ZKIZ Archives


誤爆地產是第十個振興行業 中環在線:成思危報錯料上央視澄清 李華華


2009-02-26  Appledaily





 

前 任全國人大副委員長成思危上周六喺一個學術論壇漏口風,話房產業係第十大產業振興規劃,即時令到市場對內地樓市同內房股前景多番啲憧憬。不過,佢噚日接受 中央電視台《經濟半小時》專訪時就幫自己澄清,話只係以學者身份同學生講呢個題目,而呢個題目早於本月17日有報章報道過,根本唔係新聞。簡言之,佢冇爆 料!

成思危坦言:「已從人大副委員長的崗位退下來,現在所講的,都是學者觀點,學者不可能代政府去做決策」,「那個列入規劃,那個不列入規劃,這是政府的事,對不對?」佢認為,成件事係發改委、能源局同建設部嘅事,相關報道唔係咁準確喎。

辯稱只是睇報紙得知

央 視記者直接問成老,點知房產業係第十大產業振興規劃?佢話喺報紙睇番嚟,仲將份報道印埋出嚟,話首先喺人民網見到證券報17號發佈嘅新聞,指能源業振興規 劃被房地產取代。佢上周六同學生上課時提到呢件事,根本唔係乜嘢新聞發佈。成思危今次透過中央電視台節目幫自己澄清,真係比較罕見,可能佢見件事鬧大,投 資者全部認為佢講得嘅就係真,點知事情有變。其實隔咗兩日,外電已經引述消息人士否認呢件事,話中央將會以「長期規劃」形式支持房地產行業,真係一個美麗 誤會。李華華LiWaWa@AppleDaily.com



誤爆 地產 是第 第十 十個 振興 行業 中環 在線 思危 報錯 錯料 料上 央視 澄清 華華
PermaLink: https://articles.zkiz.com/?id=6212

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019