ZKIZ Archives


ViuTV《美選》20強 單身小方揀女F Cup 2人組夾擊Stephy隊友

1 : GS(14)@2016-07-09 06:47:30

■ViuTV美選20強昨日首次與傳媒見面。



【ViuTV發圍】
ViuTV首個實況選美節目《美選 D.n.A》,經過試鏡及傳出合約條款苛刻引發退選潮後,最後20強參賽者昨日於尖沙嘴正式與傳媒見面,當中有人妻人母、整容人、紋身女和F Cup女,令本來擁有優越條件——鄧麗欣(Stephy)前排球隊友的1號歐家裕遇暗湧,擔任主持兼評審的方力申表明不會偏袒舊愛前隊友,而郭偉亮被老婆叮囑勿走近F Cup女。採訪:馬建華攝影:仇志德

星級組熱門樣靚

身材高䠷1號歐家裕為鄧麗欣(Stephy)排球隊前隊員,杜汶澤愛將兼填詞人陳詠謙前妻2號陳意嵐有信心戰到最尾,被封為熱門「J界女神」沙律、5號張沛樂未敢輕敵,同模特兒公司曾被傳退選的「模界楊采妮」20號余逸思透露只要不牴觸條款,仍可以接工作,另外呂良偉姪女14號呂善婷都為人注意。



【最靚】1號歐家裕Joe32B、25.5、36

5號張沛樂Charlotte33E、23.25、34.5





2號陳意嵐Tarah33C、25、39

12號李靜蓮Alina33B、25.25、35.25





【最紅】14號呂善婷Angel35C、28、37.5

8號許珮榆Diva35D、26.5、34.75

20號余逸思Yoshi31.5C、24、35





來源: http://hk.apple.nextmedia.com/entertainment/art/20160708/19685963
ViuTV 美選 20 單身 小方 揀女 Cup 人組 夾擊 Stephy 隊友
PermaLink: https://articles.zkiz.com/?id=303007

ViuTV《美選》佳麗錯愛紋身石希露 俾仔打裂鼻骨

1 : GS(14)@2016-07-12 03:19:30

■石希露昨日在動物診所返工,身穿醫護制服,手臂紋身相當搶眼。


由ViuTV舉辦的第一屆實況選美節目《美選D.n.A》,上星期四公佈二十名參選佳麗,當日一眾候選人會見傳媒時,兩位佳麗16號石希露(Olga)及18號鄧月平憑F cup逼爆上圍,成為焦點,而Olga手臂上十多個紋身,亦相當搶鏡。
Olga剛被宣佈入圍,即被人翻舊賬,原來她一年前已成為網上紅人,皆因當時有社交網站瘋傳一張她疑被男友虐打fb截圖,標題更寫上「港女被男友打『開年』,fb用戶名是Shek Hei Lo,疑似係Olga本人上傳,更留言寫上:「打我打到咁,劉XX你預咗冇彎轉。」



■石希露一年前被劉姓男友虐打,當時她貼相上fb哭訴慘況。互聯網圖片

■石希露透露與前男友拍拖兩年,不止一次受到對方動粗。互聯網圖片


■忙完一輪工作,石希露想為貓貓剪指甲。

「打過我四、五次」


昨日致電Olga求證時,她直認是相中人:「件事發生喺上年農曆年,我同佢(前男友)有啲爭執,跟住佢就出拳打我塊面,入到醫院,照到鼻骨有啲裂,屋企人之後陪我去報警。呢件事之後,我同佢就分咗手。」
Olga透露自己並非首次受暴力對待:「我同佢拍咗兩年拖,佢起碼打過我四、五次,有時出拳,有時掟嘢,每次我都蠢又耳仔軟,以為佢會改……我本身有紋身,同佢分手之後,我再紋多幾個喺手臂上面,等自己好似惡啲,生人勿近咁。」此外,Olga於荃灣一動物診所做護士,昨日見她穿上制服開工十分忙碌,其間有禮貌、耐心地照顧寵物及求診的客人,當她忙完工作後,欲上前幫貓咪剪指甲,貓咪卻頑皮地逃脫。採訪:王梓嫚、畢紹基攝影:潘冠恩





