ZKIZ Archives


徐淑敏細女吼實乳豬

1 : GS(14)@2015-08-04 08:19:56

■Suki的幼女Isabella前日一歲生日,全家一齊切蛋糕。


徐淑敏(Suki)和黃浩結婚五年抱三,二人世界變成五口之家,孻女黃沁誼(Isabella)前日一歲生日,三代同堂慶祝,壽星女獲送迷你兵團(Minions)和芭比3D蛋糕。
Suki擁女合照如四朵金花,她昨日表示沒想過婚後多產,她在電話中說:「以前只不過諗最多生兩個,大家庭熱鬧啲。」Isabella是肥妹仔,Suki說:「佢肥到條頸都冇咗,好為食。」Isabella前晚看到侍應送上乳豬都望到流口水。



■Isabella望着面前的乳豬,有得睇冇得食。

■栢芝送客人離開時,表示自己好開心。



栢芝勁開心


此外,昨日是張栢芝大仔Lucas的8歲生日,栢芝前晚在深灣遊艇會四樓兒童遊戲室提早與囝囝慶祝,栢芝送客人入電梯時向大家說:「我真係好開心呀,Lucas咁多年生日,最多人嚟就係今年喇!」後來大家轉去八樓另一個兒童遊戲室繼續開P。採訪、攝影:比華利、徐錦池、朱志聰





來源: http://hk.apple.nextmedia.com/entertainment/art/20150803/19241058
淑敏 細女 女吼 吼實 乳豬
PermaLink: https://articles.zkiz.com/?id=291937

細女變Punk妹 翁靜晶嘆冇符幸儀Selfie晒腹肌 心心遮兩點

1 : GS(14)@2016-01-23 19:27:02

【對鏡自拍】■翁靜晶細女劉幸儀常在Ig騷肌肉相,翁靜晶認為從健身角度看冇猥瑣感覺。


翁靜晶與亡夫劉家良育有兩女兒,細女劉幸儀日前被媽媽爆料,將與拍拖兩年的意籍男友Roberto(蘿蔔)訂婚。幸儀雖然已在英國完成法律系學位,但興趣和職業都是健身,在她的Instagram內發現不少揭衫騷肌肉相,清晰見到苦練得來的腹肌和馬甲線,其中一張更大膽將衫掀高至胸上位置,僅用心心遮住兩點。



「梗係想佢包到實」

翁靜晶昨日在電話中似乎冇晒符,嘆謂:「佢係似男仔,所以結到婚我都好高興!」囡囡是否太性感?她說:「做阿媽梗係想佢包到實,好似女仔咁着住公主裙啦,但佢唔係呢種人,就係鍾意晒紋身、騷肌肉,佢哋睇身上嘅肉係冇猥瑣感覺,注重人體肌肉比例,佢係健身教練,自己係一個辦嚟。佢之前騷過手臂,仲粗過男仔大髀呀,搵到個同佢一樣鍾意健身,又肯娶佢咪好彩囉。」



【腰腳紋身】■幸儀展示健身成果,僅以心心圖案遮胸,最近又與男友在腳紋情侶梨形紋身。







【鏟青型女】■早前幸儀剪了一頭鏟青punk髮。

■幸儀遇上惜花男,與意籍男友Roberto將訂婚。


■大女萬儀(中)和細女幸儀(左),均遺傳父親劉家良的好動及媽媽翁靜晶的聰慧,文武雙全。


幸儀還將右邊秀髮鏟青勁punk,手臂、背脊、腹部均有紋身,而最新一個就是與未婚夫一齊紋的啤梨圖案,翁靜晶沒好氣說:「Pear即係pair喎,你話暈唔暈?」幸儀遺傳父親好動個性,還有媽媽的聰明才智,她早前打算升讀博士學位,可惜希望研究課題太偏門找不到合適學校,翁靜晶解釋:「佢篇碩士論文係研究比特幣點樣可以成為一種合法及流通貨幣,論文登晒上周刊,可惜英國嗰邊導師通常都係舊學者,冇人可以指導及同佢一齊研究。」是否希望女兒能成為律師?翁靜晶大講反話:「我希望佢做健身教練,練多啲肌肉出嚟,多啲紋身,繼續喺Ig騷多啲,因為知佢最鍾意倒轉嚟做㗎嘛!我諗有一日我都變成銅皮鐵骨,佢就會變番做一個真正嘅女仔,佢喺我心中係藍寶石公主。」採訪:嵐山





