📖 ZKIZ Archives

皓文控股(8019，前中遠威生物製藥)新聞專區

1 : GS(14)@2010-07-12 22:05:28

(留空)

---

有話兒：姜皓文私家消防撲怒火

1 : GS(14)@2011-11-14 22:59:25



亞視雖然積弱，長期慣性低收視，但公仔箱中其實卧虎藏龍，《香港亂噏》扮嘢能手姜皓文，演技爐火純青，近年不少電影導演都喜歡選用這位綠葉王。黑仔近日在電影《奪命金》中角色搶鏡，他日前接受本報記者專訪，自爆跟老婆金慧英的閉門嘈交實錄。

「冇佢我會失方向」

黑仔 94年在亞視邂逅落選亞姐金慧英譜出「黑金戀」， 99年有指黑仔偷食陳梅馨斷正，黑金因而大打出手，不久二人和好並結婚收場，婚姻至今維持了 12年。黑仔坦言感激老婆多年的包容，他說：「如果我冇咗佢，我會失晒方向，喺亞視冇乜好，最好就係畀咗個老婆我。」
夫妻共對 12年，相等於 4,000多天，二人無論多遷就忍讓，彼此總不會沒拗撬，黑仔直認與太太金慧英經常爭拗，但就算拗到火紅火綠，大家都共識從不提離婚，黑仔說：「大家可以講幾爛嘅粗口，但心照唔准講離婚兩個字，有啲嘢講咗真係收唔番。」
很多人年紀越大越收火，但黑仔不諱言自己剛相反，他說：「我自覺呢幾年脾氣越嚟越暴躁，郁啲少少嘢就好，好彩老婆忍得我，其實老婆未識我之前，佢性格都火爆，拍拖結婚後，佢竟然俾我馴服咗，有時又俾我撩番㷫，佢成日都話我使唔使咁歇斯底里。」火爆夫妻自有一套相處之道，金慧英擅於撲火，黑仔說：「可能最錫嘅人，我就最蝦佢，每次嘈交，老婆會好快彈開，大家冷靜吓，自然好快熄火，嗌交最忌唔好聽嘅說話衝口而出，想收都收唔番。」

---

抬頭吧! 黑暗過會是晨曦! 姜皓文

1 : GS(14)@2016-03-16 16:10:44

2016-03-09 EW
姜皓文

永恆的亞視熄機，某程度上，也象徵着香港一個時代的終結。出身於亞視的黑仔姜皓文說，對於這個電視台落得如此狼狽下場，早已沒有感到難過了。「我八六年入去亞視，由邱德根做到林伯欣，一路都好好，啲電視節目百花齊放，直至我九九年離開之後，佢哋跟住行嗰套，再唔係我哋嗰啲嘢，我哋以前嗰個亞視已經冇咗好耐！「我只係可惜一個五十幾年嘅電視台，會咁樣『噗』一聲就話冇咗！我仲有好多朋友喺裏面做，我好戥嗰班員工慘，佢哋好多都好有心，堅持要企到最後一刻……」說着說着，只見他眉頭緊皺，一臉擔憂。是真的，很多八、九十年代曾在亞視打滾的台前幕後都說過，那是亞視最光輝燦爛的歲月，即使資源比無綫少，但同事間的齊心熱誠和人情味卻比對方強大得多，關係媲美家人。「嗰班員工，好多都掂到不得了！」黑仔忽然眼神堅定地看着我說。「所以我好相信，佢哋就算離開亞視，都唔使驚冇嘢做，佢哋一定會有佢哋嘅新方向！」以上的說話，絕對不是寄語祝福，而是他對舊戰友們未來的肯定——我信，我真係信！因為我眼前就已經有個人辦。

