ZKIZ Archives


中環在線:股神揀股密碼最緊要大 李華華

2008-08-29 AppleDaily

股 神畢菲特5億美金買中國股票被拒,喺中環金融圈繼續係熱門話題,大家仲估緊究竟股神寵幸邊隻中國股票。本報專欄作家譚紹興噚日喺專欄話,雖然股神以 mind blankout大耍太極,唔答想入股邊隻股票同邊個行業,但就暗示:「It's bigger than……」由前文後理推測,股神睇中嘅股票市值同規模應該大過中石油(857)。

以噚日中石油H股收報9.96蚊計,市值為2101億 港銀,家吓比中石油市值高嘅國內企業,包括熱門目標,3隻大陸銀行股,中行(3988)、工行(1398)同建行(939),佢哋市值分別為2524億、 4435億同1.413萬億銀。電訊龍頭股中移動(941)市值亦高達1.813萬億,而多番傳聞股神入股嘅國壽(2628)亦有份入圍,市值為2191 億。

投資要有4個冧巴

至於唔知點解俾人話係股神目標嘅中信銀行(998)市值得嗰565.5億銀,可以話掹車邊嘅機會都冇。雖然中海油(883)嘅市值都達5342億銀,但華華相信,股神應該唔會番兜石油股啩。

仲未有頭緒?唔緊要,噚日內地《信息時報》報道,有人將股神嘅投資方法簡單歸納為一條算式:5+12+8+2,即指5項投資邏輯、12項投資要點、8項選股標準、2項投資方式,希望推測股神最愛。至於呢6「位」熱門佳麗,邊隻擁有埋呢4個數字,咁就要自己做吓功課喇!

Bigger than中石油

‧ 中移動(941)市值(億元):18130‧建行(939)市值(億元):14130‧中海油(883)市值(億元):5342‧工行(1398)*市值 (億元):4435‧中行(3988)*市值(億元):2524‧國壽(2628)市值(億元):2191‧中石油(857)*市值(億元):2101* 市值只計H股

畢菲特投資方法

-5項投資邏輯-

1.將自己當成企業經營者;

2.好的企業比好的股價更重要;

3.追求消費壟斷企業;

4.公司股價反映公司實質價值;

5.好的股票任何時間都不應放售

-8項選股標準-

1.消費壟斷企業;

2.產品簡單易明,前景看好;

3.有穩定經營數據;

4.理性及忠誠管理層,以股東利益為先;

5.財務穩健;

6.經營效率高,收益好;

7.資本支出少,現金流量充裕;

8.股價合理

-2項投資方式-

1.長揸,每年分析公司數據一次:

A.起初的權益報酬率;B.營運毛利;C.負債水平;

D.資本支出;E.現金流量。

2.當市場對公司估值過高,可考慮短期套利

電郵:LiWaWa@AppleDaily.com
中環 在線 股神 神揀 揀股 密碼 緊要 華華
PermaLink: https://articles.zkiz.com/?id=1934

搞私有化最緊要大家happy中環在線:王忠桐「我唔會種票」 李華華

2009-05-21  AppleDaily





 

本港上市公司趁股價低迷私有化,手段層出不窮,好似電訊盈科(008)咁「拆股」就幾乎得米,可惜過唔到上訴庭三位「包青天」法官嗰關。至於最近熱爆嘅南太電子(2633)大股東顧明均嘅「自願清盤」,據當事人話係集體創作嘅「絕世好橋」,連證監會也為之無奈,惟有照批。

海嘯未完暫按兵不動

有 兩次私有化(失敗)經驗嘅王氏港建(532),主席王忠桐噚日喺股東會後義正詞嚴咁講,o依家雖然冇考慮再搞私有化,但再去馬都唔複製「種票」同「清盤」 兩招。佢話,私有化最緊要光明正大,出個happy價,接唔接受就由小股東自行決定。不過,金融海嘯始終未完,公司生意唔理想,資產估值難以反映真實狀 況,若要出價,多數會低過之前嘅1.65元(昨日收0.69元),既然冇把握過關,寧可按兵不動。佢仲話,如果其他公司有乜爭議,證監會要查清楚,千祈唔 好欺細怕大,有雙重標準。王主席咁仗義執言,難怪8號仔嘅小股東引以為例,喺法庭上痛斥百年老店,之不過,王總都有偷過師,06年第一次「直接」私有化失 敗,07年就抄電盈「曲線」買起Sunday條橋,不幸又係撒手而還。

叫證監咪大細超

王總話呢兩個月定單已經由谷底回升,但都要睇定啲,今年暫定唔派中期息。李華華LiWaWa@AppleDaily.com
 



私有化 私有 緊要 大家 happy 中環 在線 王忠 忠桐 我唔 唔會 會種 種票 華華
PermaLink: https://articles.zkiz.com/?id=8407

中環在線:上海姑爺叫八十後創業留港難發揮最緊要北上 李華華

2010-1-22  AD





 

近期本港熱門話題「八十後」,被人叫「上海姑爺」嘅瑞安集團主席羅康瑞亦趁熱鬧,對「八十後」發表一番見解。佢鼓勵呢班後生仔要北望神州,因為香港實在只係「豆膶」咁細嘅地方,毫無發揮可言,仲話後生仔應該大膽創業。

羅康瑞噚日出席浸會大學僱主午餐會,向在場學生分享經驗。佢話即使創業失敗,亦可以學到寶貴嘅經驗,明白做僱主嘅苦處,將來就會成為一個好僱員。佢又提醒「八十後」應該學識了解自己,做事要親力親為,工作初期唔好講咁多興趣,最緊要將上司交託畀你嘅事做好。

嘆八十後捱唔到苦

對 於早前一班「八十後」表現激進,佢覺得「八十後」較個人化同自我,唔接受妥協,有勇氣熱情但冇策略。佢好為呢班「八十後」擔心,以佢公司瑞安推出嘅優才計 劃為例,同時有香港學生同內地學生應徵,最後冇一個香港學生捱得住,佢話:「香港學生淨係掛住今晚去邊度wet,內地生就抓緊機會學英文。」

其實唔單止八十後,佢對香港經濟政治前景都好擔心,佢覺得「o依家芝麻綠豆事都內耗」,廿幾年前就話超前內地好多啫,o依家兩地已經越嚟越貼近,好易被內地爬頭;佢就鍾意住上海多過香港,起碼冇狗仔隊。

李華華

LiWaWa@AppleDaily.com
 



中環 在線 上海 姑爺 叫八 八十 十後 創業 留港 港難 發揮 緊要 北上 華華
PermaLink: https://articles.zkiz.com/?id=13958

葡京黃金廳主談成功之道最緊要鍾意賭  李華華

2010-11-01 AD

賭王何鴻燊嘅得力助手李樹福(李伯),即係金利豐證券老闆娘朱太朱李月華阿爸,能夠做到澳博(880)葡京最大賭廳黃金廳嘅廳主,已經唔簡單,更重要係李伯係賭王知心友,一齊喺濠江打天下。

華華上周六有機會見到李伯,自然唔放過機會,向佢老人家請教成功之道,李伯話最重要係「自己都鍾意賭錢!」

李伯年輕時已隨家人由番禺移民至香港鴨脷洲,佢話回想當年喺鴨脷洲起家,係做漁民貸款生意,「啲漁民一出海就3、4個月,出發前要畀人工、買生財工具,我就借錢畀佢哋,等漁民回航時有豐富漁穫先還錢。」

