ZKIZ Archives


擊退小三蔡思貝楊怡恨嫁謙謙 睇樓盤好事近

1 : GS(14)@2015-04-06 00:23:50





■楊怡噚日晏晝喺紅磡睇完緻藍天樓盤去停車場攞車,恨嫁恨到出晒面,話想同男友羅仲謙結婚。


【紅磡】今年35歲嘅楊怡同細佢五年嘅羅仲謙拍拖三年,有傳好事近,會喺今年八月拉埋天窗;但呢排盛傳新一代「發電廠」蔡思貝明目張膽姣媾謙謙,激到楊怡要趕男友離開自己喺將軍澳嘅寓所兼推遲婚期。不過,謙謙不嬲冧女招數多,好快就「降服」楊怡成功箍煲。噚日有讀者喺紅磡售樓處見到楊怡同謙謙一齊排隊,準備買將軍澳日出康城嘅緻藍天新樓盤。據悉,嗰個樓盤主打三房及四房,三房入場費603萬,比起近年高企樓市屬平盤,首日發售吸引過千人排隊。楊怡和謙謙噚日一早蒲頭,讀者李先生表示,朝早十點半左右,見到佢哋兩個戴住眼鏡、帽同口罩,同普通市民一樣喺最低層開始排隊,因為噚日天氣頗熱,但兩人就由頭包到實,似足焗桑拿咁,反而仲引人注目。李先生話當時佢哋兩個身邊仲有其他人,包括楊怡媽咪同經理人嘉莉,羅仲謙就同助手同行。排隊嗰陣謙謙同楊怡都好避忌,全程低頭唔出聲。



■楊怡同謙謙戴晒帽、眼鏡兼口罩,但反而仲令人注視。讀者提供圖片

羅仲謙、楊怡資料圖片


■有傳蔡思貝(圖)早前姣媾謙謙,激嬲正印女友楊怡。資料圖片

「我都想呀」

大概晏晝四點半,本報記者發現楊怡同經理人現身停車場,一身小雲look嘅楊怡狀甚輕鬆行去攞佢架80多萬元嘅Range Rover越野車,問佢係咪買樓?佢有啲失望咁話:「冇買到呀,我睇之嘛。」準備結婚用?楊怡完全唔掩恨嫁心情:「下年結婚?冇咁快呀嘛,我都想呀!哈哈!」佢話打算買樓投資用,再追問係咪同謙謙一齊買樓?佢就話:「你問佢喎,我唔知,大家都係投資啫。我同經理人,仲有媽咪一齊睇。」然後禮貌揮手,同記者講Bye Bye,明顯心情靚到爆!採訪、攝影:徐錦池、陳辰





來源: http://hk.apple.nextmedia.com/entertainment/art/20150405/19101651
擊退 小三 三蔡 蔡思 思貝 貝楊 楊怡 怡恨 恨嫁 謙謙 樓盤 好事
PermaLink: https://articles.zkiz.com/?id=289264

楊怡甜笑期待謙謙愛的宣言

1 : GS(14)@2015-10-07 01:51:15

■黃長興抱B女出席活動,他謂有計劃追多個。


日前本報拍得楊怡與男友羅仲謙蜜遊台灣夜市,昨日楊怡在青衣城出席「BB爬行大賽」時,表現風騷,主動提到台灣之旅,她表示:「非常好玩,今次我去台灣有去探班嘅,我係同朋友去,謙仔喺嗰邊拍緊電影。」楊怡謂前後逗留六天,並非每日陪住男友,自己也有跟友人外出玩。專程飛台灣探班,楊怡指有朋自遠方來當然會開心,連自己都覺得開心,因為可以放假,問她是否好事近?楊怡說:「都係好事近,就嚟聖誕節,好開心,冇話係咪好事近,如果台慶有獎攞,我就係好事近。」如獲獎會否講愛的宣言?她笑言會考慮,再問會否期待由謙仔講?她甜笑說:「我好多嘢都期待,好似台慶有獎。」至於同場的黃長興就帶同歲半囡囡晞桐現身,他透露有意再追多個BB。採訪:馬建華攝影:仇志德



