ZKIZ Archives


樓民講場:平台樓 激到嘔

1 : GS(14)@2012-10-27 14:41:50

http://hk.apple.nextmedia.com/financeestate/art/20121027/18049772
我諗極都唔明,點解連平台的單位會貴過普通分層戶?「特色戶」真好聽,但唔住過,都唔知箇中之苦。
小弟屋企人的單位正是有個平台,係多咗地方用,可惜香港人家冇曬公德心,我哋日日都要掃垃圾,廚餘、M巾、安全套樣樣齊,有次仲成個花盆跌落嚟!屋企人報埋警,但根本拉唔到人,惟有日日提心吊膽過日子,希望呢位鄰居只係一時錯手吧!
間唔中就會有「空中飛人」跌落平台的新聞見報,真係令人為這些不幸業主傷心。一場街坊,無仇無怨,搵啲咁嘢搞,業主無端端有經濟損失已夠慘,仲隨時嚇親家中老少,好無陰功。
早前我跟朋友去到藍田睇樓,見到個放盤連平台,業主好好心機整到好有戶外餐室feel,睇到我哋為之心動,但返到屋企諗清諗楚,我接受唔到一邊進食一邊擔心「中頭獎」的壓力,將平台封頂又可能遇到管理公司的法律行動對付,所以都係決定放棄。
屋企人住平台的遭遇,已令我患上平台驚恐症,若想要戶外空間,我寧願勒緊褲頭省多點首期、忍受炎夏似焗爐的天台戶,都唔想承受「唔知幾時」的飛來橫禍。
讀者 李細蚊
2 : Sunny^_^(11601)@2012-10-28 21:23:47

但係作為一個投資者...真係有人會因為左左個平台而比多D租...
3 : GS(14)@2012-10-29 22:41:00

2樓提及
但係作為一個投資者...真係有人會因為左左個平台而比多D租...


個平台咁細有用嗎?
4 : Sunny^_^(11601)@2012-10-30 08:07:30

3樓提及
2樓提及
但係作為一個投資者...真係有人會因為左左個平台而比多D租...

個平台咁細有用嗎?


有嫁,我之前睇樓,4樓豪裝賣12000蚊,1樓普通裝賣14000蚊.佢個平台得百多呎,放到一個戶外既大箱外仲放左一套戶外既table set.

agent話鬼佬鍾意.
5 : 肥B(18468)@2012-10-30 09:32:17

如果這一篇真係「讀者投稿」, 我相信佢係「真心膠」......

「公德心」一向都係靠各位自律, 而這些高尚的修為, 同賺錢能力無必然關係, 住得起私樓的, 唔代表一定有公德心.....醒下吧...

所以買樓自住, 我一定唔會選這一種「特式戶」...
樓民 民講 講場 平臺 臺樓 激到 到嘔
PermaLink: https://articles.zkiz.com/?id=281764

豪宅缺水 不堪一擊 栢景臺樓王半年跌價兩成

1 : GS(14)@2013-08-06 23:46:42

http://hk.apple.nextmedia.com/financeestate/art/20130806/18365413



                              【本報訊】自從政府實施BSD及DSD雙辣稅後,豪宅散晒,蝕讓劈價樣樣齊。北角栢景臺全海景樓王更不堪一擊,半年極速冧價兩成,由2,950萬元「撻落」2,330萬元。內地客亦撤資,一組來自溫州的內地客,減價連沽西九龍兩伙。
記者:朱連峰

                  豪宅缺水,冧價勁快。北角出現樓災,The JAVA繼有內地客慘蝕150萬元後,栢景臺樓王亦遭殃,大 割價賤賣。中原豪宅陳家鴻表示,1座25樓以上B室,建築面積1,276方呎,實用998方呎,剛以2,330萬元易手,建築和實用呎價僅18,260及23,347元。
據悉單位屬屋苑樓王,坐擁維園及維港煙花海景。同座略高9層的同類單位,今年2月以高達2,950萬元易手,實呎高達29,559元,是次成交較之平21%。造價更回到一年前,屬同類樓王貨的1座31樓B室,去年6月也售2,555萬元。

