ZKIZ Archives


號外:十二月中的行動(一) 阿牛

http://hk.myblog.yahoo.com/yomagyomag/article?mid=4383

阿牛講左好幾日期指之後,終於等到十二月中旬呢個禮拜的來臨,咁又暫停期權;今明幾天將會以號外的形式,發表阿牛對下星期的睇法。

首先可以講,市況已經『真相大白』,後市應該唔難估喇。

讓阿牛先和大家重溫一下呢兩個月發生嘅嘢先。

1016日,恆指破左22000點向上衝,阿牛破頂之前首先提出駱駝理論,話要等到左第一峰頂,再回落到兩峰之間,然後再上第二峰,就會平左五月啲好倉。

                                

好喇,當破左之後,應該唔會立即停止上升,會再上衝一段嘅,咁我地期指就等衝到上頂然後平倉。不過困難又嚟喇,要上衝到幾多先至算頂呢?唯一辦法,只有等升到上頂,然後跌番落嚟先知道邊度短期嘅頂;跟住等再下一次上衝番上去就可以心安理得沽晒。第二次再上衝,一般有跡象可尋嘅,會上番接近第一次個高位左右。有呢個貼士在手,就會易辦好多,到咁上下就可以走貨。

大家覺得咪好似駱駝嘅兩個駝峰呀!

當時阿牛冇講清楚,但實際上個心諗住,水皮嘅,升五百點就到駝峰,叻晒咪升千零點,升到23500,應該乜都玩完。結果,當然阿牛跌爛左副眼鏡,配左副新嘅;因為最後升左三千點,到到 24877先到頂。結果阿牛又一如以住咁,估錯左,但就揾多左好多錢,因為呢段時間喺揸股票,期指,雙滿倉的!

咁由18811點升上嚟嘅期指,即喺賺左成6000點,根本平唔平倉都冇問題,已經有條件玩騎膊馬,用佢嚟做壓倉貨,來支撐其他的新投資。

                                  

呢個情形,我地按兵不動,俾個市輕微調整,上上落落;到升番定,就當冇嘢發生過。等得到再上一層樓,例如在25000點築底,升上兩萬五以上;咁就可以再減按金,調多錢出嚟買貨,再賺多。就好似疊羅漢咁玩法。

到左24877當然高處不勝寒,需要調整喇。咁阿牛就埋左一次數,睇吓副身家有幾多,開心吓;好似啲人爬到上喜馬拉亞山頂咁,影相留念。

       

然後點?

咪落山囉;即喺等個市跌。

初時阿牛計好左三點:45%55%65%做三個假想低位。點知到左十一月,QE2,兩次存款準備金,樓市又冧埋,就真熱鬧過花車巡遊

       

於是又重新計過數,得出左22050,同1215日,呢對孖寶出嚟。

隻古仔大概就喺咁樣,當中飲飲食食,呢度去嗰度去,同劇情冇乜大關係嘅嘢,就已經同大家在Blog裡分享過,這裡按下不表了。


號外 十二月 中的 行動 阿牛
PermaLink: https://articles.zkiz.com/?id=20221

號外:十二月中的行動(二) 阿牛

http://hk.myblog.yahoo.com/yomagyomag/article?mid=4390

好喇,昨日講到『真相大白』,咁即喺點呢?

首先,香港樓市已經玩完左;但喺就喺用一個前所未有嘅軟著陸辦法,好高明咁解體左,遲啲到普羅大眾都發覺嗰陣,都已經著左陸,企左喺地上,正所謂輕舟已過萬重山。而且一如阿牛所料,樓市玩完,原全唔影響股市。

 

第二,美國佬QE2出左,6000億,都喺市場預期之內;冇乜驚喜。

第三,兩次準備金之後,昨日加埋第三次,今日出CPI5.1%,皆大歡喜。睇個樣,呢個禮拜都唔加息。

所以結論就喺:

照原定計劃出發,呢幾日入市。

呢一期個港股,真喺比較複雜,國內跌,但外圍升,資金又湧入;一加一減,一升一跌,不停角力。最初估的45%

 

                                        22955

就一早到左,但喺我地已經放棄左佢,而追求緊一個更低位:

                                        22050

之但喺22050就要最惡劣情況下先會到得,而今次啲消息卻好壞參半,所以呢個『極地』,遲遲唔到位,而且好有可能永遠都唔會到。

反觀國內,其實就單純好多,易攪好多。譬如話調高存款準備金,每次都會跌10%左右,一月嗰次如是:

       

五月嗰次如是:

       

十一月呢次都冇例外:

       

其實上証指數,十一月十日調左準備金之後第五日,就已經乖乖咁跌左9.5%;如果我地在國內炒,就已經到晒位,攪掂晒,入好貨,去埋聖誕旅行添囉。

但喺我地香港,同期五日內就只跌左5%,唔湯唔水。再睇清楚,上証不獨止跌夠,仲企定唔郁任大家入貨,而我地港股就上下波幅很大,達到3.5%頂底,不停呃我地,又似破頂,又似破底,實質就只喺橫行。

       

