ZKIZ Archives


放假x大時代x暴瘋語

來源: http://hkcitizensmedia.com/2015/04/12/%E6%94%BE%E5%81%87x%E5%A4%A7%E6%99%82%E4%BB%A3x%E6%9A%B4%E7%98%8B%E8%AA%9E/

放假x大時代x暴瘋語

今個星期,嬴得小都係罪?!港股大時代,通街現股神。

「今個星期賺左幾多啊?」

「賺5%,定10%20% 啊!?」

以上兩句說話,係茶餐廳、坐車都必定會聽到。

依個時侯,越黎越多投資者走左出黎講股票,兇兆。

話先說在前頭,在下並唔係操盤股神,只係一個炒下股、經歷過一點風雨的老人家,但咁大個人都未買過銀行股,當然都無可能嘗試到買中銀蝕9成,所以教育下一代係好重要,亦係未來其中一個重要使命!而且一定要做運動!

在下一向深居簡出,如果在香港,閒時最多都係搵幾個基金基理、Private Banker又或者上市公司的CEO、地產商,飲杯咖啡,食過晚飯,之後就無咩好節目,因為佢地唔係有一對仔、就有三個女咁,唔想阻佢地愛回家…..

但今晚就俾荷記的Private Banker,大M、立記的阿陽(已經講得太明顯)邀了在下出去模下酒杯底,未飲紅酒,第一句…….點解仲係香港啊,股神?

*註:無論對方階級幾高,幾有知名度都好,都係咁叫,現階段股神通街都係,並無特別意思。

「點解仲係香港,唔係話番美國休息?」

「你老闆,我好想放假!!!!!!!!!」

這句說話,應該係一個長期打工仔的心聲同納喊聲,一般情況,在下作為一個斯文人,都係默默放係心入面,但依句說話放係心入面太耐,講又無對像,但真係好想講出口,話俾人知,久以久之,唯有自已同自已講。

金融界,今個星期仲有咩話題啊?難道佢地兩位真係關心在下為何還留港?仲教唔教育下一代?

肯定係牛三啦!

但好奇怪,佢地二人完全無意識係牛三,亦無提過指數二字。

可能、或者,皆因阿M預測今年恆指25500點,阿陽預測港股最低為20,750點,上升目標達26,500點,上哂報到講,如今提都唔想提。

其實在下真係唔覺得需要忌諱,因為全地球都無人估中,恆指427,922點!成個星期恆指升1997點或7.9%;國指升1324點或10.46%。在下慶幸三月中準備好哂,撿齊左個一帶一路、鐵路股連互網+的《火燒股》組合,仲有一個五軍的推介倉,足夠咩都唔使做放假去,一個進可攻退可守的組合,賺左今個星期升浪先。唯一遺忘左剩係某金融CEO好友間公司,今個星期足足升左52.174%!但佢都無單過一聲,幾咁專業!!

M虛心地請教在下,點知南車同北車會爆升,兩隻一星期爆升約50%,仲有隻東吳水泥 (695)都升左超過50%

其實大家互相交流,但在下只說了一句,早兩星期,叫你黎做《火燒股301》的嘉賓,又死唔黎,有一星期入貨時間,一星期爆升,夠哂時間賺50%

*本來當日簡介有神秘嘉賓,但無出現的就是M君。

在下大大話話係股海浸左廿年,有咩股災未見過?

1989年(天安門事件),1997年(索羅斯狙擊、亞洲金融風暴、兼首次禽流感H5N1、接住紅籌股泡沫、地產連環爆破),2000年(科網股泡沫),接住2001(911恐怖襲擊), 2003(非典型SARS事件),2008年(金融海嘯)..….

數數手指,其實一隻手都已經數唔哂,黎緊下年又整多個。

M係一個PB,個倉都有幾億貨仔,唔算多,亦唔少,但細價股從來都唔掂,正確來說市值有番50億咁上下,佢先會搞下,《財技股》更加唔關佢事,講左幾句,佢就話今年組合回報至今都已經有差唔多95%,主力係IGG 8002.HK ,升左1倍,一隻創仔。(佢係講得好謙虛,因為佢諗在下回報點都有5倍以上!)因為這隻股在下都有推介過。

但老實地說,其實在下今年整個股票組合暫時都只有87.2%(不計算期指倉),主要原因有些細股唔會大註入,入得三四十萬,自然爆幾倍個組合回報都唔會太高,係資金未用盡的情況下、股票又未入齊貨,如果佢上網睇到依度,就知點解在下全晚都唔想提股票,入左8成貨,就爆哂左,點算?