內地客減價沽海桃灣

                上述物業由一間公司持貨,99年購入價1,230萬元。陳家鴻稱,單位今年2月放盤,見當時同類貨都賣到2,950萬元,遂叫價2,800萬元。惟樓市辣招下,豪宅四面楚歌,單位放盤半年冇人吼,最後要勁減470萬元才賣出,成為豪宅市場最新冧價指標。
內地客亦「撤資」。消息稱,一組來自溫州的內地客,繼日前減價賣大角嘴帝
2 : olioli(41175)@2013-08-07 09:56:05

其實大陸人心態係咪盡量想keep 住香港的物業,如果他有一間大陸樓,一間香港樓,佢需要錢時會點揀?
3 : teddycmh(30805)@2013-08-08 11:16:29

睇下自住定點啦, 多數大陸得一層既人唔會係香港買樓, 就算買都係實用為主, 唔會買豪宅
溫州多數係調錢返去救災/有更好生意
豪宅 缺水 不堪一擊 不堪 景臺 臺樓 樓王 半年 跌價 兩成
PermaLink: https://articles.zkiz.com/?id=283635

淘大反價沽 二手近半年罕見 三客搶購 連天台樓王售443萬

1 : GS(14)@2016-03-15 15:39:41

■淘大花園連天台以443萬元售出。 資料圖片



【本報訊】本港樓市未受降評級展望影響,相反價跌有承接。中原地產統計的10大屋苑,過去周六及日錄13宗成交,創八個月新高。二手近半年罕見反價,九龍灣淘大花園連天台樓王,狂劈兩成平賣,吸引最少三客爭盤,最終搶貴9萬元,以443萬元售出,呎價僅1.1萬元。記者:朱連峰



九龍灣「上車三寶」淘大花園、得寶花園及德福花園,周六及日成交量經常「食白果」,過去兩日卻錄最少5宗。利嘉閣莊雅琁表示,超平盤現搶盤,淘大花園J座頂層5室,望山景,實用391方呎,天台318方呎,去年12月放盤叫價500萬元,至本月9日,有客出價430萬元,業主表明底價434萬元。由於單位叫價較去年同類連天台樓王貨平達兩成,吸引最少三枱客搶盤,最終反價9萬元至443萬元售出,但呎價只是1.1萬元。



得寶半月兩度穿300萬

淘大同類貨去年高位造價逾「五球」。其中B座頂層4室,實用面積375方呎,景觀以山及樓景為主,去年5月便以540萬元易手,呎價14,400元。相差10個月,同類樓王盤買平「一球」兼買大16呎。呎價1.1萬,今年初只可以買到極低層戶。P座一個5樓低層戶,實用面積356方呎,今年1月售395萬元,呎價11,096元,如今樓王賣「5樓價」。同區得寶花園半月內兩度跌穿300萬元。消息指,B座中層8室售295萬元。原業主2013年2月以268萬元購入,扣使費後淨袋約17萬元。利嘉閣劉浩勤稱,將軍澳本月暫錄77宗買賣,較上月同期23宗升逾兩倍,昨單日勁錄11宗。香港置業余柏稱,荔枝角美孚新邨本月暫錄20宗買賣,是上月同期4宗的四倍。六福行黎樹森表示,粉嶺名都三房戶1年來首度跌穿「四球」,2座中層D室售392.5萬元,呎價8,645元。沙田廣場B座高層3室售675萬元,市傳同層有凶宅。



十大屋苑兩日13成交

中原統計的十大屋苑,過去周六及日共錄13宗,升至八個月新高。美聯十大屋苑則錄11宗,按周跌三成。美聯物業住宅部行政總裁布少明表示,本港評級展望下調,但隨著用家追筍價貨,帶動近期交投量有所回升。不過,暫時二手樓價未有因為交投增加而喘定,下調壓力仍然存在。九龍站再劈見血。消息指君臨天下3座高層E室售1,550萬元,原業主2009年以1,523萬元購入,明賺實蝕。大埔比華利山別墅翠樺道雙號屋淪銀主盤,業主為內地客,2007年以1,863萬元一手購入。





來源: http://hk.apple.nextmedia.com/financeestate/art/20160314/19528603
淘大 大反 反價 價沽 二手 近半年 罕見 三客 搶購 連天 臺樓 樓王 王售 443
PermaLink: https://articles.zkiz.com/?id=297997

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019