ZKIZ Archives


曾鈺成︰2月未准辭職  財爺難入閘

1 : GS(14)@2016-12-17 23:49:32

【本報訊】財政司司長曾俊華辭官已4日,仍未有中央批准。前立法會主席曾鈺成承認不知中央有何考慮,至於會否對曾俊華參選特首有影響,要視乎中央遲至何時才批准。曾鈺成又稱,現時仍以能否有真正特首競選,作為是否參選的重要考慮因素,但同時表明不論參選與否,「我都可能會寫政綱」。曾鈺成昨出席教育界議員葉建源的新書發佈會後稱,他不掌握中央批准主要官員辭職程序,故難以評估中央為何未批准曾俊華請辭。他更引述特首參選人葉劉淑儀的說法,指上次特首選舉,唐英年辭官只需兩天就獲批,但她辭去保安局局長時要兩個月才獲批。至於中央遲遲未批准曾俊華辭職,會否影響曾的選情,曾鈺成覺得要視乎「遲成點」,若然遲到明年2月底特首選舉提名期結束都未批准,曾俊華又覺得未獲批就不能開展選舉工程,甚至不能宣佈參選,就變相封殺他參選的可能。


參選與否都可能寫政綱


對於曾鈺成何時決定是否參選,曾鈺成表示「冇新嘅考慮」,「都係嗰句說話,我係希望見到有真正嘅競選(爭)」,若果有需要、有可能讓他成為候選人,他會認真考慮。不過曾鈺成表明,不論他是否參選特首,他也有可能會寫參選政綱,「就算唔係我自己(選特首),我可能希望幫人寫㗎嘛!」,故現時不能隨便表態支持或反對其他人的政綱,不過目前曾俊華和林鄭未有找曾鈺成撰寫政綱。曾鈺成又拒絕直接評論葉劉和另一特首參選人胡國興的競選政綱,以及為何未有出席葉劉宣佈參選活動,指可能有些與他「好好朋友嘅人」出來參選,「譬如兩個司長如果真係出嚟選嘅話,我都未有一個確定嘅理由話要支持邊個、唔支持邊個」。■記者呂浩然




來源: http://hk.apple.nextmedia.com/news/art/20161217/19868338
曾鈺成 月未 未準 辭職 財爺 爺難 難入 入閘
PermaLink: https://articles.zkiz.com/?id=319277

星爺難相處?朱茵:有才華嘅人比較怪癖

1 : GS(14)@2017-08-17 08:11:54

貌似王祖藍嘅內地主持金星,一講起佢就會諗起「變性」、「毒舌」,近年佢個東方衛視節目《金星秀》,因為問題夠尖銳,又敢言而大受歡迎,索媽「紫霞仙子」朱茵日前錄新一集,未播出街,已經有兩條宣傳片流出。朱茵現時同老公黃貫中擁有幸福家庭,面對主持金星「拷問」當年同周星馳拍拖嘅往事,朱茵冇刻意避談舊愛,仲爆星爺有才華,但有怪癖,唔係一個易相處嘅人,更有現場知情者講朱茵講咗好多戀情細節,仲惹得金星即場爆粗。不過暫時就冇得睇完整版,見宣傳片中,主持金星「單刀直入」問朱茵係唔係真係同周星馳拍過拖?朱茵回答:「我們拍戲的時候,是一對好的對手。」朱茵仲話星爺係有才華嘅人,不過有才華嘅人都有怪癖,唔係太易相處,要跟星爺聊天,就要知道呢個人喺呢刻嘅狀態ok先得。問到星爺心目中最完美嘅女神係唔係佢?朱茵即問非所答:「我不覺得會是我,他頭髮白,是因為他可能不想再去染頭髮,麻煩吧!」咁佢結婚嗰陣,星爺有冇送祝福?朱茵諗咗一陣,笑容有啲尷尬:「我也沒有告訴圈內很多人,沒有!沒有!」金星又指任何一個電影男導演都有一個靈感女神,金星覺得朱茵就係星爺嘅靈感女神,見朱茵一臉愕然,金星續言:「這個你一定要接受的,我們看這麼半天,就他在跟你拍戲的時候,周星馳是發光的,你也是發光的,他下邊的作品,也可以拍,但他的靈感女神沒了。」朱茵同星爺喺大家心目中可能係「最佳螢幕情侶」,不過佢哋合作過嘅作品,其實係得《逃學威龍》同《西遊記大結局之仙履奇緣》,朱茵喺1992年同星爺拍拖,發展咗3年地下情,最後因為有傳男方偷食,朱茵決定分手,兩人再見不再是朋友,令到朱茵自信心徹底崩潰,用咗約3年時間先慢慢康復,直到黃貫中嘅出現,朱茵先覺得搵到生命中嘅最愛。




來源: http://hk.apple.nextmedia.com/entertainment/art/20170817/20123591
星爺 爺難 相處 朱茵 才華 嘅人 比較 怪癖
PermaLink: https://articles.zkiz.com/?id=340051

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019