更複雜喺加左準備金後,九日內再加一次,咁我地仲要估呢『第二棍』,再打傷啲吖,定喺第一棍已經致命,俾佢打死左,第二棍只喺打落條屍度,唔會反應。

而家阿牛知道左個答案;就喺國內股市,死魚一條『冇乜反應』,中了第一棍之後,已經瓜了;但香港似乎未死『有比較明顯反應』,再打落去,仍然知痛。

呢點對我地今次第三次加準備金,頗有啟示。

呢個亦都喺國內要提早公佈CPI嘅原因之一,講明唔想震蕩市場;因為罪不在股市,要調控的僅是房價及物價。

大家睇番上海,十一月十九日,九天內第二次加準備金之後,兩日只喺跌左幾十點。但喺港股就由23637點跌落去22896點,總共3.13%,需時兩日。

如果歷史能夠重演,今個週末加準備金,星期一、二就會跌:

                              23162 X 3.13% = 726

恆指插到落去:

                                             22436

所以星期二同22436就喺阿牛嘅終極目標。

至於星期三,就喺十九日到期,上兩次一月同五月,個港股都守住呢個日數。如果講日數,反而輪到上海個日數參差啲;大家睇吓上海啲圖表,一條長,一條短,就知道佢時間唔準。

當然歷史唔一定重演,亦唔一定要跌足咁多點;但可以肯定講,個市冇乜條件大升;佢唔跌都最多喺唔上唔落。咁如果跌唔夠,星期二、三都應該入市囉,因為23000其實同25000點比,都仲有2000點水位,其實唔錯喇,只喺阿牛貪心啫。

明天講吓入市的銀碼。


號外 十二月 中的 行動 阿牛
PermaLink: https://articles.zkiz.com/?id=20222

號外:十二月中的行動(三) 阿牛

http://hk.myblog.yahoo.com/yomagyomag/article?mid=4417

阿牛今日出左海釣魚,海上風浪好大,但魚獲就唔錯;釣左條四斤嘅細鱗。魚上面放左個十蚊銀,方便比較魚嘅size

       

       

       

相對今日股市就風平浪靜;所謂風平浪靜,就喺單一方向,淨喺向上,因為加左存款準備金,連息都唔加,市場就直情當好消息咁炒法。深圳、上海大升3%,反而港股就仲未跟上,只升0.67%。咁樣睇嚟,加存款準備金對市場嘅功效,已經全失,似乎已經冇人再驚。

咁明天點呢?

既然落空左,唔跌落去,阿牛都贊成唔好勉強。估唔中咪等下一次囉,橫掂都揸到滿手貨,夾硬嚟,反而更痛。

       

如果明日個市跌番啲,都會用亂炒基金,賣左啲297中化化肥,轉買入明年六月期指。保證金會用3000點,即喺15萬一張大期,3萬一張細期。

唯一會進取啲嘅情況,喺今明兩天如果碰到22955,即喺之前的45%低位,就用股票總值的一半買入6月期指好倉,如果真喺碰到22436就買入股票全值的期指好倉。買的時候會沽一半應沽的股票做按金,再跌再沽。例如買一半股票值時,就沽四份一股票,如果買全數期指時,就沽一半股票。先沽中信泰富,跟住到鐵鈦,跟住到南航。按金要以6000點來計算,即每張大期30萬。連帶五月的期指都留30萬按金。但當然,現在的30萬只保到一萬六千多點,而五月時是保到一萬三千點的。差額的三千多點,已經『落袋』。

 

但喺如果恆指升穿23500點,咁就直情放棄,當乜都冇發生過。

至於提過嘅HKD60000新倉,阿牛都贊成在恆指23500點之下,揸一張細期,目標喺25000,用六萬搏萬五蚊。

具體時間以明日2:30PM3:30PM為最有可能,除非明日無端端大上大落,咁就可能隨時出動。

如果我地真喺買入,就要有耐性,因為市場短期仍會波動,上上落落難免劇烈,要有心理準備。

買左之後大家就放聖誕假去,而阿牛就去釣鱸魚。

                    


號外 十二月 中的 行動 阿牛
PermaLink: https://articles.zkiz.com/?id=20223

號外:十二月中的行動(四) 阿牛

http://hk.myblog.yahoo.com/yomagyomag/article?mid=4440

今日個市又喺牛皮悶局,到三點九之後就抽高左收市。

今日阿牛又喺坐左喺度,到三點幾之後就直情瞓著左。

今天沒有追貨。

都喺時候,阿牛要交代番,究竟自己做緊乜,同等緊乜。

       

大家見到2010年,恆指就基本上有上面嘅走勢。其中給我們捕捉了一月初一個浪,和四月初一個浪。兩次都好似排山倒海般下跌,亦造就左我地兩次入貨嘅機會,揾左唔少錢;但喺過左五月底嗰次之後,就沒有再提供過似樣的調整,淨喺6月、8月、10月,試過有一千點左右嘅調整。咁8月嗰次都試過用5%入過少少市,賺左多少。

       

所謂似樣唔似樣,阿牛個定義,就喺有冇12%13%或以上的調整。如果有的話,就值得我地賣晒啲股票,換入遠期期指,賺他一筆。Anything less than 12%,要換馬就淨喺得個『做』字,冇乜實益。在現在的指數來說,就是要調整3000點。

