醉於當爸爸的喜樂中,他自封尿片部部長:「我
謝天 榮升 尿片 部長
PermaLink: https://articles.zkiz.com/?id=288502

拍內地真人騷博老命謝天華飲尿全杯清

1 : GS(14)@2016-01-15 17:32:47

【終極灌尿】■謝天華一口氣將半樽尿飲落肚,有觀眾睇到好惡心,隔住mon都聞到異味。互聯網圖片



搵食艱難!香港市場日漸萎縮,藝人紛紛北上賺人仔掘金,現年48歲的謝天華離開無綫後自力更生,接拍內地劇及參加真人騷賺奶粉錢,然而,天華拍攝東方衛視野外求生節目《跟着貝爾去冒險》,竟然大犧牲對着鏡頭飲尿,十分重口味,不少觀眾睇到惡心難頂,洪欣則力挺有份飲尿的老公張丹峰:「我覺得佢好叻!」


謝天華09年憑劇集《學警狙擊》扮演Laughing哥人氣急升,三年前離開無綫成立Laughing Workshop後,主力返內地拍劇賺人仔,去年榮升做爸爸,兒子浩飛下月就滿一歲,為搵奶粉錢,天華早前參加東方衛視真人騷《跟着貝爾去冒險》,由探險真人騷《人在野》(Man vs. Wild)的英國前特種兵貝爾(Bear Grylls)率領藝人在野外求生,合演的還有洪欣老公張丹峰。



■謝天華拍攝內地真人騷節目,竟然要挑戰底線飲尿。

■看着謝天華一飲而盡,張丹峰(右)舉大拇指佩服!互聯網圖片

■節目指主持貝爾飲的是未經加工的尿,打出字幕:「請勿模仿」。互聯網圖片



指摘為錢可耻

《跟着貝爾去冒險》節目內容十分出位,之前已要藝人食活蚯蚓、生食牛內臟、竹鼠等,天華曾因任務失敗接受「糞水淋頭」懲罰,想不到上周五播出的大結局,竟然要藝人挑戰底線飲尿!之前貝爾要他們儲尿,天華還笑說:「我相信我的身體不錯,這個顏色挺好的。」當知道要飲尿後,天華先仰天嘆氣,跟着一口氣喝掉半瓶「尿」,喝完還將瓶口朝地並用手拭嘴,他說:「味道真的是難聞,可是知道是自己的東西,所以,也沒甚麼太難受,雖然那是很惡心的事情,可是你不要逃避,把它解決,這個才是Bear給我們的意義。」不過,有網友質疑節目造假,指「尿」的顏色太淺似菊花茶,對於天華肯飲尿亦意見紛紜,有網友炮轟:「為咗人仔去飲尿」、「未至於窮到咁吖」、「就算是假的都覺得可耻!明顯為五斗米折腰!可悲!」亦有網友讚:「人哋專家都飲啦,呢啲叫pro。」節目則交代參加者飲的尿經過「加工」,乃高溫蒸餾消毒及加水。昨日記者致電天華了解,他只重複說:「我喺菲律賓做緊嘢。」追問是否真尿?他晦氣說:「做緊嘢,都話做緊嘢囉。」之後更cut線。



■節目內容十分出位,要藝人食蟲。

■內地女星韓雪野外求生,活捉家禽是常識吧!



洪欣睇到想嘔

至於在節目也有飲尿的張丹峰,獲老婆洪欣力挺,她昨日在電話承認是真尿:「真㗎,而且之前冇講做乜,所有嘢去到先知,個個都要飲。」問到張丹峰有否表示難受?洪欣說:「梗係核突啦,但始終係自己都好啲,如果飲人哋就核突,佢話當然唔好飲,我睇到佢哋個個想嘔。」對於老公要飲尿,洪欣說:「因為有朋友都飲尿,養生方面其實飲尿對身體好,當然佢哋每日食得好清淡,食素唔食肉,晚上只飲水,係好乾淨嘅尿,所以我唔覺有乜咁驚訝或恐怖,但叫我做我做唔到,我覺得老公好叻。」賺人仔艱難?洪欣說:「佢唔係為咗賺錢,佢係想挑戰自己,佢好鍾意貝爾,難得嚟到中國,首批可以同佢做真人騷,佢覺得好唔同。」採訪:皓騫