來源: http://hk.apple.nextmedia.com/entertainment/art/20160711/19689275
ViuTV 美選 佳麗 錯愛 紋身 石希 希露 俾仔 仔打 打裂 鼻骨
PermaLink: https://articles.zkiz.com/?id=303275

ViuTV《美選》女食自己 搶人氣各自出招

1 : GS(14)@2016-08-20 11:41:48

ViuTV個選美節目《美選D.n.A》,打正旗號話選美會分天使組同魔鬼組,唔限年齡同職業等等,夠膽就可以去挑戰,不過個節目暫時仲係好保密,冇新消息發佈。節目咁神秘,的確係令人好奇佢最後點發展,不過一班入咗圍嘅女仔就好頭痕,不時要自己post嘢上網希望見下光。除咗「巨胸翠如」鄧月平(Larine),其實其他人都好落力,好似許珮榆(Diva)咁,之前喺動漫節就做過遊戲宣傳Model;而張沛樂(Charlotte Cheung)就經常貼啲練拳健身相上網,吸下睛之餘keep下fit;與Charlotte同一間經理人公司嘅余逸思(Yoshi Yu),就貼生活照打親民牌。「變面謝安琪」趙詠瑤(Kimi)最貼地,喺facebook話要唱洗腦歌——「雞,全部都係雞」搵番人氣。而陳意嵐(Tarah)因為做過杜汶澤化妝師,叫做多啲人認識,所以佢喺唔同傳媒都做過訪問。




來源: http://hk.apple.nextmedia.com/entertainment/art/20160820/19743785
ViuTV 美選 女食 自己 人氣 各自 出招
PermaLink: https://articles.zkiz.com/?id=306627

《美選》佳麗試做主播

1 : GS(14)@2016-09-01 06:12:29

ViuTV選美節目《美選D.n.A》其中兩位佳麗鄭家雯和許珮榆昨日在柴灣,獲安排嘗試擔任《15分鐘熱度》娛樂新聞主播,鄭家雯帶四個月大兒子王晴風到場,許珮榆表示有留意娛樂及時事新聞:「我有留意楊冪湊囡囡返學、Moka睇郭富城演唱會。」此外,ViuTV開台接近五個月,製作了很多節目,昨日港大民研計劃公佈2016年第二季(4至6月)電視節目欣賞指數調查結果,ViuTV中有四個節目打入最高欣賞指數頭20位,跟無綫看齊,《跟住矛盾去旅行》更登上第2位,而打入第18位的《歐遊全細界》主持蔡雪瑩昨受訪時說:「我哋全個團隊都好興奮。」採訪、攝影:黃曉妍




來源: http://hk.apple.nextmedia.com/entertainment/art/20160831/19754687
美選 佳麗 做主
PermaLink: https://articles.zkiz.com/?id=306927

星級靚B 美選D.N.A 2016-09-02

1 : GS(14)@2016-09-04 21:27:13

http://skypost.ulifestyle.com.hk ... 9%81%B8D.N.A/228006
【晴報專訊】 今年不少女藝人榮升靚媽,擁有優良基因的小寶寶自然可愛到冇朋友,Jessica C.與安志杰的六個月大混血小公主Tessa眼大大超省鏡;至於鍾嘉欣的初生女兒Kelly鼻高高擁有濃密秀髮,長大後升呢變宅男女神完全冇難度!
迷你版女神
今年初與脊醫Jeremy低調完婚的嘉欣BB上周才宣布囡囡Kelly出生,並在微博上載小Kelly的玉照分享喜悅。這個「真.嘉欣BB」鼻子高高,擁有美人胚子,獲不少網友大讚有媽媽的影子,長大後有望繼承母親衣缽做宅男女神。
冷傲版電眼美人
現年37歲的關心妍7月誕下女兒楊榮心(Jovia),一圓多年做母親的夢想。上周她在女兒滿月時發布小Jovia包到實的靚靚電眼美人照,既可愛又醒神,網友大讚Jovia如同小蟲蟲一樣勁吸睛。
好戲兄弟幫
同在七月升呢做媽媽的李心潔一對孖仔哥哥彭濟雲及弟弟彭子然如同可愛小寶寶,心潔在孖仔八月八日滿月時發布合照,兄弟們遺傳影后媽咪的D.N.A,人仔細細已識得在鏡頭前講「悄悄話」,長大後拍戲定必大有前途。
模初體驗
今年三月在美國為安志杰誕下女兒Tessa的Jessica C.,經常在社交網曬愛女甜睡BB相。7月4日美國獨立日,JC發布女兒穿上吊帶裙,趴在美國國旗上的玉照,混血小Tessa可謂贏在起跑綫,眼大大擺出性感甫士表現自然,深得父母優良基因。
撰文:Steven、Pat 
編輯:林梓添 
設計:K
星級 美選 D.N.A 2016 09 02
PermaLink: https://articles.zkiz.com/?id=307485