其中主要原因,喺因為阿牛唔喺揸藍籌,個市一回落,啲股票就回得更快。例如今次由24877回落,到今天23431收市,只回落左5.8%,但喺手上股票已經回落接近10%。換而言之,今天茂茂然入市,就會立即唔見左:

                             10% - 5.8% = 4.2%

咁之後要用期指揾番,就先要扣4.2%差額。

第二點就喺,在十月尾十一月初時,恆指由23000點,急抽上24877,大家如果睇吓幅圖,就會同意佢喺今年以來升勢最急的一段。當時真喺有感覺,以為牛二從此一去不返,直入牛三。

       

但跟住到十一月頭就終於見頂回落。又跌番落23000點,之後嘅三星期,由十一月中到現在,可以用以下一句說話形容:

                              『從未如此平坦過』

即喺佢上上落落,只有幾百點波幅,兼完全睇唔到方向,都唔知佢升緊定跌緊。

       

唯一壹次相類似,喺今年三月曾經有過『相似的如此平坦』,但三月一次,有相當清楚的顯示,是反複向上的。結果是四月急升千五點,然後回落三千多點。

反觀今次,大家看得出後市向上還是向下嗎?

       

今次的橫行,真的像水平線般平坦。

咁後市點呢?

明天講。


號外 十二月 中的 行動 阿牛
PermaLink: https://articles.zkiz.com/?id=20224

號外:十二月中的行動(五) 阿牛

http://hk.myblog.yahoo.com/yomagyomag/article?mid=4454

今日下午返嚟急跌,碰到22955嘅第一點,於是乎沽左四份一股票,清左中化化肥,買左股票總一半嘅期指,以三十萬為一張按金。期指平均:

                                 22616

中化化肥以:

                                $3.99

沽出。另外中信泰富以:

                               $19.18

沽出。

HKD60000的朋友,應該入貨了,是明年6月細期一張。


       


衝呀!


號外 十二月 中的 行動 阿牛
PermaLink: https://articles.zkiz.com/?id=20225

號外:十二月中的行動(六) 阿牛

http://hk.myblog.yahoo.com/yomagyomag/article?mid=4444

昨日午飯返嚟,三點左右,個市已經跌到面目全非,於是乎照12月14日的準備,買入左半數嘅期指。個市都算幽左阿牛一默,在估計嘅限期最後一天嘅下午先跌,而且都喺僅僅穿左23000點,都唔喺乜嘢大調整,叫做去到心目中價錢嘅邊皮而已。

 

今日全年到今為止天氣最冷;咁凍先剝晒衫褲做『光猪壯士』,真喺搞嘢!

 

       

 

後市點樣,唔知道,淨喺知道再跌就再買。跌到22436  就賣晒股票,換晒明年6月好倉。如果唔跌,就揸住呢半倉期指,賺上去25000以上。14號個Blog,曾經講過:

唯一會進取嘅情況,今明兩天如果碰到22955,即之前的45%低位,就用股票總的一半買入6月期指好倉,如果真碰到22436就買入股票全的期指好倉。買的時候會沽一半應沽的股票做按金,再跌再沽。例如買一半期指時,就沽四份一股票,如果買全數期指時,就沽一半股票。先沽中信泰富,跟住到鐵鈦,跟住到南航。按金要以6000點來計算,即每張大期30萬。連帶五月的期指都留30萬按金。但當然,現在的30萬只保到一萬六千多點,而五月時是保到一萬三千點的。差額的三千多點,已經『落袋』。

具體時間以明日2:30PM3:30PM為最有可能,除非明日無端端大上大落,咁就可能隨時出動。

至於昨晚寫定的稿,就照出如下,不過有部份內容已經唔適用:

    

昨天我們看到,自十一月中的恆指便持續橫行,不獨止波幅少,成交也漸漸萎縮。不過,橫行是股市最不尋常的形態,相信過不了多久,走勢就一定要顯露出來。而走勢就基本上只有:

……

兩個可能。

阿牛估計,最大可能性有以下兩個:

稍稍回軟,然後上升。

                                             

稍稍上升,然後向下。

       

因為市場已經橫行了一段時間,是很困難忽然間一面倒的急升或急跌的,因為大家都冇心理準備同埋藉口,瘋狂的沽,或者瘋狂的買。現時,據估計,香港應該有相當多游資,而且會越嚟越多;所以長線看升喺冇得點錯嘅。但喺繼續上升之前,大戶睇到成交咁少,就絕對可以操控到市場,炒一轉上又得,炒一轉落又得。在資金郁手之前,合理一點的走法是先回後升,或先升後回,好淡都殺一轉。

 

在這兩個情況下,我們都還有機會再在低一點的位置入市,只要指數跌到我們心目中的水位,就一定會郁手加碼入市。只要耐性一點,遲許就應該有分曉了。

總之今次十二月中的行動尚未完結,但要戒急用忍。

唔肯戒急用忍,就唯有短炒。咁你有邊個朋友靠短炒發左達吖?

咁如果指數唔回落又點好呀?

