王浩信話郭晉安拎視帝
1 :
GS(14)@2016-11-18 17:56:34■王浩信對攞視帝有少少信心，但否認以約換獎。
陳展鵬（煎pan）去年視帝寶座敗給黃秋生，雖然今年憑《城寨英雄》奪視帝呼聲甚高，但昨日有報道指王浩信於頒獎禮前夕主動跟無綫續約，加上未有要求加人工，以及深得無綫高層余詠珊歡心，因而大有機會力壓煎pan憑《EU超時任務》爭奪視帝。事後煎pan接受周刊訪問直認恨攞視帝，又指自己「唔識做人」。王浩信昨日在尖沙嘴出席活動，他否認以約換視帝：「一年前續約，似乎冇可能。其實本來都有少少信心，但《致命復活》出咗街之後，我嘅信心就大減，郭晉安真係好犀利，搞到我個心好忐忑，個心好想佢攞，但係自己又有啲想攞。」撰文：魯吉
來源:
http://hk.apple.nextmedia.com/entertainment/art/20161118/19837161
王浩信洩露Big Boss身份
1 :
GS(14)@2016-12-11 14:12:47■王浩信與太太陳自瑤昨在活動中即場表演華爾滋。
王浩信與陳自瑤昨日夫妻檔去到將軍澳出席「Hello Kitty x LINE FRIENDS華爾滋匯演」活動。劇集《致命復活》將近結局，有人估big boss是王浩信，王浩信有口難言說：「如果透露劇情就唔好玩，有朋友問我，我話咗畀佢聽，佢嘅反應係，吓！唔係真係佢吖嘛？又有人猜測話係我阿媽心姐（謝雪心）。」陳自瑤說：「我都有睇，都忍唔住問佢。」王浩信表示曾將big boss身份洩露給數名友人，但知道的少於五個。另外，王浩信日前於烏蛟騰拍劇巧遇發哥，他說：「今次終於俾我撞到發哥，佢都有鼓勵我，問我圍頭話難唔難學。」採訪、攝影：張俊銘
來源:
http://hk.apple.nextmedia.com/entertainment/art/20161211/19861680
王浩信靚仔又識影相幫老婆影靚靚三點式
1 :
GS(14)@2017-01-12 08:03:27一個女仔，身邊有一個識影相嘅男朋友，絕對係一種幸福，因為留住自己最靚一刻，好緊要㗎嘛！如果唔係刻意去認識啲攝影師，真係要幾幸運先可以做到，而以下呢幾位女士，就做到喇！陳自瑤老公王浩信，最近就人氣急升，雖然攞唔到視帝，不過就好多網民都覺得佢應該嘅，都叫做「民間視帝」。王浩信除咗好戲，仲係好老公，一年前佢同老婆去旅行，王浩信就幫老婆影咗輯靚相，已為人母嘅陳自瑤係以三點式上陣㗎！何佩瑜（Jeana）自從同翁子光公開戀情之後，成日都晒恩愛，之前佢哋兩個去咗馬爾代夫，翁子光就化身「私家」攝影師，幫Jeana影咗輯寫真，有水着，又有背心短褲造型，睇到心心眼。林峯堂妹林夏薇，同拍拖兩年嘅45歲才俊莫贊生(Jason)結婚後，早前兩公婆出海玩，莫贊生仲幫林夏薇影咗輯泳裝相，fit嘅程度拍得住未結婚嗰時。喺節目做司儀好叻嘅陸浩明（6號），女朋友就係專業模特兒Ayan，之前《蘋果》影到佢同埋個朋友一齊去街，6號仲攝影大師上身，教埋女朋友擺甫士，識影相又識教，仲係難得。
來源:
http://hk.apple.nextmedia.com/entertainment/art/20170111/19893373
暖男王浩信自彈自唱直播爆唐詩詠去結婚
1 :
