ZKIZ Archives


龍年細仔爭學位補習社大爆棚

2016-08-18  NM

教育,一向是香港人最具爭議的命題。2012年適逢龍年,加上當年港府仍未全面叫停雙非,這批應當如珠似寶的龍仔龍女,開始要面對殘酷的現實——爭學位。本刊訪問多個龍仔家長及補習社,發現這批只是K2的小朋友,現已開始為小學面試準備,有家長激動指:「學校都唔收六月後出生嘅小朋友(細仔)呀!」補習社為爭奪這批客源,各出奇謀,有教法文、西班牙文的,玩「另類」;有將幼兒班數學課程分為八級,推出證書的,玩「專業」。幼兒補習的內容,已到千奇百趣的地步。

面對龍年加雙非,新界北區爭靚學位的情況最嚴重。在天水圍及元朗區開辦四間補習社的Michael,本身亦有一位龍仔。他兒子在五月出世,九月準備升讀K2。他笑指早前電視節目「贏在射精前」的言論一點都不誇張:「天水圍區大約有二十間幼稚園,我個仔年中出世,都要申請超過八間以上嘅幼稚園先有學位。我聽過年尾出世嘅,要申請十間以上先成功搵到間。」他解釋,年頭出世的小朋友,有較多時間發展,面試時確實有利:「個優勢要喺小學一、二年班先無咁明顯。好嘅幼稚園,就會想收一啲比較容易學習嘅小朋友,易教啲。其實由交表嘅一日,幼稚園知道學生出生日期,佢哋已經心中有數啦!」

要識水獺的英文

有小朋友在年尾出世的家長,就向Michael反映,他們都不願意讓子女遲一年才報讀幼稚園,令起跑線set得更後,而解決方法只有一個:就是先報讀較差的幼稚園,再加強力度催谷仔女:「佢哋會報多啲興趣班、學習班,始終小學睇小朋友讀邊間幼稚園之外,有無各類證書都好重要!」而Michael亦坦言,八年前開始補習班生意,原因之一就是想了解現時教育界的情況,為仔女做足準備:「我而家幫個仔報咗游水、畫畫同英文拼音班,每個月都用咗二千幾蚊。本身補習班主攻數學,呢度就可以幫到佢啦!」他指出,內地家長對仔女的教學問題,與港媽一樣「咁緊張」:「內地家長唔願意報讀大陸幼稚園,可能辛苦啲,見過佢哋包架旅遊巴嚟幼稚園上堂!」

八級幼兒數學課程

為了應對「龍B潮」帶來的商機,Michael以五位數字,引入了德國的數學教材,打算在九月新開的課程使用。最新的幼稚園課程共分八級,由一至十順序,到睇時分,暫定每一等級有十二堂,每級通過後都有認可證書,方便家長「儲cert」。而四堂費用暫定為六百元,價錢與中學課程相若,但仍吸引不少幼兒家長查詢及報讀。他透露,近年幼稚園的面試題目已愈來愈深,有時更考起家長:「除咗認顏色,仲要認動物,好似水獺嘅英文(otter),小朋友可能連見都未見過!但因為外國英文書有,學校都會拎嚟問小朋友。」

分娩一刻準備競爭

「爭學位」問題在新界區嚴重發酵,這類競爭在港島區亦不遑多讓。根據數字,二○一二年龍年出生,並預計二○一八年升讀小一的人數,是六萬七千五百人,而今個學年資助或官立小學的小一學額,是四萬八千四百多個。面對一八至一九學年的高峰,教育局只表示會暫時「加派」學額,未有長遠計劃。在港島區居住的「龍媽」Paroni及Phoebe,皆指面對直資小學學位「爭崩頭」,不少一條龍的幼稚園成為家長的首選。有不少學生手持一、兩間小學的入場券,以「試吓無妨」心態報讀直資名校,令爭學位更激烈。兩位龍媽表示,子女都是在十二月出世,在醫院生產時已發現很多媽媽同時分娩,當時已有思想準備,要面對之後的競爭。其中Phoebe報幼稚園時吃了不少閉門羮:「有幼稚園同我講,你唔使遞form啦,都唔使交報名費,因為我哋完全唔會接納(細仔)。」她更聽過有家長用郵寄方式交申請表,不久就「彈票」拒收,她最後亦報了八間幼稚園才成功讓囝囝入學。囝囝將近入讀K2,她亦開始留意小學面試,她坦言除了自動派位,亦希望獲得直資小學面試的機會:「下學期就開始報名,證書都要喺嗰時準備好。好似今個暑假,都開始報興趣班,游水、踢波,都有四、五個,唔想浪費時間!依家都搵緊啲語文課程,因為面試時可能要全用英文對答!」她預算每月花費三千元,為囝囝報讀興趣班。

過來人貼士

另一家長Paroni,就因為其龍年細女,選擇家姐曾入讀的幼稚園,不用四圍撲報名,但她仍決定讓細女遲一年入學,以避過「細仔」的弱勢。由於大女正就讀聖保祿學校,細女報讀可獲加分,情況看似較為輕鬆,但她看得出近年收生要求收緊:「往年有哥哥姐姐讀,基本上係必收,但到囡囡嗰年已經未必。」對於有不少家長為催谷子女,不斷報讀興趣班,Paroni就以過來人身份指,能否入讀心儀小學,面試表現才是最為重要:「有無信心?會唔會怕羞?係唔係簡單答到英文問題?係最重要。呢part訓練好嘅話,面試班都未必係必須,因為最緊要都係肯答。」她指身邊有不少朋友報讀超過八個興趣班,但認為根本沒有必要:「我自己好重視閱讀,一定俾個女睇好多書。我幫大女都只係報三、四個興趣班。我唔認為報得多,(面試成功)機會就大咗,都係睇個別小朋友。」