兒童院

本身有過些經歷的演員，戲味總是特別濃。黑仔姜皓文其實也曾捱過苦，尤其是他的童年和成長，更可以坎坷來形容。他的父親在他出世時已經離開了，母親後來改嫁，誕下了幾弟妹。「嗰陣屋企窮，生活好艱苦，因為成日搬屋，所以我讀過好多間小學，由北角一路讀、讀、讀，讀到去觀塘雞寮（即現時翠屏邨），跟住我中學就派咗去地利亞。最記得我十一、二歲嗰陣，仲要幫手湊住啲細佬妹，孭住一個，又要幫另一個換片。」說時語氣輕鬆，彷彿那是別人的故事。到他十三、四歲時，母親也過身了，養父為了生計，照顧不了他們幾兄弟姊妹，惟有交由社會福利署安排。「我哋幾個安排咗入唔同嘅兒童院住，各散東西，我就入咗去喺觀塘道嗰間荷蘭宿舍，即係香港學生輔助會開嗰間。嗰陣我就日頭去地利亞返學，夜晚就返去瞓。」為了糊口，其實早在讀初中時，他已開始打工。「我做過工廠、做過三行、做過假天花嘅裝修，又做過跟車，做過廚房同傳菜，又喺中國大酒樓賣過點心……好多好多，都算係一啲經歷啩。」數完手指，他聳聳肩笑着說。

玩雜技

其中一份最令他難忘的工作，是玩雜技。「嗰陣我跟咗個同學嘅阿哥玩雜耍表演，幾個人叫『江湖小子』，成日周圍去啲夜總會做騷，又成日入去TVB教嘢，即係嗰啲肥姐踩雞蛋、（楊）盼盼喉嚨碎筷子、吳剛食炭呀，都係我師傅教佢哋，我哋再入去跟，話畀佢哋知啲技巧，幾得意㗎！」後來，因為有朋友在臨時演員的agency工作，黑仔又去當了臨時演員。「我最初冇戲拍，只係成日畀我朋友搵去差館做『戲子』（被證人認的假嫌疑犯），後來先開始入電視台做臨記，最記得嗰陣有對白就多八蚊，OT呢，每個鐘又多八蚊。」八六年，亞視舉辦第一屆「電視先生選舉」，他和做臨記時認識的李子奇便齊齊報名去。「其實我哋只係貪得意攞張form嚟玩㗎咋，要交相呀？咁我咪同李子奇攞部傻瓜機落去公園度，你影我、我影你咁囉。李子奇嗰陣已經四十幾歲，係嗰屆電視先生年紀最大嗰個，哈哈！」而他，那時才踏入二十歲，結果贏了「電視先生」亞軍和「才華先生」獎（冠軍為孫興），順利成章簽約亞視入行。

綠葉王

效力了亞視十三年後，黑仔成為了早期北上拍劇的藝人。「嗰陣嘅橫店，只係得條街仔，乜都冇，啲舖頭唔係賣VCD，就係髮型屋，邊有??家咁多茶餐廳呀，??家嗰度已經係『東方荷李活』，起咗好多酒店，同一時期有成七十幾套電影喺嗰度拍緊，大陸、香港同國際都有喎！」一雙本來已經大的眼睛，這時睜得更大。拍大陸劇外，他又開始進軍大銀幕。「初初出嚟拍電影，亂咁撞，有通告就接，一來為咗搵食，二來我仲未睇到自己條路，唔想錯失任何一個機會。」參與了近七十齣電影，雖然暫時還未有一部正式擔正主角，但跟他拍檔的，不是古天樂、劉青雲、張家輝，就是劉德華。「好多人都話，好鍾意睇我做啲男主角身邊嘅兄弟，覺得好有化學作用。」單是一四年至今，他便襟撈到拍了逾二十部戲，大家都稱他為「綠葉王」。 「我自己唔介意呢個朵，都係人哋對我嘅一個認識啫。至於未擔正（拍電影）呢，我又冇乜所謂喎，因為每套戲裏面每條線，都總有佢嘅作用。我??家拍戲都唔係揀乜嘢角色，而係睇個角色有冇新嘅元素，可以令我做得過癮、做得興奮啲。」

Uncle Chocolate

古天樂和劉青雲都是黑仔的偶像，「可能因為佢哋都係黑黑實實，好有親切感啩！哈哈哈！」黑仔、黑仔，這個花名，他是由細被叫到大的。「我細個嗰陣，啲人叫我『鬈毛』，因為我細個啲頭髮一長，就會鬈到一粒粒好似非洲人咁！哈哈哈！」即是陳國邦個女陳禛？「仲勁過陳禛呀！我嗰啲直情連分條界都搵唔到呀！「到我大啲，啲人就叫我『黑仔』同『黑人』，有啲小朋友就叫我做『Uncle Chocolate』囉，哈哈哈！」那麼，如果不想別人再叫他做「黑仔」，他又會想有甚麼新稱號呢？掃描QR code上《東周網》，等佢自己解答啦。