朱太親父間中同賭王食飯

就因為漁民貸款生意,令李伯認識到水上賭船嘅人,為佢日後成為濠江廳主踏腳石。對於呢段歷史,李伯好少提。

懂得賭也可以賭出個未來,李伯個黃金廳喺多年前,已經係澳博主要收入,亦係澳門博彩主要收入。曾經有報道話,澳博與廳主係七、三分賬,但李伯就係五五對分。

講開澳博,一定想起賭王,李伯話何生仲喺休息時期,精神都唔錯,佢間中都有同賭王食飯。

當講起呢幾年澳門賭業嘅「華洋大戰」局面時,李伯話,做黃金廳已超過20年,起初澳娛係獨市生意,自從01年起澳門開放賭業,對佢哋係有啲影響,但唔算好大。

李伯話,賭博產品家家都一樣, 佢重申本身都好鍾意賭錢,所以知道晒賭客嘅要求,包括喺硬件、軟件以至交通安排,都為賭客提供貼身服務,咁先可以留住賭客歡心。力不到不為財果然是營商基本法。

李華華

LiWaWa@AppleDaily.com

 

葡京 黃金 廳主 主談 成功 之道 道最 緊要 鍾意 華華
PermaLink: https://articles.zkiz.com/?id=19043

最緊要勤力 左丁山

2012-01-02  AD

泰國A有于歸之喜,回港邀請香港親戚及同班同學、校友吃 自助餐,講起嚟,原來已經係「巡迴演出」第三餐,十二月中先在紐約州請客,由新郎(康奈爾大學博士,美國人)做主人家,跟住喺十二月二十六日在曼谷由女家 作東,第三餐返到香港,泰國A在港家人出席。泰國A夫婦咪話唔辛苦,不過嫁女咁大件事,辛苦一次又算得乜嘢一回事吖。
泰國A本身又是一個獅子山下 的奮鬥成功故事,佢在香港土生土長,出身公屋基層家庭,自幼家境好一般,生活清苦,人又唔係特別醒目聰明過人,最大優點就係勤奮、交帶、有責任心,係典型 手空空無一物嘅產品。考到入中文大學經濟系,畢業後聽聞洛克菲勒基金有獎學金俾香港學生申請到曼谷法政大學讀碩士,好少香港學生有興趣申請去泰國,佢抱着 試吓唔會執輸嘅心理去申請,點知一擊即中,從此改變一生路向!在曼谷寫碩士論文期間,到朱拉隆功大學圖書館搵資料,認識咗一位朱大女生,初而交談,繼而約 會,跟住談戀愛,後來結埋婚,回港後得師兄指點,入咗香港雷曼,因工作認真投入,上頭交落之東區海底隧道財務可行性工作,佢做到廢寢忘餐,直情在寫字樓投 宿成個月,晚晚通頂。計劃完成後,上頭欣賞佢勤力過人,送佢去紐約參加「新秀訓練班」,第一次全體新人集會,人人報上名來:佐治、耶魯畢業,芝加哥 MBA……彼得……哈佛,史丹福 MBA……諸如此類。輪到泰國A之時,佢大大聲咁講,香港中大,曼谷法政,講完全場愕然,其他人從來冇聽過呢兩間大學,點解雷曼會請到呢條友呢?……
泰 國A就係咁靠勤力搏殺及責任心上位,幾年後因做泰國快速公路項目,受泰國建造/地產公司垂青,因利乘便,與泰國妻子及兩位千金,長居彼邦,兩千金讀曼谷美 國國際學校,成績標青,大女曾拿得英詩創作冠軍,代表學校參加全美中學生英詩比賽,攞到優異獎,入讀 Brown,再跟指導教授到普渡大學讀生態學博士,今次出嫁後,全力寫埋博士論文結論部份,預期八月畢業;次女在 Wake Forest讀醫科已有六年半,一年半後拿得 MD(醫學博士學位),再做 Residence六年就可以成為兒科專家,可以返泰國做醫生,但冇資格返回家鄉香港行醫!


緊要 勤力 左丁 丁山
PermaLink: https://articles.zkiz.com/?id=30446

facebook賣廣告 最緊要多人Like

2012-1-12  NM

近年不少人利用facebook創業,自以為識寫程式,便打開了賺錢之門。二十七歲的李永亮(Garlos)同樣看中facebook這個平台,一 年半前在facebook開設專頁JAG,以儲積分換禮券為餌,吸引facebook用戶收看廣告,亦以此吸引商戶在JAG落廣告。
開業時,Garlos曾推出讓商戶免費在JAG賣廣告的優惠,但卻被人嫌棄專頁只有寥寥數千個粉絲。故這一年多來,他為吸引粉絲,可說無所不用其 極,如說服bloggers及網上生意的老闆義務推介,又以捐錢予麥當勞叔叔之家為名吸引粉絲加入,最終吸引九萬五千人在其專頁內「Like」。現時,廣 告客戶源源不絕,大客包括Samsung、McDonald's、Dell及HP等,月賺十二萬元。


熱愛市場學的 Garlos,初見記者就不停講解什麼是市場學,他隨手拿起電腦前的無線滑鼠,侃侃而談:「市場學就係要說服到你去改變習慣,如果你用開有線滑鼠,佢個賣 點就係無線;如果你不嬲都用開無線滑鼠,我會話呢個滑鼠用好耐都唔使叉電。」二十七歲的Garlos於英屬哥倫比亞大學市場學畢業,五年前回流返港。一直 對自己的推銷技巧十分自信的他,畢業後在Neutrogena工作四年,人工仍然很低,故一年半前毅然離職,在facebook開設廣告平台。
「當時facebook喺香港有三百萬會員,但廣告位卻只得右邊一小格」。Garlos認為這個平台有潛質,因此與兩個朋友共投資十五萬元,聘請 程式開發人員編寫facebook應用程式,名為JAG,即「Judge廣告And Get着數」。 Facebook用戶登記成為JAG會員後,便可收看廣告。而為了確保會員有看廣告,看罷廣告後,會員還需答問題及把廣告轉貼在自己facebook的牆 上。每次完成後,會員便可有二十五分,儲夠最少二百分,便可換領由Garlos自費購入的禮券,另一方面,Garlos向參與的商戶收取約兩至三萬元廣告 費,每個套餐包二千至三千個瀏覽量。
有十多年經驗的市場部從業員直言JAG「有得做」,「兩、三萬嘅預算好易批,呢類平台最適合新產品get noise,仲保證到有幾多人睇過,有晒數據,我sell俾老細都易啲。」

無人Like銷客滑鐵盧
開 發了程式,Garlos打算開業首三個月,讓大商戶免費落廣告,以為這條橋「實食無黐牙」,「點知免費都無人試,因為我哋太細,佢哋怕俾我哋搞壞個名,有 公司代表同我講﹕『你個base咁細,都無影響力,唔好嘥時間啦』。」事實上,開業之初JAG的facebook專頁只有數千個粉絲,Garlors每日 花近八小時,打足三個月電話,亦只有十多間公司願意參與,包括Lipton、金寶湯和曼秀雷敦等。他自行總結死因:「我知起碼要過咗一萬個粉絲 『Like』我哋個專頁,先會容易sell到客,但原來要儲一萬人比自己想像中難得多。」 為了令更多人「Like」JAG的專頁,Garlos一方面花五千元找公關公司聯絡傳媒,但最終只有一間收費電視台願意報導。另一方面,又花錢在 facebook落廣告,同樣無效果,他說:「廣告費幾貴呀!三蚊一個click,我兩星期用咗成萬蚊,都係多得一千人加入。」Garlos當時未有錢租 辦公室及請人,他一個人早上八時起床便在家中工作,直至晚上八時,看着粉絲人數,每天只有幾十人增長。一向自信爆棚的他,心情已跌進了谷底。

