ZKIZ Archives


紅姑愛大自然 倡罰缺德龍友

1 : GS(14)@2015-04-19 23:52:02

■鍾楚紅穿上一襲火紅色的開胸拉鏈長裙,明艷照人。


鍾楚紅(紅姑)、張智霖(Chilam)、周汶錡、馬詩慧與女兒王曼喜等,前晚在圓方出席《Dior and I》紀錄片首映禮,周汶錡大肚近7個月依然着3吋高踭鞋,認真貪靚。紅姑一襲火紅開胸拉鏈裙造型,事業線若隱若現,性感誘人,她笑言已經打底,胸前拉鏈位置是適可而止:「你哋咁貪心㗎?夠㗎喇!」提到《Dior and I》是一齣自傳式的電影,問紅姑會否有興趣拍此類電影,她說:「如果部戲係講我自己嘅就唔拍喇,我份人咁悶。《Dior and I》就會拍,一定拍得我好靚,同有靚衫着。」紅姑不打算出自傳,不過,她可以考慮出有關環保和攝影書籍



■張智霖(右)見到懷孕7個月的周汶錡,忍不住作狀伸手摸肚皮。

■馬詩慧和王曼喜母女應邀出席《Dior and I》首映。

■黃偉文一身Dior Homme潮人現身首映。



Chilam地獄式減肥

對於最近有報道指一些攝影發燒友為構圖美觀,破壞大自然,她說:「呢個係一個好差嘅行為,一啲都唔愛惜大自然,應該立例去管理。同埋應該有刑罰。最好罰巨款同要坐監,咁先可以阻嚇到嗰啲冇公德心嘅人。」日前發哥蒙面在又一城被粉絲捕獲,紅姑笑說:「佢咁高大,同埋佢行得咁張揚,梗係俾人認到啦,我平時周圍去影相都冇人發現我,我有我自己嘅方法㗎喇。」此外,張智霖拍竣電影版《十月初五的月光》後磅數急升,他要為7月演唱會開始減肥,問到他會否效法黎明(Leon)7日靜坐減肥法,他說:「我唔識呢啲嘢,冇偏方,用嘅係最原始方法,就係搵魔鬼教練進行地獄式訓練,食嘢係人嘅原始慾望,寧願做多啲運動,郁多啲,Leon個偏方要請教吓先。」採訪:譚倩宜攝影:陳志嵐、仇志德



■龍友曾為拍攝雀鳥,以蟲作餌,影響大自然生態。 資料圖片



來源: http://hk.apple.nextmedia.com/entertainment/art/20150419/19117299
紅姑 姑愛 大自然 倡罰 缺德 龍友
PermaLink: https://articles.zkiz.com/?id=289678

馮仁昭四圍超:紅姑56歲生日狂收花

1 : GS(14)@2016-02-18 23:32:36

微博圖片








前日係大美人鍾楚紅(紅姑)嘅56歲生日,喺呢個重要日子,梗係有唔少朋友同佢慶祝,紅姑噚日喺微博貼相兼留言,佢話:「謝謝大家的祝福!感恩!」原來佢啲朋友知道紅姑係愛花之人,所以除咗送蛋糕之外,梗係唔少得靚花喇!睇見佢一口氣晒咗七紮花出嚟,仲露出一臉冧爆嘅笑容,似乎好滿意朋友嘅心意。撰文:馮仁昭





來源: http://hk.apple.nextmedia.com/entertainment/art/20160218/19494885
馮仁 仁昭 四圍 紅姑 56 生日 狂收 收花
PermaLink: https://articles.zkiz.com/?id=296226