《牛三的市況,嬴得小係一種罪。》

當然在下其實唔係太在意,後段實追得番,大把股未升,默默吸貨轉倉中。

中國南車 01766.HK、中國北車 06199.HK、比亞迪股份  01211.HK ,南北車一個星期賺約50%1211賺約100%,這三隻,在下的學員都有買過,在下還在持有中,當然IGG在下都有貨,但只有30%回報,因為入遲過大M成個月,回報差一倍,好正常。

三人會議,仲有個阿陽,重註哂港交所0388.HK,今個星期+27.041%……但係早幾月$169止賺哂,留番哂啲現金,諗住跌市再買過,今個星期升到$250結果成個星期都唔係好關佢事,求其打散哂落去證劵股短炒,檢番個尾彩,這個星期都有約20%回報。

最後,點解無放假? 因為坐飛機要18個鍾,前前後後登機轉機,搞成24個鍾,難度港股大時代,有夜期唔去炒?!

邊有假放!?炒股?分分鍾下半年都無假放!

PermaLink: https://articles.zkiz.com/?id=141687

蘋影話:《暴瘋語》角色扮演是精神病嗎?

1 : GS(14)@2015-04-08 09:10:10

李光耀,不是他媽的那個死後變成偉人的總統。好的獨裁者還是一個獨裁者,我們不是要找一個明君,是爭取人民的權利。這個李光耀是《暴瘋語》的導演。跟《衝鋒車》的導演劉浩良證明香港的新一代導演在劇情和鏡頭之間連接的邏輯上,都有更精緻細膩的表現。疾病的隱喻把病人怎樣地形塑化,蘇珊桑塔有她的明確解說。作為一個看了精神科醫生七年的病人,而且弗洛伊德老爺那種既有趣又容易玩的拼圖,也算玩得頗得心應手。尤其對於精神病人的犯罪化的傳統看法更為明白。但我近年看到的是我們對疾病的另類看法雖然沒多少變動,人們對精神病的看法倒有變化:混亂了精神病和罪惡之間的關係,算是另一種疾病的隱喻吧?一連串急速的剪接,觀眾幾乎可以說是等待患病的劉青雲角色怎樣殺死妻子。然後法庭一定會將案件視為精神病,把劉青雲這個兇手判進精神病院,而不是監獄。這個開始起碼有兩個現在一般人對這類罪惡的誤解。第一是很多人利用精神病的理由逃避罪惡。其實這反而是一般人利用這來解譯這種惡行,為自己的所為脫罪。第二是精神病人根本是很少暴力殺人的,殺人者永遠都不是精神病這麼簡單。正如電影要問的是:正常和失常的定義到底在哪裏?示威者和毆打示威者的人之間,誰才是正常。我的答案是,你問錯問題了。暴力其實不是病,是常態。所以任何暴力的犯人都應該為自己的罪行負責。這部電影當黃曉明出場後,看慣類型片的觀眾,一定知道這不是一個劉青雲的故事,而是黃曉明的故事。本片也以細膩和後段較為緊湊的方法,讓觀眾看着黃曉明這醫生,怎樣由看似正常,一步一步地走向失常。加上利用弗洛伊德的心理學也相當手到拿來,將所謂童年陰影,以令觀眾意料之外的手法來呈現。是精神病電影拍得少有的佳作。也許觀眾們關心的是精神病的問題,甚至進一步有關人格構成的通俗理解。但這部電影最令我關心的是:影片內黃曉明不斷地說劉青雲有病。劉青雲不斷地要反證自己沒病。這是一種話語權的問題。誰有權去說誰犯法,誰沒犯法?這個話語權誰屬,才是我們該關心的事情。撰文:仰止





來源: http://hk.apple.nextmedia.com/entertainment/art/20150408/19104023
PermaLink: https://articles.zkiz.com/?id=289330

Next Page

ZKIZ Archives @ 2019