ZKIZ Archives


中環在線:恒隆女俠救甩拖才女 李華華

2011-7-19  AD




 

恒隆地產(101)主席陳啟宗對香港有heart係人都知,但估唔到連佢啲下屬都係咁有heart嘅!

話 說7月7號朝早九點幾,《信報》專欄作者陳頌紅,同佢honey喺銅鑼灣食完早餐,攞住大包小袋諗住過馬路,點知腳上踢住嘅人字拖突然斷帶。點算?呢個時 候,附近恒隆中心嘅保安向佢望過嚟,於是佢起勢揮手。畀着路人甲乙丙,最多望兩眼,但呢位保安竟然提議,借自己對鞋畀佢頂住先,或者搵支AA超能膠幫佢整 番對拖鞋。陳頌紅唔好意思,只係請保安員扶佢去的士站,等的士返屋企,個故事仲未講完,呢位保安留低自己嘅手機號碼,叫陳頌紅返到屋企報個平安……新嘅紫 荊俠,原來係着恒隆中心保安員制服嘅!大號,原來係Cindy楊佩欣(圖)!

李華華

LiWaWa@AppleDaily.com


中環 在線 女俠 救甩 甩拖 才女 華華
PermaLink: https://articles.zkiz.com/?id=26413

甩拖男女賣舞衣 舞動學界

2011-10-27  NM

教Hip-hop舞的導師鄺子菱(Charlene)及盧文健(阿健),兩年前推出自家跳舞衫品牌M★BZ,主打可作跳舞用的棉質運動褲、大襠褲、 闊身上衣。價格走大眾化路線,每條賣不超過三百元;宣傳方法是透過免費贈送予跳舞學校的導師,讓他們教舞時穿,帶領學界潮流,果然很快便網羅一眾學界 dancers。 不過,Charlene和阿健坦言,學界舞衣市場,幾近飽和,現時正在經歷生意的樽頸位。二人努力想對策時,反而因磨擦日增,分手收場。幸而,這對甩拖男 女沒有因為私人感情而放棄生意,但就勸勉大家:「情侶千萬唔好一齊做生意。」


阿健和Charlene每日都會抽時 間往不同的Studio,以freelance形式教跳舞。記者跟隨出發,發現平均每班十多人,佔了一半學生都身穿他們出品的M★BZ棉褲或上衣,就讀中 五的林同學大聲地講:「梗係啦,M★BZ係呀Lene(Charlene)開嘅,好型。」而按連日來的觀察,每日的放學時間,總有三五成群的大、中學生走 上位於彌敦道,旺角信和中心對面的M★BZ樓上鋪買衫,跳Jazz 的中學生蘇同學指每個月來M★BZ一次,他說:「呢個係跳舞牌子,香港得呢個,學跳舞嘅人都會嚟呢度㗎啦﹗」

借導師帶領潮流
Charlene和阿健由中學開始已經學跳Hip-hop,深明跳舞導師對學生的影響力。為了打入學 生市場,他們在M★BZ開業前先花數千元,製作了過百件棉褲及舞衫,免費送給坊間逾二十間跳舞學校的導師,「我哋教舞教咗好多年,呢個圈又咁細,我哋同好 多導師都好熟。於是拍膊頭叫導師著我哋品牌,學生就會跟住著。」Charlene說。他們亦以全年買衫八五折吸引導師買衫。另一方面,每年多間大學、大專 院校都會舉辦聯校舞蹈比賽,是學界盛事,他們主動聯絡主辦單位,提出負責贊助禮物及打氣棒,為此又花了數萬元。 每年九月開學期間,他們就推行大專學生團購,買衫褲一律八折,不少學生每年都會趁此機會在M★BZ掃貨。Charlene和阿健以大包圍的方式,兩年間已 成功打入了學界市場。事實上,Charlene和阿健當初都不諳設計,只揸緊一個宗旨:在褲襠加上彈性布料,搭配花紋,「無論跳Jazz定Hip- hop,經常要做一字馬,普通運動褲容易爆呔,彈性褲專俾跳舞用。」開始時只以小畫家(現已學會使用繪圖程式AI)設計簡單圖案,在網上找來些收音機卡 通,剪剪貼貼,拼在褲子上。「小學雞」製作,不但沒有影響生意額,亦由單做網上買賣,改為以月租五千元搬到旺角兆萬中心,月賺過萬元,但客人愈來愈多,排 隊排到出門口。於是一年前,他們又以月租二萬元,改租位於彌敦道,信和中心附近八百呎的樓上鋪。