當頭棒喝

「法語、西班牙文、中樂、豎琴、禮儀,依家真係乜班都有,家姐嗰幾年拎住呢啲cert,就好似好值錢,好巴閉咁。但依家好多機構知道有用,個個都去搞音樂比賽,已經去到人有我有。其實依家學校最重要都係睇臨場表現,同埋家長放幾多時間俾仔女。」Paroni就指,當時大女做的Portfolio(個人檔案)不算「豐富」,但因證明到親子關係良好,最終獲得取錄:「我同佢喺公園搵昆蟲,影咗啲相俾老師睇,學校係會好appreciate(欣賞)。」Paroni坦言,現時社會物資充裕,入學環境都很難與自己小時候比擬,惟有盡量提醒自己:「依家小朋友三、四歲就要去比較。我自己都成日提自己要抽身,唔好太在意,我見好多朋友都報好多興趣班,我有時都會諗係唔係需要。我都好努力咁講唔好去比較,免得我又辛苦,小朋友又辛苦。如果因為咁就無咗童年,就好唔值得。」

撰文:梁延宇攝影:李育明、翁少陽攝錄:關永浩、李育明、翁少陽ed_bn@nextdigital.com.hk

龍年 細仔 仔爭 學位 補習 社大 爆棚
PermaLink: https://articles.zkiz.com/?id=211335

馮仁昭四圍超:阿佘抱家蔚細仔冧晒

1 : GS(14)@2015-05-04 13:55:30

啱啱生咗第二個囝囝JT嘅周家蔚,原來已經出咗院返屋企坐月,唔少好友都有去佢屋企探BB,JT嘅契媽佘詩曼噚日喺微博貼咗幾張JT嘅新相,其中一張阿佘仲好冧咁用下巴貼住JT個頭,佢仲話:「JT唔鍾意包到實,解除束縛後,就乖乖畀契媽抱啦!Congratulations。」睇落JT個樣同哥哥洪大仁一樣都係得盡爹哋洪天明嘅遺傳。撰文:馮仁昭





來源: http://hk.apple.nextmedia.com/entertainment/art/20150504/19134572
馮仁 仁昭 四圍 阿佘 佘抱 抱家 家蔚 蔚細 細仔
PermaLink: https://articles.zkiz.com/?id=290104

大律師男友進軍飲食界苟芸慧有拖拍 戀葉澍堃細仔

1 : GS(14)@2016-05-08 01:56:21

■苟姑娘昨日出席宣傳活動,有愛情滋潤的她明顯風騷。


現年32歲的苟芸慧曾被指介入郭富城和熊黛林戀情,但城城已有國產新歡方媛(Moka),熊黛林也將嫁給郭可盈胞弟郭可頌,剩下苟姑娘名花未有主。昨有周刊爆苟姑娘硬搶好姊妹朱璇的有米男友湯珈鋮並反目,湯珈鋮是息影女星徐楓兒子,現為湯臣集團副主席。其實苟姑娘的真命天子是經濟發展及勞工局前局長葉澍堃細仔葉瀚華(Ian),男方同樣是富二代,苟姑娘今年3月底更黐實新歡約會。



■苟姑娘曾在微博貼與葉瀚華的合照,力撐男友開新店。

■上月中葉瀚華(中)餐廳開幕,獲父親葉澍堃及媽媽捧場。資料圖片


■苟姑娘為點心店的老闆之一,與男友一樣開餐廳。資料圖片

愛到難捨難離

早前苟姑娘受甲狀腺問題困擾,身形暴脹,停工休養,近日積極減磅回復狀態,她即出動獵仔。據知她成功覓得筍盤,今年3月底被拍到出現Ian於灣仔的越法小食酒吧,當時朱璇也在場,其後苟姑娘孖Ian先行離開,原來男方送她到附近出席友人飯局,苟姑娘醫飽肚又匆匆離開滙合Ian,熱戀情侶糖黐豆。Ian本身是大律師,但鍾情飲食生意,所以與幾位朋友合資約7位數,該酒吧上月中正式開幕,當時葉澍堃夫婦有撐場,苟姑娘也曾在微博貼與Ian的合照,力撐他開新店。對於周刊報道指苟姑娘趁朱璇拍電影《使徒行者》,私會家族資產過百億身家的湯珈鋮,甚至姊妹交惡,又指苟姑娘在Instagram取消關注朱璇,無私顯見私。昨日苟姑娘與陳凱琳、蔡思貝和麥明詩等,在尖沙嘴出席無綫節目《星星探親團》記者會,有愛情滋潤的苟姑娘風騷晒事業線搶鏡,她笑言:「我只係着咗中性褸,希望畀人感覺係健康多過性感。」


■苟姑娘被指介入好姊妹朱璇與湯珈鋮戀情。資料圖片

同朱璇冇反目

對於被指撬朱璇男友,苟姑娘透露早上才與朱璇通電話,一笑置之,不欲回應,她續說:「我哋笑到肚痛,其實大家都係朋友。」可是取消了Ig關注?苟姑娘說:「我哋friend到直接打電話,佢都好少玩Ig,我都唔記得有冇關注佢。」苟姑娘姊妹情不變,她表示不心急尋找另一半,目前只專注工作。撰文:楊定