找bloggers義助宣傳
Garlos 解釋:「我哋開業預算只有三十萬,但程式已用咗十五萬,又要買禮券,仲要日日燒錢賣廣告。」他開始「發窮惡」四出尋找免費宣傳方法,先找人氣 bloggers義助。Garlos發電郵給Yahoo!排名前三十位的人氣bloggers,結果有十多名bloggers幫手,如天使媽媽及 Mrs.T等,「佢哋日日寫blog,都需要新鮮題材。每次有blogger喺自己個blog度提吓我個專頁名,嗰日就會多幾百人加入我嘅專頁。」 Garlos笑說。主力寫科技及旅遊的blogger石先生說:「其實寫兩句好容易,之前有人搵我幫佢宣傳一個燒衣紙app,attach埋一段宣傳短 片,我都會叫人睇吓佢條片。」Garlos甚至膽粗粗找人氣漫畫家馬仔幫忙,「咁啱馬仔有簽名會,我買咗好多佢嘅產品要佢簽名,同時帶埋建議書去同佢講 解,希望佢喺blog度講JAG。」雖然最後被馬仔拒絕,「不過馬仔親筆簽名的產品,可以當禮物送給會員,又成功拉了幾百個粉絲加入。」 食髓知味,Garlos找來「激安zone」、「HKGoodJobs」和「I Want to Travel」等數個擁有逾十萬本地粉絲的專頁幫忙,把JAG的介紹貼在他們的facebook牆上推介JAG。「激安zone」的創辦人KK表示大家都 是在網上創業的年輕人,因此樂意幫助,「我哋唔係打對台,我以前都受過好多人幫助,而家幫到人都想幫。Garlos好有恒心,send咗三個email俾 我,我先覆,佢同我講我哋嘅用戶群相似,未來可以互惠互利。」經過一連串免費宣傳,JAG的粉絲人數增加至一萬多人。JAG其後更採用推薦制,會員推薦另 一名用戶加入就能加分,「現在差不多有二萬會員都由朋友介紹。」當粉絲人數接近五萬,參與的商戶便愈來愈多。Garlos坦言,曾在免費期拒絕過他的 Samsung,也成了他們的客戶,「原來講咩都係假,只要有數據,Sell客半個鐘就搞掂!」Garlos說。

居安思危
當 JAG的粉絲人數達七、八萬時,去年十二月,Garlos再出招用捐款來宣傳,他說:「個活動叫『一人一Like,送聖誕禮物給病患兒童』,當JAG粉絲 人數達十萬,我就會捐出一萬元玩具反斗城禮券俾麥當勞叔叔之家。」雖然最後人數只有九萬,但Garlos也照捐一萬元,成功為JAG額外帶來一萬二千名粉 絲。 幾經辛苦儲到粉絲,Garlos深明流失粉絲也很容易,事關會員只要按一下「Unlike」便行。因此Garlos會極力滿足會員要求,他規定自己在三小 時內回應會員留言。原先只有兩款禮券,聽罷會員意見,增加至四十多款,更需要為買禮券四圍撲:「客人好鍾意惠康券,但惠康券成日賣晒,本身諗住百佳券一 樣,點知有好多人投訴,唯有四出搜購,試過一日走勻七、八間惠康,但都找不到。好彩依家搵到惠康辦公室電話,直接向公司買。」 Garlos亦有居安思危,他指早前曾有詐騙網站,以贈送Outback及Pacific Coffee禮券為名套取個人資料,但事後被該兩間公司指是假禮券。為了增加其專頁的可信性,Garlos表示每一個留言,是讚是彈都不能刪除,「有人彈 先最真實!」他亦以加分鼓勵會員在收到禮券後,為禮券拍照並貼在JAG的牆上。

九萬粉絲難抄襲
Garlos推銷的對 象,除了是公司的市場推廣部外,還有媒體策劃公司,他指這些媒體策劃公司有數十間大客戶在手,如能說服他們比直接推銷給公司更有效。曾轉介了 Skittles和HP等客予JAG的媒體策劃公司CMRS,其代表Mark表示:「你個專頁起碼都要有幾萬人,我哋先考慮。」他指出現時超過十萬人的粉 絲專頁不多:「本地賣廣告的專頁大概有三種:着數網、會員制廣告網,同埋隱性廣告,例如講旅遊的專頁,但以我所知這三類專頁,超過十萬粉絲嘅少過二十 個。」 事實上,JAG開業後,其中一個程式員曾試過自立門戶,開設了一個facebook廣告網,但最終因為甚少粉絲,又沒有客戶幫襯,幾個月便結束了,「佢係 一個好典型嘅programmer,完全唔識市場學。」

JAG賺錢方程式

點賺?
參與的商戶(左)須向JAG付約$30,000廣告費,JAG會確保約3,000名會員看專頁內的廣告。

開業資料09/10
編寫程式:$150,000 宣傳:$20,000 雜費:$8,000 總投資:$178,000

營業資料12/11
營業額:$300,000 租金:$5,000 人工:$40,000* 雜費:$10,000 禮券:$120,000 盈利:$125,000 *連Garlos在內共兩名全職,兩名兼職 ####

facebook 廣告 緊要 多人 Like
PermaLink: https://articles.zkiz.com/?id=30609

趙式明:不結婚不生仔最緊要開心

2012-10-25  NM




趙式芝的同性婚姻不為老父趙世曾 接受,阿爸甚至出五億利誘招婿,務求棒打鴛鴦。同是趙氏姊妹,系出名門,華光船務主席趙世光和何琍琍大女趙式明,即使拖友是男人同樣不被睇好,事關對方是 邱德根孫兒邱華瑋(Andrew),年齡比現年已三十八歲,被視為剩女的趙式明細了十六年,肥仔配熟女的姊弟戀,在上流社會被當笑料,難得當事人一笑置 之:「最緊要開心!」

趙世光與何琍琍育有三女一子,孖女式和(中)率先在○九年三月結婚,年底到細孖式平(左三)在巴黎出嫁,大家姐式明(右一)一直作嫁衣裳充當伴娘,今年家中唯一男丁式慶(右二)再添第二胎。

講男友

由廿一歲至今,趙式明認定拍拖六年的廣告界男友王世德為結婚對象,可惜分手收場;○五年她與九巴後人Warren Louey蜜運一年,無疾而終。後來跟合和太子爺胡文新撻着半年後又告失敗,最爆算是目前已維持兩年的姊弟戀。雖然年紀相差太遠,但最重要兩個人夾,我好 開心呀,沒想結婚了,為何一定要有個名份?當然每個女仔都有憧憬,幻想三十一、二歲時著婚妙結婚,但我過晒那段時間,我三十八歲,不是雜誌寫的四十歲呀! 而這年紀影婚紗相效果不會好,我過晒了,以前出街不用化妝,依家?真是大不同,至少無以前咁靚。