美選鄭家雯泵定人奶餵仔

1 : GS(14)@2016-09-06 04:42:19

■鄭家雯獲丈夫和兒子送機,場面溫馨。

ViuTV選美節目《美選D.n.A》5位候選佳麗鄭家雯、張沛樂(沙律)、羅伊婷、李靜蓮和「巨胸翠如」鄧月平,昨日出發到東京拍攝外景一星期,鄧月平透露此行沒有帶泳衣。已為人母的鄭家雯,獲丈夫和4個月大兒子王晴風送機,談及兒子平時要吃母乳,她說:「已經泵定啲儲喺雪櫃,希望夠啦,惟有人奶溝奶粉,盡量畀佢每日都飲到少少人奶,我喺嗰邊都會照泵,放入雪櫃變冰奶,返到嚟就有好多奶。」問沙律男友林耀聲曾指為夢想要捱光酥餅,沙律力撐說:「幾好呀,唔錯。」喜歡熱血青年?她笑說:「我唔係追求靚仔有錢。採訪:黃曉妍攝影:陳順禎




來源: http://hk.apple.nextmedia.com/entertainment/art/20160905/19759925
美選 鄭家 雯泵 定人 奶餵 餵仔
PermaLink: https://articles.zkiz.com/?id=307655

《美選》佳麗向人妖偷師

1 : GS(14)@2016-09-09 05:09:13

ViuTV選美節目《美選D.n.A》五位參賽者陳意嵐(Tarah)、馬倩宜(Happy)、譚凱倫(Helen)、湯沛宜(ToTo)和余逸思(Yoshi)昨早出發到泰國拍外景,Tarah和Yoshi露腰現身,大會將安排她們接受人妖選美比賽冠軍Miss Tiffany的特訓。
Happy此行帶了不少性感泳衣,對於今次會向人妖選美冠軍偷師,她說:「我身形比其他女仔man啲,佢哋咁嘅架構比女人更女人,我要學吓。」提到大會安排她們去夜店,Happy說:「我以前去蘭桂坊都係着運動衫,啲鬼佬鍾意,都識到朋友㗎,大家都鍾意做運動嘛。」採訪:盧妹攝影:陳俊強




來源: http://hk.apple.nextmedia.com/entertainment/art/20160908/19763552
美選 佳麗 人妖 偷師
PermaLink: https://articles.zkiz.com/?id=308206

《美選》佳麗泰國遭爆竊

1 : GS(14)@2016-09-18 10:51:56

ViuTV選美節目《美選D.n.A》早前派出五位參賽者陳意嵐、馬倩宜、譚凱倫(圖)、湯沛宜以及余思逸到泰國拍外景,其間被賊人入屋爆竊,損失數千元港幣,幸無人受傷。馬倩宜說:「我哋全部熟睡,冇人發覺,懷疑個賊放咗迷暈煙。」有裸睡習慣的譚凱倫則說:「我唔擔心財物遺失,最驚係全裸時被人睇全相,好彩今次保得住貞操。」




來源: http://hk.apple.nextmedia.com/entertainment/art/20160918/19773831
美選 佳麗 泰國 遭爆 爆竊
PermaLink: https://articles.zkiz.com/?id=309601

【另類比賽】ViuTV美選冇界限

1 : GS(14)@2016-09-23 08:09:58

ViuTV美選



香港選美史上,以無綫的香港小姐最有歷史及代表性,亦盛產過不少靚女入娛樂圈發展,不過其他的選美比賽亦相當有睇頭。


ViuTV美選

ViuTV近日以選美真人騷節目形式辦《美選D.n.A》,突破傳統的選美框框,不設年齡上限,16歲以上就可報名,不論婚姻及學歷限制,並以魔鬼(Devil)與天使(Angel)為主題,參選者更有紋身人士。



