西環集中營：西環揸旗 林鄭組班難自主
1 :
GS(14)@2017-03-23 06:18:33有選委傳出想約見林鄭月娥，林鄭競選辦卻叫對方之後找候任特首辦安排，可見林鄭對登特首寶座已毫無懸念，政圈早已傳出林鄭開始組班，包括會換走不少梁振英的問責官員，起用「自己友」甚至民主派人士，希望以此挽回民望，但有民主派中人相信，北京及西環會掌握組班最終「話事權」，「唔係你林鄭想用邊個就用邊個，就算夾硬要佢留用梁振英嘅人，佢都冇得反抗」。
傳京已有班子名單
該民主派人士稱，他聽聞西環手上已有一份候任班子人選名單，早前他與一些內地中間人見面，對方也在問及下屆政府司局長人選，相信北京也有「心水人選」，所以林鄭以為可以對下屆政府組班有最終話事權，未免太一廂情願，「佢（林鄭）可以提出人選，但北京、西環可以唔接受，最後可能畀幾個北京接受嘅人，等佢自己揀」。他以上屆政府為例，梁振英想用「自己人」做財政司司長，亦有傳梁振英想張炳良做教育局局長，而且最少找一名民主派人士做局長，「最後全部俾北京打回頭，張炳良只能做運房局，財爺呢個位直情唔用梁振英推薦嘅人，民主派更加唔畀用」。北京對林鄭忠誠的信任程度，或許高於曾俊華，但該民主派人士認為肯定低於梁振英，所以他相信，林鄭組班自主度會較梁振英更低，「特別是林鄭冇民望、冇靠山，佢係西環同建制一手捧佢上特首個位」，就算西環到時「夾硬」要林鄭留用梁振英的司局長，恐怕林鄭也難以拒絕，「既然佢（林鄭）可以接受得北京欽點佢做特首，試問又點可以唔接受北京『欽點』司局長？」季陶周一、三、五刊出
來源:
http://hk.apple.nextmedia.com/news/art/20170322/19966171
孫明揚：常受責 人工奀林鄭組班難
1 :
GS(14)@2017-05-28 10:32:15【本報訊】歷任多個政策局長的退休高官孫明揚（圖）昨於電台節目回應候任特首林鄭月娥組班困難時，歸咎3大問題令有心人卻步，一方面對商界精英而言，司局長人工「太奀」，同時亦因問責官員經常在立法會被責罵及奚落，另一原因是部份人或擔心會被「挖」出往事。他建議林鄭增設副政務司司長一職，專責公關工作。7.1將正式宣誓就任特首的林鄭月娥，盛傳新班子至今未齊腳，最新消息指獲她邀任發展局局長的前立法會議員謝偉銓已婉拒，令林鄭要再找合適人士頂替，而三司一職據知因林鄭屬意之選拒絕加入熱廚房下，原班過渡。
一旦加入政府或被翻舊賬
孫明揚昨於電台節目談及林鄭組班困難時歸咎3大因素，「第一呢就係，薪水太奀啦，有傳聞話搵個銀行大班返嚟做財政司司長，咁人哋嗰邊幾千萬一年年薪，你呢度幾百萬都冇」。早前政界消息流傳，林鄭欲延攬滙豐銀行副主席兼行政總裁王冬勝任財爺但不果。孫明揚認為，官員不時在立法會受到議員責罵，亦是有心人對加入政府卻步之因，他直言：「啲立法會議員對啲主要官員好唔客氣，咁係好唔應該，事關大家應互相尊敬。」一旦加入政府，或被外界翻舊賬，相信亦是林鄭組班難的原因，孫明揚透露：「有啲人佢未入政府前、或好多年前，（有啲事）佢自己覺得冇乜所謂，但事後俾人挖返出嚟，俾人覺得同有啲條例不符法例嘅嘢、俾人煲大咗」。孫明揚接受《now新聞台》節目訪問時則建議林鄭增設副政務司長一職，擔任公關工作，專責網絡宣傳及協調各政策局，紓緩政府的政治壓力；而選舉期間搞出多項公關災難的林鄭日前出席一公開活動時則自嘲，選舉後發現公關很重要。事實上梁振英當選特首後，曾在上任前向立法會提交涉及增加兩名副局長的「五司十四局」政府架構重組建議，後因立法會拉布而流產。■記者許偉賢
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170528/20036223