ZKIZ Archives


【add】紅人主場:林嘉欣玩藝巴黎

1 : GS(14)@2016-10-13 08:09:41

Carven藍色喱士top毛毛領大衣Boucheron鑽石戒指(左)Dior粉紅金戒指(右)



38歲的林嘉欣從來我行我素,近年在人妻、媽咪、金馬影后等多重身份外,加了藝術氣息,變身童書出版人、策展人等。她鍾愛巴黎自由文藝風,人人狂買衫,林嘉欣沉迷逛博物館,「法國感覺好自由,見到草地就想赤腳,但冇諗過移民,我好鍾意香港,好有效率。」採訪:林妙萍攝影、攝錄:郭賢興髮型:Will Wong化妝:Hin Wan首飾、手袋:CollectorSquare.com林嘉欣曾在法國留學,連續多年任法國五月節大使,她亦一有時間就跑到當地,早前赴巴黎睇Carven時裝騷,不忘蒲美術館、博物館。



Moschino金鏈logo sweater藍色牛仔裙金色logo高跟鞋

Carven白色喱士裙灰色大褸白色高跟鞋Patek Philippe古董腕錶


5個巴黎必遊館

「如果你想睇pop art,龐比度幾好;如果睇印象派,奧賽美術館係一個好理想嘅地方,睇畫之外,你會見到賽納河左岸嘅靚景。」蒲得多,心中已有一個巴黎must go藝術館名單,「我幾鍾意10區Quai de Valmy,嗰邊比較多本地人去,有河、有本地設計師、有聽音樂嘅地方。」這個浪漫城市在林嘉欣眼中有獨特魅力,「每次嚟,我都會去睇真迹,因為個impact好大!」慢活法國人也帶來不少趣事,「試過去郵局排咗好耐隊,到我係下一個,佢突然拉咗個簾,話要唞唞,兩分鐘,coffee break要去飲杯咖啡,呀!唔該做埋我嗰個先啦,佢哋係好有原則,呢樣幾好,但我哋唔慣。」


盡責媽咪出童書

有自己一套的林嘉欣,2010年想嫁就嫁、想生就生。復出拍片,兩三年下來就成為金馬獎大滿貫影后。她總不忘自己的媽媽身份,年底再次推出兒童書,「下個月會出六本繪本系列,由六個不同風格嘅本地畫家嚟畫,好好玩;亦係盡緊我某個責任,希望提醒我哋大人多啲用小朋友角度睇世界,其實佢哋好真、好敏感。」林嘉欣上月為日本已故書法家井上有一策劃《花》展覽,形容自己是怕醜草,愛藝術,會否轉行開畫廊?「香港真係冇可能,地方太貴,維唔到皮。」


古董Chanel用10年

講藝術也講時尚,林嘉欣回憶第一次巴黎睇騷,「十年前,我受台灣Chanel邀請第一次嚟睇騷,嗰時好似遊客咁,坐第一行,旁邊係泰國公主,好多保鑣,感覺係好唔真實。」當時所買兩個復刻版手袋,更成為她保留至今的紀念品,「唔會留畀啲女,可能佢哋會覺得,『咦,舊嘢唔要!』小朋友好難估計。」


林嘉欣5大必遊藝術館

1.龐比度文化中心 Centre Pompidou- Musée national d'art moderne

2.奧賽美術館Musée d'Orsay林嘉欣推介印象畫愛好者到奧賽美術館。

3.畢卡索美術館Musée National Picasso


4.Quai de Valmy

5.布列松攝影基金畫廊Fondation Henri-Cartier Bresson




來源: http://hk.apple.nextmedia.com/entertainment/art/20161013/19798740
add 紅人 主場 林嘉欣 玩藝 巴黎
PermaLink: https://articles.zkiz.com/?id=311872


ZKIZ Archives @ 2019