來源: http://hk.apple.nextmedia.com/entertainment/art/20160505/19598063
律師 男友 進軍 飲食 界茍 茍蕓 蕓慧 慧有 有拖 拖拍 葉澍 細仔
PermaLink: https://articles.zkiz.com/?id=299872

【馮仁昭四圍超】大S細仔臉圓似爸爸

1 : GS(14)@2016-09-01 06:12:31

徐熙媛(大S)今年5月為老公汪小菲(小圖)添個男丁,當時大S話囝囝小希箖個樣生得好似吳彥祖。唔經唔覺小希箖已經3個幾月大,噚日終於見到小「吳彥祖」嘅廬山真面目。大S奶奶張蘭喺微博post抱孫相,小希箖似唔似吳彥祖就見仁見智,不過個樣就似爹哋多過媽咪,肥嘟嘟臉圓圓好有肉地,張蘭抱起孫仔,眼神好有愛。撰文:馮仁昭




來源: http://hk.apple.nextmedia.com/entertainment/art/20160831/19754835
馮仁 仁昭 四圍 細仔 仔臉 臉圓 圓似 爸爸
PermaLink: https://articles.zkiz.com/?id=306931

勝利宣言悶親人?特朗普細仔極眼瞓

1 : GS(14)@2016-11-11 08:07:17

美國大選選戰漫長又耗費巨大,有多累人?看看美國總統當選人特朗普10歲小兒子巴倫(Barron Trump)就知道。正當特朗普在紐約的勝選晚會上發表勝利宣言時,站在他身邊的巴倫被拍到睡眼惺忪,眼皮撐不住地不斷瞌上,似乎「睡魔急call」。巴倫在台上站在特朗普身邊,看來十分疲累,他不斷眨眼,力求保持清醒,可惜眼皮始終忍不住地合上,迷迷糊糊的他身體又左搖右擺,但他知道這個場合的重要性,所以多番努力睜大眼睛,又強忍不打呵吹,相當可憐。無法接受特朗普勝選的網民揶揄,巴倫代表了所有美國人的感受,「巴倫就像所有美國人一樣,大家都想現在就去睡覺」、「巴倫看來就如我們的感覺……有點困惑」、「我們都是巴倫」。也有網民批評特朗普是失職的父親,「為何巴倫凌晨3時還未睡覺?這孩子在台上睡著了,他才10歲。看來良好教育並非特朗普的政策」。巴倫是特朗普與第三任妻子梅拉尼婭(Melania Trump)所生的兒子,亦是特朗普最小的兒子。英國《每日鏡報》



想輕輕鬆鬆健康啲,記住留意健康蘋台
http://health.appledaily.com.hk/




來源: http://hk.apple.nextmedia.com/news/art/20161111/19830457
勝利 宣言 親人 特朗普 特朗 細仔 仔極 極眼
PermaLink: https://articles.zkiz.com/?id=314995

【馮仁昭四圍超】甘比大女同細仔爭寵

1 : GS(14)@2016-12-24 10:42:36

【又拖又抱】■甘比單手抱細仔,又騰出左手拖實撒嬌嘅大女。





大劉劉鑾雄同甘比拍拖14年,日前低調簽紙結婚,甘比正式升呢為「劉太」。人逢喜事嘅甘比,婚後生活繼續都係照顧一對仔女返學放學,前日冬至下午3點幾,佢就帶埋大女劉秀樺同細仔劉仲學坐住「1LOVEU2」同「1M1SSU」七人車,現身銅鑼灣利園商場,同行仲有甘比媽同保鑣。



【難敵嗲功】■甘比見大女咁嗲,吃力都要抱起佢。

嘆茶粒半鐘

甘比着住Saint Laurent迷彩軍褸襯Hermès手袋,帶眾人去Cova飲下午茶,估計秀樺同仲學已開始放聖誕假,佢哋心情好好,喺商場紮紮跳,令平時拘謹嘅甘比媽都露笑容。眾人嘆足一個半小時先離開。甘比抱住細仔,甘比媽就負責拖住秀樺殿後,但秀樺忽然扭計,追前要拖實媽咪,甘比惟有單手抱囝囝,左手拖實囡囡。喺商場門口等車時,甘比放低仲學,秀樺即雙手攬實媽咪,甘比見佢咁嗲,即彎身抱抱,不過秀樺始終已經8歲,令甘比抱得有啲吃力。秀樺有媽咪抱,都算同細佬爭寵成功,之後再施展嗲功,將頭挨落甘比膊頭,冧爆甘比。等咗10分鐘後,佢哋就坐車離開。撰文:馮仁昭




來源: http://hk.apple.nextmedia.com/entertainment/art/20161223/19873989
馮仁 仁昭 四圍 甘比 女同 細仔 爭寵
PermaLink: https://articles.zkiz.com/?id=319874

周家蔚開工嚇親細仔

1 : GS(14)@2017-01-17 01:55:23

張繼聰、周家蔚和幼子洪景晞昨日在新蒲崗出席「新年行大運啟動禮」,洪天明帶同長子洪大仁到場為兩母子影相。大會進行放紙炮儀式時,洪景晞怕得伏在媽咪肩膊,之後洪景晞入後台換洪大仁出來。家蔚說:「大仔本來去生日會,但朋友仔病咗,所以天明帶埋佢嚟。」



■張繼聰表示摸老婆謝安琪的肚,感覺到囡囡踢腳。

阿聰高興表示正期待囡囡的來臨,現在摸老婆謝安琪(Kay)的肚,也感覺到囡囡踢腳。對於有傳張敬軒被內地封殺,被消失湖南衛視節目《歌手》,身為軒仔表舅父的阿聰說:「我唔知詳情,唔方便講,等佢哋去交代。識咗軒仔咁耐,佢係實力歌手,重情重義,希望佢事事順利,身體健康。」採訪、攝影:黃曉妍