Cosplay大賽

每年動漫節的重頭戲,起初有選game girl,周秀娜曾是04年亞軍(圖右),之後亦有以動漫為主題的cosplay角色扮演比賽。



工展小姐

工展小姐主要由本地廠商派佳麗代表參賽,當年勝出者可獲參加邵氏片場試鏡。近年復辦,04年由呂慧儀贏得冠軍(圖),而黃穎君是10年五料冠軍,她於12年參加香港小姐後入娛樂圈。



《Yes!》校花校草

《Yes!》於97年舉辦校花校草選舉,招攬學生參賽,以投票熱線一人一票機制,當年冠軍是港男袁偉豪,當時他以15歲之齡參加比賽。




來源: http://hk.apple.nextmedia.com/entertainment/art/20160923/19778918
另類 比賽 ViuTV 美選 選冇 界限
PermaLink: https://articles.zkiz.com/?id=309715

拉大提琴走音遭恥笑紋身美選女石希露 爆粗轟ViuTV

1 : GS(14)@2016-09-25 10:28:16

■擁33F上圍的《美選D.n.A.》佳麗石希露,身上紋身比其上圍更受注目。資料圖片



【ViuTV風雲】
ViuTV今晚首播的選美真人騷《美選D.n.A》,未播已經是非多籮籮。擁33F逼爆上圍的紋身女石希露,前日忽然在facebook爆粗轟ViuTV:「ViuTV係想玩X我玩到幾時?」據悉石希露對ViuTV將自己拉到走音的大提琴才藝表演片段作宣傳片感不滿,對此她昨說:「都唔係話嬲,真係唔開心為主。」



打破傳統選美格局的選美真人騷《美選D.n.A》,將於今晚10時半在ViuTV首播。近日ViuTV在電視、官網及facebook播出宣傳片,其中一段為33F上圍紋身女石希露拉大提琴的的才藝表演,清楚聽到她拉到嚴重走音表現失準,被主持郭偉亮(Eric Kwok)等人恥笑之餘,Eric Kwok更寸爆石希露,問她玩大提琴玩了多久,石希露回答謂:「因為呢個節目,啱啱拉番一個禮拜。」Eric Kwok聞言寸爆石希露說:「聽得出。」



【嚴重走音】■ViuTV近日為谷今晚首播的《美選》,把石希露拉大提琴拉到走音片段作宣傳片。

【當場呆咗】■主持郭偉亮聽不明石希露演奏的音樂,寸爆問對方玩了大提琴多久。

【鬧爆ViuTV】■石希露不滿被用作宣傳兼恥笑,前日在fb爆粗鬧ViuTV。


「好失控咁喊過」

宣傳片在fb上載後,石希露在相關fb留言謂:「可唔可以放過我……我呢世都唔會再掂個琴。」之後她又表示原先才藝表演是演出訓練狗狗項目:「因為原定計劃係train隻狗狗,但隻狗臨時真係病咗,惟有局住拎琴上陣。」原來石希露對ViuTV將她被恥笑的大提琴走音片段剪輯成宣傳播出極度不滿,前日在自己私人fb留言爆粗鬧ViuTV說:「ViuTV係想玩X我玩到幾時?」記者昨日致電石希露了解,她揚言並非刻意爆粗,只是覺得fb是私人空間,跟朋友宣洩一下,沒有預期有街外人看到,她說:「老實講都唔係話嬲,真係唔開心為主,因為拍緊嗰一下都知自己大提琴係失咗準,拉得唔好,都預咗節目出街時,都會有啲人會批評同取笑,因為係自己做得唔好、表現唔好,冇得怪人。拍攝嗰陣都因為個大提琴表演而好崩潰、好失控咁喊過,對於我嚟講都係一個傷口嚟,我冇諗過會喺fb,除咗個節目出街以外會再有一條咁樣嘅片囉。」她透露是在初中年代學大提琴,曾斷斷續續學過兩年。