來源: http://hk.apple.nextmedia.com/entertainment/art/20160123/19463408
細女 女變 Punk 翁靜 靜晶 晶嘆 嘆冇 冇符 符幸 幸儀 Selfie 腹肌 心心 兩點
PermaLink: https://articles.zkiz.com/?id=294870

廿四孝老竇做司機學友哼住歌 接細女放學

1 : GS(14)@2016-02-08 03:00:11

【親自接送】■張學友前日下晝5點鐘,包到冚喺擺花街等細女放學。








【中環】今年張學友同羅美薇踏入結婚20周年,二人先後育有15歲大女張瑤華同10歲細女張瑤萱。向來好注重家庭同私隱嘅學友夫婦,多年嚟為咗保護愛女,甚少一家四口高調出巡,以至兩女極少曝光,細女樣貌更係從未俾傳媒影過。近排學友除咗忙宣傳新戲,原來佢亦趁空檔,每日做柴可夫接女兒返學同放學。前日下晝5點,記者發現駕駛着黑色Range Rover嘅學友,頭戴cap帽面戴口罩,包到冚喺中環擺花街現身。而一直坐喺車廂入面聽着headphone嘅學友,嘴郁郁似哼住歌。其間曾經有途人向學友座駕行注目禮,但坐喺車入面嘅學友依然氣定神閒耐心等候。



【步行上車】■張學友細女張瑤萱(右)上車之前由一個中年女人帶住。DV圖片

【五官標致】■只得10歲嘅張瑤萱,同媽咪羅美薇有幾分相似。DV圖片


■張學友同羅美薇一向注重家庭同私隱,甚少全家高調出巡。資料圖片

五官標致似媽咪

學友足足等咗25分鐘,着上學校運動服嘅細女張瑤萱,就由一個中年女人帶住步行上車。現場所見,呢位從未曝過光嘅張家二小姐,雖然今年只得10歲,但已長得亭亭玉立,眼大鼻高,標致五官仲有幾分似媽咪羅美薇。佢臨上車前,好眼利咁望到記者影相,於是即刻快速縮入車廂。學友曾講過因為自己太錫囡囡,搞到屋企多咗兩個公主:「佢哋連洗衣機都唔識開,將啲衫拋到周地都係,我仲要幫佢執,真係自作自受,我都有份寵佢哋,我教女好渣!」其實兩個女兒有廿四孝爸爸照顧周到,就算做公主又何妨?採訪、攝影:梁繼光、黃曉程





來源: http://hk.apple.nextmedia.com/entertainment/art/20160205/19479978
廿四 四孝 孝老 老竇 竇做 司機 學友 哼住 住歌 接細 細女 放學
PermaLink: https://articles.zkiz.com/?id=295409

Suki細女蚊赧滿腳

1 : GS(14)@2016-05-08 14:54:05

香港近日天氣潮濕令蚊患滋生,黃浩和林盛斌(Bob)同是三女之父,兩位爹哋昨日不約而同在facebook大呻囡囡身體慘成餵蚊大餐!





家住大埔豪宅的黃浩昨於facebook勞氣留言:「食環署無能!全家被蚊蟲咬,小朋友真慘,我仲被咬到要入醫院。」他昨在電話中續說:「蚊患係同食環署有關,我投訴佢哋又冇跟進,老婆Suki(徐淑敏)咬到手腳都痕,全家中晒招。」家住加多利山的Bob就指三女在戶外嬉戲時也被咬,Bob老婆擅長自然療法,並調製精油給囡囡止癢。採訪:劉敏





來源: http://hk.apple.nextmedia.com/entertainment/art/20160508/19602411
Suki 細女 女蚊 蚊赧 赧滿 滿腳
PermaLink: https://articles.zkiz.com/?id=300090

