ZKIZ Archives


被數135元票價唔值G.E.M.紀錄片三宗罪

1 : GS(14)@2017-01-07 00:29:01

■G.E.M.昨日回應三宗罪,指票價由電影發行公司制訂。微博圖片



鄧紫棋(G.E.M.)又有是非纏身!她的音樂紀錄片《一路逆風》將於本月20至22日在The Sky(奧海城)及嘉禾荃新天地上映,內容是紀錄她在追求音樂和愛情路上,怎樣逆風而行,走過人生低谷。然而大批網友狠批三宗罪:票價135元好貴、語言為普通話、臨近新年片名唔老利:「仲要普通話,返去大陸播啦!」、「佢都叫逆風?咁深水埗天水圍嗰啲係乜呀?人貴自知呀!」不過,亦有粉絲力撐:「睇完後可以感受到人生奮鬥嘅力量,值。」對於被網民圍剿,昨日G.E.M.回覆:「《一路逆風》係關於我十年追夢旅程嘅勵志電影,記錄咗好多過程中嘅困難同挑戰,只係自己逆風前行嘅經歷啫,希望其他人睇完會被鼓勵,會一路順風順水。」



■紀錄片中,G.E.M.(右二)安排家人出鏡凸顯晒溫情。微博圖片

■《一路逆風》有不少G.E.M.開演唱會片段。微博圖片


有兩文三語

G.E.M.續說:「電影中其實廣東話、普通話同英文三種語言都有,因為唔同事件發生喺唔同地方,為配合受訪者嘅語言,就兩文三語都有;而票價係電影發行公司制訂,以我所知,係根據以往紀錄片電影或者演唱會電影嚟定價。」前日G.E.M.現身北京出席首映禮,雖然自嘲演技太爛,但希望票房能過億,並在片中重提《我是歌手》雙年巔峰會的換人風波。片中亦回顧跟舊愛林宥嘉的一段情,問到重提舊事不擔心惹爭議?G.E.M.坦言:「即使是太陽同時間都只有地球的一半可以看到,我為甚麼要祈求大家都能看到真相呢。」



■前日G.E.M.現身北京首映禮,表示希望票房過億。微博圖片

■李蘊(右)指好友G.E.M.堅強,堅持自己要做的事。微博圖片


李蘊籲包容

對於好姊妹被批三宗罪,李蘊在電話力撐:「佢嘅觀眾群係fans,覺得呢個價錢係值得。」至於片裏講普通話,有份拍攝的李蘊坦言:「呢套我諗市場喺內地,大家包容吓啦,唔好乜都鬧!女仔始終有軟弱一面,佢最唔開心梗係分手啦。」採訪:皓騫




來源: http://hk.apple.nextmedia.com/entertainment/art/20170106/19887611
被數 135 票價 唔值 G.E.M. 紀錄 片三 三宗 宗罪
PermaLink: https://articles.zkiz.com/?id=321632


ZKIZ Archives @ 2019