講生仔

有傳男友母親一直反對他們拍拖,主因怕三十有八歲的趙式明無法為其獨子繼後香燈。你問我想不想生?我又不是趙家男丁,媽咪又不催無施壓力。心態真是變了,我見到朋友拍拖、結婚到生仔,他們的感情變了,不是話變壞,總之就是變質,我覺得目前最緊要開心。

講Ball場

Ball場名門靚女買少見少,青黃不接,曾是常客的趙式明因為老父趙世光與譚玉梅的婚外情被追訪嚇怕,加上自身感情易成為焦點,近年少見報為妙,偶然去 ball都是單人匹馬,見記者如見鬼。「以前去ball場,因為純粹想玩,但近年ball場面孔不同,有幾多個可以坐埋認識傾偈?即使跟記者朋友,都是問 完幾句,OK,輪到下一位名人,大多數是hi bye形式。我的朋友大部分都結咗婚,要留喺屋企湊仔啦,咁得我一個人去好悶嘅?」(說時靦覥,兩隻食指互相點點)

 
趙式 式明 結婚 不生 生仔 仔最 緊要 開心
PermaLink: https://articles.zkiz.com/?id=39099

我主場:苗僑偉最緊要好玩

1 : GS(14)@2013-06-29 17:45:35

http://hk.apple.nextmedia.com/entertainment/art/20130629/18316020

嫌棄再演警察

                過往三哥所拍的電視劇,收視方面都有好成績,加上今次找來萬綺雯、黃宗澤和周麗淇演出,難怪外界視為救亡劇,三哥說:「唔可以話救亡,呢啲全部係公司安排,我相信擺邊套劇喺呢段時間播,大家都會咁講,呢次只係咁啱得咁蹺。當然,《好心》嘅娛樂性豐富啲,又好少呢類題材,我自己都有信心,唔會有壓力。」
三哥笑說:「今次係一切從心開始。成套戲有啲黑色喜劇包裝,幾特別,同我以往拍嘅唔同,我相信喺醫學角度上,唔會有呢啲事發生,不過喺某程度上,我覺得會有啲不期然嘅嘢走出嚟,真係好懸疑。」
從80年代開始拍劇至今,見慣世面的三哥,又怎會受這些不能控制的因素影響,現階段若非題材特別,相信未必可以吸引他,他笑笑口說:「唔係咁講,話晒拍咗咁多年戲,做過好多唔同類型嘅角色,都要諗好多嘢。而家基本上每年幫TVB拍一套劇,佢哋都會諗有乜嘢啱我做,不過我都覺得幾難諗,好似《學警》呢類型又拍咗幾輯,警察又做過好多次,仲有啲乜嘢可以玩呢?」
三哥續說:「今次呢個特別啲,好過癮又好好玩,講我換咗心之後對我嘅影響,作出嘅改變,所以前半段觀眾會覺得幾好笑,後半部嘅感覺會heavy啲。如果你問我,我鍾意前半段多啲,唔單止角色見到個演繹方式有轉變,我又唔使再做差人,捉住啲人喺度走嚟走去。」

挑戰寫實角色

                                      作為一個演員,最開心當然是可以收到一個有新挑戰和新嘗試的劇本,但相信最令人羨慕的,莫過於他可以選擇喜歡的工作,吃喝玩樂又可以隨心所欲,難怪他笑說:「所以我覺得做嘢嗰陣會好開心,最緊要好玩!」
三哥透露下半年無綫會為他度身開拍一部新劇,提到今次的題材,他說:「詳情未知,初步知係一套貼近現實嘅劇,講香港嘅金融市場,類似華爾街嗰啲,貼近打工仔嗰層,但係我未知做乜嘢。」
主場 苗僑 僑偉 偉最 緊要 好玩
PermaLink: https://articles.zkiz.com/?id=283199

殼股值博 最緊要平 周顯

1 : GS(14)@2014-03-03 10:40:15

http://www.mpfinance.com/htm/fin ... mnist/en30_en30.htm

【明報專訊】朋友來電報料說﹕「快買開易控股(2011),有料到!」


我要他解釋,他說了一大串,最後加了一句﹕「市值只有兩億元,這個價,根本無得輸!」

我笑笑說﹕「其實你使乜講咁多,剩係講最後一句,咪得囉。」

話說在兩年前,寫《香港股票財技密碼》的小朋友梁杰文接受傳媒訪問,當被問及他的揀股心法,最重要的是哪一點,他重複的要點是﹕「必須要大股東的持股量夠多。」

至於我,大家看我的專欄,看了這麼久,就可以知道,我對於殼股的最大要求,就是市值一定要低,即是夠平,才有值博率。

一條消息可成催化劑

像開易控股這種股票,市值是2億元,現時殼價已經急升至4億至5億元之間,單單這個計算,已經是necessary and sufficient condition了,中文叫「充要條件」。以這個基本因素,如果再加上一條消息,作為催化劑,即是又抵買又有貼士,就可以博它一博,走它一轉,贏番點使用了。要知道,我在下個月又去日本,要花很多錢呢!

至於這條消息的報料人,正是當日意科控股(0943)的報料人。如果大家記得,便知道,當日我轉述他的這條貼士,距今只有幾個月,但股價已經升了幾倍(圖)……大家一定以為我賺了很多錢,但其實,我只賺了一倍左右,現在也有點後悔沽得太早,好心。正因這股票贏不了大錢,我也沒有請這位報料人吃飯,只是不停地繼續榨取他的股票貼士!

[周顯 投資二三事]
2 : Clark0713(1453)@2014-03-09 21:46:37

湯兄,我近來翻看周顯的明報舊專欄,他成日話細市值公司先會賣殻。
然而,我想向湯兄你請教一下
如果有間公司想賣殼,但仲有幾十億資產喺入面
個股東想要番啲資產
但無錢
有無咩財技方法可以做到?

先前香港上市公司有無一些如此的䅁例?
3 : GS(14)@2014-03-10 22:20:43

Clark07132樓提及
湯兄,我近來翻看周顯的明報舊專欄,他成日話細市值公司先會賣殻。
然而,我想向湯兄你請教一下
如果有間公司想賣殼,但仲有幾十億資產喺入面
個股東想要番啲資產
但無錢
有無咩財技方法可以做到?