大陸製 成本平
他們 希望M★BZ的價錢可以賣得大眾化些,故找成本低的內地工廠替他們生產。Charlene透過母親的朋友搭路,找了一間位於中山的廠商,這間廠商平時只接 過千件的大訂單,「我哋一張單只係整百幾條褲,貨量少,係aunt開口叫老闆同我哋做,佢先至肯。」M★BZ一條賣二百多元的棉褲,毛利約三至四成,而衫 款毛利較高,部分超過六成。 不過,由於M★BZ的衫款,主要是闊袍大袖,而且顏色比較鮮艷,與普通時裝有分別,阿健指每次與內地工人講電話就感到非常勞累:「次次同佢哋講電話都講唔 明㗎。」故二人每月要親自返中山四、五次。由於每次來回都要花六小時車程,他們試過沒有親身檢查,果然出事。「有批貨沒通過質檢,四千多元的衫送來香港, 才發現『Dance』字掉轉印、腰帶的繩頭轉了去背後綁帶、叫咗佢哋啲衫褲要洗水,佢哋唔記得,所以會甩色。」 他們曾想過要求退貨,但阿健退一步想:「人哋大牌子就話惡得起,但我小本經營,佢哋唔幫我哋生產,邊個幫我哋?唯有死死氣地求老闆俾我退番六成訂貨價錢, 已經好開心。」今年頭,內地海關改例,規定每次寄貨只限七公斤(約八件衫)退貨出境,故然之要退貨,亦只能退八件,否則就要額外繳出境稅。因此,有些不太 離譜的錯版衫,如只是顏色有出入,就唯有減價照賣;而錯得過分的衫,就只有「硬食」。半年前,他們見該工廠一名員工辭職,於是請她以兼職形式做跟單和品質 檢驗,「個工人發現有問題喺內地搞掂,唔使次次送到香港先退貨,我哋減少兩頭走。」

生意難突破
一直替不少歌星如張學友、鄭秀文演唱會伴舞,Charlene和阿健常有機會往美加巡迴表演,發現外國很 多專門用作跳舞衣服的牌子,「啲衫顏色鮮艷、好型、又夠彈性,我哋個個dancers都好鍾意,但點解香港無呢?」分別三十歲及二十九歲的阿健及 Charlene知道跳舞的生涯有限,於是○九年兩人便一起創業,並把公司名稱改為M★BZ,全寫Monstar Beatz,Monstar是Monster(怪獸)的進化版,解釋為厲害的人。M★BZ中的那粒星,期望他們二人設計的服飾,在群眾中閃閃發光。 不過,創業的蜜月期很快過去。初時,他們預計每間大學每年有一百人加入舞蹈學會,全港大學連大專,及部分中學生起碼近萬人,阿健和Charlene當初 想:「有三分一嚟鋪頭買嘢,收入都夠穩定。」一語成讖,他們的生意只可以十分「穩定」來形容,但暫時再沒有增長空間。「連埋坊間跳舞學校,來買嘢嘅客人都 嚟了,市場開始飽和。學生係好鍾意我哋個品牌,但二百幾蚊,原來對佢哋嚟講唔算平,幾個月先花費幾百元。」Charlene說。面對生意的樽頸位,二人想 辦法開拓跳舞以外的市場。


阿健想到和朋友Bowie開設的蛋糕店Cheesess搞crossover,為該店員 工設計過百件制服,同時贊助Cheesess的客人,可以免費取得M★BZ現金券。為了令舞衣貼近時裝款,Charlene在今季推出的棉褲加上窩釘、豹 紋等設計,竟然吸引到一批在附近的舒適堡學完Funky Dance的阿太上門,每次消費三、四千元,生意額開始有增長。不過,這段期間就是為了令生意突破,要不斷開會度橋,令已拍拖六年的他們磨擦反而增多,最 終決定分手。 Charlene說:「阿健做嘢好即興,突然諗到件衫設計,就話要做,但有時又拖到最後一秒都唔做,我就好心急,所以成日鬧交。」阿健無奈道:「女仔感情 用事,鬧完交又帶返屋企,搞到大家唔開心。」兩人雖然一度「面左左」,但仍須在鋪頭日對夜對。現在,Charlene已有新男友,和阿健以普通朋友方式合 作。阿健說:「情侶千萬唔好一齊做生意。」Charlene說:「個個朋友都話我同阿健會復合,但我肯定唔會,不過我同阿健日日見,我男朋友始終都會呷 醋。」

代理舞衣 失敗個案
找M★BZ製作制服的Cheesess老闆Bowie也是Dancer。Bowie三年前 也是看中了練舞人喜歡色彩鮮艷服飾的心態,故創業賣舞衣。與M★BZ不同的,Bowie不是自家品牌,而是引入台灣運動服牌子Sexy Diamond,在銅鑼灣租下二百呎地鋪。「啲質料靚,顏色款式多,剛開張好多跳舞人買。」但Sexy Diamond只屬於二、三線品牌,總代理規定每款要入指定貨量,「佢哋要求每款七、八種顏色各入四件,但加細碼、加大碼好少人著,變成積埋幾十萬的滯 貨。」又需向代理商付代理費,衫款毛利低,地鋪租金逾三萬元,貨流量少,所賺的往往僅夠交租,做了年多,Bowie決定結束營業,轉型飲食。

一點意見
關錦雄(Wallace)
I.T旗下自家品牌Fingercroxx創作總監,品牌以街頭服飾作主打。Wallace去年曾與葛民輝主理的4A時裝品牌,推出crossover軍事系列牛仔褲及cap帽。

1 棉褲加上窩釘、豹紋設計,款式夠型。可是,女裝的衫款加入粉色系列配搭,較偏向少女口味,品牌形象不一致,令人精神分裂。
2 千萬不要打入「師奶」市場,要堅守主打年輕人跳舞衫的品牌形象。可每季印製小冊子,列明新出系列,教客人如何配襯。
3 贊助本地或外國跳舞組合及跳舞比賽,拍下照片,在網頁、鋪頭貼相宣傳。 ####