■楊怡昨日提到謙謙不時甜笑,有問必答。

■楊怡日前與謙謙拍拖遊台灣。



來源: http://hk.apple.nextmedia.com/entertainment/art/20151005/19320755
楊怡 怡甜 甜笑 期待 謙謙 愛的 宣言
PermaLink: https://articles.zkiz.com/?id=292809

放閃肉麻晒不停 謙謙楊怡微博繼續甜

1 : GS(14)@2016-03-28 14:16:10

羅仲謙唔識冧女?你呃人,講大話!羅仲謙同楊怡早前喺英國秘婚,昨日返港接受大批傳媒追訪,返屋企冇耐就喺微博到po咗張婚紗相,仲寫住「羅楊怡!謝謝你的愛」。嘩!冠埋夫姓喎,就算佢哋對註冊一事模稜兩可都好啦,其他人都叫你羅生羅太㗎喇!楊怡都喺微博Po同一張婚紗相話「將踏入人生另一階段,謝謝你從此牽著我走......感謝大家對我們的祝福」,真係好sweet呀!早前謙謙更加被發現ig淨係follow咗楊怡一個,昨日淨係講「羅楊怡」呢三隻字,已經冧爆老婆喇,之前仲話唔識o氹女仔喎!所以話,越係話自己唔浪漫嘅人,通常先係最浪漫。最近有唔少網民表示女友都要求自己學謙謙咁,淨係follow自己一個,你話謙謙你係咪做壞規矩.......





來源: http://hk.apple.nextmedia.com/entertainment/art/20160328/19547418
放閃 肉麻 不停 謙謙 楊怡 怡微 微博 繼續
PermaLink: https://articles.zkiz.com/?id=298643

馮仁昭四圍超:陳展鵬祝福謙謙楊怡

1 : GS(14)@2016-03-31 14:49:00

陳展鵬噚日同區瑞強、劉丹等喺粉嶺出席「保良局慈善哥爾夫球賽」,講到無綫小生花旦流失,楊怡又約滿賺人仔,展鵬話:「唔知,希望佢同羅仲謙開心快樂。其實而家栽培好多新人,阿怡、鍾嘉欣同胡杏兒都搵到好歸宿,男人就以事業為上。」另外區瑞強話最初係同曾志偉、譚詠麟、陳百祥學打波,志偉健康好咗,唔使成日飲醉俾人抬走。撰文:馮仁昭





來源: http://hk.apple.nextmedia.com/entertainment/art/20160331/19551117
馮仁 仁昭 四圍 陳展 祝福 謙謙 楊怡
PermaLink: https://articles.zkiz.com/?id=298883

楊怡唔驚謙謙被睇蝕

1 : GS(14)@2016-05-22 12:16:12

■楊怡(左)與回港過暑假的上山女兒Hilary出席代言活動,頻頻賺錢。


楊怡和上山詩鈉女兒Hilary昨日在觀塘出席代言的跳舞學校活動,楊怡自言喜歡做運動,問到若跟新婚丈夫羅仲謙一起做運動,可怕他穿貼身褲被其他學員睇蝕?她說:「謙仔可以一齊學,做運動係着呢啲褲,佢過到自己嗰關就得。」她稱不會呷醋,笑說:「有嘢梗係公諸同好。」而這次是楊怡離開無綫後第一個代言工作,酬勞可以全數歸自己,問她酬勞是否豐厚?她說:「開心滿意價,以前同而家都係開心嘅。」而Hilary趁暑假回港工作,稱美國生活費昂貴,要幫補母親家計,但不會刻意接穿比堅尼的工作。她不久前才與男友分手,否認回來散心,也不急於拍拖,更說:「之前拍拖兩年,覺得二人唔係好啱,所以分開,但大家仲係朋友有聯絡。」採訪:王連連攝影:仇志德