咁咪由得佢囉,橫豎都揸滿倉貨。只喺個$60000倉就開唔到,呢個就要等等喇,阿牛都唔想介紹人買嘢;人地第一次買,買完就即刻跌,仲要食一大輪驚風散先浮得番上水面咁慘,就算明知道遲早賺梗,都唔喺幾好喇。

Better wait and see

       


號外 十二月 中的 行動 阿牛
PermaLink: https://articles.zkiz.com/?id=20226

號外:十二月中的行動(七) 阿牛

http://hk.myblog.yahoo.com/yomagyomag/article?mid=4488

今天下午回來,歷史又重演。昨天的位是22955,而終極的位是22436,在他們之間的中間價是22695。

今天3:05PM就碰到22695,最低做過22673。於是又買一半的一半,即是四份一的期指。平均價:

 

                                              22322

跟住沽清全部中信泰富:

 

                                           HKD18.91

未入市的HKD60000朋友,現階段,任何價位都入得。你鍾意喇。


       


號外 十二月 中的 行動 阿牛
PermaLink: https://articles.zkiz.com/?id=20227

號外:十二月中的行動(八) 阿牛

http://hk.myblog.yahoo.com/yomagyomag/article?mid=4494

恆指一連兩天,歷史重演,玩午後急跌。

                

今天下午三點就跌到22955同22436之間嘅『中途島』,22695。咁阿牛又入多四份一的期指,又再沽多左股票。

兩日累積跌左:

                               455 + 306 = 761點

如果嚟緊真喺跌到22436,即喺再跌232點,咁總共就跌:

                          455 + 306 + 232 = 993點

仲記得12月1號,曾經計過條數:

仲有喎,睇番上兩次,都到臨尾幾日跌最後一鑊金,然後到底。

一月次,尾尾三日共跌:

                         381 + 576 + 115 = 1072

                        

而五月次,由尾四日開始跌:

                        366 + 33 -122 +682 = 959

                          

如果今次跌夠993點,就都合乎邏輯。

明天大家睇睇點,照計跌埋嗰二百零點,都唔喺乜嘢難事。

阿牛都想提提大家,如果真喺再跌,都要當機立斷,唔好拘泥少少價位,到咁上下,想買就買埋佢算數。因為恆指已經跌到 咁殘,分分鐘會見底回升都唔定,反之,繼續穿埋22436亦大有機會;總之我地向下有6000點margin,保到我地落到16500,向上就睇 25000以上。所以要做埋最尾嘅四份一期指,就不宜斤斤計較,買貴少少,就買貴少少囉,都唔算冇眼光睇錯市。我地算到呢個位先入市,都機關算盡,好叻㗎 喇。

其實呢幾日都唔知輸死左幾多人,但喺我地都冇事,而且仲識撈底賺錢,應該滿足嘅囉。

       


號外 十二月 中的 行動 阿牛
PermaLink: https://articles.zkiz.com/?id=20228

號外:十二月中的行動(九) 阿牛

http://hk.myblog.yahoo.com/yomagyomag/article?mid=4522

昨日day low喺22500,同阿牛心目中的22436只差幾十點,但喺阿牛都冇郁到,冇再添貨。

上一篇都講過,最後嘅少少貨,大家就『隨心』,覺得舒服,就隨時可以買入。阿牛自己就想等一等,睇吓下星期點樣先。

今日都喺時候應該做吓賽後檢討,看看這兩天港股的波動。

首先,大家留意一下,這兩三天的外圍股市,基本上風平浪靜,上海如此:

            

深圳如此:

            

美國如此:

            

港股如此:

            

所以我們的股市,既有受人影響的一面,亦有不受人影響的一面;往往在重要關頭,就發揮一點性格出來。有很多普通日子,我們股市在『可升可跌』的日子裡,就很容易跟著國內股市走;有時看見港股忽然間向上,或者忽然間向下,一般立即㩒㩒上証和深証看看,就會找到答案。

但是,當港股去到重要調整位置,就始終要走一小段自己的方向,話之你外圍環境如何,唔理得咁多㗎喇。這樣就好似一大班人行山,我地又跟人行山,大隊上,我地又上,大隊落,我地又落;之但喺每三兩個鐘,我地就梗會好有主見咁離隊一次,自己行開。

做乜?

急尿呀!

                

咁痾完尿,咪又歸隊囉。

 

呢個痾尿理論,有幾個implications。 首先,喺急尿呢吓嘢,耐唔耐就會有一次;今次唔喺第一次,亦唔會喺最後一次。第二,就喺呢啲咁嘅『玩性格』嘢,唔玩得耐嘅,一攪掂就會拿拿聲歸隊,唔會自 己走向一個偏離大隊太多嘅方向。所以如果阿牛冇估錯,個市調整完,都會好『積極』咁浮番上兩萬三千零,再睇外圍形勢嘅指示。第三,每個人痾尿都有自己嘅模 式,多多少少有跡可尋,所以港股調整,一樣有跡可尋,在時間上,和幅度上喺有啲固定模式嘅。

所以由頭到尾,阿牛估計今次調整嘅時候,都喺攞番港股嘅過往模式嚟睇,而唔喺攞其他地方嚟睇;就算今次喺調存款準備金,關晒我地祖國事,都只喺睇香港本地,唔睇上証、深証。

 