甩拖 男女 賣舞 舞衣 舞動 學界
PermaLink: https://articles.zkiz.com/?id=28687

英雄哥拒拉埋天窗 陳淑莊甩拖另有原因

1 : GS(14)@2010-11-06 15:33:53

http://www.eastweek.com.hk/index.php?aid=9229

陳淑莊同尖沙咀京菜館仙宮樓老細叢鐵飛(綽號「英雄哥」)拍拖八年,英雄與美人(在芸芸女議員中,算唔錯啦)本是絕配,奈何情海多變,世事無常,上周傳來消息話兩人已平靜地分手,回復自由身,一段情緣畫上句號。
陳淑莊與英雄哥(右圖)平靜分手,表面泰然,卻難掩內心黯然。她說分手原因是工作太忙,這並非故事的全部。

莊姐被記者追問,笑笑口證實此事,全冇沮喪神色。佢話甩拖皆因自己太忙,開會由朝到晚,禮拜六日又要出席居民大會、地區活動,就算抽到時間食餐飯,都要不停手覆電郵、回電話,講唔到幾句嘢,咁樣拍拖好難有情趣,但食得鹹魚抵得渴,議員生涯就係咁,惟有忍痛斬纜。
對英雄哥為人,莊姐評價十分正面,話佢好人到極,對自己無微不至,一直默默在背後支持,所以大家分手仍是好友,以後會繼續來往。
莊姐這個版本都有幾分真實,但並非故事的全部,一位同佢熟絡嘅人士,向小弟透露箇中另一原因,值得向各位補充。
該位人士指,兩人今次分手早在五、六月時開始醞釀,到八月間協議分手,為免畀人大做文章,大家「夾」過統一口徑,話做議員工作忙,相處時間少,所以感情轉淡,冇第三者亦冇其他問題。實情係:莊姐覺得大家已拍咗八年拖,自己年紀亦唔細(今年三十九歲啦),繼續「拖」落去始終唔踏實,所以提出不如正式拉埋天窗,給女孩子一個「家」。但英雄哥講到婚姻大事,就十分猶豫,好唔想從此被困,莊姐知道情花冇希望結果,冇名冇份拖落去都唔係辦法,不如各行各路算了。

為人好玩 唔想從此被困為何英雄哥抗拒結婚?知情人士分析,佢老哥接老竇間京菜館經營二十幾年,在娛樂圈中交遊廣闊,同唔少大明星稔熟玩埋一齊,而他性格豪邁,為人好玩,經常在菜館甚至屋企共敍把酒共歡,有時亦會去楊其龍的 dragon-i之類蒲點蒲吓,如果同莊姐結婚再度成家立室,呢種生活方式好難繼續,都仲係做番孤家寡人好啲,可能基於呢個顧慮,英雄哥最後對莊姐之提議婉而拒之。
英雄哥結過婚,早與太太離異,個仔都廿幾歲,或者曾經滄海難為水,唔想重複不快經歷,所以對結婚有保留。對莊姐嚟講,女仔到呢個年紀想settle,亦是人之常情,奈何對方另有想法,冇計啦!
雖然感情遇挫折,莊姐近日未見低沉,依然忙到隻狗咁埋首議員工作,睇嚟唔算係重傷。佢私下同好友講,暫時放下心情,唔想即刻搵另一男友替代,反正緣去緣來,緣份要嚟就嚟,毋須強求。
人生如戲,戲如人生,想不到愛做戲的陳淑莊,在現實中成為「情變」的主角。
2 : 龍生(798)@2010-11-07 15:04:59

狠角色!
坐艇8年, 毅然止蝕!
英雄 哥拒 拒拉 拉埋 天窗 陳淑 淑莊 莊甩 甩拖 另有 原因
PermaLink: https://articles.zkiz.com/?id=271448

甩拖偷拍裙底 文員入獄

1 : GS(14)@2013-03-12 23:57:24

痴痴地線
http://hk.apple.nextmedia.com/news/art/20130312/18192593
官指有前科不宜判緩刑
辯方替被告陳鍇中(44歲)求情時呈上被告的求情信,他承諾不再偷拍,日後會改用沒有拍照或拍片功能的手提電話,希望獲判處緩刑,以便照顧同住的91歲母親,及參加精神科治療。被告三名胞姊亦到庭旁聽,以示支持。裁判官認為本案不適合判處緩刑,被告於2010年有偷拍前科,今次偷拍時間長,應判即時入獄。
被告早前在九龍城裁判法院,承認一項在公眾地方作出擾亂秩序行為罪,及20項作出有違公德罪。去年5月27日,被告在尖沙嘴廣東道時裝店H&M內偷拍時,被便衣探員發現,隨後押回住所調查。探員在其電腦發現20段裙底短片,拍攝日期由09年11月至去年5月,被告指短片僅供自己觀賞。
案件編號:KCCC4777/12
2 : ng caddy(36072)@2013-03-13 12:19:50