紅姑玩街拍四眼男貼身服侍

1 : GS(14)@2016-03-09 16:25:58

【孖公仔】■紅姑前晚在灣仔晚飯後,與跟四眼男Leo一同到停車位取車。








【灣仔】紅姑鍾楚紅雖然已經年屆56歲,但依然魅力逼人,前晚8時許她化上盛妝、襯以一對4吋高踭鞋駕車到灣仔一間獲頒米芝蓮星的法國菜餐廳Serge et Le Phoque食飯。原來一早已有約10名男女在餐廳內等候紅姑,當中包括陳慧琳的經理人鍾珍以及美術指導奚仲文。紅姑被安排坐在一名戴眼鏡的斯文男士身旁,該名男士對紅姑照顧有加,為她拉椅。由於光線較暗,紅姑要戴上眼鏡才仔細看餐牌。



【食住影】■四眼男Leo在餐廳首先為紅姑拍照,影了近5分鐘。DV圖片

【挨牆影】■在門外拍照時雖然場景簡陋,但紅姑依然交足功課,非常專業。

【笑得冧】■雖然對面是街市,但紅姑仍不停擺出各款姿勢拍照,不受周遭環境影響。


■紅姑前晚約了鍾珍及奚仲文等到灣仔食法國菜。

門口影足15分鐘

晚膳吃了差不多一半的時候,斯文四眼男向紅姑展示隨身相機,在餐廳內為紅姑拍照。之後又帶着紅姑到門外再拍,雖然門口的背景簡陋,對面又是街市,但紅姑一點都沒有介意,不停在鏡頭前搔首弄姿拍照,完全不受周遭環境影響,影了足足15分鐘後,四眼男再跟紅姑入內繼續晚餐。紅姑這餐法國菜吃了兩個多小時,到10時半才離開餐廳,一行人還在門外閒聊了幾句。四眼男待眾人離開後才送紅姑到停車位取車,兩人隔着車窗亦聊了近10分鐘。鍾珍的經理人公司發言人昨日接受電話訪問時表示,前晚是公司晚膳,該男士Leo是公司的員工,已不是首次被拍到,而所拍的照片是用來發回給紅姑的贊助商。採訪、攝影:徐錦池、畢紹基





來源: http://hk.apple.nextmedia.com/entertainment/art/20160309/19521377
紅姑 姑玩 玩街 街拍 拍四 四眼 眼男 貼身 服侍
PermaLink: https://articles.zkiz.com/?id=297364

【馮仁昭四圍超】潮味紅姑嘆茶多人

1 : GS(14)@2016-09-01 06:24:33

56歲鍾楚紅退休多年,閒時影吓相周圍去旅行,過住養尊處優生活,加上咁多年都keep到樣靚身材正,真係令唔少女人羨慕。日前紅姑同助手現身中環ifc,當時佢拎住個連卡佛紙袋,血拼完之後就去嘆茶,一身黑色Jacket、黑色貼身褲、大黑超,紮住馬尾,星味潮味盡現。嘆咗大約個半鐘茶,紅姑埋單後箭步行出餐廳,短短幾秒已經吸引唔少途人目光。撰文:馮仁昭




來源: http://hk.apple.nextmedia.com/entertainment/art/20160901/19755776
馮仁 仁昭 四圍 潮味 味紅 紅姑 姑嘆 嘆茶 多人
PermaLink: https://articles.zkiz.com/?id=307048

紅姑愛花愛到上膊用Fendi近萬元花花肩帶

1 : GS(14)@2016-09-04 18:03:44

鍾楚紅出名是愛花之人,愛到連衣着打扮都花花上身,不過off duty look出名簡單低調的紅姑,未有大大朵花花圖案擺上身。日前,她被捕獲在中環用膳時,反而用了索價近萬元的Fendi Strap You立體花手袋肩帶,點綴一身黑、灰、藍的超平實隨意打扮,平凡中見高貴細節。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160904/19759673
紅姑 姑愛 愛花 花愛 愛到 到上 上膊 膊用 Fendi 近萬 萬元 花花 肩帶
PermaLink: https://articles.zkiz.com/?id=307463