來源: http://hk.apple.nextmedia.com/entertainment/art/20170116/19898169
周家 開工 嚇親 親細 細仔
PermaLink: https://articles.zkiz.com/?id=322817

特朗普細仔又未瞓醒?同外甥玩搶老竇鏡

1 : GS(14)@2017-01-23 07:45:03

特朗普同日較早前在華盛頓出席巡遊,其間經過旗下特朗普酒店附近。他和妻子及10歲小兒子巴倫不時下車跟群眾揮手,其中早前在特朗普勝利演說中打瞌睡而爆紅的巴倫,再成民眾焦點。




來源: http://hk.apple.nextmedia.com/international/art/20170122/19905434
特朗普 特朗 細仔 仔又 又未 外甥 玩搶 搶老 老竇 竇鏡
PermaLink: https://articles.zkiz.com/?id=323640

貼地親子樂 去嘉年華零排場呂麗君載細仔 同大女鍊車

1 : GS(14)@2017-02-03 03:10:24

【硬碰硬】■呂麗君做「車手」載着細仔子峰玩碰碰車,同大女秀盈互撞。讀者提供圖片



【爆相爆片】大劉劉鑾雄去年11月發聲明與呂麗君已分手兩年,隨即與甘比正式結婚成合法夫妻,呂麗君則專心湊二人所生的一對子女。沒有「大劉紅顏」的光環,呂麗君大前日年初三帶同子女去中環玩AIA環球嘉年華,現場未見保鑣護駕,三母子貼地玩碰碰車,呂麗君更少女上身般,載着細仔與大女秀盈鬥車,難得笑容滿臉。



城中富豪、65歲的劉鑾雄周旋呂麗君與甘比兩位紅顏之間,去年11月終來個了斷,發聲明與呂麗君已分手兩年,往後關係只是二人所生的一對子女、即14歲長女秀盈與6歲細仔子峰的父母,大劉並承諾會將子女的生活費交予呂麗君,確保一對子女生活物質條件如常。大劉之後與甘比於12月正式註冊結為夫婦,成為「唯一」劉太的甘比婚後頻頻獲大劉送贈億億聲的物業厚禮,身家估計最少已逾400億,成為香港女首富。



【冇保鑣】■呂麗君與子女排頭位等玩遊戲,身邊未見有保鑣護駕。

【撞到笑】■平時在公開場合拘謹的呂麗君,被女兒撞到笑笑口,玩得相當投入。


頻密互撞

三人關係明確,呂麗君在大劉的巨額子女生活費下,生活依然富泰無憂,現住在白建時道大屋、出入有司機、保鑣接送。今個新年,呂麗君選擇與一對子女留港過年,大前日年初三,讀者陳先生透過「爆相爆片」直擊呂麗君三母子在中環AIA環球嘉年華享天倫,當時大概晚上約8時,見她們母子三人玩碰碰車,陳先生說:「呂麗君同囝囝一齊坐,大女自己坐一架。喺未開始之前聽到佢問職員係咪一定要扣安全帶,淨係幫佢囝囝扣得唔得,到咗開始嗰陣兩架車都撞得幾密,但係佢哋玩得好開心。」呂麗君平時出入例必有保鑣及大量保安人員開路護駕,但當日似未有像往常的有前呼後擁陣勢,陳先生透露未有發覺呂麗君身邊有其他人,只見到她們三母子:「呂麗君全程冇避忌,玩得好放又好自然,可能當時有啲雨,加上人流又唔算多,所以唔覺有人留意到佢哋,不過佢哋玩咗冇耐已經離開,所以唔知佢哋行咗去邊度再玩。」呂麗君過往甚少被傳媒影到她帶子女貼地親子樂,今次「大細路」上身,載住細仔與秀盈鬥撞碰碰車,沒有大陣仗的保安下,玩得相當放,充滿笑容,絕對不同平時接女放學或帶女出入馬場時的拘謹嚴肅神態,實屬罕見。



■呂麗君帶細仔出街時,保鑣遮陣少不了。  資料圖片

■分手聲明見街後,呂麗君連日外出,其中接女放學時保鑣又用遮擋傳媒。


秀樺都玩

相比之下,甘比三母子就時常打成一片,不時接放學孖住食雪糕,去賣旗,親子節目多多,非常融洽。其實,甘比大女秀樺早前亦曾到過嘉年華,兩個月前,她與婆婆和姨媽陳詩韻等就一起去過,當時秀樺玩機動遊戲時非常盡興。採訪:唐琛悠


■大劉與呂麗君(左)於14年分手,前年她曾與甘比齊陪大劉現身養和。資料圖片

■秀樺於兩個月前由姨媽帶去嘉年華玩飛天韆鞦。資料圖片



來源: http://hk.apple.nextmedia.com/entertainment/art/20170202/19914779
貼地 親子 嘉年華 嘉年 排場 呂麗 麗君 君載 載細 細仔 同大 女鍊 鍊車
PermaLink: https://articles.zkiz.com/?id=325123