甜蜜行街掃貨梁家輝細女拖仔嘆按摩

1 : GS(14)@2016-05-19 02:23:03

【拖到實】■Chole和男友十指緊扣行銅鑼灣,男友比她高近一個頭。








【銅鑼灣】梁家輝和老婆江嘉年結婚29年,一對索爆孖女Nikkie(梁穎晨)和細孖Chloe(梁靜禧)經常在社交網貼三點式泳衣吸睛,不過老竇卻阻止兩個乖女入行。身為星二代的Chloe真人好省鏡,前日孖男友Matthew拖手行銅鑼灣被本報記者捕獲,兩人行到攰更入按摩店按腳。前日下午約4時,記者在SOGO附近發現Chole和男友十指緊扣,漫步到時代廣場,沿途兩人拖手又親嘴,十分甜蜜。Chole先陪男友去揀運動褲,再到樓上看太陽眼鏡,Chole試戴了多款不同款式的眼鏡。乘搭扶手電梯離開時,站在身後的男友挨近Chloe耳語,又不時深情對望,之後二人去希慎廣場睇iPad,雖然記者聽到Matthew識講廣東話,但全程卻交由Chloe向售貨員提問。



【試眼鏡】■Chole試戴了多款太陽眼鏡,男友都耐心陪伴等候。DV圖片

【傾唔停】■兩人搭扶手電梯時親密耳語,明顯仍是熱戀期。DV圖片

【睇寵物】■兩人睇完寵物後再去做腳底按摩,認真識嘆。DV圖片



老竇冇過目

兩人購物後去了寵物街睇狗仔、貓仔。可能行到腳攰,他們之後進入了按摩店做腳底按摩,認真識嘆。
Chole去年在加拿大大學畢業,男友Matthew跟她同樣是ABC,外形高大陽光男孩,日前Matthew生日,Chole相約一班朋友出海,為男友慶祝,認真細心。


■梁家輝一對索爆孖女,跟上山詩鈉的女兒Hilary感情很好。資料圖片


此外,家輝昨日在旺角出席電影《寒戰II》記者會時,談到Chloe和高大男友在銅鑼灣拍拖,問家輝其女兒有否帶男友給他過目,家輝說:「我唔知喎!講到我好似一街都係女咁。」對於女兒和男友街頭咀嘴?家輝笑說:「一定唔會,佢平時同我行街都唔會同我咀嘴,相信係認錯人。」採訪、攝影:徐錦池、吳耀輝、畢紹基





來源: http://hk.apple.nextmedia.com/entertainment/art/20160516/19613440
甜蜜 行街 街掃 掃貨 梁家輝 梁家 細女 女拖 拖仔 仔嘆 按摩
PermaLink: https://articles.zkiz.com/?id=300256

無懼新加坡「寨卡蚊疫」Heidi帶細女暢遊環球影城

1 : GS(14)@2016-09-01 06:24:25

新加坡寨卡病毒嚴重,目前本土感染個案增至82宗。美國疾病控制及預防中心(CDC)周二對新加坡發出臨時旅遊指引,建議旅客做好防蚊叮措施。然而澳門賭業猛人周焯華(洗米華)正印陳慧玲(Heidi)就無懼寨卡病毒,同細女Damiana、洗米華嘅大仔周柏豪去咗新加坡旅行,昨日佢就喺instagram上載咗一張去環球影城玩,見到柏豪抱住Damiana,Heidi就挨埋過去一齊影相,咁有網民見到就好搞笑咁留言:「我說一句真心話:我怎麼覺得你跟你兒子的外形像男女朋友。」




來源: http://hk.apple.nextmedia.com/entertainment/art/20160901/19756407
無懼 新加坡 寨卡 卡蚊 蚊疫 Heidi 帶細 細女 暢遊 環球 影城
PermaLink: https://articles.zkiz.com/?id=307034