負責任

拍戲工作令他愈做愈過癮之餘，他和前亞姐金慧英的一段十六年婚姻亦愈見幸福。「今年第十七年嘞！其實我屋企除咗有一個老婆，我哋仲係五個小孩的家長。」但資料所寫，不是膝下猶虛嗎？「即係四隻狗、一隻貓呀。我哋以前開過寵物店，好多人買完養唔掂就掟返番嚟，好乞人憎！搞吓搞吓，我最高峰時養過十八隻狗！後來老嘅就老，走嘅就走，??家只係得番呢五個小孩。」沒想過生個小朋友嗎？「順其自然啦！唔一定要有嘅，而且我細佬妹都有小朋友，佢哋對我好好㗎，呢個又話『我第日要養姑丈！』嗰個又話『我第日要養姨丈！』咁夠晒啦！」黑仔即時一臉冧笑。今年十月踏入五字頭，他年多前亦開始為自己的身體負了個責任。「我最肥嗰陣，一百八十五磅，成個人好腫、好肥。一四年拍完《五個小孩的校長》之後，我的起心肝搵教練做運動。我好記得九月一號第一日做，嗰晚我屋企請客食飯，佢哋食盤菜，我就食白烚豬扒，哈哈哈！就係咁，我連續個幾月都只係食白烚，日日去做gym，返到屋企都要着件侷汗衫出去跑兩粒鐘，如果嗰日唔使開工，我會喺屋企上三、四次磅，連我老婆都話我病態呀！哈哈哈！」結果，他才花了近兩個月時間，便已經減了三十磅！「邊個話『綠葉王』唔使fit㗎？哈哈哈！」叻喇！

撰文☆周彩霞 攝影☆梁比利 化妝☆Isaac [email protected]. timeless 髮型☆Alex Chan@ Projectz 4/j.a.c.k. timeless

場地提供☆RedMR紅人派對 設計☆美術組

---

網民批志偉台上寸爆姜皓文：佢鼓勵我，鼓勵得好好

1 : GS(14)@2017-04-12 22:42:36

喺前晚嘅金像獎，曾志偉就喺擊敗咗秦沛、吳孟達、姜皓文同廖啟志，成為咗最佳男配角，不過好多網民就話其實姜皓文喺《樹大招風》嘅表現好好，佢先應該攞男配咁話。而當晚曾志偉喺台上講感言嘅時候，先話秦沛、吳孟達同廖啟志係好強嘅對手，網民就話佢點解唔提姜皓文，之後就同黑仔講咗番說話：「黑仔，比心機，我1部撼你26部，跟住就係你喇，知唔知啊？」有網民就指曾志偉係寸緊黑仔咁多套都攞唔到，同樣都有網民就話呢個係志偉鼓勵緊黑仔。而《蘋果》就問過黑仔點睇志偉嘅呢番說話，佢就話：「冇咩喎，佢鼓勵我，我同志偉好熟好熟好熟，佢當我後輩，語氣嘅嘢係咁，冇事冇事冇事發生，佢鼓勵我，鼓勵得好好，佢攞獎我好開心，第一我貼中咗，哈哈，同埋佢應得嘅，賽果非常靚仔，我...下次啦，我梗有機會撼番佢嘅，佢實至名歸，多謝晒。」黑仔同志偉咁好朋友，睇嚟都只係講下笑嘅。而志偉就未有回覆。




來源: http://hk.apple.nextmedia.com/entertainment/art/20170411/19987051

---

姜皓文欠老婆一世

1 : GS(14)@2017-07-01 10:29:30

姜皓文（黑仔）向來是電影圈產量王，早前他接受雜誌訪問，笑指幸好自己不是主角，才有較多發展機會，他說：「其實我唔識推戲，只要有啲啲鍾意個劇本就拍，唔理製作大小同戲份多少，因為三十萬製作未必輸畀三千萬大戲。」提到太太殷寧（原名金慧英），黑仔感恩說：「感謝太太一直喺我身邊，全世界最包容我嘅係佢，我落泊時佢同我講唔係靠我開飯，叫我做自己喜歡嘅嘢！」他續謂：「會幫太太打一世工，欠佢太多，佢對我包容，足以令我愛佢一世。」撰文：李察