來源: http://hk.apple.nextmedia.com/entertainment/art/20160522/19622441
楊怡 怡唔 唔驚 謙謙 被睇 睇蝕
PermaLink: https://articles.zkiz.com/?id=301092

首度夫妻檔袋6位數酬勞謙謙啜低胸楊怡 10.2補擺婚宴

1 : GS(14)@2016-06-01 11:36:57

■羅仲謙和羅太楊怡昨首度以夫妻檔揾錢。


楊怡同羅仲謙今年3月在英國秘密註冊結婚後,昨日首度以夫妻檔出席銅鑼灣一間美容中心開幕,楊怡穿上紅色低胸裙示人。有傳今次夫妻檔酬勞有6位數,謙謙笑指兩人價錢一定比一人貴,楊怡則謂:「一定有6位。」



■楊怡昨日低胸現身活動,「愛妻號」謙謙笑言婚後好愉快。

■謙謙和楊怡今年3月秘密在英國註冊結婚。資料圖片

■吳卓羲和陳敏之將會擔任兄弟和姊妹。資料圖片



「盡擺50圍左右」

活動中,謙謙和楊怡公佈將於10月2日在香港The Ritz Carlton補擺婚宴,問到設多少席?謙謙笑說:「盡擺啦,40、50圍左右!」他透露婚宴主題要有古堡感覺,並有意找吳卓羲、王浩信做兄弟,楊怡說:「會搵伍詠薇、陳敏之做姊妹,馬賽同唐詩詠都話自薦。」而司儀林盛斌(Bob)更叫楊氏伉儷預演婚宴,謙謙於是錫錫老婆面頰,還轉到不同角度遷就記者拍攝。記者笑指以為二人宣佈「造人」成功,謙謙即說:「下次,下次再宣佈。」是否努力「造人」中?楊怡直言一切隨緣,待婚宴後才計劃生B。



「有BB可以自由啲」

現時是自由身的楊怡,她笑謂已簽了給老公謙謙,說:「佢咁頻撲係因為要搵錢,其實有適合,我都會拍,希望能夠睇多啲嘢,如果有BB都可以自由啲。」謙謙即說:「佢主力係休養身體。」會否效法佘詩曼開工作室?楊怡說:「我係初哥,叫我搞未必識處理。」問到為何沒帶婚戒?楊怡說:「我哋係唔慣帶嘢嘅人,工作時寧願放喺屋企。」此外,早前有位網上電台節目《恐怖在線》聽眾指見到謙謙車頂上兩個疑似膠公仔識揮手,他們表示搬到新居住得很舒適,並笑言要祝福該聽眾。採訪:黃曉妍攝影:葉君海





來源: http://hk.apple.nextmedia.com/entertainment/art/20160601/19635496
首度 夫妻 檔袋 位數 酬勞 謙謙 啜低 低胸 胸楊 楊怡 10.2 補擺 婚宴
PermaLink: https://articles.zkiz.com/?id=301607

台灣拍拖斷正 楊怡謙謙行夜市Lynn浸情侶溫泉

1 : GS(14)@2016-08-17 08:01:27

吳若希自從同澳門闊少男友Alex公開戀情,愛得高調,之前蜜遊泰國、峇里,最近仲去咗台灣,其實台灣確係港人旅遊勝地,有唔少圈中愛侶都鍾意去台灣尋開心。胡杏兒李乘德杏兒喺上年1月同剛拍拖冇耐嘅李乘德去台北出席友人婚宴,李乘德仲攬住杏兒,二人更於街頭喪啜,杏兒上年出嫁,成為李太。熊黛林郭可頌熊黛林(Lynn)自2013年4月宣佈同天王郭富城分手後,翌年同郭可盈胞弟郭可頌撻著,前年12月蜜遊台灣四日三夜,出外十指緊扣,更貼面自拍,仲一齊浸情侶溫泉,早前男友求婚成功,有傳二人豪擲2千萬買豪宅築愛巢。楊怡羅仲謙羅仲謙去年10月喺台灣拍電影《泡沫之夏》,女友楊怡人肉速遞飛去當地探班,被影到拍拖行饒河夜市,羅仲謙同楊怡今年3月秘密赴英國搞婚禮。文詠珊吳啟楠有讀者爆料指JM去年6月與富二代吳啟楠蜜遊台灣著名景點十分,二人感情穩定。