【爆相爆片】約蔡瀾街市食印度菜紅姑滿足撩牙

1 : GS(14)@2016-09-11 05:50:27

■鍾楚紅飽餐後即隨意地拎起牙籤撩牙。讀者提供圖片



現年56歲鍾楚紅自退休後,閒時四處去旅遊影相、參與環保慈善工作,又或者相約好友聚餐,一直過着養尊處優,優哉游哉的生活。日前紅姑又再出動,跟好友蔡瀾欣賞蘇美璐的《珍收百味集》畫展,再到熟食檔嘆印度菜,一眼就被街坊認出,讀者李小姐前日透過本報「爆相爆片」,爆料指目睹紅姑跟識食之人蔡瀾,到相當平民化的上環皇后街的熟食市場食飯,該處環境好街坊,兩人亦表現得很隨意,選了一間食印度菜的餐廳,邊食邊聊天,而飽餐之後一臉滿足的紅姑,更放下女神形象,拎起牙籤當眾撩牙,當然撩牙時有用手掩口保持儀態。



■鍾楚紅和蔡瀾經常相約睇畫展。微博圖片

蔡瀾請客

李小姐說:「現場有唔少食客見到紅姑同蔡瀾都紛紛打招呼,不過有人要求合照俾佢婉拒。大約個幾鐘後,佢哋食飽離開,由蔡瀾請客埋單。」蔡瀾和紅姑相認多年,紅姑亡夫朱家鼎的爸爸朱旭華,當年曾在邵氏擔任《香港影畫》主編,亦是邵氏電影開國功臣,蔡瀾則曾於邵氏擔任製作經理,蔡瀾曾稱朱旭華是他最尊敬的長輩,和朱家鼎亦份屬好友。當日朱家鼎病逝,蔡瀾親筆撰寫悼文。而過往紅姑舉行攝影展,蔡瀾定必出席支持,甚至會相約參觀其他展覽。採訪:唐琛悠




來源: http://hk.apple.nextmedia.com/entertainment/art/20160911/19766927
爆相 相爆 爆片 約蔡 蔡瀾 街市 印度 菜紅 紅姑 滿足 撩牙
PermaLink: https://articles.zkiz.com/?id=308614

紅姑冇男士敢約會

1 : GS(14)@2016-11-29 07:55:30

鍾楚紅(紅姑)昨日於銅鑼灣出席護膚品牌Amorepacific開幕禮,56歲的紅姑風采不減,原來她有護膚秘訣,她說:「我太熱愛生活,唔會太注意喺塊面度。運動同瞓覺都有幫助,睡眠唔充足,但堅持運動,會行山,血液循環有光澤啲。」問紅姑會考慮醫學美容嗎?她笑說:「唔敢,怕變咗唔係自己,會好驚。」紅姑透露聖誕前會出門旅行,聖誕則留港工作,直問她是否旅行拍拖?她謂沒有拖拍的生活很好。問她有男士約會?她說:「邊個敢dating我,人哋唔驚我都驚,唔係都講到係,成日喺屋企好悶,唔可以出街,又唔可以喺屋企,唔知點,好奇怪。」採訪:羅慧敏攝影:陳俊強




來源: http://hk.apple.nextmedia.com/entertainment/art/20161129/19848441
紅姑 姑冇 男士 約會
PermaLink: https://articles.zkiz.com/?id=317522

紅姑無心再拍拖

1 : GS(14)@2017-02-02 02:34:13

鍾楚紅昨日在尖沙嘴出席「金龍獻瑞及福星高照醒獅賀歲」,穿上紅色襯托新年氣氛。紅姑透露每年農曆新年,都會將屋企擺滿桃花、水仙、芍藥等等,她說:「呢啲花平時好少見到,尤其係桃花,我每年都會擺。」紅姑指過去一年曾推出相集做善事,而未來一年會做綠色生態的事,她更展示其拍攝的「維港美景」。紅姑接受訪問時,被問到擺桃花是否想行桃花運?她說:「冇得想,我都冇諗過,順其自然。」紅姑表示未有追求者:「你個心唔喺度就冇留意,我個心淨係留意環保同影相,我成日行山,好多地方都被污染,好多路都爛咗失修,我就好着緊。」採訪:黃曉妍攝影:葉君海