周汶錡瞓床湊細仔

1 : GS(14)@2017-03-25 10:34:22

■再做媽媽的周汶錡,昨日與丈夫在互聯網貼上細仔照片。



名模靚媽周汶錡(Kathy)一年前誕下大仔Jacques,婚前曾表示不太喜歡小朋友的她,竟然一年後又再誕下細仔Avner。日前Kathy宣佈平安誕下細仔Avner,她表示第二個兒子的名字是有意思,意指「father of light」,昨日Kathy終於在Instagram貼相公開細仔的廬山真面目。相中見到Kathy在床上休息,右手抱住Avner,老公Julien Lepeu則扶在床邊一齊影相,Avner的右邊面出鏡,皮膚白裏透紅,跟哥哥一樣得意可愛。Kathy留言:「Our little cutie pie arrived」,她看來精神很好,未有半點產後疲累,相信她一定復原得很快。撰文:菲菲




來源: http://hk.apple.nextmedia.com/entertainment/art/20170325/19969035
周汶 汶錡 床湊 湊細 細仔
PermaLink: https://articles.zkiz.com/?id=328769

周汶錡細仔乖乖飲爸爸奶

1 : GS(14)@2017-04-04 08:56:02

■周汶錡法籍老公Julien親自餵細仔Avner飲奶。



周汶錡(Kathy)繼前年7月為法籍老公Julien生下大仔Jacques後,上月20日又順利誕下細仔Avner,現已出院回家休息。蔡一智夫婦和上山詩鈉日前專程到好友Kathy家探望BB,又一起大合照。相中Avner皮膚白裏透紅,眼仔睩睩十分可愛,而另一張他就乖乖躺在父親Julien懷抱飲奶,場面溫馨。



■蔡一智夫婦和上山詩鈉(左二)日前到周汶錡家中探BB。

Kathy原來準備了薑醋、朱古力和熊仔曲奇送給朋友,並謂:「感謝大家對Avner送來的祝福。我們為好友送上這份甜蜜心意,來分享我們一家的喜悅!Our second little bundle of joy has arrived!」撰文:魯吉




來源: http://hk.apple.nextmedia.com/entertainment/art/20170404/19979083
周汶 汶錡 錡細 細仔 乖乖 爸爸
PermaLink: https://articles.zkiz.com/?id=329056

周汶錡細仔Avner擺甫士着哥哥都like的星星裝

1 : GS(14)@2017-04-05 23:56:54

靚媽周汶錡(Kathy)上月20日誕下細仔Avner,兩母子已經出院返家休息,日前Kathy向傳媒朋友送上朱古力、幸運曲奇及豬腳薑的中西合璧生B禮物外,還分享幾張BB相。大眼的Avner裹着毛氈,在爸爸懷中飲奶,另一張相就望實鏡頭,好得意。Avner的白色毛氈飾藍及灰色迷你星星,似乎媽媽Kathy很愛為兩位囝囝添置星星裝,大仔Jacques早前穿過星星裝,連房間佈置都用星星pattern。




來源: http://hk.apple.nextmedia.com/entertainment/art/20170405/19980501
周汶 汶錡 錡細 細仔 Avner 擺甫 甫士 士著 哥哥 like 星星
PermaLink: https://articles.zkiz.com/?id=329292

曹敏莉舉家旅行細仔Leo肥嘟嘟激似「米芝蓮」

1 : GS(14)@2017-04-14 11:12:51

34歲前港姐曹敏莉早年嫁金融才俊張家傑,婚後育囡囡Dora同囝囝Marco,去年12月再生埋三仔Leo,講明生三個夠晒數。婚後曹敏莉一直過住幸福少奶奶嘅生活,相夫教子,日前舉家去旅行,連細仔Leo都跟埋去,昨日佢喺微博貼出同Leo合照,見Leo肥嘟嘟似足Q版「米芝蓮」公仔,非常可愛。




來源: http://hk.apple.nextmedia.com/entertainment/art/20170414/19989736
曹敏 敏莉 舉家 旅行 細仔 Leo 嘟嘟 激似 米芝 芝蓮
PermaLink: https://articles.zkiz.com/?id=330548

周汶錡細仔冚Gucci氈名牌衫仔禮盒收唔停

1 : GS(14)@2017-04-17 07:20:10

周汶錡細仔Avner萬千寵愛在一身,不但有爸爸、媽媽、小哥哥Jacques愛護,還有一班uncle、auntie及品牌愛錫,出世未夠一個月,已經收到父母的親朋好友及友好品牌送禮物,不少BB用品都出自名牌,包括Stella McCartney老虎頭衫衫仔、Kiehl's嬰兒洗澡及潤膚膏、半島精品店hamper等。周汶錡生大仔Jacques時,添置索價799美元、來自北歐嬰童用品Stokke的全木製圓床,細仔Avner的床上用品一樣出自貴牌,豹、波波的馬戲團圖案保暖毛氈就是Gucci出品,圖案搶眼,質感柔軟,索價約$1,900。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170417/19992507
周汶 汶錡 錡細 細仔 仔冚 Gucci 名牌 衫仔 禮盒 收唔 唔停
PermaLink: https://articles.zkiz.com/?id=330860

周汶錡細仔滿月

1 : GS(14)@2017-04-22 10:49:45

互聯網圖片



周汶錡細仔Avner終於滿月,前晚一家為他舉行小型生日會慶祝,更準備了雞造型的蛋糕。周汶錡在Instagram貼多張相,見她老公Julien左手抱細仔,右手更抱着大仔Jacques,臂力十足。眼仔大大的Avner頭髮濃密,而周汶錡明顯已收身,不少網友留言讚她是幸福靚媽,BB可愛兼靚仔。坐完月的周汶錡已調理好身體,除忙於湊兩個得意囝囝外,亦將復工出席品牌活動。