細女咘咘剛1歲 41歲賈靜雯宣佈再陀女

1 : GS(14)@2016-10-01 13:19:52

台灣女藝人賈靜雯與前夫孫志浩育有梧桐妹,之後同修杰楷再婚,跟住佢哋再生下女兒咘咘,昨天賈靜雯就宣佈再懷孕,佢喺微博到留言說:「謝謝上天的安排,讓我們的生活又多了一位新成員加入,珍惜感謝這奇妙的恩典,我們會一如往常喜樂開心迎接」,而佢亦台灣《蘋果》透露,今次呢胎都係女兒。賈靜雯笑言,想佢再懷孕嘅朋友念力太強,佢仲喺微博貼咗咘咘同大女梧桐妹嘅對話嚟宣佈呢個喜訊「阿咘要當小姐姐(姊姊)了耶」!咘咘剛滿1歲不久,爸爸修杰楷o依家就服替代役,之前佢接受訪問時先話要當完兵先補辦婚宴,o依家可能又要延期喇。




來源: http://hk.apple.nextmedia.com/entertainment/art/20161001/19787741
細女 女咘 咘咘 咘剛 41 賈靜雯 賈靜 宣佈 再陀 陀女
PermaLink: https://articles.zkiz.com/?id=310862

陳豪陳茵媺初次帶細女現身

1 : GS(14)@2016-10-16 08:20:00

張嘉兒喺9月就生咗B女Leora,正式做咗人母,而喺張嘉兒喺圈中人緣一向好好,所以呢段期間,好多圈中好友都有去到探佢同BB,昨日佢就喺微博貼咗張相,好似有湯洛雯、蔣家旻、戚黛黛、朱凱婷、岑杏賢、張美妮、楊卓娜同陳豪兩公婆,仲留言話:「Leora is one lucky, extremely blessed baby!寶寶多謝咁多位哥哥姐姐來探佢和送給她的禮物。」而陳豪同陳茵媺兩公婆,抱住個B女,就係細女Camilla,見到BB好多頭髮好可愛,陳豪抱住前世情人,兩父女真係好sweet。《蘋果》問到陳豪係唔係帶埋B女去探張嘉兒,佢就回覆咗一個有心嘅鍚鍚表情符號喇。




來源: http://hk.apple.nextmedia.com/entertainment/art/20161016/19802493
陳豪 豪陳 陳茵 茵媺 初次 帶細 細女 現身
PermaLink: https://articles.zkiz.com/?id=312258

【馮仁昭四圍超】森美爆細女想入行

1 : GS(14)@2016-10-18 08:15:35

(左起)森美、小肥同陳慧敏噚日喺太古出席樂施會「貧窮源於不公平」開幕禮,森美分享去雲南探訪農民嘅經歷,佢仲話會同兩個仔女分享,唔想佢哋變「港童」,森美話:「佢哋嬌生慣養,去大牌檔會嫌污糟。」森美仲爆細女想入行:「我驚一驚,我好運啫,冇運冇飯開點得!我同佢講做媒體都要讀書,叫佢考到醫科先。」會唔會畀囡囡選美?森美話:「佢未夠靚,但唔可以再靚。」撰文:馮仁昭




來源: http://hk.apple.nextmedia.com/entertainment/art/20161018/19804141
馮仁 仁昭 四圍 森美 美爆 爆細 細女 女想 想入 入行
PermaLink: https://articles.zkiz.com/?id=312594

【馮仁昭四圍超】徐榮心痛細女撞傷

1 : GS(14)@2016-11-10 07:39:57

徐榮噚日喺灣仔出席活動,擔任關心謹腎大使,佢話自年過三十五歲年年驗身,只係間中有胃酸倒流,而家有一仔一女嘅佢,大仔徐朗得九歲,細女徐心怡就一歲,佢話:「哥哥暫時可以自己照顧自己,心怡仲細,睇少眼就出事,之前撼親眼角瘀咗,好彩冇大礙,我感覺好『揦』住呀。」今日張達倫結婚,徐榮話自己會做兄弟,會幫手接新娘,中間返公司開工,夜晚再去婚宴。撰文:馮仁昭