來源: http://hk.apple.nextmedia.com/entertainment/art/20170628/20070649

---

【馮仁昭四圍超】姜皓文厚褸扮神探

1 : GS(14)@2017-07-05 03:42:42

姜皓文（黑仔）最近接拍金融集團廣告，造型係英國紳士打扮嘅財務神探，要圍頸巾、着大褸、戴絨帽同皮手套，兼要喺烈日當空下拍追賊戲，跑半個鐘已經滿頭大汗，黑仔笑話：「總係夏天拍冬天戲，我都慣咗大熱天時着好厚嘅戲服。」廣告同財務有關，入行超過30年嘅黑仔，初入行時都試過借貸度日：「借錢唔係乜羞恥嘅事，最緊要還得到先好借。」撰文：馮仁昭




來源: http://hk.apple.nextmedia.com/entertainment/art/20170704/20077719

---

各有主場 齊齊升呢 姜皓文 唐詩詠 2018-02-09

1 : GS(14)@2018-02-12 05:52:55

https://www.am730.com.hk/news/%E ... %a9%e8%a9%a0-115203
姜皓文(黑仔)和唐詩詠，看似風馬牛不相及，在賀歲喜劇《我的情敵女婿》初結片緣，迅即擦出愛火花，一對嶄新組合喜相逢，兩人雖各有主場，近年亦齊齊升呢，黑仔憑電影《拆彈專家》及《大樂師．為愛配樂》獲金像獎最佳男配角提名，今年接連擔正演男主角；詩詠則憑劇集《不懂撒嬌的女人》成為出爐視后，難得「愛妻號」遇上「絕世好女友」，兩人分享藝人談情說愛的壓力與心得，亦不忘交流演戲經驗。

文：許惠敏 圖：莊振邦、陳奕釗
髮型：Jove Sher Hair(姜皓文)、Eve(唐詩詠)
化妝：Herrylaiming Make-up(姜皓文)、Jessica Chan(唐詩詠)
服裝：JNBY(姜皓文)、MO&Co. edition10(唐詩詠)

news-images

一日情緣 嫌太短
黑仔配詩詠這對情侶檔組合，緣起於愛玩即興的導演葉念琛，詩詠說：「他邊拍《情敵》邊想劇情，某天問我『給你一個男人，好嗎？』我當然答好，然後就沒下文，直至拍攝當日，才知黑仔哥是我的男友。」她形容角色受盡老闆任達華的氣，心理不平衡，需要愛情滋潤；黑仔則演病態賭徒，千方百計追求心儀女神劉嘉玲，他打趣說：「導演見我玩得開心，再加一條感情線給我。」黑仔對「新女友」印象來自《撒嬌》，「她與那個男主角(王浩信)合唱的歌，現在仍常在腦海，很窩心。」首次合作，兩人起初是戰戰兢兢，自認慢熱的詩詠憶述，「因為導演讓我們自由發揮，所以很緊張，惟有主動問『你覺得我們可以點演呢？』」她大讚黑仔專業，讓她安心放膽去演，「我覺得喜劇很難，在我眼中他是很紮實的演員，沒想過他很搞笑，從中可學習如何演喜劇。」在亞視年代的《香港亂噏》已扮鬼扮馬的黑仔幽默回應：「視乎對手啦，大家都忘了我是演喜劇出身，幾乎自己也忘了！」詩詠續說：「我覺得大家很有火花，可惜只有一日戲太少。」黑仔補充：「我們由認識、邂逅生情愫到分手，都在同一天，很快速。」兩人一拍即合，異口同聲表示，期盼再有合作機會。

100分女友：渴望愛得簡單
在戲裡，黑仔與詩詠大玩忘年戀，以愛火燃點笑彈。現實中，年齡差距可會是詩詠的擇偶考慮？「我覺得在愛情世界裡，年齡只是數字，最重要是看你找不找到那感覺。」由2000年拍港台劇集《青春@Y2K》開始，詩詠的戀情都備受關注，對前度男友崔建邦百般維護與氣量，為她帶來「最佳女朋友」的美譽，也讓她無法低調處理感情事，她語帶無奈地說：「其實，我也經歷過一點轉變，以前是不提，但大家都既已知道，我便試著講少少，原來『少少』是很難控制，未來不知會遇到甚麼人，我會選擇盡量低調，當然也要尊重對方的想法，一段戀情需要好好保護。」去年與洪永城分手，輿論壓力是原因之一，始終拍拖是兩個人的事，事事要向外界交代，戀事便會變得複雜，詩詠欲言又止，「情侶總有正常的戀愛事情會發生，就是嗌交，例如我與男友正在嗌交，心情已經麻麻地，但又要面對群眾，像做戲般回應……對我來說太複雜了，始終要調節心情。」