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997503
周汶 汶錡 錡細 細仔 滿月
PermaLink: https://articles.zkiz.com/?id=331327

碧咸被細仔打 硬食右勾拳

1 : GS(14)@2017-05-01 11:58:02

41歲英國萬人迷碧咸(David Beckham)雖然已經掛靴,不過佢平時都keep住做運動,感染埋三個囝囝都非常好動。碧咸同12歲細仔Cruz前日晨早流流去咗打拳,兩父子喺擂台上對打。正所謂「擂台無父子」,佢哋都專攻對方死穴。碧咸就利用高度優勢,打Cruz個頭頂,不過睇得出佢好輕輕力錫住囝囝。而Cruz就專攻碧咸嘅腹部位置,命中率都幾高。Cruz仲睇準時機,右勾拳擊中老竇左邊臉,都幾應吓。碧咸被打後都大笑咗聲,之後就扮晒要反擊逼咗囝囝入角落。碧咸嚟緊會於新片《神劍亞瑟王》(King Arthur: Legend Of The Sword)客串,佢日前於instagram公開咗自己着盔甲嘅劇照,係型嘅。難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170501/20007480
碧鹹 被細 細仔 仔打 硬食 食右 勾拳
PermaLink: https://articles.zkiz.com/?id=332171

谷胸徐子淇收細仔禮物心甜婷婷爆霆鋒唔激得「怕佢為證明去結婚」

1 : GS(14)@2017-05-14 10:50:57

■謝婷婷未有看過該宋祖德食狗屎新聞,但諗起都反胃。



徐子淇、關之琳(之之)、謝婷婷、宋芸樺和白歆惠等前晚雲集將軍澳邵氏影城出席卡地亞派對。身穿白色低胸晚裝的徐子淇,谷胸上陣,問到出門前有否給老公李家誠過目?徐子淇說:「OK嘅,今晚大家party嘛,輕鬆啲。」今日母親節,徐子淇會跟媽咪、奶奶和一家大細一齊過,她說:「細仔喺學校自己整咗個相架,有佢張相同手印,係第一份禮物,好開心好甜!」謝婷婷被問到內地評論員宋祖德指謝霆鋒和王菲已分手,如消息是假,會食400克狗屎。婷婷未有看過該新聞,她說:「吓,好激喎!咁絕嘅,我唔鍾意,咁奇怪,自己唔想睇,佢係咪真係咁鍾意食呢啲嘢,我真係怕阿哥為咗證明一齊,真係走去結婚,唔好講,諗起都反胃。」



■關之琳和卡地亞北亞洲區域行政總裁Nigel Luk在派對上碰面。

■徐子淇前晚穿上白色低胸晚裝出席邵氏影城舉行的卡地亞派對。


「上月見到佢哋」

問婷婷知否霆鋒跟阿菲的感情如何?她說:「上一個月見到佢哋一齊都very good。」婷婷被爸爸謝賢催婚,她表明不想結婚,她說:「佢成日都話我老㗎啦,其實係佢想我快啲結婚啫!我覺得冇乜必要。」她指男友「鷹眼」Jeremy四歲女兒跟她很好,大讚男友女兒獨立。前日Quintus生日,婷婷表示有出席生日會,昨日張栢芝老友張文慈在微博貼生日會相,透露有過百小朋友參加。在玩遊戲時,哥哥Lucas輸了要受罰被搽cream,壽星仔Quintus衝出要為哥哥擋駕。



■謝霆鋒跟王菲(右)上月與謝婷婷見過面。資料圖片

■Lucas(右)玩遊戲時輸了要受罰,壽星仔Quintus為哥哥擋駕。微博圖片


之之陪母飲茶

有份出席派對的之之,問她母親節是否跟媽咪過?她說:「哎呀,我媽咪好忙㗎!佢要打麻雀,都係自己過,可能嗰日同佢飲茶。」同場的台灣女星白歆惠嫁香港富商後定居香港,提到與兒子的第一個母親節怎樣過?她說:「簡單一家三口吃飯,真的好棒,他最近在playgroup打了腳印送給我,收到時都掉眼淚。」採訪:羅慧敏攝影:仇志德、陳順禎




來源: http://hk.apple.nextmedia.com/entertainment/art/20170514/20020485
谷胸 胸徐 徐子 子淇 淇收 收細 細仔 禮物 心甜 婷婷 婷爆 爆霆 霆鋒 鋒唔 唔激 激得 怕佢 佢為 證明 結婚
PermaLink: https://articles.zkiz.com/?id=332965

旗下公司搞音樂會 爛尾後退股志偉細仔曾國猷 涉走數逾200萬

1 : GS(14)@2017-05-21 00:59:09

■曾志偉細仔曾國猷的製作公司去年在啟德郵輪碼頭搞音樂會,但最後爛尾被指「走數」200多萬元。資料圖片



現年64歲的獎門人曾志偉在娛樂圈打滾多年,人面甚廣且有極高江湖地位,他的長女寶儀在司儀界獨當一面,三子國祥憑執導電影《七月與安生》打響名堂,細仔國猷亦成立製作公司,不過近日有指他旗下公司去年在啟德郵輪碼頭主辦的音樂騷,爛尾收場,他退股撇清關係,因而捲入「走數事件」,被合作公司追討逾200萬元的損失。