來源: http://hk.apple.nextmedia.com/entertainment/art/20160817/19739840
臺灣 拍拖 斷正 楊怡 謙謙 夜市 Lynn 情侶 溫泉
PermaLink: https://articles.zkiz.com/?id=306242

楊怡謙謙10月擺酒

1 : GS(14)@2016-09-01 06:12:28

楊怡和羅仲謙昨日以夫妻檔到尖沙嘴出席嫁囍禮餅活動,適逢是楊怡37歲生日,阿謙送蛋糕獻吻給驚喜,楊怡即場分享過往甜蜜趣事:「有次去迪士尼玩,佢偷偷book房佈置氣球扮唐老鴨。」活動上阿謙又錫又攬,問到是否薪酬高?他說:「我喺屋企都成日會做,都冇錢收。」大前日是阿謙的生日,楊怡並沒送禮,阿謙笑說:「唔使啦!佢都送咗成個人畀我。」造人方面?楊怡說:「日日都做緊,每日工作努力做人,生小朋友隨緣。」兩人將於10月2日在港補辦婚宴,兄弟姊妹團有唐詩詠、馬賽、康華、張美妮、楊卓娜、吳卓羲、馬國明、王浩信及單立文等共18人,阿謙謂玩新郎的底線,是不能弄亂頭髮和污髒。採訪:卓寶花攝影:沈健程




來源: http://hk.apple.nextmedia.com/entertainment/art/20160831/19754655
楊怡 謙謙 10 月擺 擺酒
PermaLink: https://articles.zkiz.com/?id=306924

英國童話婚禮仲未做羅太楊怡謙謙驚爆未註冊

1 : GS(14)@2016-09-06 22:50:56

【英國行禮】■羅仲謙今年3月兌現承諾,為楊怡安排浪漫童話婚禮,但原來二人當時未註冊結婚。資料圖片



羅仲謙和楊怡原來未註冊結婚?二人今年3月在英國肯特郡利茲普城堡(Leeds Castle)舉行童話婚禮,拍拖四年的姊弟戀終於修成正果,當全城以為二人已成夫婦之際,昨日本報記者竟在香港婚姻註冊處發現謙謙與楊怡的擬結婚通知書,原來當日兩口子在英國並未正式註冊結婚,謙謙和楊怡昨日在電話中承認:「我哋喺英國係舉行Wedding Blessing儀式,10月2號先會喺香港擺酒,當日就會正式註冊。」



上月30日滿37歲的楊怡,與32歲的羅仲謙將於下月2日在香港麗思卡爾頓酒店筵開50席大宴親朋好友,他們亦已經開始派發喜帖,由於謙謙和楊怡圈中朋友眾多,屆時他們會宴請不少電視台和電影圈的演藝人。一直以來,大家以為謙謙和楊怡早在今年3月在英國已經完婚,因為當時有一張二人身穿結婚禮服,跟雙方家長合照的相片流出,而他們結束英國之旅返港後,楊怡左手無名指亦已戴上閃爆婚戒,謙謙又以「太太」尊稱身邊的楊怡,所以大家都誤以為他們已經在英國正式註冊結婚。



【排期文件】■本報昨日發現謙謙和楊怡的擬結婚通知書。攝影:黃曉妍

【喜帖曝光】■一對新人的喜帖採用紫底白字,十分浪漫。

【隱瞞父母】■謙謙和楊怡3月在英國行禮時,雙方父母都有同行,謙謙昨指當日只是wedding blessing!