來源: http://hk.apple.nextmedia.com/entertainment/art/20170201/19913903
紅姑 無心 拍拖
PermaLink: https://articles.zkiz.com/?id=324973

紅姑呻錯過買四合院

1 : GS(14)@2017-04-13 00:23:59

【北京直擊】鍾楚紅前晚在北京出席珠寶品牌Chaumet活動,同場有荷李活女星、蜘蛛女姬絲頓丹絲(Kirsten Dunst)、《天使愛美麗》(Amelie)法國女星柯德莉塔圖(Audrey Tautou)、內地女星高圓圓、韓國組合EXO成員張藝興及日本名模長谷川潤等。傳懷孕的高圓圓穿上火紅長裙,身形很好不似有孕。紅姑則表示想到頤和園觀光:「以前會行街買字畫,行胡同,鍾意四合院,仲爭啲買咗間,不過因為條例複雜買唔成。如果當時買咗,?家就發達。」



■柯德莉原來已是第二次去北京。

第二次訪京的柯德莉受訪時,表示對珠寶首飾很感興趣,看見現場放有后冠,她說:「珠寶很珍貴,自己能看到這些手工藝覺得很幸運。」採訪、攝影:曾小嘉




來源: http://hk.apple.nextmedia.com/entertainment/art/20170412/19987394
紅姑 姑呻 錯過 四合院 四合
PermaLink: https://articles.zkiz.com/?id=330268

冇諗過再婚紅姑念亡夫:佢似我守護天使

1 : GS(14)@2017-04-22 10:43:43

鍾楚紅、關之琳、張智霖(Chilam)及中田英壽等昨晚現身尖沙嘴,出席LV旗艦店開幕活動。紅姑剛由台北回港,透露曾與台灣名製作人邱瓈寬飯敍,問到對方在facebook指郭富城結婚沒邀請她,叫他下次結婚再請一事,紅姑表示:「我唔覺得佢嬲,佢成日搞笑,唔係點會咁多粉絲。」



■紅姑昨晚直言亡夫仍在心中,是她的守護天使。

■中田英壽專程由日本來港出席活動。

■文詠珊昨晚穿短裙騷美腿赴會。

■朱家鼎已去世10年,紅姑坦言日日懷念他。

「愛情仲喺度」

提到有報道指她亡夫朱家鼎是天主教徒,紅姑更承諾一生不嫁,紅姑表示亡夫逝世10年:「我日日懷念佢,在心中,佢好似我守護天使,日日守護我,以前喺夢中都見到佢,計劃出trip而又未知去唔去,就會夢見佢,佢好似陪住我一齊去咁。」問到是否許下不再嫁誓言?紅姑更眼濕濕表示:「唔係話一個承諾,我哋嘅愛情仲喺度,唔會特登乜嘢承諾,係心裏面感覺,可能我係一個保守嘅人,我接受佢唔喺我身邊,佢精神影響仲喺度,因為佢令我知道世界咁,令我成長增長見識,冇佢就冇今日嘅我!我冇諗過,亦都冇咁打算,不過呢個係我嘅事,再唔再婚都唔關你事。」


送杯賀城城

此外,Chilam提到為郭富城結婚做兄弟好夢幻,見證雙方家長充滿幸福笑容。他表示送了一對香檳杯賀城城,寓意好事接踵而來,問他城城是否雙喜臨門?他笑言:「唔清楚,未收到通知。」Chilam亦笑言聽不到城城外父在台上提自小聽對方歌成長,提到方媛肚圓潤,他說:「嗰日被幸福包圍住,睇唔到半點蛛絲馬迹。」對於寬姐祝城城「下次結婚」一事,Chilam笑言留待城城於今日活動親自回應。採訪:羅慧敏攝影:陳俊強



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996117
冇諗 諗過 再婚 紅姑 姑念 亡夫 佢似 似我 守護 天使
PermaLink: https://articles.zkiz.com/?id=331217

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019