ZKIZ Archives


許冠文惠英紅爭亞洲電影帝后林嘉欣任評審 唔偏心

1 : GS(14)@2017-01-12 08:08:34

林嘉欣及內地導演賈樟柯昨日在尖沙嘴喜來登酒店、以評審身份出席第11屆亞洲電影大獎記者會,公佈今屆入圍電影名單。許冠文憑電影《一路順風》再度角逐最佳男主角,跟任賢齊及韓國演員孔劉爭獎,女主角獎由惠英紅及內地的范冰冰等爭奪。憑《七月與安生》角逐最佳導演獎的曾國祥,表示看好同組爭獎的韓國電影《哭聲》導演羅宏鎮(提名名單見附表)。嘉欣接受訪問時表示一個月內要看34部電影,她說:「好期待,好少機會睇到印度、菲律賓啲電影,仲有南韓等唔同地方嘅戲,機會難得。」她回想未做媽媽時,不時會孭背囊出席不同影展,但現在較難成事。嘉欣笑言雖然有許冠文這位前輩入圍,但不會偏心加分。



■今屆亞洲電影大獎評審主席為賈樟柯(左)。

■惠英紅在《幸運是我》中的角色,令她想起剛離世的母親。劇照


小紅心情矛盾

憑電影《幸運是我》挑戰影后的惠英紅,在戲中演一名腦退化病患者,她說:「我都有私心嘅,最近媽咪因為呢個病就走咗,?家心情好矛盾,每次講起都比較傷感,都多謝所有人嘅認同,好感激!」爭獎的還有《我不是潘金蓮》的范冰冰、韓國電影《德惠翁主》的孫藝珍等。而憑電影《樹大招風》爭影帝的小齊說:「兩位男主角陳小春、林家棟也演得相當好,可能是角色與平日的我反差很大,覺得比較新鮮才選我。」



■熊黛林憑《擺渡人》首次獲提名。劇照

■許冠文失落金馬影帝,且看今趟能否收復失地。《一路順風》劇照


熊黛林覺幸運

熊黛林憑《擺渡人》有機會挑戰《一念無明》的金燕玲爭女配角獎,熊黛林回應說:「今次係我第一次獲得提名,2017年對我嚟講係一個好開始,我覺得自己好幸運同幸福。」採訪、攝影:張俊銘


【第11屆亞洲電影大獎部份入圍名單】


最佳電影

《哭聲》南韓《密探》南韓《吹不響的小風琴》日本《一路順風》台灣《我不是潘金蓮》中國


最佳導演

《哭聲》羅宏鎮(南韓)《吹不響的小風琴》深田晃司(日本)《七月與安生》曾國祥(香港,中國)《我不是潘金蓮》馮小剛(中國)《離開的女人》拉夫狄亞茲(菲律賓)


最佳男主角

《一路順風》許冠文(台灣)《屍殺列車》孔劉(南韓)《吹不響的小風琴》淺野忠信(日本)《不成問題的問題》范偉(中國)《樹大招風》任賢齊(香港)


最佳女主角

《德惠翁主》孫藝珍(南韓)《我不是潘金蓮》范冰冰(中國)《夢燑花嫁》黑木華(日本)《幸運是我》惠英紅(香港)《離開的女人》Charo Santos-Concio(菲律賓)資料來源:亞洲電影大獎




來源: http://hk.apple.nextmedia.com/entertainment/art/20170112/19893681
許冠 冠文 惠英 紅爭 亞洲 影帝 林嘉欣 評審 偏心
PermaLink: https://articles.zkiz.com/?id=322336

【馮仁昭四圍超】惠英紅爭影后拎獎放阿媽墳頭

1 : GS(14)@2017-04-04 08:56:02

■惠英紅有信心第三次拎金像獎影后。





【第36屆香港電影金像獎】惠英紅同香港金像獎特別有緣,82年憑電影《長輩》奪得首屆金像獎影后,10年再憑電影《心魔》奪同一殊榮,今年佢以電影《幸運是我》第三度提名,佢話有信心,但對手周冬雨、馬思純、鮑起靜同湯唯都好勁(見附表)。喺《幸》片中小紅姐演一名患上認知障礙症病人,故事係亡母藍本:「我媽病咗好多年,我再有耐性都會嫌棄。拍完套戲,我媽就惡化,佢冇睇到套戲。我媽過身兩日,套戲入圍,唔知開心定唔開心。」



■小紅姐用肺部比喻亡母,提到媽咪生前點滴即喊唔停。

■小紅姐侍母至孝,《幸》片正是以母親故事作藍本。



鬧母親好內疚

戲中陳家樂鬧小紅姐唔識用電視遙控器,原來係小紅姐媽咪嘅真人真事,小紅姐話:「我媽咪18歲嚟香港,到走嗰日都唔識用電話,電視遙控轉咗台,佢就唔識。嗰次我真係攞住個遙控一嘢掟埋佢身邊,話『你蠢過豬咁,不如死咗去』,跟住好內疚,見佢眼濕濕,又流鼻涕,我即刻行咗去,真係折墮啦,我死咗要落18層地獄。」如果小紅姐呢次再封后,佢話:「個獎會放喺阿媽墳頭。」一提亡母,佢即忍唔住流淚:「希望我媽知,我真係盡咗力。」小紅姐有名有利,但都有遺憾:「我冇童年,要搏殺,冇拍拖。人人做阿媽,我?家想咇都咇唔到出嚟。我人生好多殘缺,我冇得返學,小朋友有着過校服,我完全未着過。」撰文:馮仁昭




來源: http://hk.apple.nextmedia.com/entertainment/art/20170404/19979082
馮仁 仁昭 四圍 惠英 紅爭 爭影 影後 後拎 拎獎 獎放 阿媽 墳頭
PermaLink: https://articles.zkiz.com/?id=329057

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019