GS(14)@2017-05-13 05:34:08前晚嗰集《不懂撒嬌的女人》，暖男「Saving」王浩信終於排除阻礙，行出第一步，對住「Cherry」唐詩詠自彈自唱《陪著你走》，結果最後關係大躍進，王浩信願意為詩詠做一個有承擔嘅人，暫時享受愛情，唔講婚事，唔少網民睇完呢戲之後，對呢對螢幕情侶好受落，覺得佢哋好sweet，有啲人讚王浩信唱歌好聽，有人讚呢場戲好感動。講到劇情嘅發展，接受傳媒訪問嘅王浩信：「其實Saving並未完全克服結婚恐懼症，只係想用一啲好浪漫嘅方式，等Cherry可以暫時接受，享受一下拍拖嘅浪漫，所以o依家仲未去到談婚論嫁嘅狀態。今年多咗一個稱號叫暖男，我自己都好開心，我哋呢條感情線可以帶到俾一啲溫暖俾大家，呢樣係演員同編劇都希望可以帶到呢啲感覺俾觀眾！」最後不得不提嗰場半裸跑街戲，王浩信：「其實之前喺《EU》都有試過全裸，不過身體狀態唔同，今次我自己都盡量去收身，希望可以有一個FIT啲狀態見人，希望大家鍾意呢場戲喇！」另外，演年青版Gordon嘅楊潮凱前晚喺fb搞直播，原來佢哋一班《不》嘅演員約埋食飯睇劇，個個食得好開心，睇嚟大家合作得好愉快，成晚嘅話題，除咗係「Gordon」林文龍同「Mall姐」宣萱咀嘴之外，另一個焦點梗係王浩信。不過詩詠就冇咗蹤影喎，王浩信大爆：「Cherry(詩詠)去咗結婚，所以大家平時聽到嘅傳聞可以忽略！」其他人又追問究竟真定假，佢話：「我諗係呱！」
來源:
http://hk.apple.nextmedia.com/entertainment/art/20170513/20019821
陳自瑤讚王浩信浪漫
1 :
GS(14)@2017-05-18 02:14:25陳自瑤昨日在太子出席「親子圍裙模特兒大賽」，她透露前晚食飯慶祝，並收到女兒的畫作做母親節禮物。對於老公王浩信在劇集《不懂撒嬌的女人》，對唐詩詠自彈自唱《陪著你走》，問到他是否浪漫的人？陳自瑤笑說：「未必係呢首歌，以前拍拖都有唱，但唔會刻意，唔會好似電視劇嘅橋段咁，我哋好隨意，最浪漫嗰一次係求婚。」提到王浩信在劇中對唐詩詠這麼好，有否睇到眼火爆？陳自瑤說：「唔會，我同唐詩詠都friend㗎。」談及有傳「洗米華」周焯華頭號愛將盧啟邦力追唐詩詠，她表示沒有問，一切留待他們去交代。採訪：黃曉妍攝影：仇志德
來源:
http://hk.apple.nextmedia.com/entertainment/art/20170515/20021346
法拉視王浩信係兄弟
1 :
GS(14)@2017-07-07 01:33:02陳法拉昨晚在尖沙嘴出席一航空公司新航線啟航酒會，對於請男演員幫手，拍攝自資的短片，法拉說：「主角係擅演爸爸角色嘅前輩，冇搵王浩信，佢係拍檔、好兄弟，我哋冇拍過拖。」有報道指法拉用完贍養費，要返無綫拍劇索價6萬元一集，她笑說：「都係作古仔，做學生冇錢要使，之前都儲咗婆仔錢。」她透露跟拍拖一年的男友感情穩定，結婚計劃則隨緣。至於宋熙年因老公陳智燊拍照時舉起3隻手指，被解讀成「一家三口」，笑言是美麗的誤會，她說：「完全諗錯晒，媽咪仲send埋news畀我，仲提我就算係都唔可以講住。」採訪：羅慧敏攝影：葉君海
來源:
http://hk.apple.nextmedia.com/entertainment/art/20170706/20079957
諸葛紫岐睇中王浩信
1 :
GS(14)@2017-08-06 11:39:05王浩信及諸葛紫岐昨日到灣仔BB展出席奶粉品牌活動，王浩信在台上分享近況時，笑謂要經常看老婆陳自瑤的社交平台：「三秒內要like。」諸葛紫岐表示對大伯薛世恒做藝人不知情，問她會否爭取大伯做旗下藝人時，她反而笑指對王浩信走漏眼：「睇吓有冇機會合作，條件佢自己開，畀張支票佢填，最緊要開心。」問到可以任填空白支票？王浩信說：「盲俠大律師咩？點會呀？畀我都唔敢亂填啦。」對於《踩過界》第二季網上已經有得睇，他直言會影響香港結局篇收視：「好無奈，但可以令多啲內地觀眾認識，港劇嚟講點擊率都算唔錯。」採訪、攝影：盧妹
來源:
http://hk.apple.nextmedia.com/entertainment/art/20170805/20111819
Next Page