現年35歲的曾國猷(Mark),在獎門人曾志偉四名子女中排行最細,由外形到舉止都跟志偉最相似。同樣醉心娛樂事業的Mark,不單止從事幕前工作,年前更成立製作公司。去年他跟韓籍拍檔合資開的公司81TV,原定於去年1月23日在啟德郵輪碼頭舉辦「Listen To Your Eyes音樂會」,演出嘉賓包括韓國女團Girl's Day、Dear Jane、Supper Moment及24味,門票分為980元及580元。惟音樂會一拖再拖,去年1月把音樂會延期至同年5月28日舉行。及至5月24日,主辦單位以政府增加額外牌照條件,導致表演告吹,事後食環署及消防處回應指控,強調根據既有程序規定處理申請。有份參與宣傳及製作的公司齊聲指摘Mark涉嫌「走數」,令他們蒙受金錢或聲譽損失,總額高達200多萬。



■三位有份參與音樂會的公司代表,日前力斥曾國猷涉嫌「走數」。攝影:陳俊強

■曾國猷有份舉辦的音樂會,由原定去年1月舉行延期至5月,最後更取消收場。

■當時主辦公司的股東名單中,標榜曾志偉兒子曾國猷為大股東之一。


遭合作公司聲討

三位分別來自三間公司的代表早前接受本報訪問,其中一間公關公司負責人梁先生,指事件令公司聲譽受損,因其公司負責幫Mark找贊助及投資者,涉及金額達200萬:「大約有三個贊助,大部份Mark都有親自開會,其中有一間韓國汽車公司,都係攞唔番錢。」梁先生表示贊助客戶已打算用法律途徑處理:「當日係Mark出面傾嘢,?家話同呢間公司無關,真係好無奈。」自稱負責音樂會工程的阿聯,透露前年11月接洽有關工程,他說:「舊年1月突然話取消改5月做,後來個騷直頭停咗,但因為嗰時所有嘢都已經做晒,我每個月都俾人追數。」另一位公關公司負責人Patrick直言是得知曾志偉兒子Mark有份參與,才放心接來做。採訪:小米、李森、曹家誠


■孻仔曾國猷於12年結婚時,全家出動祝賀。資料圖片

■獲邀參與音樂會的樂隊Dear Jane表示已收取定金演出。資料圖片



來源: http://hk.apple.nextmedia.com/entertainment/art/20170520/20026948
旗下 公司 音樂會 音樂 爛尾 後退 股誌 誌偉 偉細 細仔 曾國 涉走 走數 數逾 200
PermaLink: https://articles.zkiz.com/?id=333769

同台灣老公離婚黃心美撻着保釣烈士細仔陳安立

1 : GS(14)@2017-06-26 03:22:54

2017-06-22 NM

馬國明女友港姐心穎BB(黃心穎),樣貌同身材都有番咁上下,就好多人都知,但原來他們黃氏四姊妹心美、心妙同心慧,個個都係靚女級人馬,真係一門四美。大家姐黃心美係viuTV台花,15年底同台灣老公離婚,一直未有新戀情,就連已經搵到筍盤馬國明的細妹黃心穎,都替家姐着急,聯同豹哥(單立文)安排相睇飯局,但有樣有身材的黃心美根本唔dry,同viuTV同門師弟、保釣烈士陳毓祥細仔Brian陳安立,已經秘戀兩個月,Brian更上埋心美位於油塘的Ocean One寓所,入屋見晒家長。鍾意高大男

三十五歲宅男女神黃心美(Scarlett),因為同台灣前夫Thomas分隔兩地,導致感情轉淡,一五年底正式離婚,結束四年多婚姻生活,回復單身的心美亦專心發展事業,對感情毫不心急,即使身邊不乏狂蜂浪蝶,追求者有專業人士亦有富二代,但心美都睇唔上眼,但原來她最近揀了比她細五年,高大靚仔的viuTV新寵Brian陳安立。二十九歲的陳安立原來大有來頭,父親是香港保釣烈士陳毓祥,母親劉舜卿是教育機構校監,父親的一班好友梁錦松、朱培慶、麥潤壽、曹貴子醫生更加係睇住Brian成長,而受父親經歷影響,Brian亦比同齡的年輕人思想成熟兼有責任感。講過鍾情高大猛男的心美,前夫Thomas已經高人一等,比她高出成個頭,所以六呎一吋的Brian,啱晒女神杯茶。

唔要贍養費

「Scarlett(黃心美)唔隱瞞,一早已經話明揀男友一定要高大靚仔,當年佢同前夫都係一見鍾情,但結婚之後,Scarlett留香港發展,工作愈嚟愈忙,同住喺台灣嘅老公見面時間愈嚟愈少,最後都要分開,但Scarlett好硬淨,佢由細到大都唔鍾意靠男人,所以離婚佢亦唔要贍養費!佢覺得自己賺錢自己使先有安全感!」黃心美友人說。由於與Brian同屬viuTV旗下,兩人去年開始經常孖住工作,日見夜見擦出愛火。「好多時收工,佢哋都一齊食飯,加上佢兩個都鍾意講英文,大家同聲同氣特別啱傾,最初佢哋都成日搵埋經理人掩護先約出街,但依家已經三人行變咗二人行!」知情者說。

一早入埋屋

上週四(六月八日),黃心美與Brian在旺角出席完活動,同坐經理人車返回心美位於油塘的Ocean One寓所,落車時,Brian更好有風度幫女友開埋車門。兩人一同返上寓所,大約一小時後再度落樓,今次就帶埋心美的兩隻摩天使狗仔,似足一家四口到樓下拍拖!拖住狗拍拖的確幾浪漫,兩人行行吓更加突然同狗仔追逐係咁跑,兩人亦忍唔住笑到咔咔聲,相當sweet!其間兩人路過地產鋪,更加停低研究,本身已經有兩層樓喺手的黃心美,唔通咁快就想同Brian一齊築愛巢,更手指指似乎對其中一個樓盤好有興趣。