來源: http://hk.apple.nextmedia.com/entertainment/art/20160115/19452512
內地 真人 騷博 老命 謝天 華飲 飲尿 尿全 全杯 杯清
PermaLink: https://articles.zkiz.com/?id=294236

藝人愛私竇私隱度高謝天華合照洩行踪

1 : GS(14)@2016-08-14 14:29:20

李思捷日前被周刊話佢有新Target,就係34D嘅彭湘淇,前日有讀者爆料喺紅磡私竇話見過彭湘淇o添!其實過往好多藝人都愛蒲私竇,貪其私隱度高,玩得盡興啲,但始終都會有百密一疏,流出夜蒲狼狽相。謝天華2013年,有周刊報道一個藝人嘅私竇,其中就有謝天華同私竇負責人張林雄嘅合照。梁廷鏘寇鴻萍當年與丈夫梁廷鏘開設不少酒吧,竟居然成為梁廷鏘偷食地點。事緣09年,梁廷鏘在旗下的FEVAR酒吧獵女,情到濃時更熊抱式摸臀錫頸,相當狂野,最後被拍下照片。事後梁承認飲醉酒而做錯事,並獲寇鴻萍原諒。羅鈞滿七線大台藝人羅鈞滿,經常有負面新聞,搞到連佢嘅新聞主播女友張文采都要狠飛,佢前年仲開始沉迷蒲夜場,仲經常上尖沙嘴同銅鑼灣私竇玩,啤酒一打打咁order,兩杯落肚仲周圍媾女。吳卓羲向來爛玩的吳卓羲,12年被指經常光顧中環泛海大廈的Embassy,攬女唱K劈酒例蒲天光先離場。佘詩曼 阿佘有蒲私竇的習慣,當年與陳浩民拍拖時,便愛光顧對方開設的Button Bar,後來轉戰洪天明投資的Basement,有指佢喺呢度媾掂鄭嘉穎。13年,仲試過相約麥子樂到灣仔天輝中心嘅私竇飲酒減壓。




來源: http://hk.apple.nextmedia.com/entertainment/art/20160814/19735719
藝人 愛私 私竇 竇私 私隱 隱度 度高 謝天 合照 行蹤
PermaLink: https://articles.zkiz.com/?id=305787

謝天華傳酒店偷食

1 : GS(14)@2016-11-06 15:49:17

「Laughing哥」謝天華最近成為一名內地女子撰文的主角,該女子寫了一篇《我和Laughing哥睡了》,聲稱剛過去的周二在廣州文華東方酒店跟Laughing哥共處,大讚對方吻技。她自稱在謝天華洗澡時,偷影對方的手錶和卡片,酒店內還有幾位TVB藝人。謝天華昨午在微博怒斥該女子:「想一夜成名做網紅,不如真真正正腳踏實地去幹活吧!」




來源: http://hk.apple.nextmedia.com/entertainment/art/20161106/19824122
謝天 華傳 酒店 偷食
PermaLink: https://articles.zkiz.com/?id=314280

謝天華怕妻吸二手煙

1 : GS(14)@2017-07-01 10:29:24

■老婆Tina被傳大肚,謝天華食煙也刻意擰轉身。



謝天華的太太Tina兩年前以42歲高齡誕下囝囝「天天」謝浩飛,有傳當時Tina輸卵管閉塞,做了四次人工受孕才一索得男。天華當父親後修心養性,月初曾有報道指夫婦兩人恨追女想湊成個「好」字,而屬「三高」的Tina則遵從醫生告誡注意飲食調理身體。本月15日晚上10時許,天華夫婦被發現在天后一間糖水店出現,Tina腰肢圓潤腹部微隆,不久煙癮起的天華似怕太太吸二手煙,背住太太點煙快吸幾口,到整熄煙頭才轉身食糖水,兩人逗留不足15分鐘便離開。日前天華的好友佘詩曼於facebook開live,見到Tina便口快快問:「係唔係唔可以亂講嘢?係咪有啲秘密唔講得住?」似暗示謝家有喜。採訪、攝影:徐錦池、畢紹基


■謝天華和Tina食糖水十分快手,只逗留了不足15分鐘。

■謝天華夫婦兩年前誕下囝囝,有指他們想追多個女。資料圖片



來源: http://hk.apple.nextmedia.com/entertainment/art/20170628/20070827
謝天 華怕 怕妻 妻吸 二手
PermaLink: https://articles.zkiz.com/?id=337357


ZKIZ Archives @ 2019