【受訪狂喊】■石希露在節目中爆喊指自己曾有自殺念頭。

■石希露不時在fb大晒與男友的恩愛合照。


曾有自殺念頭

另外,石希露在節目中曾一度自爆有自殺念頭,她說:「自己最靚係……堅強,雖然我係一個喊包,但有啲眼淚唔代表軟弱,我覺得係每一步都行過捱過個啲先叫堅強……我明香港人好大壓力,好多人自殺,我都有諗過死,但死唔係唯一嘅方法囉。」對於石希露不滿,ViuTV公關部王小姐昨以WhatsApp回應說:「工作人員已經聯絡Olga(石希露)本人了解事件,明白她因為表演大提琴時失準而唔開心。而ViuTV選擇該片段,是因為大提琴表演項目有新鮮感,認為能夠幫助宣傳節目,並不是刻意要令參賽者難受。」採訪:魯吉、嵐山




來源: http://hk.apple.nextmedia.com/entertainment/art/20160925/19780898
拉大 提琴 走音 音遭 恥笑 紋身 美選 選女 女石 石希 希露 爆粗 粗轟 ViuTV
PermaLink: https://articles.zkiz.com/?id=309974

【勾心鬥角】《美選》佳麗遭批踭退選

1 : GS(14)@2016-09-25 10:28:18

歷年選美中,除了鬥美貌與智慧,是非、揭黑材料總是指定動作,佳麗們為了搶焦點博上新聞,如戰場般激烈,絕非友誼第一,比賽第二。


出陰招

《美選》佳麗歐家裕與杜汶澤愛將兼填詞人陳詠謙前妻陳意嵐屢傳不和,有指歐家裕因被對方「批踭」,出陰招玩針對,最後她以健康為由退選。


狂爆粗

應屆港姐冠軍馮盈盈一當選即被指前年雨傘運動時,不時在fb以極流利的粗言穢語留言,爆粗鬧特首梁振英、政府高官到建制派議員,被封「爆粗港姐」。


豪放女

以蒙古貴族後人血裔參選的代蓮曦丹美,入圍後即被起底指身為老師的她性格豪放,常在Ig貼火辣水着相,更指她疑似變臉,由豬膽鼻變成間尺鼻。



大話精

89年港姐冠軍陳法蓉近日被同屆季軍梁佩瑚翻舊賬,指她違例拍攝周刊封面,還當眾落淚扮委屈是大話精。亞軍的朱潔儀被安排演台慶劇,有指陳法蓉曾致電朱潔儀指對方執她二攤。




來源: http://hk.apple.nextmedia.com/entertainment/art/20160925/19780904
勾心 心鬥 鬥角 美選 佳麗 遭批 批踭 踭退 退選
PermaLink: https://articles.zkiz.com/?id=309978

佳麗寸「有容乃大」揭《美選》黑幕巨胸翠如內定冠軍 火火食35F豆腐

1 : GS(14)@2016-09-27 08:02:16

■18號「巨胸翠如」Larine突被爆是《美選D.n.A》內定冠軍。



選美真的有黑幕?ViuTV真人騷《美選D.n.A》前晚首播,18號「巨胸翠如」鄧月平(Larine)憑35F箒喱胸搶風頭。據聞一班美選女不滿ViuTV偏袒Larine,傳她是內定總冠軍;前晚眾人在中環看首播時,Larine被其他佳麗質問傳聞,12號李靜蓮(Alina)更說:「我信嘅,呢個世界本來就唔係一定公平!」Larine亦因不覺被火火食豆腐而被寸「有容乃大」!



早前89年港姐季軍梁佩瑚大爆選美黑幕,逼到當年冠軍陳法蓉要與姊妹聯手還擊:「吃不到的葡萄是酸的。」想不到28年後,ViuTV首個舉辦的《美選D.n.A》亦盛傳早已內定鄧月平是總冠軍。有指眾佳麗認為ViuTV偏心Larine,參選期間仍可以與周秀娜合作拍電影做女主角,令其他佳麗羨慕又妒忌。早前有幾位佳麗更向ViuTV投訴Larine在節目中着運動top打泰拳時露出pad墊,擺明想博出位!