先前香港上市公司有無一些如此的䅁例?


http://realforum.zkiz.com/thread.php?page=28&tid=5864
股值 緊要 周顯
PermaLink: https://articles.zkiz.com/?id=284362

炒股時賺時贏 最緊要講策略 周顯

1 : GS(14)@2014-11-07 17:24:32

http://www.mpfinance.com/htm/fin ... mnist/en30_en30.htm

【明報專訊】有兩隻新股,我都是在上市後不久,升了幾倍之後,才買進的,一隻是樂亞國際(8195),另一隻則是爵士芭蕾舞學院(8363),這兩隻股票,我均在別的地方推介過,結果是榮辱互見,一隻大升了一倍,另一隻則跌去了一半。這兩隻股票,我都是在4.3元左右買進,買的數目也差不多,兩者相減之後,仍有不俗的利潤。


成績拉勻計 注碼要平均

以上的故事告訴我們,有時候,買股票的成績要拉勻來計。我在課堂上,對學生說:「炒股票贏錢,最緊要講策略。如果你逢買必贏,不用講策略,因為只要舖舖推盡晒冷,就可以了。如果黑過墨斗,買隻輸隻,一買便跌,一沽就升,那麼也不用講策略,只需要買塊豆腐,撞死算了。但是,如果你是介乎這兩者之間,要想贏錢,就不得不去講策略了。」

樂亞國際「任開」 可繼續

至於買股票的成績要拉勻來計,平均注碼地去投資,自然也是策略之一。至於問到樂亞國際這股票點睇,我只能說,我手頭的股票還未沽出,因為,這種無成交、乾挾升十倍的股票,不是玩投資移民,就是玩傳銷,是「任開」的,上一倍又得,跌幾成又得,但我問過很多傳銷朋友,和開投資移民的朋友,大家都沒聽過這股票,證明這股票還未開始動手去sell,所以我認為,它直至現時為止,仍然是安全的,所以也就放心繼續持有了。
2 : 白狐(42588)@2014-11-07 21:50:43

好難玩,半新股都算OKsmiley
炒股 時賺 賺時 時贏 緊要 策略 周顯
PermaLink: https://articles.zkiz.com/?id=286356

金秀賢花名最緊要MAN

1 : GS(14)@2015-01-14 08:47:54





韓劇《來自星星的你》男星金秀賢前日出席其代言品牌於首爾舉行的粉絲見面會,早前被外界形容為「脹爆」的他當日明顯修身不少,更梳上標誌性的齊蔭頭,「都敏俊」魅力終於重現。活動上,金秀賢學人玩自爆:「我的名字是爺爺臨終時改的,但小學時期有一個女生跟我同名同姓,為了顯得man點,便幫自己改了個花名叫秀Man。」非常搞笑。金秀賢又提到以前會隔兩、三天才刮鬍子,但現在一天或半天就要刮,表示自己變了真正的男人。


■李敏鎬不擔心新片形象會嚇走粉絲。


另外,金秀賢的勁敵李敏鎬主演的新片《江南黑夜》將於下月5日在香港上映,新片中,李敏鎬將飾演靠執垃圾為生的孤兒仔,再蛻變成強硬地痞,問到會否擔心新造型嚇走粉絲時,李敏鎬:「為角色而扮醜,是證明自己作為真正演員的價值。」撰文:金美兒





來源: http://hk.apple.nextmedia.com/entertainment/art/20150114/19001576
金秀 花名 緊要 MAN
PermaLink: https://articles.zkiz.com/?id=287191

【飲食籽推介】燒烤?湯麵?定火鍋? 最緊要暖笠笠

1 : GS(14)@2016-01-23 19:30:07

隱蔽巷仔炭爐燒烤

【何嘉茵,經常四出尋食,最愛流連小店,喜好懷舊食物,重拾童年回憶。】天氣冷,更想那陣陣的炭燒香。尤其是和數位知己可以坐在小巷內,圍炭爐,吃那炭香的滋味,飲幾杯啤酒,是昔日的美好時光。在土瓜灣有一間40年的老字號——鴻福,只做炭爐火鍋及燒烤,但我最喜愛那燒烤香味,放上各類海鮮,生蠔貴妃蚌鮑魚蟶子,灑上少許鹽,不需任何調味,已特別美味,還有那爽口的白鱔、燒至半溶的鮮牛,令人為之一振,散出陣陣勾魂香。鴻福海鮮四季火鍋土瓜灣落山道86號地下巷內



鮑魚放在炭爐上烤熱,鮑魚遇熱,蠕動收縮,新鮮得很。(鴻福)

格局地,雖然食後衣服會發出炭香味,但無損幫襯意欲。(鴻福)

燒生蠔火候最難掌握,蠔殼遇熱會爆開,慎防彈到。(鴻福)



食勻亞洲暖身湯麵

【黃穎妮,外號果籽妮,甜魔轉世的偽日本妹,喝清酒之時最清醒。】天氣一凍,記者就會嚷着想吃湯麵,拉麵、pho、上海麵、刀削麵……無麵不歡。感受這幾天氣溫一直下降,無理由不找個好地方吃湯麵嘛!大賣亞洲各地特色湯麵的Foxtail& Broomcorn剛於灣仔開設新店,繼續供應日本、台灣、馬來西亞等風味的湯麵,記者這次已決定放棄平日最愛的東京風拉麵,改試限定供應的「Hanoi」越式牛河,據說其湯底採用了煮方式來提升牛肉味,好期待呀!提提大家,灣仔店今天開幕,由5:30pm至8:00pm店子會舉行「為食麵試」遊戲,大家在品嚐過用不同食材熬成的各款湯底後,只要用最短時間估中當中最多材料,最強十名就可獲得「為食麵證」,可以整整一個月每天免費換取兩碗麵食,拿別說我唔益大家,caption中可能有貼士啊!(笑)
Foxtail& Broomcorn地址:灣仔蘭杜街2號



溫泉蛋及醬牛肋肉配醬油雞湯拉麵,東京風,牛肋肉以中東調味醬Harissa醃製及低溫烹調48小時,配上以雞骨熬製的湯底,味道鮮濃。(Foxtail& Broomcorn)

五香豬肉配香菇台灣陽春麵,用上優質蘭州拉麵,配上自製的五香醬汁,加上低溫慢煮24小時的豬肉,散發傳統台灣滋味。(Foxtail& Broomcorn)

五香豬肉及鮮蝦配蝦湯油麵米粉,揉合馬來西亞及中國文化製成的蝦湯麵,五香豬肉則以自家製森巴醬醃製、低溫烹調30小時的而成。(Foxtail& Broomcorn)



灣仔新店設計型格創新,讓大家可舒適品嚐湯麵,更有手工啤酒供應啊!(Foxtail& Broomcorn)



忘不了真豬骨煲

【蘇健進,吃氛圍不吃環境,重味道更重人情,加點故事與文化便是最佳調味。】近來甚麼也要加個真字在前,彷彿今天香港甚麼都是假的,是的,至少筆者吃過不少。冬天打邊爐,不嗜辣的人多選豬骨煲,然而湯底真的由豬骨熬成嗎?答案不言而喻,早在乜乜牌濃湯乜出現前,行內人便懂用豬骨粉開成湯底。我們慣以將打邊爐當白烚,把每種食材蘸點大量辣椒豉油,兩百元一碟手切黃牛吃起來只得豉油味,多浪費。真正的豬骨煲應由大量筒骨和軟骨至少熬上四小時而成,湯色乳白,入口濃稠甘甜。牛肉在煮熟時沾上湯汁甜上加甜,根本無需調味;打開蓋子,湯料擠滿整鍋,落料前先喝一碗,臨近尾聲將湯加入筒骨裏混合骨髓,一吸一啜令人回味無窮。吃過這個真豬骨煲,真的回不了頭。和味小廚觀塘翠屏北村街市2樓101號



豬骨煲,打開整鍋已是奶白色的豬骨湯,筒骨、軟骨和紅白蘿份量極多,且非煲至散爛的貨色,兩個人叫一鍋吃已很飽。$98/小(和味小廚)

手切肥牛,從賣相已知新鮮,據說是用安格斯牛肉即叫即切,入口肉味濃有嚼頭,比不少手切黃牛更出色。$108(和味小廚))

臨近尾聲別忘記把湯倒進筒骨與骨髓混和,直接吸或插飲管吸,保證回味無窮。(和味小廚))