上月交結婚通知書

不過,本報記者昨日在金鐘婚姻註冊處,發現謙謙和楊怡在上月24日才遞交擬結婚通知書,驚爆二人原來仍然未註冊成為合法夫妻,記者昨日致電謙謙和楊怡查證,他們回覆說:「我哋喺英國係舉行Wedding Blessing儀式,10月2號先會喺香港擺酒,當日就會正式註冊。」在英國舉行的Wedding Blessing,並非一個正式註冊手續,外國亦非常流行,據知謙謙向楊怡求婚之後,一直希望太太可以好似一個公主般出嫁,所以謙謙向楊怡提出英國之旅,兩口子計劃了一段時間,秘密計劃一個英國小型婚禮,對兩家人訛稱是一齊去英國旅行,抵達古堡後,才告知家人喜訊,跟最愛的家人一同分享喜悅。



■楊怡和謙謙經常孖公仔
英國 童話 婚禮 仲未 未做 做羅 羅太 太楊 楊怡 謙謙 驚爆 註冊
PermaLink: https://articles.zkiz.com/?id=307820

謙謙收360萬扮劉華

1 : GS(14)@2016-09-06 22:50:58

羅仲謙最近正忙於在內地演出寰亞與愛奇藝合資的網劇《無間道》,其他演員還有羅嘉良、朱銳、劉松仁與廖碧兒等,該網劇會以電影版作為藍本,謙謙會演回電影版劉德華的角色,共三十六集,監製梁家樹之前已表示會再豐富其角色。該劇故事的背景地點仍主要發生在香港,但會到深圳與泰國等地取景,謙謙佔戲十分重,加上首次擔正網劇,所以他很用心去演出,希望憑該劇可以成功開拓內地市場,據知他以每集酬金超過十萬港元。該劇每集製作成本約百多萬港元,出品方都十分揼本。據悉謙謙拍完網劇後,下月會返內地拍一部動作片,年底正式投入開拍鄭保瑞執導的電影《西遊記.女兒國》。撰文:鍾國仁




來源: http://hk.apple.nextmedia.com/entertainment/art/20160906/19761474
謙謙 360 萬扮 劉華
PermaLink: https://articles.zkiz.com/?id=307824

楊怡謙謙過大禮山珍海味堆到冚

1 : GS(14)@2016-09-09 05:36:49

■楊怡和羅仲謙上周五過大禮,禮物堆積如山,十分誇張。



楊怡和羅仲謙下月2日將在香港麗思卡爾頓酒店擺酒宴客,上周五他們依照傳統過大禮,在圍村長大的謙謙特別注重傳統,除了嫁喜餅是贊助,其他的山珍海味、紅酒和豬牌金器都是謙謙細心為阿怡準備。



■謙謙昨在Ig放閃,貼楊怡為自己慶祝生日相。

當日阿怡在家中等候,親自在家中佈置,在過大禮期間,她一直留在房中,家人接過大禮後,阿怡推開門見到堆積如山的禮物,即場嚇了一跳,繼而笑逐顏開,還笑笑口說:「終於嫁得出。」另外,昨日謙謙還在Instagram放閃,上載了二人的慶生照,相中的阿怡錫錫生日的謙謙,謙謙手上捧着蛋榚,開心滿瀉。撰文:非非




來源: http://hk.apple.nextmedia.com/entertainment/art/20160909/19764783
楊怡 謙謙 大禮 山珍 海味 堆到 到冚
PermaLink: https://articles.zkiz.com/?id=308350