■上圍35F的Larine前晚在節目拉筋甚有睇頭。

【18號鄧月平 飛身踢】才藝表演:着bra top打泰拳,起飛腳、側手翻,35F巨咪卻十級震撼。小方評語:睇完自己條筋都有啲緊。


自稱:心已死

一班佳麗與三位主持兼評審方力申、郭偉亮(Eric)及火火等前晚在中環一間酒樓齊齊睇首播,氣氛熱熾!Larine與6號趙詠瑤、7號崔菲嫣、13號梁婉微和14號呂善婷一齊受訪,提起有傳Larine是內定冠軍,其他佳麗陰陰嘴笑,反問Larine:「你自己點睇?」令Larine一臉尷尬說:「其實我係目前最低分,我喺死亡邊緣好多次,我心已死。」趙詠瑤和崔菲嫣似有弦外之音說:「會反敗為勝嘅,黑馬可以變白嘅。」反而Larine看好Alina,對於火火在節目中叫她將咪放歪,擺明要偷看她的事業線,問可覺得被人「食豆腐」?Larine說:「嗰一下唔覺,聽番啲人講就話好似係。」她笑言不會嬲:「方丈份人好大方。」崔菲嫣繼續寸爆:「所以佢心胸廣闊,有容乃大。」



■(左起)13號梁婉微、6號趙詠瑤、14號呂善婷和7號崔菲嫣,質問Larine是否內定冠軍。

■(左起)評審Eric、火火及小方自認評語尖酸刻薄。

■Alina直入12強,不過她直言相信Larine是內定冠軍。

Alina:唔公平

Alina坦言相信有內定這回事:「我信嘅,呢個世界本來就唔係一定公平,但我會繼續玩,做好自己。」11號羅伊婷和15號馬倩宜被其他佳麗看好,羅伊婷說:「咁我都信有(內定),但唔係話呢個比賽,我參加呢個比賽都唔係為冠軍,只係想喺ViuTV繼續發展,咁我同佢賣嘅嘢都唔一樣。」馬倩宜笑言當玩遊戲:「我最近聽咗首歌,話贏輸係天知嘅,係天曉得,我覺得佢(鄧月平)非池中物,係一個好好對手,就當一個好好遊戲,狠狠地去玩。」16號石希露(Olga)早前於facebook講粗口鬧爆ViuTV,前晚她臨時甩底,節目中不留情面狂踩石希露演奏大提琴表現差的Eric,直言不會收斂尖酸惡評,他說:「我哋唔係只係激嬲Olga一個,個個都激嬲,我哋啲評語實在太苛刻,啲ladies冇機會畀我哋收斂,佢哋太唔爭氣。」採訪:嵐山攝影:陳俊強


【講賽制】天使與魔鬼之爭

《美選D.n.A》的賽制非常殘酷,成功晉級的佳麗會分成天使組(Angel)及魔鬼組(Devil),早前已分別出發往日本及泰國進行一連串特訓及打造新形象,天使組獲日本攝影師米原康正教路擺甫士,而泰國人妖亦會教魔鬼組女人應有儀態,其間會再淘汰4位佳麗。總決賽將於12月18日以直播形式舉行,屆時8強會競逐Angel、Devil及The Queen成為總冠軍。




來源: http://hk.apple.nextmedia.com/entertainment/art/20160927/19782621
佳麗 有容 乃大 美選 黑幕 巨胸 胸翠 翠如 內定 冠軍 火火 35F 豆腐
PermaLink: https://articles.zkiz.com/?id=310265

【馮仁昭四圍超】彭美詩慶幸退出《美選》

1 : GS(14)@2016-09-29 08:05:59

擁33C上圍嘅混血模特兒彭美詩(Mercedes)噚日喺西九龍中心行時裝騷,早前退選ViuTV《美選》,改為參加「世界旅遊小姐」,仲喺日本勝出地區賽,下月會到泰國參加世界賽,佢承認參加《美選》前已接咗job,為免得失客戶先退選。彭美詩退選之後都有六位數收入,問到是否覺得即使勝出《美選》都得不償失,佢話:「都係㗎。」《美選》比賽多是非,是否慶幸及早退選?佢坦言唔想被是非影響情緒。撰文:馮仁昭




來源: http://hk.apple.nextmedia.com/entertainment/art/20160929/19784778
馮仁 仁昭 四圍 彭美 慶幸 退出 美選
PermaLink: https://articles.zkiz.com/?id=310605