我地港股喺small potato,喺要跟大隊走嘅,反而上証、深証喺龍頭,自己鍾意點走就點走。之但喺大家又唔駛羨慕喎,如果我地炒上証、深証,冇錯,喺一早到晒位,入好晒貨等運到;但喺後市如何,就十分難測。

十二月十三日,阿牛都講過:

反觀國 ,其實就單純好多,易攪好多。譬如話調高存款準備金,每次都會跌10%左右

其實上証指數,十一月十日調左準備金之後第五日,就已經乖乖咁跌左9.5%;如果我地在國炒,就已經到晒位,攪掂晒,入好貨,去埋聖誕旅行添囉。

去年金融海嘯之後,中國喺世界複甦的龍頭,但喺中國股市,就全世界跑第尾咁滯。難玩成點,可見一班。

       

號外 十二月 中的 行動 阿牛
PermaLink: https://articles.zkiz.com/?id=20472

號外:十二月中的行動(十) 阿牛

http://hk.myblog.yahoo.com/yomagyomag/article?mid=4533

昨日講到,我地個港股,耐唔耐就俾啲性格大家睇吓。有性格起嚟,其實喺唔駛講理由嘅,例如15號嗰日,下午下跌,有啲人事後孔明,話因為穆廸將西班牙列入負面觀察名單。

            

但是實証明,17號嗰日,同樣喺下午,穆廸將愛爾蘭連降五級兼列成負面,個市跌都唔跌,仲升番少少添;証明大家諗錯嘅。因為連降五級,比列入負面觀察名單,要嚴重得多;但大市斗零反應都冇。而且16號,第二日跌市嗰日,就更加水靜鵝飛,乜消息都冇,結果又喺跌到四腳朝天。

咁樣就喺証明,所謂外圍消息影響,只不過是生安白做,並無根據。個市去到呢度,基本上自動調節,和外圍無關。到過幾日,調整完畢,反彈嘅時候,一樣唔需要理由;甚至上海、深圳、美國跌緊,香港一樣可以大升。

宜緊記。

另外一樣嘢,喺關於阿牛嗰啲入貨位。

其實啲位,只喺喺一個利益平衡,好似玩搖搖板咁,關乎兩件事:

              

1) 盡量低,盡量平。

2) 唔好孤寒過左籠,直情走雞買唔到。

所以阿牛嘅入貨價,同坊間啲阻力位及支持位喺唔同嘅,亦完全冇參考過支持位、阻力位。。

以前都講過好多次,阿牛唔準備做測市生神仙,預測個市升到幾多點,或者跌到幾多點,先到頂部,或者底部。阿牛淨喺想得知個大概,究竟升完未,定跌完未;同埋要做到升跌都有錢賺,咁就very good喇。

生神仙,你都喺揾過第二個做喇。

阿牛都未見過真喺得嘅生神仙,呃人嘅就多。一般都喺話:

支持位喺22500,如果破左下一級支持位就喺22000,如果破埋,再對落就喺21500,再對落……呢啲全部喺個市升上嚟時候,補淨嘅裂口位嚟。到升夠、跌夠,就話拿拿拿,都話22000有強大支持力嘅喇......而家22500又變在阻力位。

       

人地講到,咪聽吓囉。

號外 十二月 中的 行動 阿牛
PermaLink: https://articles.zkiz.com/?id=20473

號外:十二月中的行動(十一) 阿牛

http://hk.myblog.yahoo.com/yomagyomag/article?mid=4550

上日講到,港股在今次終極一跌時,基本上唔受外來因素影響;所以到見底反彈的第一段時,亦唔會跟外圍股市,而呢一小段,我地亦唔駛睇外圍因素。

This makes life much easier。

       

大家如果仲有子彈入市,又或者未入市,下星期都喺好機會。而家阿牛手上就只淨番兩個數目字,留俾大家參考:

                                    22436 ,22050

阿牛手上已經冇左『日期』呢個東西,因為12月15日,已經到左期,兌現左,兼用埋添喇。

星期一,星期二時,不論升跌,想買貨的朋友,應該回答以下的問題來決定入唔入貨,唔好睇外圍發生乜。

1) 恆指現價,如果入左貨,遲啲升到25000點,你滿足唔滿足?

2) 而家唔買,你想再跌到幾多點先買。

3) 如果今次走左雞,你入唔到市,賺唔到錢,你會唔會後悔?

大家據實回答自己,就知道應該幾時入貨。

呢個有少少似大減價去買嘢,閣下要決定你心儀的貨物,佢減到幾多折,你就出手買;同時要諗埋萬一再等,等到final sale,冇錯喺平啲,但喺件貨會唔會已經冇左,再買唔到呢。

       

例如阿牛自己,已經滿手喺貨,又有一堆18811嘅期指,早兩日又入多左期指,咁入市意慾當然就偏低,傾向睇定啲,望個市再跌多少少先郁手。但閣下如果手上冇貨,形勢就完全唔同,適宜唔好咁揀擇。

仲有,如果港股牛二繼續玩落去,個市跟住仲會上上落落,但喺將會更難玩。所以放過左今次之後,閣下要預左下次更難玩,更刺激。

如果大家睇番今年五月嗰次,阿牛只需要畫一條線在19000點,到價就行動,就喺咁簡單。

但喺到左今次,阿牛要左度右度,左改右改,最後先入到貨。所以預期下一次調整,難度會更高,風更高浪更急。

            