來源: http://hk.apple.nextmedia.com/entertainment/art/20161109/19827161
馮仁 仁昭 四圍 徐榮 心痛 細女 撞傷
PermaLink: https://articles.zkiz.com/?id=314747

同契媽向太行街李連杰13歲細女 星二代甜姐兒

1 : GS(14)@2017-01-12 08:08:26

【仙氣美女】■李連杰的13歲細女Jetta日前現身中環行街,長髮披肩的她遺傳了媽咪利智的良好基因。




【中環】國際武打影星李連杰和前亞姐利智婚後十分低調,兩人育有一對掌上明珠,16歲長女Jane於小時候曾為劉德華伴舞,13歲細女Jetta則鮮有曝光。日前甜姐兒Jetta在香港激罕現身,在契媽向太陳嵐陪同下出巡中環,長髮披肩、樣子甜美的她長得亭亭玉立,遺傳媽咪基因擁白滑肌膚,被封為至靚星二代。



武打巨星李連杰於1988年拍電影《龍在天涯》邂逅利智,雖然當年的他已為人夫,惟跟老婆黃秋燕感情出現問題,李連杰背妻跟利智暗交,結果於1991年與元配離婚,1999年在美國洛杉磯娶利智做第二任老婆,婚後育有兩女Jane和Jetta,一家四口十分低調,曾先後定居美國及新加坡,近年舉家移居利智的家鄉上海。李連杰十分保護女兒,鮮有讓她們曝光,有傳為防止女兒出鏡,不准她們參加學校活動,惟日前13歲的Jetta在中環現身,靚爆全場。



【識擺甫士】■Jetta全程由契媽向太(左)及其助手陪着。

【名店血拼】■Jetta和向太在名店濕平完畢,由店員親自送出門口。DV圖片


白滑肌膚似利智

由於李連杰跟向華強夫婦的交情很好,每次李連杰和家人來港,都會居住在向氏夫婦的家裏,他的兩個女兒更叫向太做契媽。日前向太和鮮有曝光的Jetta出巡中環,當時兩人在助手陪同下,坐七人車到置地廣場,着白色熱褲的Jetta騷白滑長腿,遺傳了媽咪的優良基因,樣子甜美可人,雖然只有13歲,但已有5呎3吋高,長髮飄飄充滿仙氣。當時向太落車後掛住傾電話,之後一行三人入到商場時,向太又被廣場中央的巨型聖誕樹吸引,不停用手機影相,Jetta乖乖站在一旁等契媽。其後向太與Jetta入了一間名店,直接行到試身室,似乎是預約了靚衫試穿,她們逗留了約一小時才離去,男店員更親切地搭着向太的膊頭送出門口,見三人手上都沒有購物袋,相信戰利品應該會由專人送上門。向太和Jetta離開商場時,蹺着契女有說有笑,之後由司機接載離去。本報記者日前致電向太問同行美少女是否Jetta?她說:「咁你哋都認得,佢同爸爸嚟咗香港,咁佢爸爸唔方便陪佢行街,所以我咪陪佢行街囉。」問李連杰父女是否仍在她家居住?向太表示他們已離港飛去三亞。



■李連杰的大女Jane(左)及細女Jetta鮮有曝光,多年前他曾罕有帶兩女現身首映。資料圖片

■擁36F導彈的利智有樣貌有身材,是亞姐中的經典。資料圖片

■李連杰的16歲長女Jane去年曾來港出席環保活動。資料圖片


大女為環保演講

至於李連杰的長女Jane現已16歲,熱愛舞蹈的她年紀輕輕已是舞林高手,7歲時曾為劉德華演唱會擔任嘉賓,在台上與華仔大跳拉丁舞,Jetta和爸爸就坐在觀眾席欣賞,之後兩姊妹都甚少曝光,直至去年Jane才又露面,現身香港出席阿里巴巴全球XIN公益大會,年僅16歲的她在台上分享自己從事環保公益的心得。採訪、攝影:黃曉程、鍾國仁




來源: http://hk.apple.nextmedia.com/entertainment/art/20170112/19893960
同契 契媽 媽向 太行 街李 李連 連傑 13 歲細 細女 星二 代甜 姐兒
PermaLink: https://articles.zkiz.com/?id=322316