美選女沙灘鬥波Faye受罰滴牙膏

1 : GS(14)@2016-10-02 13:35:30

■ViuTV美選佳麗Faye被罰當眾刷牙,表現得頗為狼狽。



【蘋果360比堅尼放題】D Cup VS長腿「美選女」沙灘互扑:https://youtu.be/WS2kvxF-i7I想睇一眾《美選D.n.A》嘅Devil同Angel佳麗們着住三點式喺沙灘大解放,只要撳入上面嘅YouTube連結,就可以同佢哋玩波波,上下左右隨便揈,你睇吓,啲波波撲埋嚟喇!(方法:利用YouTube網頁或手機程式開啟,即可移動手機方向轉換角度,電腦用戶可選用滑鼠或方向鍵在YouTube網頁播放器內令畫面向上下左右移動,360度欣賞片段,猶如親歷其境。)



【ViuTV風雲】由ViuTV舉辦的真人騷《美選D.n.A》最近是非多多,7號崔菲嫣(Faye)、8號許珮榆(Diva)、11號羅伊婷、13號梁婉微和19號湯沛宜暫且拋開煩腦,日前換上性感比堅尼晒身材,相約到石澳耍樂。五位惹火女郎在360度鏡頭拍攝下,來一場沙灘排球較量,之後再玩數字球,big波蕩漾身材表露無遺。最後Faye、羅伊婷和梁婉微輸掉,要接受大懲罰,身為跳舞導師的羅伊婷表演側手翻,當然毫無難度,反而被罰當眾刷牙的Faye表現頗狼狽,滴到成身牙膏。



■五位美選佳麗日前相約去石澳,當然要食雪條消暑。

■輸了要受罰,湯沛宜(左)於是全情投入打波。

■羅伊婷有跳舞底子,在沙灘上打側手翻毫無難度。

■Diva試過赤條條在沙灘上換衫,只叫人用布遮擋。

比堅尼甩開

靚女在沙灘經常會遇上千奇百怪事,她們亦有分享穿着比堅尼遇到最魔鬼及天使的事。Faye搶說:「我講先,我成個bikini top甩咗出嚟……exactly就係着緊呢件。」其他女仔即嘩聲四起,但原來湯沛宜和梁婉微亦有類似經歷,幸最後力保不失。擁有35D咪咪的Diva都試過當眾換衫,她笑說:「最魔鬼嘅事係喺沙灘搵兩個人攞塊布遮住我換衫,如果喺屋上面係睇到嘅。」


吸引救生員

至於湯沛宜的天使經歷則令其他人好羨慕,她說:「我試過同班女仔玩沙灘排球時,有班休班救生員過嚟問可唔可以一齊玩,之後仲約埋一齊燒嘢食。」被問是否與方力申一樣大隻靚仔?她賣口乖說:「方力申梗係最靚仔。」採訪:嵐山攝影:陳俊強




來源: http://hk.apple.nextmedia.com/entertainment/art/20161002/19788153
美選 選女 沙灘 鬥波 Faye 受罰 牙膏
PermaLink: https://articles.zkiz.com/?id=310978

殺入ViuTV《美選D.n.A.》12強Larine童年陰影 胸狠受欺凌

1 : GS(14)@2016-11-23 07:53:21

■Larine因身材出眾,讀書時被同學欺凌,要見心理醫生改善情緒問題。攝影:陳順禎



在ViuTV選美節目《美選D.n.A.》一直被視為大熱冠軍的「巨胸翠如」鄧月平(Larine)和張沛樂(沙律),由初賽鬥到決賽,二人順利殺入12強,將於下月18日爭奪后冠。



■Larine殺入《美選D.n.A.》,下月18日爭奪冠軍。資料圖片

盼社會正視

憑35F「胸」器所向披靡的Larine,亦因為澎湃身材,童年受到同學欺凌甚至非禮。日前Larine接受專訪時,憶述童年經歷,她說:「其實小學已經發育,到中一開始有啲聲音,話我返學做乜要加墊喺個胸度,小息又會有一大堆男仔企喺門口指住我,放學嗰陣又俾人攔截,試過有男同學問可唔可以俾佢摸一下。」
Larine續說:「之後變本加厲,小息或者放lunch,我個書包啲書都會俾人整濕晒,上堂又會剝咗我隻鞋,仲試過喺操場釣隻青蛙落嚟,我想講,喺呢個年代,學校欺凌真係好嚴重,講出嚟係想社會關注吓呢個問題!」