香港好似好多這樣男人,新聞好似都幾多?
甩拖 偷拍 裙底 文員 入獄
PermaLink: https://articles.zkiz.com/?id=282411

甩拖後首度同場吳浩康黐實鍾舒漫博復合

1 : GS(14)@2015-03-24 19:08:30





■鍾舒漫承認與吳浩康有溝通,但已不是情侶關係。


英皇昨晚於九龍灣展貿筵開六十三席,慶祝英皇電影成立十五周年,同時宣佈連串已落實計劃,包括Twins合體舉行演唱會、黃秋生及吳君如合演舞台劇《躁狂父母》及開拍新一輯《十二道鋒味》等。分手後又行街斷正被傳復合的鍾舒漫(Sherman)及吳浩康(Deep)同場現身,宣傳人員刻意分開兩人見傳媒,台上大合照都各站一方,但在台下則同坐一桌兼鄰坐,又貼頭密密傾偈。Sherman受訪時說:「要講嘅之前都講咗,冇變,情侶關係斷一斷,需要時間休息。將來嘅事冇人知,
甩拖 拖後 首度 同場 吳浩 康黐 黐實 實鍾 鍾舒 舒漫 漫博 復合
PermaLink: https://articles.zkiz.com/?id=288862

欣宜認甩拖大半年

1 : GS(14)@2015-11-20 08:43:59

鄭欣宜昨日在商台宣傳她與Supper Moment(SM)樂隊合作的新歌《分手是常識吧》。欣宜兩年前和潮流雜誌攝影師Silas Lee拍拖,曾經視對方為結婚對象,不過早前卻傳出情變消息,欣宜昨日終於承認分手一事,她說:「已經分咗手大半年,嗰時好唔開心,聽到佢哋(SM)首《無盡》畀咗好多力量我,所以就好大膽咁搵佢哋寫歌畀我。」欣宜強調分手不涉第三者,但彼此已沒有再聯絡,欣宜說:「我以前係戀愛大過天,愛情係我麵包,拍拖嗰陣會好投入冇咗自己,成日覺得唔博鋪大唔會贏鋪大,分手時自信心低咗,但呢大半年學識錫自己。」採訪、攝影:盧妹





來源: http://hk.apple.nextmedia.com/entertainment/art/20151119/19378056
欣宜 宜認 認甩 甩拖 大半年 大半
PermaLink: https://articles.zkiz.com/?id=293861

關仁隱事:秀秀公主病發甩拖

1 : GS(14)@2016-01-24 17:07:27

早排秀秀甩拖,分手原因除咗因為太忙冇時間陪男友之外,原來致命傷係秀秀經常公主病發。雖然秀秀本身都係一個好女仔,又有禮貌,聲譽都唔差,不過對助手同男友嘅態度就完全唔同喇。好怕熱嘅秀秀每次開外景,最少都要有一兩個助手擔遮遞風扇同毛巾抹汗,遞慢啲都俾秀秀鬧:「係咪想熱死我呀!」同男友拍拖一段時間後,真性情就出晒嚟,除咗有時會公主病發,仲因為開工冇時間見,但又會成日check住條仔,搞到男友頂佢唔順,忍唔住嗌分手。撰文:關仁





來源: http://hk.apple.nextmedia.com/entertainment/art/20160124/19464399
關仁 隱事 秀秀 公主 病發 發甩 甩拖
PermaLink: https://articles.zkiz.com/?id=294953

孫佳君自爆同名廚甩拖

1 : GS(14)@2016-03-19 22:16:37

孫佳君與法籍三星米芝蓮廚師男友Olivier拍拖一年多以來不時當街親熱,不過,昨晚她出席灣仔一活動時卻自爆已經跟男友分手。她說:「係去年年尾分手嘅,西方人同中國人生活文化同生活習慣始終唔同。」以後不再揀外國男友?她說:「又未必,生活習慣同觀念接近就OK。」她透露現時也有追求者及跟異性約會。





來源: http://hk.apple.nextmedia.com/entertainment/art/20160319/19535748
孫佳 佳君 君自 自爆 同名 廚甩 甩拖
PermaLink: https://articles.zkiz.com/?id=298523

張慧儀認與富商甩拖

1 : GS(14)@2016-09-13 00:19:17

■張慧儀承認與內地富商陳偉軍分手。資料圖片



42歲張慧儀於9年前收養患有先天性心臟病的養子張晃維(Hanson),多年來一直相依為命,不經不覺Hanson已經11歲,慧儀希望為囝囝物色爸爸。去年9月慧儀承認與失婚人士兼有子女的內地富商陳偉軍拍拖,公開表示視對方為結婚對象,令人以為慧儀跟男友打風都打唔甩。不過,慧儀與陳偉軍拍拖一年多,近日突然傳出分手。記者昨向慧儀求證,她透過WhatsApp承認:「係呀,我哋分咗手,都係嗰啲啦。如果對方喺佢嘅家庭、自己仔女,同我呢邊做唔到一個平衡,咁佢就唔係我要揀嘅人囉,所以如果係咁唔需要再嘥時間囉。」採訪:魯吉




來源: http://hk.apple.nextmedia.com/entertainment/art/20160912/19767836
張慧 儀認 認與 富商 甩拖
PermaLink: https://articles.zkiz.com/?id=308772