洗米嫂抱細女手指指

1 : GS(14)@2017-02-05 10:55:22

■洗米嫂和囡囡手指指甫士一樣,認真溫馨。互聯網圖片



「洗米嫂」陳慧玲(Heidi),因為太陽娛樂老闆老公周焯華(洗米華)搭上Mandy Lieu而嗌離婚,不過因男方不肯簽紙,洗米嫂單方面申請需要分居兩年才可以離婚,洗米華就利用這段時間打動她,希望她取消離婚念頭,據聞經過一番努力,洗米嫂正考慮重修舊好。今個新年,洗米華沒有陪洗米嫂等家人去旅行,反而飛英國會女友Mandy Lieu,不過洗米嫂好識做,陪伴洗米華父親和姊姊、洗米仔周柏豪和自己一對女兒去澳洲過年,玩到昨日才返澳門。昨日臨離開澳洲之前,她把與細女齊齊手指指的合照放上網,並留言:「旅程最後一晚了!」撰文:鍾國仁




來源: http://hk.apple.nextmedia.com/entertainment/art/20170205/19918103
洗米 米嫂 嫂抱 抱細 細女 女手 指指
PermaLink: https://articles.zkiz.com/?id=325535

王敏德細女夢想做超模操fit狂晒34D

1 : GS(14)@2017-06-16 01:47:46

現年22歲嘅王麗嘉(Irisa),遺傳咗父母嘅優良基因,擁有5呎11吋高挑模特兒身形,不過佢就成日嫌自己嘅34D胸部太大,早前曾透露好想做「縮胸」手術,因為胸太大好難成為High Fashion Model。
Irisa至今都未決定做唔做手術,但睇佢近排嘅Ig,似乎已開始接受自己嘅巨胸身材,唔介意頻頻喺網上派福利。前日Irisa又喺Ig貼上三點式泳衣相,今次冇再露出半球,但喺即時動態片中,就做咗一個托腮跌太陽眼鏡動作,微微俯身上圍嘅呼之欲出,非常性感誘人,唔知今次老竇王敏德睇到會唔會又問番阿女幾句呢?!




來源: http://hk.apple.nextmedia.com/entertainment/art/20170614/20055767
王敏 德細 細女 夢想 超模 fit 狂曬 34D
PermaLink: https://articles.zkiz.com/?id=335450

洗米華買鑽石箍煲?細女萌戴十卡閃爆巨鑽

1 : GS(14)@2017-06-25 10:11:20

周焯華(洗米華)早前於美國夏威夷參加台灣女星安以軒的婚宴,在after party就玩得太投入,零警戒,醉攬日模松岡李那,動作火辣。事件發生後,正印陳慧玲(Heidi)帶埋細女周善潼(Damiana)去台北旅行,近日洗米嫂都有po新相於IG,見她與Damiana玩得好開心,游水晒太陽,又去了有名的大碗嘆燒肉,前日洗米嫂就搞笑地把比眼珠還要大的巨鑽戒指戴上Damiana的手仔上,目測至少有十卡以上,未知是否洗米華為了箍煲,買來氹返老婆的禮物呢?相中Damiana就被勁閃的巨鑽閃到合埋眼,粒石認真夠火!




來源: http://hk.apple.nextmedia.com/entertainment/art/20170623/20066241
洗米 米華 華買 鑽石 箍煲 細女 女萌 萌戴 戴十 十卡 閃爆 巨鑽
PermaLink: https://articles.zkiz.com/?id=336912

細女扭 慶祝父親節 趙頌茹變 「強爸」玩騎膊馬

1 : GS(14)@2017-07-03 03:07:24

2017-06-21 NM  

三十四歲的趙頌茹(阿Yu),一〇年與周永恆奉女成婚,並先後誕下兩女,一直表現恩愛;可惜一四年,周永恆因有婚外情,與阿Yu爭執繼而動武,被判守行為。期間,周永恆又涉恐嚇阿Yu,令她選擇分居;而他就避走內地轉行,扔低兩個女給阿Yu照顧,自己則繼續風流快活。