■有份參演《小男人週記3之吾家有喜》的Larine,戲中飾演鄭丹瑞女兒。資料圖片

見心理醫生

在學校惶恐度日的Larine,有日午膳終於喊住跑返屋企,跟媽媽說:「我一係唔返學,一係返學校吊頸死!」其媽見事態嚴重,立即找社工安排她見心理醫生,但最後醫好Larine情緒病,竟是麥浚龍(Juno)的電影《殭屍》,她解釋:「呢套戲最尾叫人放下,睇完好似成個人開竅,所以Juno係我偶像嚟!」採訪:王梓嫚




來源: http://hk.apple.nextmedia.com/entertainment/art/20161123/19842261
殺入 ViuTV 美選 D.n.A. 12 Larine 童年 陰影 胸狠 狠受 受欺 欺淩
PermaLink: https://articles.zkiz.com/?id=316666

阿倫評《美選》撼台慶頒獎

1 : GS(14)@2016-12-01 08:06:48

ViuTV選美真人騷《美選D.n.A》決賽將於本月18日舉行,與無綫台慶頒獎禮打對台。昨日八強佳麗在尖沙嘴會見主席評判譚詠麟、評判郭偉亮(Eric)。八強佳麗包括陳意嵐、「沙律」張沛樂、「大胸翠如」鄧月平及馬倩宜等。阿倫談到選美準則:「好睇現場,樣、身材、應對、才華同當時嘅感覺,有幽默感會加分。我一集都未睇過,如決賽有泳裝,最緊要身材平均。」
Eric則笑說:「咁有幾個foul得,細個覺得C已好勁,而家係E同F。」鄧月平指最大對手是陳意嵐:「佢由內到外都性感,我就想減到40Kg,要絕食先得。」沙律自言壓力大,幸得男友林耀聲抱抱安慰。採訪:盧妹攝影:沈健程




來源: http://hk.apple.nextmedia.com/entertainment/art/20161201/19850798
阿倫 美選 撼臺 臺慶 頒獎
PermaLink: https://articles.zkiz.com/?id=317844

做ViuTV美選決賽嘉賓薛凱琪甜講馬主 鋪後路

1 : GS(14)@2016-12-18 11:04:29

薛凱琪(Fiona)、方力申及郭偉亮等昨日在將軍澳邵氏片廠為ViuTV今晚舉行的《美選D.n.A決賽》舉行拜神儀式,Fiona會為節目做表演嘉賓。對日前被爆出與隱形富二代兼馬主鄧浩基(Byron)暗撻3年,她笑笑口否認秘戀:「唔係拍拖,嗰位係我好朋友,朋友俾人查晒家宅,講我冇所謂,影響到朋友最煩。」



■ViuTV《美選D.n.A決賽》今晚舉行,當中「巨胸翠如」鄧月平(左三)被捧為大熱。

「要睇長遠啲」

Fiona被影到與Byron前後腳入場睇戲,不過她否認與對方發展中,更留定後路表示:「日後影到我同呢位男士出街唔使奇,我大部份玩樂朋友都唔係圈中人,佢係我中學時期一班朋友,之前俾人話佢請我同媽咪去芬蘭旅行,全部錢係自己畀。」問到對方條件好,有否機會發展?Fiona笑說:「冇人會知道,交畀主啦,人生大事要慢慢睇,唔係18歲,由細到大好多影響,揀男朋友偏向恐懼症,要睇長遠啲。」而八位參選佳麗昨日收起性感只露腰,大熱F級「巨胸翠如」鄧月平表示冇信心入三甲,但睇好陳意嵐。採訪:卓寶花攝影:沈健程




來源: http://hk.apple.nextmedia.com/entertainment/art/20161218/19868930
ViuTV 美選 決賽 嘉賓 薛凱 琪甜 甜講 講馬 馬主 後路
PermaLink: https://articles.zkiz.com/?id=319498

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019