【係咪分手】雪雪甩拖又撐枱腳

1 : GS(14)@2016-09-17 17:52:51

孫慧雪、Edwin Lo



過去有不少藝人情侶傳出感情生變,但每對都有不同處理態度,究竟是假分手,還是真復合,好多時只有當事人最清楚。


孫慧雪、Edwin Lo

一直有圈外男友的孫慧雪,今年7月被爆與男友Edwin Lo假分手,當時她不但否認,還指已單身大半年。不過8月又被影到與男友撐枱腳食吉野家,之後又忽然認Edwin是男友。



莊端兒、張致恆

莊端兒今年4月傳跟拍拖兩年的張致恆分手,莊端兒表示要專心工作,暗示二人已分手,但早前張致恆卻否認,莊端兒出寫真集時亦表示會叫男友買200本支持自己。



朱慧敏、彭懷安(Eddie)

二人去年2月宣佈結婚在即,未料5月爆出Eddie媾女,最後二人由「結」變「分」,之後二人被影到同枱食飯兼有親密舉動,但否認復合,至上月仍然指雙方只是生意拍檔。



何傲兒、周子揚

前年7月及9月分別被本報影到當街攬啜,戀情曝光後,女方即時宣佈「分訊」,但同年11月二人又被影到同遊首爾。最後因周子揚公開數爆何傲兒家姐何傲芝,二人隔空互片反面收場。




來源: http://hk.apple.nextmedia.com/entertainment/art/20160917/19772849
係咪 分手 雪雪 雪甩 甩拖 拖又 又撐
PermaLink: https://articles.zkiz.com/?id=309453

吳若希甩拖邀阿Y寫詞

1 : GS(14)@2016-09-24 23:30:54

吳若希日前宣佈跟拍拖半年的男友Alex分手,昨日她在微博貼了楊千嬅《勇》的其中一句歌詞「仍全情投入傷都不覺痛」,還留言請黃偉文(阿Y)為她寫新歌:「我發現最令自己感動到流淚的歌詞,大部份都是黃偉文填詞的,我可否冒昧地公開邀請他幫我填詞?」阿Y昨在Ig回應:「又會而家先發現係我寫嘅?謝謝你喜歡,我們來談談檔期,互相配合一下時間吧!」




來源: http://hk.apple.nextmedia.com/entertainment/art/20160924/19780011
吳若 若希 希甩 甩拖 拖邀 邀阿 寫詞
PermaLink: https://articles.zkiz.com/?id=309881

甩拖又冇工開袁嘉敏跪禱半粒鐘

1 : GS(14)@2016-09-25 10:28:19

【心事重重】■袁嘉敏心事重重,直至教堂關門才離開。DV圖片





【中環】現年31歲嘅袁嘉敏,09年獲吳君如提名參選港姐入行,在無綫發展不順的她,豁出去接拍三級片《鴨王》博到盡露點演出。不過為她帶來人氣的卻是她的是非,除與何佩瑜(Jeana)、唐紫睿(Hazel)兩女先後傳不和,何浩文亦點名寸她,就連杜汶澤亦曾在網上加入戰團,留言說:「我懷疑你講緊一條八婆。」



【誠心禱告】■袁嘉敏走到教堂最前排位置跪低祈禱。

【念念有詞】■禱告期間,袁嘉敏一直念念有詞。

【開心吹水】■和朋友傾電話,袁嘉敏才心情轉好。


神情落寞

然而,袁嘉敏全裸演出後,人氣亦返回起點,早前與外籍男友Kenneth分手後,未有工開的她頓變「雙失」,大前日下午約5時,穿貼身粉色衫加透視外套的她,獨個兒由灣仔行去中環聖若翰座堂,神情落寞,途中更先去了一間書局打書釘,大約半小時後再行去旁邊的教堂。



■袁嘉敏和老外男友Kenneth已經分手。資料圖片

關門先走

走入教堂後,袁嘉敏隨即走到最前排位置跪低,然後一直念念有詞祈禱約半小時,直至教堂6時關門才離開。她之後坐在教堂外的長凳發呆,若有所思,其後更拿出電話,從不同角度影教堂的外觀。不過影相期間有電話打入,她突然心情變好,七情上面跟電話中人傾足20分鐘,惟雀躍心情只維持了短時間,掛線後她又再回復木無表情,然後慢慢由中環向灣仔行去。採訪、攝影:陳辰、楊浩賢




來源: http://hk.apple.nextmedia.com/entertainment/art/20160925/19780859
甩拖 拖又 又冇 冇工 工開 袁嘉 敏跪 跪禱 禱半 半粒 粒鐘
PermaLink: https://articles.zkiz.com/?id=309983

與崔建邦甩拖七年 男伴輪住上中巴 斯文新歡 拍拖搵水煙壺

1 : GS(14)@2016-09-28 05:04:24

【新歡登場】■中巴日前被發現孖斯文新歡遊銅鑼灣,薄施脂粉的她頗清純。




【銅鑼灣】7年前被崔建邦打到要報警的鄺敏慧(中巴),一打成名,3年前中巴急流勇退結婚,但去年她再被爆暗交人夫。日前中巴被本報拍得與一名打扮斯文的四眼男拍拖買水煙壺,繼而該四眼男被本報讀者起底,英文名叫Harris的他曾與ViuTV《美選D.n.A》佳麗歐家裕相戀,恰巧歐家裕日前受訪時揭舊愛偷食風流史!