一門四美

一屋四美的黃氏姊妹花,四姊妹感情要好,可能同闖娛樂圈關係,心美同四妹心穎就特別投契,由於二妹心妙長居澳門,三妹心慧又是空姐關係經常四圍飛,心美心穎就經常孖公仔一齊去街。比家姐遲入行的黃心穎,就曾公開表示家姐傳授唔少做主持經驗給她,令她初次做主持亦無咁大壓力。畢業於英屬哥倫比亞大學的黃心美,操得一口流利英語及普通話,加上樣子甜美擅於執生,已成近期當紮主持,每月平均都有超過十個主持工作,收入不俗,難怪一三年能以一千二百萬買入現居的Ocean One物業連車位,去年再以四百二十萬,與細妹黃心穎一同購入加拿大一個住宅單位連車位。

計劃搬走

同家姐一樣有驚人潛力的黃心穎,上月亦斥資八百多萬買入啟德新盤天寰一個兩房單位升呢做業主。「依家心穎同兩個家姐一齊住喺油塘,雖然間屋有三間房,但同馬明拍拖之後,心穎都想有自己私人空間,拍拖都方便啲,所以收樓之後,都會搬出去住!」知情者說。除了在娛圈發展順利的心美心穎,已經嫁人的二妹黃心妙,老公是澳門銀行界富二代,即使已經是三個小朋友媽咪,身材一樣索爆,一四年黃心妙啱啱生完二女,因為撐洗米華老婆Heidi出席活動,剛坐完月的她穿著性感晚裝艷壓全場,至於三妹心慧,一樣是航空之花,身邊不乏追求者,男友亦揸開篷Audi經常接載心慧,果然個個咁搶手!

保釣烈士父親

年僅29歲的陳安立,其父親為21年前,香港保釣烈士陳毓祥,96年9月26日,保釣運動領袖陳毓祥,於釣魚島宣示中國主權,而不幸在海中被繩索纏住及被船隻撞傷頭部而遇溺身亡,遺下太太及一對年幼子女,而陳安立當年只得8歲。12年,陳安立參加nowTV舉辦的「CEO選拔賽」獲得兩獎而入行,曾主持now觀星台及芒果台,去年正式加入viuTV簽約成為藝人,並於劇集《三一如三》中飾演健身教練,大晒胸肌。陳安立亦實現父親生前遺願,自組了一隊籃球隊Hero。

四千金

心美心穎的父親黃沛霖行醫多年,95年舉家移民到加拿大,繼而回流返港,四位千金自小生活無憂。

黃心美Scarlett(大家姐)現年三十五歲的黃心美,於英屬哥倫比亞大學畢業,早年於溫哥華讀書,被發掘當電視節目主持,06年,回流返港簽約東亞做歌手,可惜被派到無綫任娛樂台主持,發展不順利;現時她在nowTV及viuTV主持節目,不時參與廣告拍攝,加上樣子甜美,被網民視為「宅男女神」;感情方面,11年與拍拖五年的台灣男友結婚,可惜二人經常分隔異地,15年離婚收場。

黃心妙Shelby(二家姐)34歲的黃心妙,09年嫁澳門商人,誕下兩子一女,並定居澳門,其丈夫龔偉鵬於澳門人脈甚廣,開設Ritz Entertainment Production,主辦演唱會、運動事業活動,黃心妙一直相夫教子,不時與丈夫現身ball場,過住闊太生活。

黃心慧Shirley(三家姐)現年31歲,為國泰空姐,Shirley一樣樣靚身材正,熱愛旅遊,卻不愛成為公眾人物,不時於網上大晒旅遊照。

黃心穎Jacqueline(孻女)年僅28歲,12年香港小姐亞軍入行,拍過不少電視劇,近年人氣急升,主持《學是學非》,又拍《東坡家事》、《與諜同謀》等電視劇,套套擔正女二,受無綫力捧。

撰文:娛樂組攝影:陳亦龍、李溢敏
同臺 臺灣 老公 離婚 黃心 心美 美撻 撻著 著保 保釣 烈士 細仔 陳安
PermaLink: https://articles.zkiz.com/?id=337058

周汶錡捐細仔利是行善

1 : GS(14)@2017-07-01 10:29:22

■周汶錡昨日為細仔舉行百日宴,一家四口十分幸福。互聯網圖片



周汶錡(Kathy)今年3月為法籍老公Julien Lepeu誕下可愛細仔Avner,昨日低調舉行百日宴,袁詠儀、蔡一智夫婦、上山詩鈉等圈中好友出席,Kathy昨日接受訪問時說:「細仔今日100日喇!搞咗個lunch,家人同朋友話想幫個仔慶祝,因為百日宴都係中國人嘅節日,加上多數都係屋企人,所以揀咗喺銅鑼灣食中菜。」
Kathy覺得小朋友的節目不應大事鋪張,而一如既往,她都要求所有親友封利是,將愛和更有需要的人分享,Kathy說:「同哥哥(Jacques)一樣,所有利是錢都會捐畀培苗行動,幫助喺山區起學校、助學,已經捐咗畀呢個機構十幾年,幫到人,我覺得好有意義。」採訪:羅慧敏




來源: http://hk.apple.nextmedia.com/entertainment/art/20170628/20070851
周汶 汶錡 錡捐 捐細 細仔 仔利 利是 行善
PermaLink: https://articles.zkiz.com/?id=337355

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019