藝人愛寶島拍拖楊怡謙謙行夜市香香游夜水

1 : GS(14)@2016-10-11 08:11:51

做藝人忙到甩轆(紅嗰啲),要放假都難,何況去旅行呢!所以有見及此,唔少圈中藝人都會揀去短途旅行拍拖或者係度假充電,而台灣就正正係一個又平又近嘅選擇。岑麗香 Joshua(強強):31歲嘅香香公主同圈外男友Joshua(強強)拍拖1年幾,男友係加拿大一間證券公司的合夥人,成日分隔異地,放假梗係要sweet下啦!早前佢哋就去咗台灣拍拖,香香仲喺酒店被本報讀者「爆相爆片」捕獲,着住比堅尼嘅香香仲胸壓男友o添!楊怡 羅仲謙:啱啱新婚嘅羅生羅太,拍拖多年都仲係咁sweet,去年10月羅生喺台灣拍電影《泡沫之夏》,當時仲係女友嘅楊怡知道男友忙於工作,仲特登人肉速遞飛去探班,仲被影到拍拖行饒河夜市。吳若希 Alex Ho:比較近期嘅就有吳若希同前男友Alex Ho,今年7月佢哋喺曼谷拍拖被爆撻着,吳若希仲高調認愛,8月中又一齊出發去台灣旅行,仲着晒情侶裝晒恩愛o添!不過好境不常,喺9月中唔知係咪因為冇去旅行嘅關係,吳若希突然喺ig宣佈分手。胡杏兒 李乘德:杏兒同老公上年年底結婚,度咗差唔多兩個半月蜜月先至復工,年中老公Philip去咗台灣出席朋友婚禮嘅時候,原本未能出席嘅杏兒專程由內地飛去台灣畀surprise老公。




來源: http://hk.apple.nextmedia.com/entertainment/art/20161011/19796766
藝人 寶島 拍拖 楊怡 謙謙 夜市 香香 遊夜 夜水
PermaLink: https://articles.zkiz.com/?id=311535

謙謙唔喺身邊楊怡健身貼圖背後男人係邊個?

1 : GS(14)@2017-01-12 08:08:32

正喺上海參與舞台劇《我和春天有個約會》嘅楊怡,今次上海站嘅演出就要去到本星期五(13日)先完結,咁楊怡為咗保持狀態,昨早佢就係微博到貼咗張佢做健身嘅相,背後就仲有一個男人。冇錯,仲有一個男人呀!咁楊怡就好鬼馬咁留言:「Keep keep keep fit,誰和我一樣勤力...」咁榮升咗做羅仲謙太太嘅佢,當然有好多粉絲估佢背後男人緊係羅生啦,但就有眼利嘅粉絲就話似黃德斌多啲喎!其實網民都真係好心水清㗎,楊怡同黃德斌o依家就一齊參演《我和春天有個約會》,一齊做gym當然唔出奇啦,仲有就係有網民話羅仲謙o依家正係「一休頭」,即係話佢剃咗頭,所以楊怡身後有咁多頭髮嘅男士,一定唔係羅生喎!而睇番羅仲謙微博,見到佢早兩日仲話自己係台東進行拍攝,相信佢應該唔係上海。




來源: http://hk.apple.nextmedia.com/entertainment/art/20170112/19894324
謙謙 唔喺 身邊 楊怡 健身 貼圖 背後 男人 係邊 邊個
PermaLink: https://articles.zkiz.com/?id=322331

【馮仁昭四圍超】謙謙扮馬騮向楊怡認錯

1 : GS(14)@2017-01-14 07:54:32

互聯網圖片





羅仲謙同楊怡上年10月結婚後話會積極造人,點知就各有各忙,楊怡喺上海,謙謙就喺台灣開工,之前拍網劇《無間道》時,仲同內地小花朱銳有好多親熱戲,最重要係好似冇同老婆申報,直到套劇上個月尾出街先同老婆坦白。但聽聞楊怡一早收到風,又去探老公班,實行睇到實,噚日仲喺Ig貼咗老公戴住個金剛箍認錯嘅相,留言話:「呢隻馬騮太頑皮,罰冇得食麻辣火鍋。」撰文:馮仁昭