現年26歲的鄺敏慧因為擁有中國及巴西血統,因而被稱為中巴,2009年她被崔建邦毆打而揭出小三身份,到2013年中巴與建築工程師Kit結婚後,便專心做人妻,惟去年12月,她被爆背夫暗交年長自己21年的有米已婚男「粗哥」Edward,在尖沙嘴諾士佛台蒲吧又攬又啜。事隔大半年,情路精采的中巴原來已經「換畫」。日前正值放工時間,中巴被發現與一名年齡相若及打扮斯文的新歡現身銅鑼灣鬧市。中巴的打扮亦配合四眼男,反璞歸真穿上粉紅色裙配上白恤衫,不忘展示美腿,臉上亦是薄施脂粉,顯得頗為清純。他們先到利園商場一帶閒逛,而中巴行在人群中完全沒有被人認出,她亦樂於低調。之後二人邊行邊講,徒步行到位於總統戲院附近的銅鑼坊,直入一間經營水煙壺及配件的店舖,四眼男看來是熟客,與店員有傾有講。



【跟得女友】■中巴陪新歡到商場內的水煙壺店購物。

【無聊自娛】■新歡與店員吹水,無聊的中巴就不時玩手機及周圍行。DV圖片

【撇低男友】■中巴發現記者後速逃,男方被撇下一臉無奈。DV圖片


男友無奈被撇低

男友在店內吹水,百無聊賴的中巴自顧不停玩手機,男方在店內約逗留10分鐘,中巴就行去鄰近的店舖看泰國佛牌。其間中巴發現有記者,即時返回水煙壺店並且提高警覺,扮打電話在商場內兜圈巡視兼探路,又主動行近記者身旁視察。當男友付錢後準備離開,欲與中巴交談時,中巴即時向他打了個眼色,男友仍未領會女友心意,他開口問:「你唔係要睇佛牌咩?」中巴即一時間喝止:「行喇!」中巴與四眼男急步落到樓下,行到去銅鑼灣廣場二期的十字路口時,中巴先企在一個廣告牌後,再以極速逃離現場,只留下四眼男不知所措,呆站在路口找女友。在等過馬路時,仍未知發生甚麼事的四眼男拿着電話不停按,相信是想與中巴聯絡。



■當年中巴被「散打王」崔建邦當沙包打而為人認識。資料圖片

■三年前,中巴嫁給工程師Kit。


美選舊愛爆偷食

四眼男昨日被本報讀者爆料起底,指他是今年ViuTV《美選D.n.A》1號歐家裕的舊愛Harris,Harris與歐家裕前年認識,拍拖8個月,其間Harris被指多次背着歐家裕識女仔及在朋友面前奚落她,最後二人分手收場。日前歐家裕在商台接受《公子會》訪問時,大爆舊愛偷食,當着她面前與前度女友咀嘴,更跟歐家裕說:「聽聽話話就會攞到你想要嘅嘢,唔好出聲,唔好反駁!」據知歐家裕所講的正是Harris。歐家裕昨以WhatsApp回覆本報:「我唔想講太多佢嘅嘢,總之我而家生活得好開心。」採訪、攝影:吳耀輝




來源: http://hk.apple.nextmedia.com/entertainment/art/20160928/19783684
與崔 崔建 建邦 邦甩 甩拖 拖七 七年 男伴 輪住 住上 中巴 斯文 新歡 拍拖 搵水 煙壺
PermaLink: https://articles.zkiz.com/?id=310422

與內地男友聚少離多江若琳生日宣佈甩拖

1 : GS(14)@2016-10-01 13:19:51

■失戀的江若琳表示與曹雲金和平分手,絕不涉第三者。資料圖片



近年主力在內地發展的江若琳(Elanne),昨日在青島度過29歲生日。她昨日凌晨1時多在微博上載與生日蛋糕的合照,同時留言說:「感恩這一年的每一場相遇和離別,豐富了我的生命,我會好好的,往後的日子,我一個人還是可以沒心沒肺的笑着。生日快樂,我對自己說。」


戀情見光死

不少網民即意會到Elanne失戀,宣佈與內地相聲演員曹雲金分手,亦有她的fans到曹雲金的微博「踩場」,問他為何要跟Elanne分手。Elanne與曹雲金去年因合作拍攝電影《不離不棄》認識並撻着,今年4月,二人在北京機場被傳媒影到咀嘴相後,即大方認愛,未料戀情曝光4個多月見光死。