演戲情緒起伏 苦了嬌妻
這邊廂，詩詠情路崎嶇，那邊廂，結婚18年的黑仔，夫妻恩愛如昔，在這世代實屬難得，詩詠反問：「很正常，點解是難得？」黑仔記起1999年結婚時，曾經被投以不信任票，他自嘲說：「以一般夫妻來講，很正常，即是說黑仔都可以結婚十幾年？當年真有記者說『結婚？留定版位給你，睇你好得幾耐？』」結婚逾18年，黑仔與太太的關係確曾現危機，他承認年輕時較任性，不太踏實，歷過風浪，現今已是公認的「愛妻號」，「我經常開工，甚少留在家，所以一有時間就會陪家人，太太就更需要陪伴保護。」黑仔直言，演員時常要跟情緒玩遊戲，往往難為了枕邊人，「我拍《情敵》期間，同時要拍一齣慘情戲(《電影痴漢》)，今日喊苦喊忽，明日卻嘻嘻哈哈，最難是修復情緒！」那段日子，他形容活像瘋漢，「帶著情緒回家，沒有人夠膽跟我說話，呆望著電視機，然後用個多小時沖涼，大家等我主動開聲說話，才知我已經ready，所以太太很辛苦，像照顧一個癲人。」故此，無論拍戲有多忙碌，每年10月他必會預留日子與太太共同度過，「10月24、25、26日，是我跟她的生日和結婚周年紀念，所以每逢10月都會去旅行，去年便跟一大班朋友去大馬玩。」近年片約不斷的黑仔，更趁該次旅遊度假，在檳城買下豪宅給太太，以實際行動答謝太太多年來不離不棄的支持。


news-images

初演男主角 有壓力
入行逾30年的黑仔，去年首次入圍金像獎，雖與最佳男配角獎擦身而過，但演技備受肯定，今年獲兩個席位的男配角提名，並已晉身男主角行列，他坦言，「驚㗎！雖然每次都會緊張角色演得怎樣，但掛自己牌頭，壓力自然會重了。」拍完首次擔正的《電影痴漢》後，他更會在《翠絲》挑戰演跨性別人士角色，「《翠絲》的故事傾了兩年，期間想過推掉角色，擔心自己無法兼顧，因為劇本很沉重，後來跟一班跨性別人士接觸，讓我更了解整個歷程，是他/她們給我信心去演，看他們像是很開心，終於做到自己，其實背後頗陰功，是大家不知道的坎坷。」為了演繹由男變女的過程，向來Man爆的黑仔要把體毛全剃，至今仍受角色影響，詩詠望著他的優雅坐姿，「坐得比我更lady，應該仍未完全抽離吧。」黑仔直言，「愛上皮膚滑溜的感覺，發現有毛再生出來，便會把它們剃光。」接連演繹沉重角色，黑仔想演純愛故事，「像《101次求婚》的愛情，關於兩個不同世界的人。」



闖影圈 開闊戲路
訪問之時，詩詠仍未正式登上視后寶座，對於能否憑《撒嬌》中的凌禹勤(Cherry) 一角，深入民心，當時備受網民熱捧。不過，談到最深刻的演出，則是播出時劣評如潮的《神探高倫布》，在5年前拍攝期間，曾試過難以抽離角色的經驗，「我演的梅妹是個病態女士，當時自覺有兩個我，一個癲癲地，另一個是原本的自己，令身邊朋友感覺不舒服，我索性避見所有人。」當時劇集收視和口碑俱差，唯獨一人分飾兩角的詩詠，表現廣受讚賞。故此，即使拍畢劇集後，她要讀心經來平伏心情，仍毋懼再挑戰沉重角色，她笑言，「不擔心無法抽離，因為要照顧家裡的貓，處理大小二便，始終會返回現實。」近年，詩詠從視圈跳進大銀幕，盼能透過與不同導演和演員合作，演多元化角色，突破在觀眾心目中的固有形象，「今次演一個在電視沒見過的硬朗角色，是在喜劇裡不太喜劇的人物，發現自己也可演喜劇。」