來源: http://hk.apple.nextmedia.com/su ... t/20160123/19463357
飲食 推介 燒烤 湯麵 火鍋 緊要 暖笠 笠笠
PermaLink: https://articles.zkiz.com/?id=294895

Kelly雲上飄最緊要靚鞏俐睇淡城城封帝

1 : GS(14)@2016-02-03 14:43:45

■鞏俐(右)及Kelly齊以黑色上衣配長裙鬥型格。


猴年賀歲電影《西遊記之孫悟空三打白骨精》前晚在銅鑼灣時代廣場舉行慈善首映禮,片中演員鞏俐、郭富城、羅仲謙、陳慧琳(Kelly)、小瀋陽、馮紹峰及導演鄭保瑞齊集,星光熠熠。



■城城片中化身孫悟空,特技化妝及打鬥場面令他都呻辛苦。

■鞏俐自認是城城歌迷。


■明顯消瘦的謙仔被笑遭女友楊怡吸乾。

保密慶祝情人節

飾演「白骨精」的鞏俐在台上主持完儀式後接受訪問,她大讚拍檔「孫悟空」郭富城給了自己很多鼓勵,又賣口乖經常聽城城的歌曲,是他的歌迷,不過因為太忙二人沒有機會好好吃飯,她說:「可能大家太忙,之前又要分開做宣傳,之後要去其他不同城市再宣傳,如果下次有機會再約食飯。」對於城城以另一套主演的電影《踏血尋梅》入圍今屆金像獎最佳男主角,鞏俐說:「其實都知道他有入圍獎項,不過作為演員的我們,入圍獎項都是被動,對這些都不會看重,覺得電影讓觀眾有口碑,比拿甚麼獎都重要。」鞏俐又透露農曆新年會回老家山東,對於情人節會如何度過?她就三緘其口,只表示不知道會不會與男友過。



謙仔跑江湖暴瘦

另外,羅仲謙在戲中演「沙僧」,他笑言每一日都要穿着肌肉戲服扮大隻,被問到為何突然暴瘦時,他表示因頻頻宣傳「跑江湖」導致,他說:「男人要注重自己嘅工作。」有記者取笑是被女友楊怡吸乾時,他笑笑口說:「唔係!」他身旁的Kelly再次扮演觀音,她笑言在戲中要在雲上飄來飄去,甚麼都不重要,最緊要是拍得自己靚就足夠。而Kelly會先過濾電影才決定是否帶兩個兒子來欣賞,她笑言今次已較上一集有進步,至少會與城城有對手戲,上次是全程對着空氣演出。採訪:張俊銘攝影:陳志嵐





來源: http://hk.apple.nextmedia.com/entertainment/art/20160203/19476475
Kelly 雲上 上飄 飄最 緊要 鞏俐 睇淡 淡城 城城 城封 封帝
PermaLink: https://articles.zkiz.com/?id=295174

陳庭欣處處維護新歡翟威廉︰最緊要佢開心

1 : GS(14)@2016-07-14 08:09:45

■陳庭欣與翟威廉自2010年開始傳拍拖,更指兩人過半同居生活。資料圖片


28歲港姐陳庭欣(Toby)之前就和有米大狀表弟唐偉倫(Warren)偷食斷正,以致和地下情男友翟威廉分手,但上星期他們又與林師傑、歐陽巧瑩、蔡思貝、麥秋成等三對情侶去食飯,當大家以為他們已靜悄悄復合之際,日前又被本報發現庭欣鬼鬼祟祟地移形換車,翻撻Warren,到康山一間超市甜蜜買餸返歸,玩煮飯仔。
Toby似乎已選定戀人,昨她以短訊回覆:「我實在唔方便多回應,只能說,我和威廉一向都有共識地視對方為非常要好嘅朋友,彼此都好關懷對方。感情方面一向低調處理,以前、現在及將來都係一樣。謝謝關心。」至於是否與唐偉倫拍拖?她說:「佢係圈外人,唔想影響佢。」



願做後備觀音兵

一直被指甘做Toby後備觀音兵的翟威廉昨說:「佢做乜嘢我都支持,最緊要係佢生活開心,當然冇介意。」他表示冇任何委屈,就算大夥兒出去玩亦不避忌,他說:「我哋認識咁耐,互相關懷同支持嘅心先係最重要,咁多年嚟,我有唔如意或唔順利,佢總係扶持我,所以我哋係乜嘢都唔會計較!」當年他與Toby被影到拖手,翟威廉說:「當年係我腳受傷,佢扶我啫!」





來源: http://hk.apple.nextmedia.com/entertainment/art/20160714/19693938
陳庭 庭欣 處處 維護 新歡 威廉 緊要 開心
PermaLink: https://articles.zkiz.com/?id=303681

【動畫‧帶阿公去旅行】帶老人出遊無難度 最緊要着鮮色衫

1 : GS(14)@2016-09-11 05:53:16

許多人怕帶老人家出遊,怕照顧長者麻煩、怕代溝大、怕興趣不同,但原來老友記有時候比你更爛玩,願意接受新事物。



我們都怕帶着矛盾去旅行,旅程快樂與否,一半來自是否揀對旅伴。有人怕跟家人出遊,帶阿爺阿嫲更是灑手搖頭,平日陪飲茶行公園算很盡孝心,出國嗎?照顧老人家麻煩、代溝大、興趣不同,都是令人卻步原因。是次有機會帶阿公出遊,計劃六日五夜大阪京都行程,坐摩天輪、去女僕cafe、穿浴衣、嘗茶道,讓阿公試盡年輕與古老日本文化,誰說帶老人去旅行只能有一種玩法?他們分分鐘比你玩得更盡興。



「在我們年輕年代,想出國坐坐飛機是個夢想,讀書時知道世界很大,每處的人情風俗、環境面貌各方面,未親眼看過是不知道的。例如這次去日本,雖然未去過,但從書中知道日本民族的聰明和先進,因此很期待。」今年78歲的阿公,往年也有跟團去開旅行,聽到將跟孫女出遊,表面嚴肅的他立即面露歡容:「我好爛玩架!讀萬卷書不如行萬里路,出外見識一下也好。」帶老人家去旅行,平日了無生氣、古板沉悶的他們,都活潑起來,比你更貪玩攪鬼,平日你看慣看熟的世界,對他們來說也新奇有趣,左一句「我們以前?」、右一句「你小時候?」,看着他們快樂如初見世界的神情,他們的「想當年」不再不堪入耳;旅行是個機會,讓我們從他們充滿歷練的眼睛,重新看一遍世界。



旅行是個機會,讓兩代人有機會相處,看到彼此不同一面。

了解長者興趣喜好,再按他們活動能力和體能安排行程最緊要,若想不到去哪裏,街市、農場和賭場也是不錯選擇。


長者出遊錦囊 執行李篇


1.長者最好帶備鮮色衣物,人群中容易辨認,不易走失。2.長者難免多病痛,隨身攜帶病歷,上面列明長者基本資料、常服藥物、敏感藥物、家族遺傳病歷、主診醫生聯絡方法等,最好有中英對照,跟長者一人袋一份副本袋在身,就萬無一失。3.除了長期服用的藥物,感冒藥、止痛藥、止瀉藥、止暈丸都必不可少,而且記得跟身,避免連同寄艙行李失蹤。記者:王秋婷攝影:潘志恆