現時母兼父職的阿Yu,除了要擔起供書教學的重任外,日前細女扭計要慶祝父親節,她便帶同囡囡到旺角慶祝一番。為彌補父愛,阿Yu頂硬上變身「強人爸爸」,抱起愛女玩騎膊馬, 兩母女嘻嘻哈哈,樂也融融。

搞網店

身高五呎八吋的趙頌茹(阿Yu), 初出道時因外形與鄭秀文極之相似,故有「翻版鄭秀文」之稱。入行十五年來,她出過數張唱片,但最為人所熟悉的,反而是〇四年跟周永恆拍攝無綫劇《青出於藍》時撻着;六年後,兩人結束愛情長跑,奉女成婚,阿Yu更先後誕下兩女信希和愛希,當時一家四口看似溫馨幸福。豈料一四年,周永恆竟為「小三」劉依靜對阿Yu施家暴,令她身形暴瘦,她忍無可忍之下,決定分居,並辦理離婚手續。

事件後,周永恆索性北上發展教瑜伽,更盛傳他溝女成性,女伴如車輪般轉;近日,他就被指搭上強國女Britni。這邊廂風流快活,那邊廂剩下阿Yu獨力湊大兩個女;而背着沉重經濟負擔的阿Yu,分居後要復出接job,後來又轉行做化妝師、搞時裝網店,為湊大兩個女仆心仆命。直到今年三月,原本有指阿Yu和周永恆的分居期已滿,法庭會宣判二人離婚,女方以為終可脫離苦海;可惜,男方卻拒絕上庭,玩失蹤。上月中,阿Yu出席診所開幕禮時,就親口承認確有其事:「周永恆唔肯出庭,我又搵唔到佢,都唔知可以點。

慳自己

日前,阿Yu一身便服、淡掃蛾眉,與細女愛希現身旺角一間咖啡店。現場所見,阿Yu先為愛女搵定位,繼而買了一件蛋糕及一杯咖啡;而為慳錢,一個餐兩份分。現場所見,性格活潑的愛希,食物一到,便急不及待試味,卻因一時忘形,嘴角不慎沾上忌廉;而正在背劇本的阿Yu,眼利瞄到異樣,即刻細心地伸手替她抹走忌廉,畫面溫馨動人。

阿Yu兩母女歎足近一小時,遂手拖手行至附近的公園嬉戲。阿Yu雖然一介女流,弱質纖纖,但為?細女開心,頂硬上變身「強人爸爸」,不惜跟囡囡大玩騎膊馬;而愛希也人細膽大,毫無畏懼之色,騎着媽咪走勻全場。玩到攰,母女稍作歇息,阿Yu再陪她轉玩盪鞦韆,母女玩到興起,她更充當人肉坐墊,與囡囡兩份盪一個鞦韆,務求細女玩得盡興。最終,母女都玩到出晒大汗,不過阿Yu寧願自己唔飲,也幫細女買凍飲解渴,生怕她中暑,都說:「世上只有媽媽好……」事後,記者致電阿Yu,她氣急敗壞地說:「最近,細女成日聽啲朋友仔話慶祝父親節,咁咪同佢食嘢、玩吓囉,唔好意思要做嘢,唔講啦。」

撰文☆潘嘉琪 採訪☆何碧珊 攝影☆蔡豪 設計☆吳展滔
細女 女扭 慶祝 父親節 父親 趙頌 頌茹 茹變 強爸 玩騎 騎膊 膊馬
PermaLink: https://articles.zkiz.com/?id=337738

【馮仁昭四圍超】鍾鎮濤爆細女呷醋

1 : GS(14)@2017-07-05 03:42:37

鍾鎮濤(阿B)噚日去商台宣傳月中推出嘅黑膠發燒碟,首次以微電影方式做宣傳,阿B大讚有創意。今次佢同囡囡鍾㦤翻唱《閃閃星辰》,仲已經拍好MV,佢計劃再問囡囡有冇興趣拍微電影,「唔知佢肯唔肯,之前拍MV時被蚊咬到飛起,等佢知道老竇搵錢辛苦。」原來細女鍾幗有時會呷醋點解家姐可以演出,阿B話:「睇吓有冇機會,佢冇鍾懿唱得咁有職業水準。」撰文:馮仁昭