黑仔拍劇試水溫
至於主力拍電影的黑仔，則走回劇集世界，他在現正播放的《無間道》中，以一對smokey eye配黑指甲的造型演黑幫大佬「太子」，並將於下月接拍無綫的警匪劇集，他指出電視與電影的觀眾層面不同，形容今次是試水溫，希望有多個表演平台，「有時我揸車入油，油站阿姐會問好久不見，是否仍有拍戲？因為她不看電影。」不過，若要二選一，他始終鍾情電影，「電視著重對白，拉長來拍，能過足戲癮，電影則要一擊即中，要很清楚演甚麼，拍攝的認真度較高。」詩詠點頭和應，「電影對演員是挑戰，不同導演各有要求，要提升演員。」不過，她直言很享受在街上，觀眾直呼其劇集角色名，「講講劇情，感覺很溫暖。」現階段的她則希望影視雙行。

---

姜皓文 唐詩詠 挖盡搞笑潛能

1 : GS(14)@2018-02-25 17:46:04

https://skypost.ulifestyle.com.h ... 1%E6%BD%9B%E8%83%BD

農曆新年，拜完年睇部開開心心賀歲片當然唔少得。今年華語賀歲片戰情激烈，素有「MK活地阿倫」之稱的葉念琛導演，這次不再玩失戀報復，新作《我的情敵女婿》群星拱照，但求皆大歡喜，當中客串的姜皓文和唐詩詠更破天荒飾演「一日情人」，爆發喜感。

姜皓文給人的印象總是陽剛沉鬱，這次在《我的情敵女婿》中，他使出久違的搞笑功力，與劉嘉玲和唐詩詠兩大女神擦出火花。「有日收到葉念琛打電話來，説有部戲想找我做嘉玲姐的男朋友，我當然開心，始終是做嘉玲姐的男友。我的角色叫黑仔強，與華哥由細識到大，每次都被他head住，所以次次都深深不忿，關係就像從前《玻璃樽》的成龍和周華健。」

瘋狂度加碼

黑仔強其實是一位病態賭徒，因此認識了劉嘉玲飾演的心理醫生。「她想出一個方法醫我，就是和我對賭，如果她贏，我就要戒賭，於是我搵賭王代表我出戰，鬧出連番笑話。」

從未與劉嘉玲、唐詩詠合作過的姜皓文，覺得這部喜劇的瘋狂程度前所未有，對他來說是好玩的大挑戰。「我的演出比以前在亞視的《歷史也瘋狂》、《開心主流派》更癲，內裏很多東西被發掘出來。嘉玲姐平時很高貴，看到我這樣做，也一樣接到。」姜皓文覺得身旁的唐詩詠很神秘，他形容是很「傳奇」。「她很勤力，我覺得她有很多故事，這種類型的女孩很硬淨。」

唐詩詠笑言從未聽過人家說她傳奇。相反，她覺得黑哥（姜皓文）很神秘，除了在作品中認識他，不知道他的日常生活是怎樣，只覺得他是一個全情投入的演員。「認識他以後，發覺黑哥人很nice，我會放膽和他討論如何演，想不到他原來很搞笑。不過，我沒有看他的電影，因為他的電影太dark了，而且太陽剛，和他拍戲時卻感覺很溫暖，我相信黑哥有很多東西是收埋的。」

跳出公仔箱

唐詩詠在電視劇中給人的印象總是柔弱，這次她可說是來個重大顛覆。「我的角色是傻傻的，跟平時電視的很不同，我要刻意罵人，直至遇到黑哥，就成為小女人。其實我不太懂得演喜劇，雖則我和黑哥那段是談情，但也會去想如何談情談得搞笑、好玩。拍電影要一擊即中，和電視劇可以慢慢鋪不同。賀歲片開開心心，拍起來也覺得好玩。」

一日情人

姜皓文、唐詩詠用「水乳交融」來形容二人首度合作，姜皓文自爆本來戲份不多，但導演見他發揮不錯，於是加戲。「葉念琛最後索性加多一條感情綫給我。我和唐詩詠的故事，由結識到邂逅到互生情愫，到水乳交融到我被她狠飛，過程都只是一日。」

姜皓文

服裝︰JNBY

髮型︰Jove Shek Hair

化粧︰Herrylaiming Make-up

場地：英皇駿景酒店

撰文︰宣柏健

攝影︰林良明

編輯︰陳禮恒

美術︰梁政敏

---