來源: http://hk.apple.nextmedia.com/su ... t/20160911/19766988
動畫 阿公 旅行 老人 出遊 難度 緊要 著鮮 鮮色 色衫
PermaLink: https://articles.zkiz.com/?id=308647

直認官商鄉合作 梁福元:講埋黑都唔緊要

1 : GS(14)@2016-09-13 07:57:35

新西票王八鄉朱凱廸



【本報訊】候任立法會議員朱凱廸挑戰官商鄉黑,人身安全受威脅。鄉事派多名鄉紳連日隔空開火,元朗十八鄉鄉委會主席梁福元昨出席電台節目,大膽直認︰「應該係官商鄉,你話講埋黑都唔緊要,係合作!」梁更斥朱凱廸破壞城鄉共融,報警是自製白色恐怖,反問「而家有冇人郁到佢吖?」鄉議局主席劉業強稱,新界鄉紳不會用手段,威嚇對新界發展提出意見的人。朱凱廸則強調,香港發展不需要這種勾結式合作,會繼續推動改革鄉議局。記者:鄭啟源 林社炳



梁福元昨出席商台節目時充滿「火藥味」,被問到官鄉商黑勾結指控,梁即斥朱凱廸譁眾取寵,「點樣官商鄉黑勾結呢?應該係官商鄉,你話講埋黑都唔緊要,係合作!」主持陳志雲隨即追問,梁說法是否承認新界發展涉黑勢力,梁稱「佢講吖嘛,唔係我講,我唔知係乜嚟」。另一主持接力翻舊賬,提起2013年特首梁振英到新界落區,屏山鄉鄉委會主席曾樹和,曾與大批戴口罩人士到場,當日更有黑漢襲擊其他示威者。梁福元則輕輕帶過,僅指「有啲人生出嚟,脾性係咁」。



十八鄉鄉委會主席梁福元

斥朱凱廸自製白色恐怖

梁續指,朱凱廸長期對新界問題提出很多意見,但認為朱不明白「各處鄉村各處例」,對新界條例和傳統習俗可能不太了解。他又認為,朱針對對新界發展的言論「似乎都唔友善」,得罪地主或既得利益者並不出奇,形容朱得罪人之後希望得到保護可理解,但不需製造白色恐怖。他又稱,如何看待勾結及合作,取決於態度,最重要是尊重各方,「睇唔順眼(嘅人)就叫勾結,做到和而不同就叫合作」。錦田鄉事委員會主席鄧賀年,昨出席元朗區議會時,接力炮轟朱凱廸。他批評朱言論譁眾取寵,將橫洲發展問題發酵,並抹黑鄉議局,更斥朱是機會主義者,「菜園村全部都係發叔(劉皇發)幫佢哋處理,幫佢哋爭取嘅」。朱凱廸昨到警署就事件錄口供後,主動回應鄉事派批評。朱稱已認識梁福元多年,認為梁應明白市民想法與他不同,港人希望城市發展要公平、公開、公正及有民主制度,惟梁福元所指的官商鄉黑合作卻是枱底交易。他說,在不透明的諮詢中,新界弱勢群體不能參與,也不知背後有何協議,利益因而受到損害。



劉業強:朱受恐嚇是個別例子

「香港人係有眼睇!」朱凱廸續指,自從2012年特首選舉前,梁振英陣營被爆出參與「江湖飯局」,及2013年特首落區發生黑漢打人事件,暴力文化已慢慢籠罩整個社會。他又質疑,當年菜園村收地建高鐵,背後也可能有類似的官商鄉黑合作,「香港人不需要財團、鄉紳、黑社會來為港人做決定」。劉業強則指,鄉議局反對一切威嚇手段,歡迎所有人向新界發展提供意見,認為朱凱廸受威嚇事件是個別例子,希望事件可早日水落石出,強調新界鄉紳不會用手段,去威嚇對新界發展提出意見的人。




來源: http://hk.apple.nextmedia.com/news/art/20160913/19769364
直認 官商 合作 福元 講埋 埋黑 黑都 都唔 緊要
PermaLink: https://articles.zkiz.com/?id=308824

立論:北水流向緊要過大選

1 : GS(14)@2016-09-28 04:58:47

美國總統大選兩大候選人首場辯論周二早上完結。由於今次選舉希拉莉及特朗普民望相當接近,首場辯論給選民的第一印象將對11月初的投票結果,有舉足輕重的影響。市場普遍非常看重今次辯論,因為這將關係到下屆美國總統的政治及經濟政策方針。一般相信,市場認為如果希拉莉當選首任美國女總統,很可能只會緊隨奧巴馬任內的政策方針,政策風險相對較低;反之,若特朗普當選下屆美國總統,其保護主義及種族主義色彩主張,或將為美國經濟以至全球政治,帶來不確定性。周二辯論結束後,市場調查顯示大部份美國民眾認為民主黨候選人希拉莉於辯論中表現較佳。電視台其實不用花錢做民意調查,因為去到辯論中段開始,墨西哥披索滙價急升,顯示市場認為對墨西哥不太友善的特朗普於辯論中處於下風,亞洲股市在日股及港股帶動下,低開高收,可見當今時勢,做投資都好難唔同時做埋政治分析。話雖如此,政治新聞對股市的影響力,其實是相當短暫。因此,即使是希拉莉今次真的遙遙領先特朗普,投資者亦不宜開心得太早。影響港股近期表現的因素,除了美國總統大選之外,還有港股通的資金流向。內地國慶黃金周在即,加上不少藍籌股自今年低位回升不少,大媽或有暫時沽貨套現的誘因。對股市中長線發展方向有影響力的,始終是行業及個別股份的盈利趨勢。今年以來,國內多個周期行業紛紛觸底回升,才是推動今次港股反覆向上的主要動力所在。因此,讀者與其花精神研究誰會勝出今次美國大選,不如多加留意中國自去年下半年以來,致力增加市場資金流動性,力壓信貸市場利率,以及去產能等的成效,是否逐步反映於企業損益賬之上。踏入10月,個別H股將逐步公佈第三季度業績。從已公佈的國內宏觀經濟數據,以及本欄跟多家在國內有業務的上市公司會面所得的資訊反映,我們預期今年第三季度的企業盈利將持續好轉。當中收入見到明顯持續改善的行業,包括多家自主品牌的乘用汽車品牌,以及上半年因為持續降雨令工程動工推遲至第三季度的基建,以及相關工業原料(尤其是大量應用於基建及房地產市場的水泥及鋁材)供應商。此外,多家國內餐飲零售商不約而同地在中期業績宣佈,他們將受惠於國內盈改增稅制改革。當中,我們對向來管理能力勝於同業,但已連續三年盈利倒退的稻香(573),很可能已於去年下半年見了多年盈利周期底部。今年上半年,國內餐廳業務已見起色,而一直虧損的國內餅店業務,管理層亦已作最壞打算,如短期內仍未見起色,或壯士斷臂,止血離場。在不少於5厘息的支持下,股價或已於年初的1.66元見了多年大底。作者客戶持有稻香股份林少陽以立投資董事總經理本欄逢周三刊出




來源: http://hk.apple.nextmedia.com/financeestate/art/20160928/19783812
立論 北水 流向 緊要 大選
PermaLink: https://articles.zkiz.com/?id=310382