來源: http://hk.apple.nextmedia.com/entertainment/art/20170113/19894872
馮仁 仁昭 四圍 謙謙 扮馬 馬騮 騮向 向楊 楊怡 認錯
PermaLink: https://articles.zkiz.com/?id=322516

謙謙楊怡日日造人

1 : GS(14)@2017-02-05 10:39:38

■羅仲謙和楊怡工作忙也會見面。微博圖片



羅仲謙和楊怡小別勝新婚,昨日有報道指謙謙上月中向劇組請假由台東飛去上海跟太太楊怡「謝罪」,因早前他拍床戲沒上報,楊怡扮嬲有投訴。報道又指楊怡在上海做舞台劇,謙謙人肉速遞去蘭心大戲院睇綵排,之後一齊返酒店過二人世界。第二日楊怡放假,兩口子食小籠包,再去行街掃貨,謙謙全程陪伴,楊怡瘋狂購物之後,大隻謙負責搬運,然後再返酒店休息。有消息指,謙謙是家中獨子,兩人婚後已經計劃造人,不過,工作接踵而來,他們只能爭取時間見面,密密造人希望一擊即中,而謙謙和楊怡婚後第一個農曆新年,都急返香港派利是。撰文:非非




來源: http://hk.apple.nextmedia.com/entertainment/art/20170203/19916018
謙謙 楊怡 日日 造人
PermaLink: https://articles.zkiz.com/?id=325295

「想買嚟投資」謙謙抽海之戀 失望而回

1 : GS(14)@2017-05-27 08:54:31

香港樓價高企,荃灣海之戀昨日開售首輪496伙,是金管局加辣之後,首個發售的大型樓盤。雖然加辣,但未有減退買樓置業人士的熱潮,結果海之戀勁收逾1.4萬票,成為今年新盤票王,當中有羅仲謙的一票。昨晨位於紅磡置富都會售樓處,排隊人龍由商場天橋落到火車站,再去到隧道,仍然見不到尾,非常誇張。


秘密現售樓處

其實謙謙在前年和楊怡結婚之前,已計劃一齊買樓,當時他們秘密現身將軍澳日出康城的緻藍天樓盤售樓處,被指買樓築愛巢,可惜最後抽不中買不成。但是謙謙似乎一直未有放棄置業的念頭,所以荃灣新樓盤海之戀開賣,謙謙即刻出招。昨日謙謙現身海之戀售樓處,當時身邊未見其妻楊怡的蹤影,只見幾名友人陪同。謙謙在售樓處向職員查問買樓情況,細心閱讀有關資料,其間發現有記者拍照,他禮貌揮手打招呼,然後專心完成入票程序。



■荃灣海之戀昨日開售首輪496伙,排隊人士多到落隧道。

■羅仲謙和楊怡婚前已一齊計劃買樓投資。資料圖片

■前年謙謙和楊怡秘密現身將軍澳的新盤售樓處。資料圖片


楊怡贊成入票

謙謙心急上車,莫非是想婚後買新樓、住新屋、等生B?本報向謙謙的經理人查詢,對方回覆說:「係想買嚟投資,但唔知抽唔抽到!」楊怡對於老公謙謙有意購入海之戀,表示贊成,但是何解今次沒有陪伴老公一齊入票,她說:「都係投資咋,我冇去吖,要工作,聽講情況好受歡迎,我唔知佢情況如何,希望佢好運啦!」楊怡指兩夫婦對香港的樓市仍然充滿信心,可惜最後謙謙抽不到籤,表示失望。採訪:鍾國仁攝影:周智堅




來源: http://hk.apple.nextmedia.com/entertainment/art/20170527/20034900
想買 買嚟 投資 謙謙 抽海 海之 之戀 失望 而回
PermaLink: https://articles.zkiz.com/?id=334215

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019