■江若琳和曹雲金因合演電影《不離不棄》而擦出愛火花。資料圖片

■江若琳昨日在微博上載與生日蛋糕的合照(左圖),並留言已回復單身。微博圖片


分手半個月

Elanne昨日接受本報的訪問時,亦直認分手消息:「兩個人之間的事情實在不想驚動到大家,也希望大家往後不要有太多的揣測,是的,我以後一個人還是會繼續努力,希望用好的作品報答大家對我的關心,謝謝大家。感情是不想講太多了!」據知Elanne與曹雲金已分手半個月,掟煲原因主要是拍拖以來長期分隔兩地工作,聚少離多,大家都認為不適合的情況下,決定和平分手,當中並不涉及第三者。知情者說:「Elanne情緒OK,佢一路開工OK,呢排喺青島拍緊電視劇《梔子花開》,今次分手大家都係用電話傾,真係好好咁商量完先決定嘅,大家仲係朋友。」採訪:小米




來源: http://hk.apple.nextmedia.com/entertainment/art/20161001/19787114
內地 男友 聚少 少離 離多 多江 若琳 生日 宣佈 甩拖
PermaLink: https://articles.zkiz.com/?id=310860

李治廷范冰冰姊弟戀甩拖邊個先係「老婆」?

1 : GS(14)@2016-10-24 06:12:21

99%同另一個人似樣係咩感受呢?呢條問題,可以問下李治廷,因為佢由09年出道到o依家,都俾人覺得同台灣歌手王力宏好相似,明明兩人無關係,但就有班大陸人以為佢係王力宏表弟。29歲嘅李治廷無論係面型定身型,都同40歲嘅王力宏似到十足,拼埋一齊睇,連五官都好相似,所以佢又有個「小王力宏」嘅稱號。除咗外型,佢哋嘅背景都差唔多,精通音樂又係唱作人,唱、作一手包辦。天生擁有一副靚仔樣,才藝滿分,呢個package當然就煞食啦。李治廷就拎住啲咁好嘅條件拍拖,唔係媾妹妹,反而愛好認識姊姊。13年李治廷同大佢6年嘅范冰冰,合作咗套電影《一夜驚喜》,好快就擦出愛火花,除咗俾人見過前後腳上機,又有大陸網民話見到佢哋喺布吉撐枱腳,李治廷仲錫咗范冰冰額頭一啖。當時佢受訪講起姊弟戀呢個話題,答案好精采:「現實接受,愛情唔好受規限,有愛情嚟到要珍惜。」可惜范冰冰最後情歸內地男星李晨。直到今年初,李治廷「搭上」另一位姊姊--台灣第一名模林志玲。佢哋今年初喺大陸節目《花漾姐姐》好親密,李治廷唔只喺機場接機,仲向途人介紹林志玲做「我老婆」,不過事後林志玲話唔過電,請李治廷食檸檬。




來源: http://hk.apple.nextmedia.com/entertainment/art/20161024/19810710
李治 廷範 範冰 冰冰 冰姊 姊弟 弟戀 戀甩 甩拖 拖邊 邊個 個先 先係 老婆
PermaLink: https://articles.zkiz.com/?id=313437

陳瀅甩拖聖誕再遊日

1 : GS(14)@2016-11-21 00:05:12

陳瀅(右)和「文青女神」袁澧林昨日在將軍澳出席聖誕活動,現時單身的陳瀅,表示今年與幾位加拿大朋友去日本過,還指去年也在當地過白色聖誕。當時是否跟舊愛何猷亨一起過?陳瀅尷尬地說:「係啩,你哋仲清楚過我。」不怕觸景傷情?她說:「每年聖誕都可以有新嘅回憶。」袁澧林表示每年聖誕節會相約好友去長洲,不怕圈外男友詐型。




來源: http://hk.apple.nextmedia.com/entertainment/art/20161120/19839372
陳瀅 瀅甩 甩拖 聖誕 再遊 遊日
PermaLink: https://articles.zkiz.com/?id=316398

去年甩拖 信神遇真愛37歲陳文媛秘婚 嫁教友

1 : GS(14)@2016-11-29 00:14:32

■本月12日,本報讀者發現陳文媛疑和老公現身韓國掃貨。讀者提供圖片



逃離娛樂圈十年的前歌手陳文媛(BoBo),現年37歲的她在愛情路上飽歷風霜,曾捲入陳冠希的慾照風暴,去年又與拍拖十年的金融才俊金紫耀分手。本報收到消息,大受打擊的BoBo返教會尋求心靈慰藉,更遇到真命天子,拍拖一年即閃婚,數月前秘密嫁年紀細過自己的教友老公,在外地低調舉行婚禮,前晚在土瓜灣補擺喜酒做平凡人妻。



陳文媛當年在娛樂圈發展平平,01年憑《你女友》獲得《十大勁歌金曲》最受歡迎新人銀獎,雖然打響了知名度,但都未及她的戀情多姿多采,尤其跟陳冠希的情史最轟動,兩人分手多年,08年BoBo被捲入慾照風波,幸獲當時的金融才俊男友金紫耀不離不棄,惟兩人未能走到最後,去年結束十年情,然而,事隔短短一年多,情路崎嶇的BoBo終於覓得有情人,數月前秘密嫁教友老公,榮升人妻。