號外 十二月 中的 行動 十一 阿牛
PermaLink: https://articles.zkiz.com/?id=20474

號外:十二月中的行動(十二) 阿牛

http://hk.myblog.yahoo.com/yomagyomag/article?mid=4568

 

號外:十二月中的行動(十二)

今日十一點半到價喇。買多四份一期指:

                           22070

各位光猪壯士,收工。

                   


號外 十二月 中的 行動 十二 阿牛
PermaLink: https://articles.zkiz.com/?id=20475

號外:十二月中的行動(十三) 阿牛

http://hk.myblog.yahoo.com/yomagyomag/article?mid=4552

最後一樣嘢想講,就喺大家唔好成日話『大戶蝦我地』,『大鱷揾我地做點心』。

其實大戶都喺人,佢地唔喺叻得我地好多咋,佢地唔喺好多錢㗎咋;一個基金,有 幾十億美金,就算好多嘅喇,但喺都只喺得三兩百億港紙。我地個市,淡的日子,一日成交都七八百億喇,佢地根本舞唔起個市,隨非佢地湊合到四、五千億,咁就 都尚有可為。但各個基金,各自為政,各懷鬼胎,邊有咁團結吖,除非喺超級大茶飯。呢啲情況,一般都牽涉到匯市同股市,好明顯嘅。阿牛亦唔信有fund佬咁 蠢,全個fund盡地一煲,茂茂然得閒無事,當如日常操作,空群出動去做市恫嚇大家,然後從中取利。

衰左點辦呀!

大家睇吓前兩個月,國內基金講明要為農行獲盤,花左幾多人力物力,都喺講緊頂住農行在三兩個價位橫行,最後重要衰埋,破埋發行價,輸到佢地甩肺。

而且每次到牛三爆煲,啲基金又喺一樣跟住跌,唔見得佢地有乜嘢特技。如果真喺咁叻,我估佢地最有興趣就喺頂住個市唔好俾佢爆住,然後走清自己啲貨。咁你話歷次股災,佢地做唔做得到呢樣嘢喇?

                    

真正喺舞高弄低揾食嘅,喺炒神仙股。神仙股呢樣嘢就真喺黑暗喇,而且炒呢啲嘢牽涉到嘅銀碼,都喺講緊好細,好多庄家都做得到。不過小投資者喺唔會盲摸摸入左局嘅,因為呢啲垃圾股是很容易辦認的。

呢啲級別的股票,喺股民都知乜嘢事喇;完全冇業績,忽然公佈啲利好消息,股價升幾倍;咁嘅嘢閣下都買,就分明想『食人地點心』,或者『俾人當點心食』,輸左實在唔怪得人。

而且還有一個特徵:

就喺庄家一定會出口術。

庄家會在報紙雜誌唱行佢;佢地既然錢都出得,反正都喺亂嚟,咁就唔爭在出埋口術。


       

好似以前『大摩』支魔笛咁,專出口術。但喺到左今時今日,仲邊有人信呢啲大行報告吖。買神仙股嘅小投資者,其實都心知肚明,知道自己做緊乜。就算俾人呃晒,都喺自己貪心在先,申請去死,實在唔賴得人。

至於你話個大市連續跌幾日,但得嗰千零點,邊度有大戶攪嘢吖,真喺要攪,又邊 個有三、四千億攪啲咁嘢,而且得一千點,亦唔見得有乜肉食。呢幾日來,報章傳媒,亦冇人出明顯的口術,坊間又冇聽見有邊個出手攪嘢。如果真喺有咁嘅人,紙 包唔住火,跟本就知嘅,市場仲唔傳到沸沸揚揚咩。好似1997年索羅斯咁,直情俾人知道喺佢,仲講明攪緊乜嘢,唔會好似而家咁水靜鵝飛嘅。

       

所以唔好成日話大鱷乜,大鱷物,有乜依郁就話喺大鱷擾亂市場。其實喺你自己跌眼鏡,睇錯市。最多你話大戶醒目,冇中招,但就唔可以話人地擾亂市場。

一味姓賴,好容易入青山㗎。

       

講到呢度,十二月中行動,全部結束。多謝各位好友收看,亦希望大家有跟住大隊,買番少少。

阿牛再一次謝謝大家。

號外 十二月 中的 行動 十三 阿牛
PermaLink: https://articles.zkiz.com/?id=20476

【號外號外】 安邦繼續增持招行 雲蒙

來源: http://xueqiu.com/3037882447/34899550

截止12月31日,安邦持有招行27億股,占A股股本的13.11%,占總股份的10.73%,最後一次加倉平均成本為16.27元。

這是香港交易所披露的數據:http://sdinotice.hkex.com.hk/di/NSNoticePersonList.aspx?sa2=np&scpid=2225918&sa1=pl&scsd=06%2f01%2f2014&sced=06%2f01%2f2015&pn=%a6w%a8%b9&src=MAIN&lang=ZH& 
解讀:安邦在12月31日增持了1.78億股,平均股價為16.27元,觸發了香港交易所關於股份占比每超過1%需要披露的機制,買了以後股份達到27億股,占比為A股股本的13.11%。

以下為安邦資料:

一、安邦什麽來頭?