來源: http://hk.apple.nextmedia.com/entertainment/art/20170704/20077715
馮仁 仁昭 四圍 鍾鎮 鎮濤 濤爆 爆細 細女 女呷 呷醋
PermaLink: https://articles.zkiz.com/?id=337916

【馮仁昭四圍超】王敏德細女裸睡同好

1 : GS(14)@2017-07-07 02:42:20

互聯網圖片





王敏德大女王曼喜(Kayla)早排一張露股相好大迴響,細女王麗嘉(Irisa)亦不遑多讓,近排頻頻喺Ig晒豪乳,連老竇王敏德都嚇親,喺其中一張相問:「What up with your top?」不過,媽咪馬詩慧就好開通,所以Irisa繼續晒惹火身材,噚晚佢仲喺Ig晒咗張疑似真空裸睡嘅相,大方程度真係令人嘆為觀止。撰文:馮仁昭




來源: http://hk.apple.nextmedia.com/entertainment/art/20170705/20079065
馮仁 仁昭 四圍 王敏 德細 細女 女裸 裸睡 同好
PermaLink: https://articles.zkiz.com/?id=338321

「唔會大搞百日宴」霍啟剛湊細女 快辦回鄉證

1 : GS(14)@2017-08-19 19:10:46

■霍啟剛帶同B女辦理回鄉證,之後先送囡囡上車,留下與同行中年婦人在中旅社門外傾談。讀者提供圖片



【爆相爆片】霍震霆大仔霍啟剛與內地跳水皇后郭晶晶結婚將近5年,生了長子中曦,而細女中妍於4月出世,現在接近4個月大了,一家四口湊成一個「好」字。啟剛夫婦一向低調,甚少被影到帶同子女外出,本報讀者黃小姐日前就透過「爆相爆片」撞到啟剛帶了B女中妍去上環中旅社申請回鄉證,當時有工人及一名打扮樸素的中年婦人同行。



■作為哥哥的中曦親吻妹妹中妍,相當溫馨有愛。微博圖片

■霍啟剛與郭晶晶結婚5年,育有一對子女。霍震霆更是有孫萬事足。資料圖片

霍震霆 資料圖片


中年婦協助

根據黃小姐提供的相片,當時啟剛與中年婦人在中旅社門口傾談,黃小姐表示:「佢帶個女去申請回鄉證。霍啟剛去交表,工人就抱住BB喺櫃位影相,佢哋搞咗5分鐘就走,見到霍啟剛負責推BB車,中間見佢仲有同BB玩嘟嘴?BB笑,見佢推嗰架BB車有用到紗巾,但係就有啲殘舊。」之後,啟剛先推BB車離開,中年婦人繼續留下辦理申請,兩人5分鐘後會合,當時BB與工人已不見了,估計已由司機接送走先,而啟剛與中年婦再傾多一陣,就獨自向中環方向急行。


「都攞咗先啦」

本報致電啟剛,問他幫囡囡搞回鄉證是否計劃返內地旅行探親,他表示:「暫時冇計劃去但係都攞咗先啦!肯定有機會去!」再問到霍家有否幫囡囡大搞百日宴慶祝,他表示:「唔會大搞住啦,都係屋企自己食飯,仲係好細呀嘛!」啟剛雖忙搞體育公務,日前就有傳媒影到他與晶晶帶同一對子女去溫哥華度假,同行還有保母及工人,之後兩公婆返港即帶大仔轉機去北京探晶晶娘家,而囡囡就未有同行。採訪:唐如




來源: http://hk.apple.nextmedia.com/entertainment/art/20170819/20125717
唔會 會大 大搞 百日 霍啟 啟剛 剛湊 湊細 細女 快辦 回鄉
PermaLink: https://articles.zkiz.com/?id=340314

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019