■讀者見陳文媛買了一大堆寵物用品後放入儲物櫃。

■陳文媛一向是愛狗之人,連遊韓都要買用品給寵物。資料圖片


前晚擺酒

據知,去年BoBo被舊愛金紫耀狠飛後,大受情傷的她覺得人生無望又難過,幾乎日日以淚洗臉,朋友見她情緒低落,就叫她返教會找精神寄託,其實BoBo本身是基督教徒,只不過以前很少返教會,失戀後她跟朋友重返教會,不但想通了感情事,更在教會認識了新男友,拍拖僅一年即閃婚。據知情人士爆料,BoBo的老公是一個普通人,人品很好,身家不如她的前度富貴,兩人講心唔講金,雖然年紀又比BoBo細,但對女友細心呵護,不介意她的過去,令情路上飽經風霜的BoBo很感動,兩人很快已打得火熱,拍拖一年即閃婚。消息透露BoBo於幾個月前,已經與男友在外國舉行婚禮,前晚兩人在土瓜灣補擺喜酒,筵開22圍宴請親朋教友。已離開娛樂圈的她想重過新生,近年與圈中人幾斷絕來往,前晚更沒有宴請圈中人作客。就算BoBo以前的美甲店開張,好友傅穎(Theresa)專程來撐場剪綵,前晚婚宴Theresa亦沒有被通知出席,Theresa昨日透過短訊回覆:「聽到這個消息很開心,希望她幸福快樂!」原來兩人已經6年沒聯絡,所以Theresa完全沒有見過BoBo的老公。



■37歲的陳文媛在情路飽歷風霜,終在教會覓得真命天子,閃婚做平凡人妻。資料圖片

■陳文媛(左二)曾獲舊愛金紫耀打本百萬開美甲店。資料圖片


甜蜜遊韓

雖然人妻BoBo結婚好低調,不過本報收到讀者「爆相爆片」,於本月12日在韓國弘大見到BoBo和疑似她的老公在百貨商店掃貨:「佢哋主攻寵物用品,BoBo蹺住個男仔周圍行,之後將購物物品放喺儲物櫃,起初我唔知道佢係咪BoBo,但我聽到佢哋排隊時講廣東話,然後我再望就認到佢係BoBo,佢仲係好靚,皮膚好好。」根據讀者提供的相片,疑似BoBo的老公戴眼鏡、穿藍色外套,讀者表示:「BoBo喺排隊時有攬個男仔,全程勁sweet,雖然個男仔唔靚仔,但外表似乎係一個老實嘅人。」之後他們商量在哪裏排隊,及要將寵物床放回原處。採訪:鍾國仁、皓騫




來源: http://hk.apple.nextmedia.com/entertainment/art/20161128/19847650
去年 甩拖 信神 真愛 37 陳文 媛秘 秘婚 教友
PermaLink: https://articles.zkiz.com/?id=317376

郭思琳為事業甩拖

1 : GS(14)@2016-12-04 17:34:21

郭思琳(圖)和吳雲甫昨日在中環出席慈善步行,早前在拳賽贏得「金腰帶」的郭思琳,表示暫不再打拳,稍後會接拍一部網絡電影。個多月前,郭思琳與拍拖一年的會計師男友分手,她說:「其實佢有講過我係結婚對象,但可能佢覺得我太專注工作,冇時間拍拖。」她又謂當時不算是和平分手,因對方不停投訴她太專注工作。採訪、攝影:黃曉妍




來源: http://hk.apple.nextmedia.com/entertainment/art/20161204/19854281
思琳 事業 甩拖
PermaLink: https://articles.zkiz.com/?id=318235

【馮仁昭四圍超】甩拖柯嘉琪過孤獨聖誕

1 : GS(14)@2016-12-21 23:42:06

許嘉浩(Karl)近日開拍潮流直播節目《H.K.Pop Live!》,實行做KOL,噚日Karl邀請好友柯嘉琪(右)到銅鑼灣食店做直播。柯嘉琪之前同圈外男友搞大閘蟹生意,近日生意結束,同時又同呢位拍拖四年嘅男友分手收場,今年要過lonely christmas,柯嘉琪話:「分手原因係性格不合,我覺得我未到結婚時候,本來諗住30歲結婚,今年29歲生日,而家惟有事業行先。」撰文:馮仁昭




來源: http://hk.apple.nextmedia.com/entertainment/art/20161221/19871915
馮仁 仁昭 四圍 甩拖 拖柯 柯嘉 嘉琪 琪過 孤獨 聖誕
PermaLink: https://articles.zkiz.com/?id=319698

【關仁隱事】健康飲品甩拖失魂

1 : GS(14)@2016-12-25 13:18:57

憑住陽光氣息同靚靚樣嘅「健康飲品」,拍完勵志劇「穿梭機」之後,成為新一代女神。事實上健康飲品唔算高大,但憑住甜美嘅外表、親切嘅笑容,吸引到唔少人注意,而且小記都鍾意同健康飲品做訪問,貪佢夠真同乜嘢都肯講。不過,健康飲品自從甩拖後,做訪問就經常答非所問,好似問佢「食咗飯未?」佢會答「今天天氣哈哈哈」,試多幾次之後,佢而家出活動,成班記者都只係齋影唔問,費事問完都唔知點寫,唔通情傷嘅影響真係咁大?撰文:關仁




來源: http://hk.apple.nextmedia.com/entertainment/art/20161225/19876101
關仁 隱事 健康 飲品 甩拖 失魂
PermaLink: https://articles.zkiz.com/?id=320099

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019