       註冊資本塊頭大。12月4日保監會同意安邦保險集團公司註冊資本變更為619億元人民幣。據公開信息,中國人保集團註冊資本為424億元,中國人壽為282億元,中國平安為79億元,中國太保為90億元。而未上市的中國再保險集團股本為364億元。2012年安邦保險集團正式宣布成立,僅僅經過兩年的擴張,總資產已超7000億元,位居行業第四。

       董事會成員神秘。據維基百科介紹,現實際控制人為鄧小平的孫女婿吳小暉,陳毅兒子陳小魯、朱镕基兒子朱雲來、龍永圖、首創集團董事長劉曉光以及胡茂元為集團董事。其中吳小暉為北京國通高盛投資有限公司董事長、陳小魯為標基投資集團董事長。目前高層人士還在調整中。


二、安邦這兩年幹了什麽?

     1、斥資超300億元成為$招商銀行(SH600036)$ 第二大股東,持股10.7%。

     2、斥資超400億元成為$民生銀行(SH600016)$ 持股近15%,第一大股東。

     3、四次舉牌$金地集團(SH600383)$ 持股超20%,第二大股東。

     4、四次舉牌$金融街(SZ000402)$ 持股20%,第二大股東。

     5、收購比利時FIDEA保險公司100%股權。

     6、斥資50億元成都農商行持股35%,控股股東。

     7、斥資超120億元從希爾頓手中買下紐約地標華爾道夫酒店。

     8、持有$華業地產(SH600240)$ 4.99%,第三大股東。

     9、持有$萬科A(SZ000002)$ 2.3億股第三大股東,$工商銀行(SH601398)$ 5.4億股第七大股東,中國電建2800萬股 第七大股東,吉林敖東1100萬股第四大股東,華業地產7000萬股,民生銀行可轉債620萬張,中國銀行可轉債2100萬張,工商轉債640萬張。

    10、另:安邦收購德爾塔-勞埃德比利時銀行,欲收購韓國友利銀行的控股股份;知情人士透露安邦保險曾對香港第二大家族銀行永亨銀行發起收購;市場傳安邦保險將收購天津信托,雙方進行了多次接觸。

號外 安邦 繼續 增持 招行 雲蒙
PermaLink: https://articles.zkiz.com/?id=126231

【太陽號外】宋仲基見朴槿惠硬晒

1 : GS(14)@2016-04-12 18:16:08

憑《太陽的後裔》而成功上位的「劉大尉」宋仲基,昨日獲委以重任傍實南韓總統朴槿惠出席「K-Style Hub飲食文化館」的開館儀式,擔任韓國旅遊大使的宋仲基見到總統時亦略為緊張,更恭敬地向總統握手及鞠躬。隨後宋仲基和總統更齊齊搓粉糰及試食,跟身旁的總統朴槿惠有傾有講。





來源: http://hk.apple.nextmedia.com/entertainment/art/20160412/19567066
太陽 號外 宋仲 仲基 基見 見樸 樸槿 槿惠 惠硬 硬曬
PermaLink: https://articles.zkiz.com/?id=299087

【太陽號外】《太陽》又傳有新結局

1 : GS(14)@2016-04-12 18:16:09

《太陽》將於後日大結局,近日網上流傳多個悲劇收場的結局版本,不過昨日據韓國相關人士透露:「不會是不明不白的結局,是會令觀眾感到溫暖的圓滿結局。」另外,憑《太陽》人氣急升的「徐大英」陳久將飛去北京,與當地過百名內地粉絲於後日一起看大結局,到時內地的愛奇藝將於網上直播。





來源: http://hk.apple.nextmedia.com/entertainment/art/20160412/19567072
太陽 號外 又傳 傳有 有新 結局
PermaLink: https://articles.zkiz.com/?id=299088

【太陽號外】喬妹為日韓關係推代言

1 : GS(14)@2016-04-12 18:16:09

韓國女星宋慧喬近期憑韓劇《太陽的後裔》人氣急升,同時成為廣告商新寵,不過喬妹早前就拒絕了某日本汽車品牌的中國區代言人邀約,指該品牌於日本殖民時期強迫韓國人當苦工,縱然代言費很高,喬妹認為自己的立場不應該接下這份廣告約。消息轉開後,韓國網民即大讚喬妹有愛國心。





來源: http://hk.apple.nextmedia.com/entertainment/art/20160412/19567076
太陽 號外 喬妹 妹為 日韓 關係 代言
PermaLink: https://articles.zkiz.com/?id=299089

【號外】梁振英不連任

1 : GS(14)@2016-12-10 03:31:07

【本報訊】臨近特首選舉委員會投票日子,特首梁振英突於今天下午3時半見記者,宣佈以「要照顧家庭」為由不爭取連任下屆特首,但未有詳談家庭有何問題。梁指出:「我對社會未來幾年嘅責任,以及對家庭嘅責任之間,我必須作出一個負責任嘅選擇。如果我參選下一屆特首,恐怕喺未來幾個月時間內,我嘅家人會因為我嘅選舉工程,承受一啲佢哋唔能夠承受嘅壓力。喺呢個問題上,我必須保護佢哋。」他指已向中央報告有關決定,中央予以諒解,特別多謝一直支持他參選特首的人士,未來會集中精神及集中力量做好餘下任期工作,包括明年1月發表的施政報告,以及盡力落實5年前提出的參選政綱。被問及中央是否不支持他連任,他強烈否認,指中央對其工作一直以來都有充份肯定及高度評價。