同陳展鵬暗交1個月?35歲胡定欣:最緊要睇緣份

1 : GS(14)@2016-09-30 08:09:01

之前胡定欣同音樂人陳明道分手,有周刊指佢同《城寨英雄》對手陳展鵬暗交一個月,咁啱得咁橋,兩人昨日出席新劇開鏡儀式,講到兩人嘅「地下情」,展鵬話緋聞經驗豐富,就算見到定欣都唔會尷尬。但點解要保持距離呢?展鵬咁講:「我性格奇怪,要思考時就會孤立自己。」至於目前仲係單身嘅定欣,只係話咁啱大家都鍾意Sammi,又咁啱唔使開工先一齊睇騷,對於拍拖,佢開晒綠燈話:「作為女仔都想有人追,順其自然,任何人都有機會,最緊要睇緣份。」




來源: http://hk.apple.nextmedia.com/entertainment/art/20160930/19786082
陳展 鵬暗 暗交 個月 35 歲胡 胡定 定欣 緊要 緣份
PermaLink: https://articles.zkiz.com/?id=310724

「樣唔緊要,最重要係億萬富翁」JW遭舊愛針對 貪錢戀闊少

1 : GS(14)@2016-10-10 16:14:30

【舊愛Mark】■JW向來低調處理感情事,有指她於兩年前因不滿Mark花弗而決心分手。互聯網圖片



王灝兒(JW)入行6年緋聞不多,最近爆出與市值12億的卓悅太子爺Tarzan Ip拍拖,繼有讀者報料指Tarzan為人風流兼愛炫富,JW亦被指為錢飛起拍拖兩年的Mark Ngai。Mark則在社交網借用《美女與野獸》圖片貼文,矛頭直指JW。不過,本報獲悉JW與Mark兩年前已分手,被屈為錢移情,JW昨說:「唔回應喇!總之識我嘅人都知我係點!」



歌手JW去年12月被爆有位拍拖兩年、外公是關之琳前夫王國旌的男友Mark Ngai,惟JW一直未有承認戀情,除希望低調處理感情事外,原來還有另一個原因,就是她與Mark早已分手,但再見亦是朋友,二人不時相約大班共同朋友聚會,兩個月前JW開騷,Mark更落力在社交網助她宣傳,儼如男主人。


引用美女與野獸

惟近日JW與闊少Tarzan戀情曝光後,Mark曾在Instagram貼文:「唔應該對放棄你嘅人感到傷心!」然後又說:「雖然喺『你』面前,我不值一文,但將來有一日,『你』會明白,我對其他人會變得冇價。」Mark更轉貼《美女與野獸》的圖片,並有一段英文留言,意思是:「《美女與野獸》呢個故事,教曉我哋一樣嘢,就係無論你個樣係點,唔重要,最重要你係億萬富翁!」似暗寸有人貪錢戀闊少!



■Mark日前借用《美女與野獸》暗寸JW為錢移情:「無論你個樣係點,唔重要,最重要你係億萬富翁!」

■Mark經常在社交平台晒腹肌,對自己的身形頗有自信。

不過,Mark前晚將所有相關貼文刪除,包括JW與Tarzan拍拖消息曝光當日,他在facebook寫:「得啦!朋友,夠啦,唔需要再話我知佢變咗,同埋傳關於佢嘅嘢畀我睇,我已經知道啦!」至於被指為錢移情,JW昨在電話中坦言不想再回應感情事:「多謝大家嘅關心,但我真係唔想再講喇。」然後再說:「唔回應喇,總之識我嘅人都知我係點!」



【新歡Tarzan】■JW前日入馬場陪男友Tarzan,離開時找兩友人掩護。DV圖片

■JW與Tarzan離開馬場後,座駕直駛加多利山。

■JW前晚在Ig貼與曹星如的合照,原來她到會展睇拳賽。


不滿Mark狂媾女

據知,JW與Mark拍拖兩年期間不止一次分手,主因是JW不滿Mark經常夜蒲媾女,但JW每次都被口甜舌滑的Mark氹掂復合,直至約兩年前,JW決心與Mark終極分手。知情人向本報爆料:「佢哋嗰時拍拖經常離離合合,主要係JW忍受唔到Mark經常夜蒲媾女,完全當佢冇到,因為唔想再傷心,所以提出分手。」至於Mark早前落力為JW宣傳演唱會,態度突然有所改變,知情者說:「因為佢以前次次都氹得番JW,可能以為今次都一樣,到JW演唱會嗰日先知Tarzan嘅存在,所以唔甘心!」採訪、攝影:朱志聰、黃曉程、小米


■Mark外公王國旌與關之琳在81年閃婚,9個月後離婚。

■JW與Mark拍拖時,出席過男方的家庭聚會。



來源: http://hk.apple.nextmedia.com/entertainment/art/20161010/19795870
樣唔 緊要 重要 億萬 富翁 JW 舊愛 針對 貪錢 錢戀 闊少
PermaLink: https://articles.zkiz.com/?id=311380

帶老婆到深圳會馬雲碧咸湊仔緊要「為孩子做好榜樣」

1 : GS(14)@2016-11-11 08:10:34

今日是一年一度的「11.11」光棍節,有網上購物平台搞噱頭,趁機推出優惠,每年這日的營業額均以億計算。作為最大內地購物網的天貓,昨晚在深圳舉行「2016雙11天貓全球狂歡夜」活動,英國萬人迷碧咸(David Beckham)和前日秘密抵港巡舖的「碧咸嫂」Victoria亦趕往當地擔任嘉賓。



■碧咸和Victoria(左)昨晚擔任天貓全球狂歡夜嘉賓。互聯網圖片

■林志玲和王祖藍分組不顧儀態大玩遊戲。互聯網圖片


志玲陪倒數

天貓全球狂歡夜昨晚8時開始,身穿黑色西裝的碧咸和長裙的Victoria隆重登場,兩人在台上跟觀眾揮手,主持侯佩岑用英文問碧咸怎樣平衡父親、運動員和商人的角色,碧咸表示家庭為重,努力為孩子做好榜樣,Victoria更示範戴上為內地人設計的太陽眼鏡。而林志玲、王祖藍及太太李亞男大玩遊戲,更不顧儀態趴在台上。昨晚活動歷時四小時,由台灣藝人黃子佼和侯佩岑擔任主持,一直倒數到光棍節來臨。出席嘉賓星光熠熠,包括了體育及演藝界的名人,除碧咸夫婦和林志玲外,還有美國NBA傳奇球星高比拜恩(Kobe Bryant)、李宇春、韓國男團EXO成員Lay、f(x)成員Victoria及美國樂隊One Republic等。而梁朝偉和陳奕迅會同台表演,順便宣傳他們有份合作演出的電影《擺渡人》。


高富帥合照

此外,前晚主辦方舉行了酒會,高比拜恩、馬雲和碧咸擺鬼馬甫士合照,可算是最強的「高、富、帥」組合。而Victoria跟馬雲合照後隨即放上網,不過卻被網民揶揄馬雲的阿里巴巴旗下網站平台,充斥出售時裝假貨。Victoria好友李玟跟馬雲即場談起唱歌,更約定下次同台演唱,李玟還答應提供一對一的歌藝指導給馬雲。撰文:李森




來源: http://hk.apple.nextmedia.com/entertainment/art/20161111/19829757
老婆 深圳 馬雲 碧鹹 湊仔 緊要 孩子 做好 榜樣
PermaLink: https://articles.zkiz.com/?id=315079

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019