來源: http://hk.apple.nextmedia.com/news/art/20161209/19860411
號外 梁振英 連任
PermaLink: https://articles.zkiz.com/?id=318835

【號外】王光亞深圳密晤梁

1 : GS(14)@2016-12-10 03:31:08

【本報訊】特首梁振英今日突然以「家庭理由」宣佈不競逐連任,《蘋果》記者獲得獨家消息,指港澳辦主任王光亞近日在深圳秘密接見梁振英,代表中央表示不贊成梁連任,但肯定他過往幾年的努力。中央最終放棄梁,據悉是考慮香港整體社會的和諧,避免香港進一步撕裂。


傳京為梁卸任作好安排


據悉,中央會為他的卸任作好安排。梁今日以家庭理由宣佈不連任,是與中央達成共識的結果。梁特首女兒梁齊昕正在醫院留醫,本報近日獨家拍到梁特首夫婦到沙田威爾斯醫院探望女兒的畫面,但就拒談梁齊昕的病情。國務院港澳辦發言人稱,對梁振英因家庭原因不參選下屆行政長官,深感惋惜,並尊重他的個人決定。發言人說,梁振英擔任特區第四任行政長官以來,堅定貫徹一國兩制方針及基本法,穩妥處理一系列重大政治法律問題,在維護國家主權、安全、發展利益及香港社會政治穩定方面,作出重要貢獻,帶領特區政府及社會各界,在發展經濟、改善民生、推動香港與內地交流合作等方面取得積極成效,中央政府對他的工作一直給予充分肯定及高度評價,希望他做好餘下任期工作,今後在香港及國家發展中繼續發揮作用。



■梁振英2012年勝出特首選舉當日,全家人到場支持。

■梁振英管治下,市民抗議不斷;圖為梁上台第1日已有40萬人上街倒梁。

■記者昨晚在威院門外向梁振英問及齊昕情況,梁未有回應。

中聯辦負責人表示,充分理解及尊重行政長官梁振英以家庭原因,宣布不參選下一任特首,亦深感惋惜。負責人讚揚梁振英擔任特首以來,堅定貫徹執行一國兩制方針和基本法,帶領特區政府管治團隊依法施政,勇於解決香港社會長期積累形成的困難和問題,廣泛凝聚社會共識,在發展經濟、改善民生、推進民主、促進和諧以及加強香港同內地的交流合作、促進國際聯繫等方面都付出了艱辛努力,成績有目共睹。特別是在處理政改、應對非法佔中事件、依法打擊和遏制港獨活動等一系列重大政治法律問題上,敢於擔當,堅決維護國家主權和安全、基本法權威、香港社會大局穩定和廣大市民福祉、維護法治,表現出堅定的愛國愛港立場和駕馭複雜局勢的能力。負責人表示,中央一直充分肯定及高度評價梁振英的工作,衷心希望他在餘下任期,帶領特區政府管治團隊穩健施政,為下屆政府的工作打下良好基礎,為國家做出新的貢獻。




來源: http://hk.apple.nextmedia.com/news/art/20161209/19860418
號外 王光亞 深圳 密晤 晤梁
PermaLink: https://articles.zkiz.com/?id=318836

【號外】掃除「一男子」 港視曾爆升五成

1 : GS(14)@2016-12-10 03:31:08

【本報訊】特首梁振英於下午3時30分宣佈不競逐連任下屆特首,本來受濠賭股下跌拖累的港股,受到本地地產股跌轉升支持,收市前40分鐘內,跌幅由185點輕微收窄至100點(0.4%),報22,760點,主板成交763億元。不過,大贏家屬於港視(1137),股價一度急升五成半,收市仍升逾三成,成為市場焦點。梁振英不參選的消息於會見記者前數分鐘曝光,市場憧憬港視申請免費電視牌照的「一男子」阻力有望掃除,消息見光後即有資金追捧,股價由1.23元起步,於25分鐘內爆升最多54.5%至1.9元,收市漲33.3%,報1.64元,成交3,630萬元。


地產股造好 最多彈2%


市場憧憬本港樓市政策出現改變,向來被外界視為與梁振英不咬弦的李嘉誠,旗下長和(001)及長實地產(1113)分別升0.6%及升1.8%,新地(016)漲2%,恒地(012)則升0.5%。「梁營股」未有如預期下跌,曾為梁振英站台的鄭家純,旗下新世界發展(017)及新創建(659)分別升0.8%及0.9%;同為「梁粉」的陳啟宗旗下的恒隆地產(101)及恒隆集團(010)則跌約0.5%;羅康瑞持有的瑞安房地產(272)升0.6%。




來源: http://hk.apple.nextmedia.com/news/art/20161209/19860422
號外 掃除 男子 港視 視曾 曾爆 爆升 五成
PermaLink: https://articles.zkiz.com/?id=318837


ZKIZ Archives @ 2019